Pages

Wednesday, July 30, 2014

အညာသူ

မိုးကသည်းသည်းမည်းမည်း ရွာနိုင်လွန်းသည်။
မိုးရေဒူးလောက်ရှိသည်မို့ ခရီးဆက်ရန်ပင် ခက်ပြီ။
ဗန်ဒါပင်ရိပ်တွင် ကွမ်းယာဆိုင်ရှိသည်။
ဆိုင်ရှေ့တွင် အရိပ်ထိုးထားသောကြောင့် ခဏ မိုးခိုလို့ဖြစ်နိုင်သည်။
သူများဈေးဆိုင်ရှေ့ အခြောင် မိုးခိုလို့လဲမဖြစ်နိုင်။

“စပ်ကြား နှစ်ရာဖိုး..”
ကွမ်းယာရောင်သည့် ကောင်မလေးက မော့ကြည့်သည်။

ဦးဇင်းက အညာတားလား..၊
အင်း..၊ မန်းလေးကပါ..၊
တပည့်တော် တိတယ်။
ဦးဇင်းဘုဉ်းပေးတဲ့ ကွမ်းယာက အညာဦးဇင်းတွေဘုဉ်းပေးကြတာမို့ တိတာ။

အင် ..၊ နင်က ငါ့ကို အညာသားလားမေးတယ်။
နင်ကတော့ သနဲ့ တ မကွဲပဲနဲ့များ..၊
နင်လဲအညာသူမို့လား။
တင်ပ၊ တပည့်တော်မက မုံရွာတူပါဘုရား..။
ရန်ကုန်ရောက်နေတာကြာပြီဘုရား...
အော်..၊ အေး အေး..၊

မိုးက ပိုပြီးသည်းလာသည်။
ရှေ့ဆက်ရမည့် ခရီးက နည်းနည်းဝေးနေသေးသည်။
ထီးမပါလျင် မဖြစ်နိုင်။

အညာသူရေ..၊
ဘုရားး..၊
ငါ့ကို ထီးခဏငှားလိုက်ဦးနော်..၊
ခဏနေရင် ငါပြန်လာပေးမယ်။
တင်ပ..၊ ရပါတယ်ဘုရားးး..၊

ဆိုင်နောက်နားတွင် ထောင်ထားသော ထီးကိုတရိုတသေထုတ်ပေးသည်။
“ရွာလိုက်စမ်းဟဲ့ မိုး..”
စိန်ခေါ်ရဲပြီ။
အညာသူကိုကျေးဇူးတင်မိသည်။
............................

မှတ်ချက်။ စပ် ကြား- ရိုးရိုးဆေးနည်းနည်းနှင့် နှပ်ဆေးနည်းနည်းရောစပ်ထားသော ကွမ်းကို
စပ်ကြား ဟုခေါ်သည်။ ထိုစပ်ကြားကွမ်းယာကို အညာတား..အဲလေ..အညာသားများ ၀ါးလေ့ရှိသည်။

 ...............................
 ခံစားချက်များ...............
  • Koashin Koashin ပူဝ ဂါမ မုံရွာတူပါ ဘုရား
  • Chatkyee Mkt ဒီလိုလည်းဖြစ်တယ်နော်။
  • Shwe Min Wom နှင်းဆီကျောင်းတိုက်ကိုသွားတာလား ကိုညေ...
  • Ashin Neyadhamma ကျုပ်တူငယ်ချင်းက အညာတားပဲ ဘွဲ့က တာတနတဲ့..။ တတိရပါတယ်.။။...
  • Ashin Neyadhamma ကိုမင်းဝန်ရေ အဲဒီတုန်းက ကျောင်းတိုက်နာမည်က နှင်းဆီပါတဲ့ ကျောင်းတိုက်ပဲလို့ စိတ်ထဲမှာမှတ်ထားတာဆိုတော့လေနော်..။. အခုတော့ တတိရပါပြီ.။..ဇမ္ဗူအေး ကျောင်းတိုက်ပါ.။. အဝေးပြေးလမ်း ခြောက်ကွေ့မှာ ဆင်းရပါတယ်။ ...
  • Uzin Khe စပ်ကြားဆို တစ်သက် မဝါးတော့ဘူး ကိုညေ
  • Ashin Neyadhamma ဘုန်းဘုန်းခေ အခုမှ စပ်ကြားတွေ၊ နှပ်ပါးတွေ လာပြောမနေနဲ့ ဘုန်းဘုန်းခေလဲ အညာတားပဲ.။.....
  • Mgmg Aung လယ်တီစာအုပ်တွေပြန်စစ်မှတော်မယ်
    စပ်ကြားနဲ့တွေ့ရင်ပြန်ပြင်ခိုင်းနေလိမ့်မယ် လက်ဘက်ရည်တစ်ဝှက်သောက် ပြီးပြန်ပြင်အုံးအချိုနည်းနည်း ကျောက်ပတောင်းမှကြိုက်တာဆိုပဲ
  • A Shin Candatapa တော်တေးတာပေါ့ အညာတူက ထီးငှါးလိုက်တော့ မိုးစိုတက်တာတွားလို့...
  • Lay Lay အခုစပ်ကြားစားချင်ရင်ပို့ပေးမယ်လေ
  • Vennimala Ybu ဦးဇင်းကအညာသားမဟုတ်ပါဘူး အထက်သားပါ
  • Ashin Neyadhamma အထက်ပိုင်းကို အညှာ( အညာ) တဲ့၊ အောက်ပိုင်းကို အကြေ(အောက်ပိုင်း) လို့ သစ်သီးလေးနဲ့ ပမာခိုင်းပြီး အနှိုင်းပြုကြတယ်။ ညီက အညာသားမဟုတ်ဘူး။ အထက်သားပါဆိုတော့ အညာသားပါပဲလေ။ ဟုတ်ဖူးလား ညှယ်..။...
  • Thida Swe ရွှေညာသူ ၊ ရွှေညာသား .........
  • မိုး ညွတ်ခ အနေဝေးနေတာတောင် ရွှေညာလေသံမပျောက်ဘူပေါ့နော် ဆာညေ........ဂုဏ်ယူနေပါတယ်ဘုရား.......ရွှေညာသားဖြစ်ရတာကိုပေါ့.........
  • Ashin Neyadhamma အလဲ့ တတ်သလောက် မှတ်သလောက်တော့ မြှောက်တတ်တယ်နော်..။ အတင်းသတိရပါတယ်။.....

No comments:

Post a Comment