ဝေးခဲ့ပြီ နှင်း

၂၀၀၇၊ ခုနှစ်၊ ဒီဇင်ဘာလ၊ ၂၅ရက်နေ့ ဖြစ်သည်၊ 

မန္တလေးမြို့တော်ကြီးကို နှင်းတို့က ခြုံသိုင်းထွေးပွေ့ထားသည်၊ တောင်ပြာတန်းများ ဆီသို့ စတင် ထွက်ခွာခဲ့ရသည့် သာသနာ့ တက္ကသိုလ်ကျောင်းသား၏ နောက်ဆုံး မနက်ခင်းနှင်းတို့သည် တံတားဦး လေဆိပ်ဆီသို့ မောင်းနှင်နေသော ကားလေးအား ပြတင်းမှ တဟူးဟူး တိုးဝင် နှုတ်ဆက် ကြသယောင်ရှိသည်၊

မန္တလေးမြို့၊ နိုင်ငံတော် ပရိယတ္တိသာသနာ့တက္ကသိုလ်မှ သာသနတက္ကသီလ ဓမ္မာစရိယ စတုတ္ထနှစ် အောင်ပြီနောက် မဟာတန်းတက်ခွင့် မရသဖြင့် နာဂတောင်တန်းဆီသို့ သာသနာပြုတာဝန်ဖြင့် သွားရောက်ခဲ့ရသည်၊ မှတ်မိနေပါသေးသည်၊ ဟုမ္မလင်းမြို့လေးသို့ မန္တလေးမြို့တောင်ဘက် တံတားဦး အပြည်ပြည်ဆိုင်ရာလေဆိပ်မှ မိတ်ဆွေ ရဟန်းတော်တစ်ပါးနှင့် အတူ တောင်တန်ပြာနှင့် နှင်းမြူတို့ ထာရ၀ဝေ့သီအုံ့ဆိုင်းရာ ဒေသသို့ ထွက်ခွာခဲ့ရသည့် မနက်ခင်းလေးကို၊

လမ်းခရီးတွင် မိတ်ဆွေ ရဟန်းတော်နှင့် အတူ ရှေ့ဆက်ရမည့် ပညာရေး အတွက် တိုင်ပင်ခဲ့ကြသည်၊ ဘေးက လူတွေကြားရင်မည်သို့ ဝေဖန်ကြမည် မသိသော်လည်း ကိုယ့်စကားနှင့် ကိုယ်မို့ ကြည်နူးရပြန်သည်၊ တာဝန်ကျရာဒေသများဆီမှ တာဝန်ပြီးဆုံးကြပြီးနောက် ဗုဒ္ဓသာသနာ ထွန်းကားပြန့်ပွားရာ သီရိလင်္ကာနိုင်ငံသို့ သွားရောက်ပြီး ပညာဆက်လက်သင်ယူကြဦးမည့် အဖြစ်သည် ဦးစားပေးတစ်ခုဖြစ်ခဲ့ကြသည်၊ ထိုအကြောင်းကို ပထမဆုံးလေယာဉ်ဖြင့်သွားရသည့်ခရီး တွင် အရသာ ရှိရှိပြော ဖြစ်ခဲ့ကြသည်၊ 

ချင်းတွင်းမြစ်ကြောတွင် ဆန်တက်နေသော မော်တော်ပေါ်တွင်လဲ ပြောဖြစ်ခဲ့ကြသည်၊ တွင်ပြောဖြစ်ကြသည်၊ ခရီးတစ်ထောက်နား ရောက်ရာနေရာတိုင်းတွင် ပြည်ပထွက် ပညာဆက်လက်သင်ယူကြဦးမည့် အဖြစ်ကို ပြောဖြစ်ခဲ့ကြသည်၊ တောင်တန်းဒေသရှိ နာဂညီနောင်ဖွားများ အတွက် ကိုယ်ကျိုးမဖက်နှစ် နှစ်တာ တာဝန် ထမ်းဆောင်ပြီးနောက် မျက်ရည်လည်ရွှဲဖြင့် ခွဲခဲ့ရပြန်သည်၊

ချင်းတွင်းသည် စီးမြဲစီးနေသည်၊ နာဂတောင်တန်းကြီးသည် မြင့်မား ထည်ဝါလှသည်၊ တောင်တန်းပြာပြာသည် ညို့မှုိုင်းမှုိုင်း မြူတွေ ဆိုင်းလျှက် ဝေးခဲ့ပြီ၊ အရာ အားလုံးသည် လေယာဉ်ပေါ်ဝေဟင်ထက်ဆီကပြန် အကြည့်တွင် နှင်မှုံများနှင့် မြူခိုးတို့ အကြားတွင် မှေးမှိန်သွားလေပြီ၊ ရင်တွင်းေ၀၀ါးခြင်း မရှိတည်ရှိနေသည်ကား ပြည်ပသို့ထွက်ပြီး ပညာ ဆက်လက် သင်ယူနိုင်ရေးပင် ဖြစ်သည်၊ မပြည့်သေးသော အိုးပြည့်တန်သရွေ့ဖြည့်ရဦးမည်မို့ ချင်းတွင်းမြစ်ကို ခွဲခဲ့ကြရသည်၊ တောင်ပြာတန်းတွေကို လက်ပြ နှုတ်ဆက်ခဲ့ရသည်၊

