Pages

Sunday, October 20, 2013

တစ်ခွန်း ငါးမူး


ညနေခင်းဖြစ်သည်။ 
ရွာလယ်လှည်းလမ်းကြောင်းတွင် ဖုံတစ်ထောင်းထောင်းရှိလှသည်။ 
ဖုံလုံးများအထက်တွင် တိမ်ရောင်ကွန့်နေသည်မှာ ပန်းချီရေးသည့် နှယ်ရှိသည်။

..မွေးမေပေးသော အသည်းကို ယူကာ
ကလျာနွဲ့နှောင်းဆီ အပြေးလာခိုက်ဝယ်..
ခရီးလမ်းမ ဗွေအလည် ခလုတ်ကန်သင်းတိုက်ကာလဲ
အမေ့အသည်းနှလုံးလွင့်ကာကျတယ်..
အသည်းနှလုံးက စကားပြောလာပါတယ်..
“ဘယ်များနာသွားသေးလဲသားရယ်”
မှားပြီး မှားပြီ မေ..မေရဲ့... ချစ်ဇောတွေကြွယ်..

ဤသို့ အပြော တစ်လှည့် အဆိုတစ်လှည့်ဖြင့် ကလေးငယ်ကိုလက်ဆွဲ၊ အပေါက်အပြဲအဖာရာ ဗလဗွာနဲ့ သူတောင်းစား သားအဖဖြစ်သည်။

သူ့ အသံတွင် ကရုဏာအပိုပါသည်။ ချွဲနိုင်မှ ရမည်ဟူသော အယူများရှိလေသလားမသိ။ 
အိမ်တစ် အိမ်ရှေ့ရောက်တိုင်း သားငယ်က ၀ါးလုံးဗုံတောက်ကို တီးသည်။ 
အဖေဖြစ်သူက စဥ့်အိုးငယ်ကို မျက်နှာဝကျက်ထားသည့်ဗုံကိုတီးသည်။ 
ညှင်းနွဲ့နွဲ့ဖြင့် သီဆိုသည်။ သူဆိုသည့် သီချင်းသည် အမေ့မေတ္တာကို ပုံဖော်ထားသည် သီချင်းဖြစ်သည်။ 

ချစ်သူက လိုချင်သောကြောင့် အမေ့သည်းကို တောင်းယူလာသည့် သားသည် လမ်းခရီး အကြားတွင် လဲကျသွာသည်။ ထိုအခါ လက်ထဲမှ လွတ်ကျသွားသော အမေ့အသည်းက ကရုဏာကြီးစွာဖြင့် ဘယ်များ နာသွားသေးလဲ သားရယ် ဟူသော စကားကိုဆိုသည်။

ထိုသို့ အိမ်စဉ်လှည့်လည်တောင်းရမ်းရင်း ဘတိုးအိမ်ရှေ့ရောက်လာသည်။
ဘတိုးသည် ရွာတွင် အရက်ချက်ရောင်းသည်။ လူမိုက်များစုဝေးရာဖြစ်သည်။ 
ရန်မဖြစ်ပါဘူးသော နေ့တွင် ငါးကြိမ်ခန့်ရှိသည်။ 

သို့သော် ဘတိုးစိတ်ကြည်လင်နေလျင် သီချင်းဆိုတတ်သည်။ အသံကောင်းသည်။ 
အရက်အရှိန်ကြောင့် ကွဲအက်အက်ဖြစ်သော အသံတွင် ကရုဏာသံပေါက်နေ တတ်သည်။ 
မိဘမေတ္တာဘွဲ့ များကို အဆိုများသည်။ 

