Pages

Showing posts with label မန္တလေး အမှတ်တရ. Show all posts
Showing posts with label မန္တလေး အမှတ်တရ. Show all posts

Saturday, November 8, 2014

ဝိနယ ကုက္ကုစ္စ


မန်းသာသနာ့တက္ကသိုလ်ကြီးတွင် ဘီ အေ၊ အမ် အေ စသည်တို့ကိုစနစ် တကျသင် ကြားပေးသည်။
ဘီ အေ စတုတ္ထနှစ်ဖြေပြီးလျင် လက်တွေ့သဘောမျိုးဖြင့် ဆယ်ရက် တရားထိုင်ရသည်။
အမ် အေ ကျောင်းသားရဟန်းတော်များအတွက်မူ လေးဆယ့်ငါးရက်တရားထိုင်ရသည်။
စာတွေ့သဘောများကို ကမ္မဌာနဆရာတော်က လက်တွေ့ချပြသည့်သဘောမျိုးဖြစ်သည်။
...................................
ငါ့ရှင်ကြည့်ရတာ စိတ်ပျံ့လွင့်နေပုံရတယ်။
ရှုမှတ်ရတာ စိတ်မတွေ့ဘူးထင်တယ်။
အတွေ့အကြုံရှိသော တရားစစ်ဆရာတော်က တပည့်တစ်ပါးကိုမေးသည်။
မှန်ပါ။ တပည့်တော် ၀ိနယ ကုက္ကုစ္စဖြစ်နေလို့ပါဘုရားး၊
အဲ..၊ ဖြစ်တတ်တာပေါ့။
တရားထိုင်လို့ အရှိန်ရလာတဲ့အခါ စိတ်က အသေးစိပ်ပြီး မြင်တတ်သွားလို့။
ပြင်ပအာရုံတွေလဲ ကင်းသွားလို့၊ အပြစ်အနည်းအငယ်လေးများကိုပဲ ကမ္မဌာန်းအာရုံမှာ အနှောင့်အယှက် အဖြစ်နဲ့မြင်လာတတ်တယ်ငါ့ရှင်။
ထိုစကားကြားသောအခါ တပည့်ဖြစ်သူက တအံ့တသြ မော့ကြည့်သည်။
ကဲ ဆိုစမ်းပါဦး။
ငါ့ရှင်ရဲ့ ၀ိနည်းနဲ့ပတ်သက်ပြီးယုံမှားသံသယဖြစ်နေတဲ့ ကိစ္စလေးကို..၊
မှန်ပါ။
တပည့်တော် အခုပြီးသွားတဲ့ ဖိုင်နယ်စာမေးပွဲမှာ ၀ိနည်းမေးခွန်းကို ကောင်းကောင်းဖြေနိုင်ပေမယ့်
ဆရာ့အာဘော်မှကျပါ့မလားလို့ တွေးပြီး စိတ်ပူနေမိတာပါဘုရားး၊
အော်..၊
အင်း ဒါလဲ ငါ့ရှင်ပြောသလို ဘ၀နဲ့သက်ဆိုင်တဲ့ ၀ိနယသံသယပါပဲလေ။
.................................................................................................
စာဖြေရှင်တိုင်း သံသယကင်းကင်းဖြင့် အောင်ပန်းဆွတ်လှမ်းနိုင်ကြပါစေ။

Thursday, October 16, 2014

ကိုကြီး ကေ

ဆရာတော် ဦးဉာဏိဿရရဲ့ ငယ်ဘွဲ့ အရှင်ဇောတိကတဲ့ ရဟန်းဖြစ်တော့ ဦးဉာဏိဿရဖြစ်တယ်။

နောက်တစ်ပါးက ငယ်ဘွဲ့က ရေ၀တ၊ နောက်တော့ ရာဇဓမ္မလို့
ပြောင်းတယ်။ နေ့နံမပြောင်းဘူးပေါ့။ ဘွဲ့အမည်ပဲပြောင်းတာပါ။
ဦးဇင်းကျတော့ ငယ်ဘွဲ့က ပညာဗလတဲ့၊ ဦးဇင်းဖြစ်လာတော့ ကေသရတဲ့..၊
ဘယ်လိုလဲ မသိနော်..၊

ဘယ်သိမလဲ ကိုယ်တော်..၊ ဆရာတော်ပေးချင်တာ ပေးတာပေါ့..။
ဘာလုပ်မလို့တုန်း ပေါက်ပေါက်ရှာရှာ..။
ထိုကဲ့သို့ တစ်ပေါက်ချိုးကြီးစကားပြောတတ်သည်။
ဤသည်ပင် သူ့အကျင့်ဖြစ်နေသည်မို့နားလည်သည်။

မန်းတက္ကသိုလ် မနက်ခင်းများ သင်တန်းမစသေးမီ၊ အရှင်ကေသရ( အင်းတော်) အခန်းသို့ ၀င်ပြီး စကားပြော မိသည်။
ဘွဲ့အမည်တူနေမှသာ ဒေသဖြင့် ခွဲမှတ်ကြသော ရိုးရာရှိရာတွင် အရှင်ကေသရကား တစ်ပါးတည်းဖြစ်လျက် သူ့အမည်နောက်တွင် ( အင်းတော်) ကို လက်သည်းကွင်းဖြင့် ပြထားသည်။
အဆောင် ၂၊ အခန်း ၁ တွင်နေသည်။ 
အဆောင်နေကျောင်းသားများတွင် အသက်၊ ၀ါ အကြီုးဆုံးဖြစ်သည်။

