စကားပြောတဲ့ည

ညတွေ။ ထိတ်စရာညတွေ။

တိတ်ဆိတ်နေတုန်းမှာ ဗြုံး ဆိုကျောင်းအောက်က အပြန်အလှန် စကားပြောသံတွေကားရတတ်တယ်။ နောက်နေ့မနက် ရောက်လို့ မေးကြည့်ရင် ဘယ်သူမှ မလာကြောင်းနှင့် သူတို့မကြားရကြောင်းပြန်ပြော
ကြသည်။
ဘာလိုလိုလဲ သူတို့ပြောကြသည်။ မကျွတ်မလွတ်သေးတာတွေလဲပါသည်။ အများအားဖြင့် သူတို့ စကားနဲ့ပဲပြောကြသောကြောင့် သေချာ ရေရာ တော့ မသိရပါ။ တခါကဆို ကျောင်းအောက်က ဒုလ္လဘ ကိုယ်တော်ကြီး ညကြီးမင်းကြီး ထပြီးယောင်တာ ကြက်သီးတောင်ထမိတယ်။ ၀ူးဝူးဝါးဝါး အော်ပြီး၊ ဘုန်းကြီးဘုရား၊ အခုလေးတင် ကျောင်းပေါ်တက်သွားတာ အ၀ါဝမ်းဆက်ကလေးနဲ့ ကောင်မလေးဘုရားတဲ့၊ အဲလိုလဲ ညတိုင်းနီးပါးယောင်လေ့ရှိတယ်။ နောက်တော့ အိပ်ယာအောက်ဓားထာအိပ်ရင် အိပ်မက်ဆိုးကင်းတယ်ဆိုပြီး ဓားတစ်ချောင်းထားပြီး အိပ်တာလဲ တွေ့ရတယ်။

ဒါပေမယ့် ည ည အော်တာကတော့ ပျောက်မသွားပါ။ အရင်က ရွှေတူးရင်း ရုတ်တရက် ကွယ်လွန်ခဲ့ကြသူတွေ လို့သူတို့ပြောကြပါတယ်။ ကိုယ်ကိုယ်တိုင်တော့ အတပ်အပ် မမြင်ဖူးပါ။ သို့သော် ထိတ်စရာညတွေကတော့ များပါသည်။ တိုက်ဆိုင်မှုပြောလျှင်လွန်လွန်းလှပါလား
လို့ထင်ကြမယ်။ ဒီရွာက ကျောင်းလေးကို လာရောက်ပြီး သီတင်းသုံးကြသော ဘုန်းတော်ကြီးများအားလုံးနီးပါး အထိတ်တလန့် ကြုံဖူးကြသည်ချည်းဖြစ်ပါတယ်။

ဒီကျောင်းလေးက ထိတ်လန့်ရေသော ညလေးတွေကို ပြန်ပြောပြချင်ပါတယ်။ သူတို့ရွာရောက်တော့ ဒီအကြောင်းတွေကြားရတယ်။ နဲနဲမှ သက်သာပါစေတော့လို့ ယူဆပြီး နာဂတွေကို ကိုရင် ၀တ်ပေးမယ် လာခဲ့ကြလို့ပြောပြီး ကျောင်းရောက်လာတဲ့ နာဂတွေကို ကိုရင် ၀တ်ပေးရပါတယ်။ ဘာမှ မပေးရဘူးလို့လဲ ကြိုတင်ပြီး ပြောထားရပါတယ်။ လာကြပါတယ်။ ဆဲ့လေးပါး လာပြီးဝတ်ကြတယ်။ အရင်က ဒီလိုလုပ်ဖူးလားလို့မေးတော့ လုပ်ဖူးပါတယ်။ လွန်ခဲ့တဲ့ အနှစ် နှစ်ဆယ်လောက်က ဘုန်းကြီးတပါးက၀တ်ပေးလို့ ၀တ်ဖူးကြကြောင်း ပြောပြကြပါတယ်။ သူတို့ကို တရားလဲ အားထုတ်ရတယ်။ ပြီးတော့ မေတ္တာပို့ရတယ်။ ကိုရင် ၀တ်နေတုန်း ရွာထဲ မသွားရလို့လဲ အမိန့်ထုတ်ထားရပါတယ်။ အကြောင်းရှိပါတယ်။ သူတို့ အားလုံး ဘိန်း မကင်းကြပါဘူး။ တချို့ဆိုဘိန်းမစားပဲ ကြိုတင်လေ့ကျင့်ပြီးမှ ကျောင်းရောက်လာကြခြင်းဖြစ်ကြောင်း သိရတယ်။

ချင်းတွင်းမြစ်ရိုးရှိ ရွှေတူးကြသော မြန်မာများကလည်း ဆွမ်းကွမ်း မလစ်ဟင်းရအောငါတာဝန်ယူကြပါတယ်။ သာသာ ယာယာ နဲ့ ပြီးမြောက်အောင်မြင်ခဲ့ပါတယ်။ အဲဒီလို ကိုရင်ဝတ်ကြတဲ့ အထဲမှာ အောက်ကလေးဝဘက်က လူတစ်ယောက်လဲပါ ပါတယ်။ ကိုရင်ထွက်ပြီးတော့ သူကမပြန်ပဲ ဘုန်းကြီးရဲ့ကပ္ပိယလုပ်ဖို့ပြောလာပါတယ်။ အမြဲတမ်း ကျောင်းသားလဲ မရှိတာကြောင့် သူ့အပြောကိုလက်ခံလိုက်ပါတယ်။ ဒီလိုနဲ့ နေလာခဲ့ကြတာ နှစ်လ သုံးလနီးပါးကြာပါတယ်။ ညစဉ်ညတိုင်းလဲ သူတခုခု တွေ့ကြောင်းအမြဲပြောပါတယ်။ ဘုန်းကြီးဘာမှ မကြားမိဖူးလားလို့လဲ မေးတတ်ပါတယ်။ ကျုပ်ကတော့ ဘာမှမကြားရပါ။ ဘာမှ မတွေ့ရပါ။