သူတောင်းစားသားအဖသည် ဘတိုး အရက်ဆိုင်ရှေ့သို့ရောက်လာသည်။
ဟေ့..မင်းတို့သားအဖခဏရပ်ဦး..
ဘတိုးသည် ခပ်ထွေထွေဖြင့် အိမ်ပေါက်ထွက်လာသည်။
ငါ့ကို သီချင်းဆိုပြစမ်း..
သူတို့ သားအဖ တောင်းဆိုသူကို အလိုပြည့်စေဖို့ ဗုံတောက်လေးနဲ့ စလိုက်ပြီ။

မိခင်မေတ္တာ သီချင်းတစ်ပုဒ်ကိုသီဆိုသည်။ မူးသော ဘတိုးနောက်က လိုက်ပြီးတိုးတိုးဆိုသည်။
“မွေးမေပေးသော အသည်းကို ယူကာ
ကလျာနွဲ့နှောင်းဆီ အပြေးလာခိုက်ဝယ်..
ခရီးလမ်းမ ဗွေအလည် ခလုတ်ကန်သင်းတိုက်ကာလဲ
အမေ့အသည်းနှလုံးလွင့်ကာကျတယ်..
အသည်းနှလုံးက စကားပြောလာပါတယ်..
“ဘယ်များနာသွားသေးလဲသားရယ်”
သား မှားပြီး မှားပြီ မေ..မေရဲ့...
ချစ်ဇောတွေကြွယ်..

ဟေ့ ကောင် ခဏရပ်ဦး၊ 
အဲဒီ သား လူလေးဘယ်များနာသွားသေးလဲ သားရယ် ဆိုတာ ကိုမင်း မဆိုနဲ့ ၊ 
ငါဆိုမယ်။ ငါးမူးပေးမယ်။ အစကပြန်ဆိုကွာ..။

ဘတိုးသည် ထိုအပိုဒ်ကိုရောက်ရန် စောင့်နေသည်။ 
သူတောင်းစားကြီးကလဲ တောင်းဆိုသူရှိ လာသောကြောင့် အရင်ကထက်ပိုချွဲသည်။ 
ညနေခင်း တိမ်ရောင်တောက်သဖြင့် ပိုပြီးအသက်ဝင်သည်။ 

မိမိအတွက်သီဆိုရန် ရောက်လာသော အပိုဒ်တွင်
“သား လူကလေး ဘယ်များနာသွားသေးလဲ သားရယ်.”
ဟုဆိုလိုက်သော ဘတိုးပါးပြင်တွင် မျက်ရည်တို့ လိမ့်ဆင်းလာသည်။ 

အရက်သမားဘတိုးတွင် အမေ မရှိတော့ပါ။ 
..........................
ဖတ်မိဖူးသော ၀တ္တုတိုတစ်ပုဒ်ကို ပြန်လည်ခံစားပြပါသည်။ 


Friday, October 18, 2013

န မ စ်တေး



"..မင်္ဂလာပါ.."

မြန်မာနိုင်ငံရောက်လာတဲ့ နိုင်ငံခြားသားတွေပြောတာပါ။ 
သူပြောတာလေးကြားရလိုက်တော့ ကြည်နူးရတယ်။ 

အော် တို့ဘာသာစကားကို သူပြောတတ်သားပဲလို့ သူ့ကိုလည်း ခင်မင်မိသွားတယ်။
ရောက်မိတဲ့ အရပ်တိုင်းမှာ သူတို့ရိုးရာ မင်္ဂလာပါ လို့ ဆိုနိုင်သော စကားစုလေးကို သင်ထားရမယ်လို့ လည်း သိလိုက်တယ်။ 
ကိုယ်ပိုင်ယဉ်ကျေးမှုဖြစ်တဲ့ မင်္ဂလာပါကိုလည်း မေးလာသူတိုင်းကို ပြောပြမိတယ်။