ရန်ကုန်ုမြို့၊ နိုင်ငံတော် ပရိယတ္တိ သာသနာ့တက္ကသိုလ်တွင် စာသင်ဘက် မိတ်ဆွေ ရဟန်းတော်များကို ကြည်ကြည်လင်လင် ပြန်လည် ဆုံဆည်းခွင့်ရသည့် အတွက် ကြည်နူးရပြန်သည်၊ ဘွဲ့ရပြီးနောက် ဆက်လက်လုပ်ဆောင်ကြမည့် ရှေ့ရေးများပြောဖြစ်ကြတော့ နိုင်ငံခြားထွက်ပြီး ပညာဆက်လက် သင်ယူကြဦးမည့် သူငယ်ချင်းများစွာကို တွေ့ရပြန်တော့ ၀မ်းသာမိသည်၊

၂၀၀၉ ဒီဇင်ဘာလ ၁ရက်သည် မြန်မာနိုင်ငံမှ ဘွဲ့ရသည့် နေ့ တစ်နေ့ဖြစ်ခဲ့သလို နိုင်ငံခြားထွက်ပြီး ဆက်လက် ပညာသင်ယူရမည့် ခရီးအတွက် အစလည်းဖြစ်သည်၊ ရန်ကုန်မြို့ကြီး ပတ်ဝန်ကျင်တွင် မြူနှင်းတို့ ဝေပြန်ချေပြီ၊ နှုတ်ဆက်နေသယောင် ထင်မိပြန်သည်၊

၂၀၁၀ ဖေဖော်ဝါရီလ ၁၆ရက်နေ့သည် ပြည်ပသို့ပထမဆုံး ထွက်ခွာရသည်နေ့ ဖြစ်သည်၊ ရန်ကုန်မြို့ မင်္ဂလာဒုံ အပြည်ပြည်ဆိုင်ရာလေဆိပ်သို့ တစ်ပါးတည်း အစောကြီး ရောက်နေသည်၊ လေယာဉ်ကွင်း အတွင်းကို ကာရံထားသော မှန်ပြတင်းဆီလှမ်းကြည့်လိုက်ရာ ခရီးသည်တင် လေယာဉ်များ တစ်စင်းထိုးတက်သွားလိုက် တစ်စင်းဆင်းလိုက်ဖြင့် စည်ကားသက်ဝင်စပြုပြီ၊

မနက်ခင်း ကိုးနာရီနီးပါးခန့်တွင် မန္တလေးမြို့၊ နိုင်ငံတော် ပရိယတ္တိသာသနာ့တက္ကသိုလ်တွင် တစ်တန်းတည်း အတူသင်ခဲ့ကြရသော မိတ်ဆွေများနှင့် ပြန်လည်ဆုံတွေ့ရသည့် အတွက် ရင်တွင်း ဖော်မပြတတ်အောင် ၀မ်းသာမိသည်၊ ကိုးနာရီလေးဆယ့်ငါးတွင် ထိုင်းနိုင်ငံလေကြောင်းလိုင်း TG-034 ဖြင့် ထိုင်းနိုင်ငံသို့ ထွက်ခွာခဲ့ကြသည်၊ ဆောင်းဓာတ် မပြယ်သေးသော မနက်ခင်းသည် ဝေး၍ကျန်ခဲ့ပြီ၊ ထိုင်းနိုင်ငံ အပြည်ပြည်ဆိုင်ရာ လေဆိပ်သို့ နိုင်ငံဒေသ စံတော်ချိန် နေ့လည် ၁၁ နာရီခွဲတွင်ရောက်သည်၊

ထိုင်းနိုင်ငံ အပြည်ပြည်ဆိုင်ရာ နိုင်ငံတကာလေဆိပ်တွင် ဆယ်နာရီကျော်ကျာ် နားလိုက်ရသည်၊ ငါးမိနစ်တစ်ကြိမ် လောက်လေယာဉ် အဆင်းအတက်လုပ်သည်ကို တွေ့ရသည်၊ လေယာဉ် အဆင်း အတက်ပြ ဇယားတွင် နိုင်ငံတကာလေယာဉ်များ အဆင်းအတက်ကို စက်ကန့်မလပ် ထိုးပြထားသည်၊ ဆိုက်ကပ်မည့် စင်္ကြန်များကိုပါ အတိ အကျညွှန်ပြထားသည်၊

ပထမဆုံး အကြိမ်ရောက်ဖူးသော ထိုင်းငံလေဆိပ်သည် နိုင်ငံတကာဆိုင်ရာလေယာဉ်များ အဆင်း အတက်များသည်၊ ခရီးသည်များ ပျားပန်ခတ်မျှများပြားသည်၊

၂၀၁၀ ဒီဇင်ဘာလ ၁၆ ရက်နေ့ ညပိုင်း ဆယ်နာရီ ကျော်ကျော်တွင် ထိုင်းနိုင်ငံ အပြည်ပြည်ဆိုင်ရာလေဆိပ်မှ သီရိလင်္ကာနိုင်ငံသို့ T.G-307 လေကြောင်းဖြင့် ဆက်လက်ထွက်ခွာခဲ့ကြသည်၊ ဝေဟင်သို့ ထိုးတက်သွားသော လေယာဉ် အထက်ဆီမှ ပြန် အကြည့်တွင် ထိုင်းနိုင်ငံသည် မီးရောင်စုံများ ထိန်းထိန်းညီးလျှက် အမှောင်တွင် ရေးပြပြသာ မြင်ရတော့သည်၊

အဆင်သင့်ရာတွင် တစ်ထောက်နားခဲ့ပြီး ခရီးတစ်ခု ဆက်ရပြန်ပြီ၊