အဆောင်ကိစ္စရေးရာများတွင် တက်ကြွစွာပါဝင်ဆောင်ရွက်သည်။ 
သူ့အခန်းကိုလည်း သန့်သန့်ရှင်းရှင်ထားသည်။
 စိတ်မထင်လျင် မထင်သည့် အတိုင်းပြောတတ်သည်။
တံမြက်စည်း၊ သောက်ရေအိုး၊ ရေခွက်၊ ဆပ်ပြာ၊ နာရီ စသည့် အဆောင်သုံးပစ္စည်းများကို သူနဲ့အတူ လိုက်ဝယ်ရသည်။ အဆောင်ရောက်လျင် စာရင်းရှင်းတမ်းထုတ်သည်။

အသေးစိတ်သိလိုပါက အဆောင် ၂၊ အခန်း ၁ သို့လာရောက်စုံစမ်းနိုင်သည်။
ပုံ- အရှင်ကေသရ( အင်းတော်)
ဟုရေးလေ့ရှိသည်။ 
မည်သူမှ သွားရောက်စုံစမ်းသည် မကြားဖူးပါ။
စိတ်ထဲမထင်လျင်အော်တတ်သောကြောင့်ဖြစ်သည်။

ရှိတာများကိုသဒ္ဓါရက်ရော ကျွေးမွေးတတ်သည်။ အသာတကြည်စားနေလျင် မဆိုသာ။
ကောင်းသည်။ မကောင်းဘူးပြောလျင် ထင်မိထင်ရာပြောလွှတ်တတ်သည်။
တစ်ခါကလည်း သူ့အရပ်ဖြစ် ခေါပုတ်များဖြင့်ဧည့်ခံသည်။

စားကောင်းကောင်းနှင့် တော်တော်စားပြစ်လိုက်သည်။
အင်း..၊ ကိုယ့်လူ စေတနာနဲ့ကျွေးတယ်ဆိုပေမယ့် ၊ ကြည့်လဲ စားဦးနော်..၊
တော်ကြာ ၊ နင်ပြီးသေနေဦးမယ်..၊
သူပြောလိုက်မှ လည်ချောင်းထဲ ကန့်လန့်ခံနေသလိုထင်မိသည်။

ထိုသို့သော အရှင်ကေသရသည် ဒုတိယနှစ်ကို ၂ နေလိုက်သည်။ 
စတုတ္ထနှစ်တွင်လည်း ၂ နှစ်နေလိုက်ပြန်သည်။
မိမိတို့မှာ စတုတ္ထနှစ်အောင်မြင်ပြီးနောက် တောင်တန်းဒေသဆီသို့ လှမ်းထွက်ခဲ့ရသည်။
အရှင်ကေသရကား အဆောင် ၂တွင် ညွှန်ကြားရေးမှူးလုပ်ရင်း ကျန်ရစ်သည်။
..................................

တစ်ခါသော် တောင်တန်းဒေသမှ မြေပြန့်ပြန်ရောက်ခိုက် အပေါင်းအသင်းဟောင်းကြီး ဦးကေသရ ထံရောက်မိသည်။
အဆောင် ၂ရှေ့တွင် ဗန်ဒါပင်လေးပိုမြင့်လာသည်။
မြက်ခင်းများပိုစိမ်းစိုလာသည်။ 
တိုးတက်လာသော ခေတ်နှင့် အညီ အင်တာနက်၊ ကွန်ပျုတာ စသည်ဖြင့် ကျောင်းသားများ အတွက် တစ်ဘက်တစ်လမ်းက အထောက်အကူပြုနေသည်ကို ၀မ်းသာအားရတွေ့ရသည်။

ဟာ..ဦးကေကြီး..နေကောင်းတယ်နော်...၊
အင်း နေကောင်းပါတယ်...၊
အပြန်အလှန်နှုတ်ဆက်မိသည်။

ပြီးတော့ လူကိုသေချာကြည့်သည်။
အင်..၊ ကိုယ့်လူတော့ မသေသေးဘူးနော်..၊
ဟာ ကိုကြီးကေကတော့ လုပ်တော့မယ်..
အေးလေ..၊ ကိုယ်ကြားဖူးတာကတော့ တောင်တန်းရောက်ရင် ငှက်ဖျားနဲ့သေရင်သေ၊ မသေရင် လူထွက်ကြ တယ်လို့ ကြားမိလို့ပါ..။

စိတ်ထဲထင်သည့် အတိုင်းပြောတတ်သည့် မူကိုကြည့်ပြီး အရှင်ကေသရ( အင်းတော်) အစစ်ဖြစ်ကြောင်းသိ ရသည်။
အခုတော့ ဘယ်ရောက်လို့နေလဲ စဉ်စားမိသည်။
အသေးစိတ်သိလိုပါက အဆောင် ၂၊ အခန်း ၁ သို့လာရောက်စုံစမ်းနိုင်သည်။
ပုံ- အရှင်ကေသရ( အင်းတော်)
ဆိုသည်ကို သတိရပါတော့သည်။

ဘ၀နဲ့ ပတ်သက်ပြီး မေးချင်စရာများ ရှိနေသေးသည်မို့ စိတ်ထဲထင်တိုင်းပြောတတ်သည့် ကိုကေကြီး အတွက် မေးခွန်းတစ်ချို့ရှိနေဆဲပါဗျာ။

Monday, August 11, 2014

ကြိုးပြတ်သွားသော ပန်းတစ်ကုံးကို ခြေရာခံခြင်း


တပည့်တော်တို့ Final ကျောင်းတော်သားများ အနေနဲ့ ယခင့်ယခင် နောင်တော်ကြီးများ လုပ်ခဲ့ကြသလို၊ လိပ်စာ ပါတဲ့ ကဗျာစာအုပ်လေးလုပ်ဖို့ အစီအစဉ်ရှိပါတယ်။