တစ်နေ့ကပေါ့။
ပြောစကားလေး ကြားလိုက်ရုံနဲ့ ခင်မင်ကြည်နူးစေတဲ့ မင်္ဂလာလို့ ဆိုတဲ့ “ စကားမင်္ဂလာ” နဲ့။
ဗုဒ္ဓဘာသာများယုံကြည်မှုအတိုင်း မင်္ဂလာတရားတော်များကို လိုက်နာပြီး ကျင့်သုံးရင် “ တရားမင်္ဂလာ”
 ဖြစ်တယ်လို့ ပြောပြလိုက်မိတယ်။ 

သူက ဆက်မေးတယ်။ အဲဒီမင်္ဂလာဆိုတာ ဘာတွေလဲတဲ့။
တော်တော်များတယ်။ 
ဒါပေမယ့် စစချင်း မင်္ဂလာကတော့ “လူမိုက်ကို မပေါင်းသင်းရဘူးက စတယ်” လို့ပြောလိုက်တော့။

အာ တော်တော်ကောင်းတယ်...တဲ့။ 

'..မင်္ဂလာပါ"လို့ သူရော ကိုယ်ပါ ပြိုင်တူပြောမိကြတယ်။

ဒိန်းကနဲ့ဆို




နှင်းမှုံတွေ အကြားက လူတစ်ယောက်ထွက်လာသည်။
သေနတ်ကိုထမ်းထားသည်။ ရေဗူးကိုလွယ်ထားသည်။ 
ခပ်တည်တည်သူ့ဟန်က ဆောင်းအေးအေးဒဏ် ကို မခံစားရသလိုရှိသည်။
ဒကာကြီး..၊ အဆင်ပြေလား..၊
နာဂဒကာကြီး မည်သို့မျှ ပြန်မပြောပါ။ ခပ်တည်တည်တစ်ချက်ကြည့်ရုံသာရှိသည်။
................

နောက်တစ်ပတ်ကြသောအခါ သူလာပြန်သည်။ မေးနေကျဦးဇင်းကလည်း လောကပျူငှာစကား အရ ..
ဒကာကြီး..၊ အဆင်ပြေလား၊
ဘုန်းကြီး..၊ အဲလိုမမေးပါနဲ့...၊ ဘုန်းကြီးအဲလိုမေးနေလို့..၊ ကျနော်တို့ သားကောင်မရတာပါ။
............
တောင်တန်းဒေသသည် ဘုန်းကြီး အင်မတန်ရှားပါးသည်။ 
ဗုဒ္ဓဘာသာဝင်များတောင်းဆိုချက် အရဘုန်းကြီး ကျောင်းဆောက်လုပ်မည်ကြံသော အခါနေထိုင်နိုင်မည့် ဦးဇင်းကို ရှာရသည်မှာ ကျောင်းဆောက်ရသည်ထက် ခက်ခဲသည်။

ကျောင်းသာရှိပြီး ဘုန်းကြီးကင်းမဲ့နေသော လန်လယ်ကြီး( ပဒူးမုန်းရွာသစ်) နှင့် လက်ပန်သာတို့သည် မိမိ ကိုယ်တိုင် ညွှန်ကြား အုပ်ချုပ်နေရသည်။ 

ထိုအရေးကိုသက်သာစေလို၍ မြေပြန့် ရောက်ခိုက်ကျောင်းနေဘက်ညီငယ်လိုဖြစ်နေသူ အရှင်ကုဏ္ဍလ ကို ခေါ်လာခဲ့သည်။ ရောက်ခါစ ညီငယ်သည် တွေ့သမျှ လူများကို စကားဖော်ဖော်ရွေရွေပြောဆိုတတ် သည်။ သို့သော် သေနတ်ထမ်းလာသော နာဂကြီးကို နှုတ်ဆက်မိသဖြင့် ကသိကအောက်ဖြစ်ရသည်။ 

အေးကွ၊ ဘယ်လို အယူအဆလဲတော့ ငါလဲ မပြောတတ်ဘူး။ နောက်တော့ မင်းသွား မမေးနဲ့နော်..
တင်ပ၊ နောင်တော်..။