တစ်နေ့ ကျောင်းမပေါ်ထပ်က အ၀င်တံခါးကိုပိတ်တော့ ကပ္ပိယကြီးက ပြောပါတယ်။ ဘုန်းကြီးဘာလို့ အဲဒီတခါးပိတ်တာလဲ ပြောပါတယ်။ ခွေးတက်လို့ ပိတ်ကြောင်းပြောတော့ တကယ်လားလို့မေးလာ
ပြန်ပါတယ်။ ဘာလို့လဲမေးမိတော့။ဘုန်းကြီးကြောက်မှာစိုးလို့မပြောဖြစ်တာပါတဲ့။ ဘုန်းကြီးမရှိတုန်းဆိုနေ့လည်ဘက်နှစ်နာရီလောက် ဆိုအ၀ါရောင်ဝမ်းဆက် လေးနဲ့ကောင်မလေး
ကျောင်းပေါ်တက်တက်ပြီး ဆော့ ကစားနေ တတ်ကြောင်းပြောလာပါတယ်။
ပြီးတော့ တပည့်တော်ကို က က ပြတယ် လို့သူကဆက်ပြီးပြောပါတယ်။ ဒီလိုပြောတာလဲ ဟိုကကပြော ဒီကပြောနဲ့ဆိုတော့ နဲနဲတော့ လန့်လာပါတယ်။ ဒါပေမယ့်လို့ ကိုယ်ကိုယ်တိုင်ကလဲ မတွေ့တော့ သိပ်ပြီးတော့လဲ အလန့်ကြီးတော့ မဟုတ်လှပါဘူး။ ဒကာကြီးကို ကပြရုံ သက်သက် ဆိုရင်တော့ ဒကာကြီးဘာမှ သွားမလုပ်နဲ့။ ခြောက်တာလှန့်တာရှိလာရင်တော့ ပြောပါ။ မလုပ်ဖို့ပြောကြည့်ကြတာပေါ့လို့ပဲပြောလိုက်ရတယ်။ နောက်လဲ အမြဲတမ်းတွေ့မိကြောင်းပြောပါတယ်။

သူတင်လားဆိုတော့လဲ မဟုတ်သေးဘူး။ ကျောင်းအောင်လာအိပ်တဲ့ နာဂလူမျိုး အယောင်လို့ ခေါ်တဲ့ သူဆိုရင် သုံးလေးရက်လောက်ကြာအောင် တောင်ပြော မြောက်ပြော ဖြစ်နေလို့ ရွာလူကြီးတွေ လန့်နေကြသေးတယ်။ ဘုန်းကြီးကို အသိမပေးဖို့လဲ သူတို့ချင်းပြောကြကြောင်း နောက်မှ ပြန်ပြောပြကြပါတယ်။ ကျောင်းလာ အိပ်ကြသော လူငယ်များမှာ နှစ်ည ဆက်ပြီးတော့ အိပ်လေ့မရှိကြပါ။ တခုခုပြောပြီး ထွက်သွားကြတာက များပါတယ်။ ရွာနီးချုပ်စပ် ကလည်း အားပေးစကားပြောကြပါတယ်။ ဘုန်းကြီးနေတဲ့ရွာက" ရူးချင်ရူး မရူးရင် တော့ ကျောင်းက အချိန်မတိုင်ပဲ ထွက်ပြေးရတာပဲ"တဲ့။ သူတို့ သိတဲ့အတိုင်းကတော့ ဒီလိုပဲလို့ပြောလာပါတယ်။

ကြောက်ကြောက်လန့်လန့် နဲ့ အဲဒီရွာလေးမှာ (၂)နှစ်နေခဲ့ရတယ်။ ညတိုင်း မေတ္တာ ပို့ရတယ်။ လပြည့် လကွယ်တိုင်း ရွာထဲက လူငယ်အမျိုးသားအမျိုးသမီးတွေ စုပေါင်းပြီး မေတ္တာပို့ရတယ်။ သူတို့လဲလိုက်နာကြပါတယ်။ ကိုယ် ကိုယ်တိုင်တော့ ဘာမှ မတွေ့ခဲ့ရပါ။
သို့သော် တိတ်ဆိတ်တဲ့ ညတွေဆို ကျောင်းအောက်က အပြန် အလှန်ပြောဆိုသံတွေ ကြားနေရတတ်ပါတယ်။ ကျောင်းအောက်လာအိပ်တဲ့ သူတိုင်းလဲ ည ည အော်တတ်ကြပါတယ်။ နောက်တော့ တည်ခိုဖို့ ပြောလာတဲ့ သူတိုင်းကို ကျောင်းအောက် မအိပ်ဖို့ ပြောရပါတော့တယ်။ နောက်တော့လဲ ကျောင်းအောက်က အော်သံကို နားယဉ်လာပါတော့တယ်။
တစ္ဆေလား ဘာလားမပြောတတ်ပါ။
နားစွင့်ရင်း ထိတ်စရာ ညတွေ ကြုံခဲ့ရတယ်။ အခုတွေးရင် အခု မြင်ယောင်မိတုန်းပါ။
လသာ ညတွေကို မခံစား တတ်အောင်ပင် ည ရဲ့ စကားပြောသံတွေကို နားစွင့်နေမိပါတယ်။