ဤသို့ စကားအချီဖြင့် သင်တန်းအပြီး စတိတ်စင်နား ရောက်ရှိလာသူကား ဦးဝဏ်ဏိတ(ခ) ကိုချက်ကြီး
ဖြစ်သည်။ ကဗျာလေးလဲပါစေချင်တယ်။ ပြီးတော့ တပည့်တော်တို့က ဒီကျောင်းတော်ကြီးက ထွက်ခဲ့ကြရရင် ဘယ်ဆီဘယ်ဝယ်ရောက်ကြမယ် မသိနိုင်ကြဘူးဘုရား။ 

အဲဒီတော့ ခရီးကြုံခဲ့လို့ရှိရင် အလည်ဝင်လာရလို့ရအောင် လိပ်စာလေးလဲ ပါစေချင်ပါတယ်ဘုရား။
လုပ်တာတော့ ဟုတ်ပါပြီ..၊ ခေါင်းစဉ်ကျတော့ ဘယ်လိုပေးကြမလဲ..၊
စိတ်ပါဝင်စားသောကျောင်းတော်သားကြီးတစ်ဦးက စကားလမ်းခင်းဝင်ရောက်လာသည်။
တင်ပ..၊ တပည့်တော်များ ၀ိုင်းပြီး ဆွေးနွေးစဉ်စားကြဖို့လိုပါတယ်.....
ကျောင်းတော်သားကြီးဘ၀ကသူ့အမြင် ကိုယ့်အတွေးဖြင့် ဒီလိုလေး ဒီမိုကရေစီဆန်ခဲ့ကြဖူးသည်။
မိမိတို့ နှစ်သက်ရာ ခေါင်းစဉ်များကို အသီးသီးတင်ပြကြသည်။ 

ပေးသည့် ခေါင်းစဉ်များကို မကြိုက်ရင် မကြိုက်သည့် အတိုင်း ပွင့်ပွင့်လင်းလင်းဆွေးနွေးကြသော သူများတွင် ယခုတိုင်မှတ်မိနေသော ကျောင်းတော်သားကြီးတစ်ဦးမှာ အရှင်ပညာဇောတ (ကိုနတ်ကြီး) ဖြစ်သည်။ သူ့စိတ်ထဲထင်လျင် တစ်ဖွဲ့လုံးနှင့် တစ်ယောက်တည်းဖြစ်ပစေ။ အခြေအတင်ဆွေးနွေးငြင်းဆိုသည်။ 

ခေါင်းစဉ်တစ်ခုအတွက်တောင် ဤမျှဆွေးနွေးရပြီးဆိုလျင် ဘ၀တစ်လျောက်လုံးအတွက် ဆုံးဖြတ်ချက်ကား မည်မျှ အချိန်ယူစဉ်စားရမည်ဖြစ်ကြောင်း အချက်အလက်ကောင်းကောင်းကို ရစေသည်။
ကိုချက်ကြီးကား စိတ်အားထက်သန်စွာ စည်းရုံးသည်။
စိတ်ပါဝင်စားစွာပါဝင်ဆင်နွှဲသူတို့ဖြင့် ညံစီနေတတ်သည်။
ကျောင်းပိတ်လုနီးနီးတွင် ခေါင်းစဉ်တစ်ခုရလိုက်သည်။

“ကြိုးပြတ်သွားသော ပန်းတစ်ကုံးကို ခြေရာခံခြင်း”

ထိုခေါင်းစဉ်ကို ကျောင်းတော်သားတိုင်းနှစ်သက်ကြသည်။
စာအုပ်အဖြစ်ထွက်ပေါ်လာသောအခါတွင်လည်း စာနု၊ စာယဉ်၊ စာခန့်များဖြင့် ကြည်နူးစရာကောင်း ခဲ့ကြသည်။ 

တောင်တန်း သာသနာပြုဘ၀တွင် ကျောင်းတော်သားကြီးရေးသော ကဗျာများကို ဖတ်ရင်းအားတင်း အလွမ်းဖြေရသည်။ 

ယခုတိုင်းလည်း အားတင်းလျက်ဖြင့် အမှတ်ရနေဆဲပါ။
............................................
သို့.
ဦးဝဏ်ဏိတ( ခ) ကိုချက်ကြီး..
သတိတရဖြင့် စာရေးလိုက်ပါတယ်။ ၂၀၀၇ခုနှစ်၊ မန်းတက္ကသိုလ်ကျောင်းတော်များရဲ့ လက်ဆောင်မွန် address book လေးကို တိုင်ပင်ဆွေးနွေးကြတော့ “ကြိုးပြတ်သွားသော ပန်းတစ်ကုံးကို ခြေရာခံခြင်း”တဲ့။
စေ့စေ့တွေးတော့ ရေးရေးပေါ်ဆိုသလိုပေါ့ဘုရား။ 

အခုတော့ တပည့်တော်တို့နဲ့ အတူတက်ခဲ့ကြတဲ့ ကျောင်းတော်သားကြီးတွေထဲက တစ်ချို့ကတော့ အမိကျောင်းတော်ကြီးရဲ့ အင်္ဂလိပ်ဌာန၊ ပါဠိဌာန၊ ၀ိနည်းဌာန၊ သုတ္တဌာနစသည်တွေမှာ ဆရာတွေ အဖြစ်ကျန်ရစ်ခဲ့ကြတယ်ဘုရား။ 