တစ်ပတ်ခန့်ကြာသောအခါ နာဂမုဆိုးကြီး ကျီးဝမ်းသည် အသားတွဲကို လက်ဆွဲလျက် ကျောင်းထဲသို့ ၀င်လာသည်။ ကျောင်းပေါ်တက်လာသည်။ မိမိတို့မှာ အတွေ့အကြုံအသစ်မို့ မည်သို့ဆောင်ရွက်ရမည် မသိဖြစ်နေသည်။ သူ့လက်ထဲတွင် ပါလာသော သွေးသံရဲရဲ့ အသားတွဲကိုသာ စူးစိုက်ကြည့်နေမိသည်။

တပည့်တော်တို့၊ မနေ့က ညနေပိုင်းက ဆတ်တစ်ကောင်ရပါတယ်။ အဲဒါဘုန်းကြီးကို တစ်တွဲလာပို့တာပါ။
အခုမှသိတော့သည် ရွာဦးကျောင်းဘုန်းကြီးကို ဓလေ့ထုံးစံအရ ဝေပုံကျလာပို့ခြင်းဖြစ်သည်။
ထိုအကြောင်း တောင်တန်းရောက် နောင်တော်ကြီးများပြောထားသောကြောင့် သိရသည်။

အင်း..၊ ဒကာကြီးလာပို့တာတော့ ဟုတ်ပါပြီ။
ဒီအတိုင်းကြီးတော့ မပို့နဲ့ဗျ။ 
နည်းနည်းအခြောက်လှမ်းလိုက်ပြီးပို့တာကောင်းမယ်ထင်တယ်။
ဟုတ် ဆိုကာ နာဂကြီးပြန်သွားသည်။

ဦးဇင်း..၊
ဟေ.. တပည့်တော် မမေးလိုက်လို့ထင်တယ်နော်..
အင်းဖြစ်လောက်တယ်ကွ၊ သူတို့ရိုးရာ အရ ရှိလိမ့်မယ်..
...........................

ရွာနီးချုပ်စပ် တူမီးသံကြာရလျင်..
နောင်တော်ရေ..၊ တောဝက်လား၊ ဆတ်လား မသိနော်..
ကျောင်းကို တစ်တွဲတော့ လာတော့မယ်ထင်တယ်။။
အာ ကောင်လေးရ..၊ မင်းကတော့ ပြောတော့မယ်..

မနက်စောစောဘုရားပန်တင်၊ ဆီမီးကပ်၊ မေတ္တာပို့၊ အမျှဝေကိစ္စများကို ဆောင်ရွက်နေခိုက်ကျောင်း
လက်ရမ်းကို မှီလျက် အရှင်ကဏ္ဍလက လှမ်းပြောခြင်းဖြစ်သည်။

အားလုံးကြားကြားသမျှ အမျှအမျှအမျှ ယူတော်မူကြပါကုန်လော့....
အမျှရ၍ သတ္တ၀ါများ ကျမ္မာ ချမ်းသားကြသည်ဖြစ်စေသော်..

အင်း..တောဝက်ထင်တယ်ကွ...
အာ နောင်တော်ကလဲ ဟုတ်သေးပါဘူး..။
ပြိုင်တူရယ်မိကြသည်။

တောကျောင်း ပတ်ဝန်းကျင်သည် ချေဟောက်သံ၊ မြောက်အော်သံ၊ အောင်ချင်းငှက်သံ၊ ခပ်ဝေးဝေးက ချင်းတွင်းမြစ်ရေစီးသံတို့သာ ရှိနေသည်။ နှင်းမှုံမှုံအကြား ၀ိုးတ၀ါးရရှိနေတတ်သော ပင်အို၊ ပင်ပျို တို့သည်
ဆောင်းလေအေးအေးနှင့် အတူ ယိမ်းကနေသလိုရှိတတ်သည်။ 