တစ်ချို့ကတော့ လူအများကိုတရားဓမ္မဟောပြလမ်းညွှန်ရင်း နေရစ်ကြရဲ့။ 
တစ်ချို့ကတော့ ငယ်စဉ်က တောရွာကျောင်းလေးမှာ ရွာဦးဆရာတော် အဖြစ်နဲ့သီတင်းသုံးနေကြရဲ့။ တစ်ချို့တော့လည်း တောင်ပေါ်မြေမှာ သွေးချင်းတို့ အတွက် ပေးဆပ်ရင်း သာသနာဆက်ပြုနေကြတယ်။
ပညာရေးခရီးမဆုံးနိုင်သေးသူများကတော့လည်းသီရိလင်္ကာနိုင်ငံမှာလည်း ကျောင်းတက်နေကြတယ်ဘုရား။ 

တစ်ချို့ကြတော့လည်း အိန္ဒိယမှာ ကျောင်းတက်နေကြရဲ့။ တစ်ချို့က ထိုင်းနိုင်ငံမှာပေါ့ဘုရား။ 
စင်္ကာပူနိုင်ငံ၊ မလေးရှားနိုင်ငံတို့မှာလည်းရှိကြရဲ့။ အမေရိကနိုင်ငံတောင် တစ်ချို့က ရောက်လို့ပေါ့ဘုရား။
တကယ်ကြိုးပြတ်သွားတဲ့ ပန်းတစ်ကုံးဆိုတာ သိလိုက်ရပါပြီ။
ဘယ်သူပြန်စီလို့ ရနိုင်ပါတော့မလဲဘုရား။

ရာသီတိုင်းမှာ ခရေတွေဝေ၊ လေပွေတွေထ၊ နန်း ကျုံးတော်နဲ့ ပနာရနေတတ်တဲ့ မန်းကျောင်းတော်သား များကို သတိရတရှိနေမြဲပါလို့။ အခုရော ကိုချက်ကြီးဘယ်ရောက်နေလဲဗျ။ 

စာသင်ခန်းအတွင်းက အရှင်ဘုရားရဲ့ ရယ်မောဖွယ်ပြောဆိုဟန်တို့ကို သတိတရရှိဆဲနေပါဘုရား။
နောက်ကြုံရင်လည်း စာရေးပါဦးမယ်။ 

ချမ်းမြေ့ပါစေဘုရားး။

ဘုန်းတော်ကြီး ဦးပဒုမ


တပည့်တော်တို့ ၊ ကိုယ်တော်တို့သင်နေတဲ့ ဘုရားဟော တရားတွေဆိုတာ ပါဠိဘာသာနဲ့မှတ်တမ်း တင်ထားတာပေါ့။ 

ဒါကြောင့် ပါဠိကို တတ်ကျွမ်းပြီး သဘော အဓိပ္ပာယ်ကို ကိုယ်တိုင်နားလည်သလို၊ သူများကိုလည်း ဘုရား အာဘော်ကျအောင်ပြောပြနိုင်ရမယ်။ ဒါဆို သာသနာပြုတယ်ခေါ်တာပါပဲ။

လူတွေ ပါဠိမသိလိုက်ပုံကို ကိုယ်တွေ့မို့ ပြောရဦးမယ်။
တပည့်တော်တို့ရွာမှာ ကထိန်လုပ်တော့ မန်းလေး အိမ်တော်ရာ သင်္ကန်းတန်းမှာ သင်္ကန်း လာဝယ်ရ ပါတယ်။

ကိုယ်လိုချင်တဲ့ သင်္ကန်း စုံရေပြည့်တော့ ပါဆယ်အထုပ်အကြီးကြီးထုပ်လိုက်ရတာပေါ့။
အဲဒါနဲ့ အရောင်းစာရေးလေးက လှမ်းမေးတယ်။
ဘုန်းဘုန်း ဘွဲ့တော်မိန့်ပါဦးဘုရား..ဆိုတော့..
တပည့်တော်က လှမ်းပြောလိုက်တယ် ဦးပဒုမလို့..၊

ခဏနေလို့ ပစ္စည်းစုံတော့ ပြန်မယ်ပေါ့။
ကိုယ်လိုချင်တာတွေစုံ မစုံစစ်လိုက်တော့..
အား လား လား တပည့်တော်ဘွဲ့ကို စာရေးလေး ရေးထားလိုက်ပုံများ..
ဘုန်းဦး ဦးဘလူးမ တဲ့..။
ပဒုမက ဘလူးမဖြစ်ရတယ် ..၊ ကိုယ်တော်တို့ရေ.
...............................................................
မန်း သာသနာ့ တက္ကသ်ုလ်၊ ပြန့်ပွားဌာနမှူး ဆရာတော် ဦးပဒုမသို့ ဦးညွတ်လျက်ဖြင့်။

မနက်ခင်းများစွာ


မန်းတက္ကသိုလ်ကျောင်းတော်ကြီးဖွင့်ခါစအချိန်သည် ကျောင်းတော်ကြီးက သင်တန်းကင်းလို့ တိတ်ဆိတ်နေ သလောက် ရပ်ရွာ မြို့နယ် အသီးသီးက ပြန်ရောက်ကြသော ကျောင်းသားတို့ကား ရွှင်မြူးလျက်ရှိသည်။ 

အိပ်ဖောင်းနေသည်။ တက္ကသိုလ်ကျောင်းတော်သားကြီးကို ငယ်ဆရာတစ်ဖုံ၊ ခမည်းတော် မယ်တော်က တစ်မျိုး၊ ဆွေမျိုးများကလဲ လှူလိုက်ကြသည်မို့..၊
မနက်ခင်းဆွမ်းကျောင်းခေါက် အုန်းမောင်းသံသည် တစိမ်းဆန်နေတတ်သည်။
တိ-နိ ဆိုင်လေးဆီချီတက်ပြီး သင်တန်းမစမီ အပီနှပ်နေတတ်သည်။
ကိုယ်တင်မဟုတ် ကျောင်းသားတိုင်းလိုလိုဆုံတတ်ကြသည်။
အတန်းတက် အောင်မြင်သူတို့လဲ အောင်ပွဲအနေနဲ့ ဧည့်ခံတတ်ကြသည်။
ကျရှုံးသူတို့လဲ မမှုလောက်ပါဘူး အနေမျိုးနဲ့ ပျော်ပျော်ပါးပါးဧည့်ခံတတ်ကြသည်။
စားပွဲထိုးလေး မောင်အာနိုးကား လက်မလဲအောင်ရှိလှသည်။
................
.....................

ဝါတွင်းရောက်တော့ ခြေငြိမ်လာပြီ။ စာတွေလဲ များလာပြီ။
အိပ်ထဲကသာ နည်းလာသည်။
ဥပုသ်နေ့လောက်သာ မောင်အာနိုးနဲ့တွေ့နိုင်သည်။
“အာနိုးရေ ဖန်ချို...”
ဦးဇင်းမတွေ့တာကြာပြီနော်..၊
စာတွေများနေလို့ ညီလေးရေ..၊
အမှန်တိုင်းပြောရင် အာနိုးက အထင်သေးသွားမှာပေါ့။
မရတတ ရတတလိုမျိုးဖြစ်နေသော စာကို တွေးရင် ဖန်ချိုတွေ အေးကုန်တတ်သည်။
..............
....................
သီတင်းကျွတ်လုပြီ ကုသိုလ်တော်ဘုရားနားတွင် ၀ါးလုံးတွေပုံလာပြီ။
လမ်းဘေးတွင် ကြော်ငြာဆိုင်ဘုတ်ကြီးများကို တွေ့နိုင်သည်။
မိုးမင်းရဲ့ ဇာတ်ပွဲ။
မိုးကြိုးငှက်ငယ်တို့ရဲ့ ဟစ်ကြွေးသံ။
တင်မောင်ဆန်းမင်းဝင်းရဲ့ ကြွနေတဲ့ ကဟန်။
ဆယ့်နှစ်ပွဲ ဈေးသည်တို့ရဲ့ အတိုင် အဖောက် အငြင်းအခုန်များကြောင့် ခရေအကြွေတောင် မှန်မှန် မကောက်နိုင်တော့။
...................
....................
စာမေးပွဲဖြေဖို့ တစ်ပတ်အလို တိ-နိကိုရောက်ဖြစ်သည်။
“အာနိုးရေ ဖန်ချို”
စာတွေးရင်း ငေးနေခိုက် တက္ကသိုလ်တက်ပြီးကတည်းက မတွေ့ဖြစ်တဲ့ ငယ်သူငယ်ချင်းက..
ဟာ ကိုယ့်လူ အခြေအနေဘယ်လိုလဲ..
နီးရာခုံတွင်သူ ၀င်ထိုင်သည်။
ကိုယ်က အိမ်ရှင် သူက ဧည့်သည်ဖြစ်နေသည်။
ဒီလိုပါပဲ..၊ အခြေအနေကောင်းပါတယ်..
ကိုယ်တိုင်ကလဲ ဖန်ချို တစ်ခွက်စာသာပါလာသောကြောင့် ဧည့်ခံရေးခက်နေသည်။
အာနိုးရေ ဖန်ဆိမ့်တစ်ခွက်ချဟေ့..၊

ငယ်ပေါင်းနဲ့ ရွာ အကြောင်း၊ ရပ်အကြောင်း နှောင်းပုံပြင်တို့ကို ကုန်သလောက်ဖြစ်အောင်ပြောဖြစ်ကြ သည်။ သူပြန်တော့ ဆိုင်အပြင်လိုက်ပို့လိုက်သည်။
ပြီးတော့ အာနိုးဆီပြန်လာသည်။
အာနိုးရေ နောက်မှာတဲ့ ဖန်ဆိမ့် တစ်ခွက်ဖိုး မှတ်ထားနော်..၊
အာနိုးကား မဲ့ပြုံးလေးပြုံးပြသည်။
................
..................

မနက်ခင်းဆွမ်းကျောင်းအုန်းမောင်းခေါက်သံ နားဝင်ချိုလာသည်။
ဆွမ်းကျောင်းတက် စောင်းတန်းတွင် သူငယ်ချင်းက..
ဟာ ကိုယ့်လူ စောစောစီးစီးပါလားလို့..
အင်း စာလေးတွေ ကျက်ချင်သေးလို့ပါ..

မသိတာကြလို့ သူလဲ ကိုယ်လိုပါပဲ။
မကြာခင်သီတင်းကျွတ်ပါဦးမည်။

................................

မန်းသာသနာ့တက္ကသိုလ်ကျောင်းသားဘ၀ရဲ့ မနက်ခင်များကို လွမ်းမောလျက်။

 

Wednesday, August 6, 2014

မတတ်သာလို့ ခပ်ခွာခွာလေး နေကြရတယ်


မန်းသာသနာ့တက္ကသိုလ်ကြီးသည် စည်းကမ်းပိုင်ဆိုင်ရာတွင် နာမည်ကြီးသည်။
ကျောင်းသားအသစ်အဖြစ် ရောက်ရောက်ချင်း ဧည့်ခန်းတွင်ထားသော ကျောင်းသား၊ ဆရာ စည်းကမ်းပိုင်း ဆိုင်ရာ စာအုပ်ကြီးကို ဖတ်ရသည်။ အသင်းအပင်းမဖွဲ့ရ၊ နိုင်ငံရေး မလုပ်ရ၊ လှို့ဆော်အုံကြွမှု အားမပေးရ၊
မည်သည့် ဂိုဏ်း၊ ဂဏ အယူဝါဒကိုမျှ မကိုင်ဆွဲရ၊ ဗုဒ္ဓသာသနာ့ သားတော် ရဟန်းတော် အဖြစ်ဖြင့်သာ ရှိရမည်စသည်ဖြင့် စာမျက်နှာတော်တော် များများ ပါရှိသည်။ 