ထိုအလှများအကြာဒိန်းကနဲ့မြည်တတ်သောနာဂတို့၏တူမီးသေနတ်သံသည်ကျယ်လောင်မည်ဟိန်းလွန်း 
လှသည်။ 

တစ်ခါက တစ်ဘ၀




"ရှိတဲ့ ဆေးသာ ပေးလိုက် နာဂတွေဖြစ်တဲ့ ရောဂါ အကုန်ပျောက်တယ်။
ဒါပေမယ့် ကိုယ့်လူကိုယ်တိုင်တော့ အဲဒီရောဂါ မဖြစ်စေနဲ့..၊
အောက်ရပ် အောက်ရွာ အပြန်ခက်တတ်တယ်."



ဘုန်းဘုန်း အမေက နေမကောင်းလို့ ဆေးပေးလိုက်ပါဦးတဲ့။
နာဂကလေးတစ်ယောက်ကျောင်းပေါ်တက်လာသည်။ ဘုရားဦးချပြီး မိမိရှေ့သို့ ရောက်လာသည်။
အော်..။ အေး..၊ ရော့ ဘာမီတွန်နဲ့ ပါရာစီတမော အဲဒါကိုတိုက်လိုက်နော်။
ဟုတ် ဘုန်းဘုန်း။
......

ဘုန်းကြီး တပည့်တော် ဗိုက်နာနေလို့ ဆေးပါဦး။
အော်..၊ အေး..၊ ရော့ ပါရာစီတမောနဲ့ ဘာမီတွန်သောက်လိုက်။
မိမိရှေ့မှာပင် ရေခတ်ပြီး နာဂကြီးဆေးသောက်သည်။

ခဏကြာသော်.
ဘုန်းဘုန်းဗိုက်နာတာ ပျောက်သွားပြီ၊ အလုပ်သွားတော့မယ် ဆိုကာ..
ဓားတိုလေး နောက်ကြောပိုးလျက် နှင်းမှုံတွေအကြားထဲ သူတိုးဝင်ပျောက်ကွယ်သွားသည်။
...............

ဘုန်းဘုန်း ၊ ၀မ်းချုပ်နေလို့ ဆေးပေးလိုက်ပါဦးတဲ့၊ အဖေက..
နာဂကောင်မလေး ကျောင်းဆွမ်းလာပို့ရင်း ဆေးတောင်းသည်။
အေး၊ အေး၊ ရော့ ဘာမီတွန်နဲ့ ပါရာစီမောကို သောက်လိုက်လို့ပြောနော်။
နောက်နေ့မနက်တွင် ၀မ်းချုပ်သော နာဂလူမျိုးကြီး ကျောင်းသို့ ရွှင်လန်းစွာရောက်လာသည်။
ဘုန်းဘုန်းပေးလိုက်တဲ့ ဆေးသောက်တာ ၀မ်းချုပ်တာပျောက်သွားပြီဘုရား။

လာချင်တဲ့ ရောဂါလာ ဘာမီတွန်နဲ့ ပါရာစီတမောကိုဆေးလုပ်ပေးလိုက်ရင် ရောဂါကင်းစင်ကြသည်မှာ ထူးဆန်းသည်။
ဤ အကြောင်းကို မိမိထက် တောင်တန်းဝါရင့်သော သာသနာပြုဘက် သူငယ်ချင်းများကို စုံစမ်းကြည့် မိတော့..