စာသင်ခန်းစည်းကမ်းတွင်လည်း ငါးမိနစ် မျှနောက်ကျသော် သင်တန်းတက်ရောက်မှု ပျက်ကွက်အဖြစ် စာရင်း တင်နိုင်သည်။ အပြာရောင် အမှန်ခြစ်နေရာတွင်၊ မင်နီကြက်ခြေခတ်ဖြစ်သွားနိုင်သည်။
ကျောင်းတက်ရာနှုံး ၇၅ မရှိလျင် ဖြေဆိုခွင့်မရှိ။ ကျမ္မာရေး အခြေအနေကြောင့် အခွင့် အကြိမ်ကြိမ် ယူရသူများ တစ်နှစ်နား( ဆေးခွင့်) တင်ရသည်။ 

ဘုရားဝတ်တက်မှန်ရမည်။ နေထိုင်သီတင်းသုံးရာ မိမိတို့အဆောင်ကို သန့်ရှင်းနေစေရမည်။ 
အခါ အားလျော်စွာ အဆောင်စစ်ဆေးသည်။
ခွင့်စာမတင်ပဲ ပျက်ကွက်ပါက ကျောင်းသားအဖြစ်မှ ရပ်စဲသည် ( ၀ါ) ကျောင်းအထုတ်ခံရသည်။

နောက်ဆုံးနှစ်တွင် တိုင်းရင်းဆေးသင်တန်းတက်ရောက်ရသည်။ ကြက်သွန်ဖြူ၊ နီ၊ အားလူး၊ နနွင်း၊ ဂျင်းနှင့် မဆလာတို့ကို ဆေးအဖြစ်မည်သို့ ပြောင်းလဲပြီး အသုံးပြုရမည်ကို ၀ါရင့်ဆရာကြီးများက လက်တွေ့ သင်ကြားပေးသည်။ 

စာသင်နှစ်ပြီးဆုံးပါ B.A တန်းကျောင်းသားများအတွက် လက်တွေ့သဘောမျိုးဖြင့် တရားထိုင်ရသည်။ မနက်၃: ၃၀မှသည် ညပိုင်း ၁၀ အထိဖြစ်သည်။ ထိုင်မှတ်၊ စကြံမှတ်သာကွာသည်။ ရှုမှတ်မှု မပြတ်စေရ။
M.A တန်းကျောင်းသားများ အတွက်မူ ရပ်သာတွင် ၄၅ ရက်တာ တရားရှုမှတ်ရသည်။
ကျောင်းသားဖြစ်လိုက်ကတည်းက စာနှင့်မျက်နှာ မပြတ်သော မန်းသာသနာ့ တက္ကသိုလ်ကြီး
တွင် ကျောင်းပိတ်သော အခါ မပျော်တော့ပါ။ 

တစ်နှစ်လျင် နှစ်ကြိမ်ကျောင်းပိတ်သည်။
ကျောင်းပိတ်ရက်ကို ကြိုတင်ကြေငြာသည်။ ခရီးဝေးသံဃာတော်ကျောင်းသားအများတွက်ပြင်ဆင်ချိန် ၃ ရက်အပိုနေခွင့်ပေးသည်။ မိမိနှင့် သူငယ်ချင်းတစ်ပါး ဖြစ်သော အရှင်ဇနိတ ( ယခု၊ အမေရိကားရောက်၊ ကိုဇေယျာမောင်) တို့မှာ ကျောင်းပြန်ရမည်မှာ ခရီးမဝေးသော်လည်း မန်းသာသနာ့ တက္ကသိုလ်ကြီးကို သံယောဇဉ် အကြီးကြီးထား မိသောကြောင့် နောက်ဆုံးမှ ထွက်ခွာလေ့ရှိသည်။
........................

တစ်ခါသော်..
ဟာ မင်းတို့နှစ်ပါး မထွက်သေးဘူးလားဟ။ ကျောင်းပိတ်ပြီလေ။
သူများတွေပြန်ကုန်ကြတာ မရှိတော့ဘူးဟ။

အဆောင်မှူးမှ ခေါ်ပြောခြင်းဖြစ်သည်။ 

တင်ပ ၊ သုံးရက်နေခွင့်ရှိတယ်လို့ စည်းကမ်းရှိလို့ တပည့်တော်တို့နေနေတာပါဘုရား။
စည်းကမ်း အတိုင်းပါဘုရား။


အော်..၊ အဲလိုလား၊
အေး၊ အေး၊ နေပေါ့ကွာ။ စည်းကမ်း အရဆိုတော့...။

ဒါပေမယ့် နောက်ဆုံးနေ့ တုံးခေါက်လို့မှ အဆောင်က မထွက်သေးရင်တော့၊
မသမာမှုနဲ့ အစစ်အဆေးခံရတယ်ဆိုတဲ့ စည်းကမ်းလည်း မှတ်ထားကြဦးနော်...

ပြိုင်တူရယ်မိကြသည်။ 

မိမိတို့သည် စည်းကမ်းလူသားများအဖြစ်ဖြင့်သာ တည်ရှိနေရမည်။
သံယောဇဉ်လုပ်နေ၍ မရကြပါ။

သံယောဇဉ်သည် စည်းကမ်းအောက်ရောက် တုံးခေါက်နှင်သော်အခါ
မိမိတို့သည်လည်း ကျောင်းတံတားမုဒ်ဦးအောက်က အသာခေါင်းငုံ့ထွက်ခဲ့ကြသည်။

မတတ်သာလို့ ခပ်ခွာခွာလေး နေဦးမယ်လို့ ...။
 ...............................................................
မန်းသာသနာ့တက္ကသိုလ်ကျောင်းသား အမှတ်တရ..။ 

Monday, July 21, 2014

ဓမ္မသဘင်

ဦးဇင်းက အခုမှ တရားဟောခါစဆိုတော့ သုတ္တန်ကောင်းကောင်း တစ်ခုကို
ဟောလိုက်ဖို့ကောင်းတယ်တဲ့။
အင်း ဟုတ်တာပေါ့၊ ဒကာကြီးမှတ်ထားပါ့မယ်လို့ ပြောလိုက်ရတယ်။

အဲ နောက်တစ်ယောက်ကလာပြီးတော့ အခုခေတ်တရားနာပရိတ်သတ်က ၀ိပဿနာကို အထူးလေ့လာချင်ကြ တယ်ဘုရား.... ..
ဆိုတော့ ၀ိပဿနာလေးကို အချိန်ပိုင်း တရားထိုင်တာလေးပါ တွဲပြီးတော့ ဟောသင့်တယ်၊ မောင်ပဇင်းရေ။
ဟုတ်..၊ ဟုတ်တာပေါ့..၊ ဟောမယ်လေ..ဒကာကြီး။

တစ်ချို့လူငယ်တွေကလဲ ဆရာတော် အခုဖြစ်နေတာက ပရဟိတခေတ်ဆိုတော့ ဗုဒ္ဓ၀င်ဇာတ်တော်လာ ပရဟိတအကြောင်းကောင်းကောင်းဟောသင့်တယ်ဘုရားး။
အေး ငါ့ညီပြောတာမှန်တာပေါ့..။

ကိုယ်တော် အခု မြန်မာတစ်နိုင်ငံလုံး အမျိုးသားရေး ဖြစ်နေတာ ကိုယ်တော်သိတယ်။
ဒါလေးကို အဓိကထားပြီးဟောစေချင်တယ်ဘုရားး.။
အာ လုပ်လိုက်မယ်လေ ဒကာတော်ရေ..။

တရားဆိုတိုမှ တဲ့ ဦးဇင်းရေ ခပ်တိုတိုသာဟောလိုက်ပါ။
ဒီလူတွေ သိပ်ပြီးနက်နက်နဲနဲဟောနေလဲ ကိုယ်တော်ပင်ပန်းရုံရှိမယ်..တဲ့။
ဘုန်းကြီးလူထွက်တစ်ယောက်ကလဲ ပြောပါတယ်။

ကိုယ်တော်ကတောင်တန်းဒေသသာသနာပြုကြွဖူးတော့ သာသနာပြုရဟန်းတော်များရဲ့ ခက်ခဲတဲ့ အကြောင်း
ကို ဟောသင့်တယ်ဘုရားး.။
အင်း ဒကာတော်ရေ အဲဒါကတော့ ကိုယ်တွေ့ပဲဗျာ..၊ ဒီညဟောလိုက်မယ်လေနော်..။

အခုခေတ်က ပါးပါးလေးကြွားတတ်မှနော် ဦးဇင်းရေ..၊
ခပ်တိုးတိုးလေး မှာလိုက်ဦးမယ်..။
နိုင်ငံခြားမှာ နေပြီးကျောင်းတက်ရတဲ့ အကြောင်းလေးကို ပါကို ပါအောင်ထည့်ပြီးဟောလိုက်ဦးနော်..။
တအားကြီးလဲ မကြွားလိုက်နဲ့ဦး။
မသိမသာလေးပေါ့ဘုရား..၊ ကိုယ်တော်သိပါတယ်။
ဟုတ်သားပဲ..၊ လက်ရှိအခြေအနေလေးပဲ ဟောလိုက်မယ်လေနော်..။

ဦးဇင်းရဲ့ မယ်တော်ကြီးကလဲ ဦးဇင်း ခရီးပင်ပန်းနေတယ်။
တရားကိုတိုတိုသာဟောလိုက်ပါတဲ့..၊
...ဆိုပြီးတော့ သူတို့ရင်ထဲက ဖြစ်နေတဲ့ ဆန္ဒများ အတိုင်း လာပြီးတော့ စေတနာများနဲ့ လမ်းညွှန်ပေးကြ ပါတယ်။

ဒီလိုအကြံဉာဏ်ပေးချက်များနဲ့ ဦးဇင်းတို့က ပလ္လင်ပေါ်ရောက်လာခဲ့ခြင်းပါ။
ဦးဇင်းတို့ကလဲ ရင်ထဲက လာတဲ့ စေတနာများ အတိုင်းမြတ်ဘုရားတရားတော်များကို ပြန် လည်
ဟောကြားမှာပါ။

ဆန္ဒများနဲ့ ထပ်တူကြနိုင်ပါစေလို့ ဆုတောင်းပါတယ်...။

မြင့်မြတ် နှလုံးသား


အင် ကြင်း ကြာ အုံ ရတနာပုံတဲ့၊
မြန်မာမင်းများရဲ့ နောက်ဆုံးမင်းနေပြည်။
ရွှေမြန်မာတွေရဲ့ အသည်းနှလုံး။
ဘ၀ရှင်မင်းတရားကြီးရဲ့ ကမ္ဘာ အမွေအနှစ်ထိန်းသိမ်းလိုက်တဲ့ ကြည်နူးဖွယ် ထုံးရောင်မပျယ်တဲ့ ကုသိုလ်တော်။
ကြည့်လိုက်တိုင်း ကြည်နူးဖွယ်။
မြင်လေရာတိုင်း ရှုမောဖွယ်။
အတွေးထဲ အထိ စိမ်းလန်းလွန်းလှဘိတကား။


..........................................................