အာ..၊ ကိုယ့်လူရေ၊ အဲဒါကို နာဂရောဂါလို့ ခေါ်တယ်။ ဘာဆေးသောက်သောက် ခဏလောက်တော့ သက်သာ ပျောက်ကင်းသလိုလိုရှိတတ်ကြတယ်။ ရှိတဲ့ ဆေးသာပေးလိုက်။ 
သူတို့ကလည်း ဖြစ်နေတဲ့ သူတို့ရောဂါကို အမည်တပ်ပြီးသာသောက် လိုက် ပျောက်သွားပဲတဲ့။ 
ကိုယ့်ကိုလည်း အရင်က နောင်တော်ကြီးတွေက လက်ဆင့်ကမ်းခဲ့တာပေါ့။ 

ဒါပေမယ့် ကိုယ့်လူကိုယ်တိုင်တော့ အဲဒီနာဂ ရောဂါ မဖြစ်စေနဲ့နော်။ မြေပြန့်မပြန်နိုင်ဖြစ်တတ်တယ်။
သူငယ်ချင်းက ထိုသို့ပြောပြီးရယ်နေသည်။ မိမိလည်း သူနဲ့အတူ ရယ်လိုက်မိသည်။
ချင်းတွင်းမြစ်ပြင်ဆီ တက်လာသော ဆောင်းလေအေးအေးသည် နည်းနည်းနွေးနေသလိုလိုရှိသည်။
.........................

ဟေ့၊ ကျီးကမ်းရေ၊ မင်းအဖေကိုကျောင်းလွှတ်လိုက်စမ်း။
ဟုတ်ကဲ့ ဘုန်းဘုန်း။

ခဏကြာသော် လူသာသနာပြု ဦးကျီးမိုးခေါ် ဦးကျော်လွင် ကျောင်းရောက်လာသည်။
ဒကာကြီးရေ၊ ကျုပ်လဲ ဖျားနေတာကြာပြီဗျ။ ဆေးမထိုးလို့ မဖြစ်တော့ဘူး၊ ခန္တီးဆင်းလိုက်ဦးမယ်။
အဲဒါကျောင်းကို မပြတ်မပြတ်စောင့်ထားဦးနော်။
တင်ပ၊ ဘုန်းဘုန်း၊

လွယ်အိပ်ကိုလွယ်၊ ထီးကို ထမ်းပြီး ကျောင်းရှေ့ ခရောင်းကြမ်း မဆိုသာသော မြေ၀ါလမ်းလေး အတိုင်း ချင်းတွင်းဆီသို့ လှမ်းလာခဲ့သည်။
မြစ်ဆိပ်တွင် ခန္တီးသို့ စုန်ဆင်းကြမည့် ရွာသူ ရွာသားများ မော်တော်စောင့်နေကြသည်။


ဘုန်းဘုန်း၊ ဘယ်သွား မလို့လဲဘုရား။
အော်..၊ နေမကောင်းလို့ ခန္တီးဆင်းပြီး ဆေးထိုးမလို့ကွ။
မေးလာသော နာဂကလေးငယ်များကို ပြန်ဖြေလိုက်သည်။

ဘုန်းဘုန်းကလဲ၊ ဘာမီတွန်နဲ့ ပါရာစီတမော မသောက်ဘူးလား။
ဘုန်းဘုန်းဖျားတာ ပျောက်တယ်လေ။
ပြုံးမိပါသည်။ ရိုးသားသော သူတို့ အမူအယာများသည် အပြစ်ကင်းသည်။

“ဘုန်းဘုန်း၊ အခုဖျားတာက နာဂ  အဖျားမဟုတ်ဘူး။ ကျီးကမ်းရဲ့.”

သူတို့နားမလည်သလို မိမိကို ကြည့်ကြသည်။ 
မော်တော်စုန်ဆင်းလာပြီ။
မြစ်အတွင်းက ဆောင်းလေအေးအေးသည် တစ်စိမ်းဆန်ဆန်ရင်ကို တိုးဝှေ့သည်။
အေးလွန်း၍ တုန်နေသည်။ 
ခရီးသည် စုံ၍ စုန်ဆင်းရန် အသင့်ဖြစ်ပြီမို့ မော်တော် ကမ်းကခွာလေပြီ။ 
 ....................................................

တစ်ခါက တစ်ဘ၀ရဲ့ အမှတ်တရပါ။