ခရီးအဝေးကြီးကလာခဲ့ရပေမယ့် မောပါဘူး။
မန်းတောင်ကိုတက်ခဲ့ပြီ။ ကြည့်လေတိုင်း စိမ်းလန်းလို့ မိုးကြိုပြီပေါ့ မန်းမြိုတော်ကြီးရယ်။
ဟိုး အနောက်တောင်ဆီမှာ တိမ်ညွန့်တွေ အရောင်စုံကွန့်လို့ လှလွန်းတယ်။
ဘိုးဘိုးကြီးစောင်းတန်းကနေ ဟိုမန်းတောင်တော်အထွတ်ထိတက်မယ်။
စောင်းတန်းဝဲယာက အလှူရှင်များရဲ့ ကောင်းမှုမှတ်တမ်းတွေကို တကြည်တနူးကြည့်ရင်း တက်လာခဲ့တယ်။
အိုဟောင်းနေတဲ့ ရက်၊ လ၊ နှစ်တို့ကို မြင်ရတိုင်း အလှူရှင်များရဲ့ စေတနာ သဒ္ဓါအစွမ်းကြောင့် ကြည်နူး ရတယ်။ တစ်နေရာရောက်တော့ ခဏထိုင်းရင် ခဏတာ ဝေးကွာခဲ့ရတဲ့မန်းမြို့တော်ကြီးကို တစ်ဝကြီးငေးကြည့် တယ်။

အော်..။ ဦးဇင်း မြင်ဖူးသလိုလိုရှိလားလို့ပါဘုရား..၊
ငေးနေဆဲ အတွေးမပြတ်ခင် ဦးဇင်းတစ်ပါးက နှုတ်ဆက်သည်။
ပါလာသော အထုပ်များကို သူ့ဘေးတွင် ခဏချကာထိုင်လိုက်သည်။
ချွေးတွေနဲ့ သူလဲ မောလို့ပါ။ 
ကျုံးတော်ဆီက တိုက်ခတ်လာတဲ့ လေကို တစ်ဝကြီးရှိုက်လိုက်ရင်း သူပြောသည်။
တင်ပ..၊ တပည့်တော်လဲ မြင်းဖူးသလိုလိုရှိလားလို့ပဲ ဘုရာ့၊
တက္ကသိုလ်ကထင်တယ်နော်ဘုရား..
သူကမေးလာသည်။ တင်ပ ၊ အရင်တုန်းကတော့ တက္ကသိုလ်ကပါ။
အခုတော့ အမေ့ခံလိုဖြစ်နေပါပြီဘုရားး။
ကျောင်းဆင်းခဲ့တာ ကြာပါပြီ။

အော်..၊ တင်ပ ။ တင်ပ၊ ဒါကြောင့်မြင်ဖူးတယ်ထင်တာကို၊ သေချာတာပေါ့ဘုရားး၊
တပည့်တော်လဲ တက္ကသိုလ်ကျောင်းဆင်းပါဘုရားး၊
ဦးဇင်းပြောသလို တပည့်တော်က အမေ့ခံမဟုတ်ရပါဘူး ဘုရား..၊ အပယ်ခံပါ။
ပြိုင်တူရယ်မိကြသည်။ ရယ်သံများကတော့ အလွင်လှပါ။

ဒါနဲ့ အခု ဦးဇင်းဘယ်ရောက်နေတာလဲဘုရားး၊
သူကမေးလာသည်။
အော်..၊ တင်ပ၊ တပည့်တော် မန်းတက္ကသိုလ်က ၂၀၀၇ မှာတောင်တန်းသွားရပါတယ်။
တောင်တန်းဒေသမှာ ၂ နှစ်နေပြီးတော့ ဘီ အေ ဘွဲ့ယူပါတယ်။
နောက်တော့ သီရိလင်္ကာနိုင်ငံမှာ အမ် အေ ဆက်တက်ပါတယ်။
အခုတော့ အိန္ဒိယနိုင်ငံတောင်ပိုင်း တမီနာဒူးပြည်နယ်မှ ပီ အိပ်ဒီဆက်လုပ်နေပါတယ်။
မန်းကျောင်းထွက်များ မညံ့ကြောင်း အခွင့်သင့်တုန်း ပြောလိုက်မိသည်။

သူပြုံးသည်။
သူ့ပြုံးသည် အဝေခွဲရခက်သည်။
ဂုဏ်ယူ အပြုံး၊ မခံချိသည့် အပြုံး၊ အတိတ်အရိပ်တို့လွှမ်းသော အပြုံး။
အော်..၊ တင်ပ ၊ ကြားသိရတာ ကြည်နူးစရာပါဘုရား..။

ဆက်တက်လိုက်ကြဦးစို့ဘုရား..
ဆိုရင် မန်းတောင်တော်ကို အတူတူတက်လာကြသည်။
မန်းတောင်တော်ရှုခင်းတွေ လွှမ်းမိုးလွန်းလို့ စကားဆက်မဆိုမိကြ။
မန်းတောင်တော် အရိပ်အငွေ့တို့သည် ညှို့ယူနိုင်လွန်းသည်။

တပည့်တော်တို့ မန်းကျောင်းထွက်တွေ ပြည်ပမှာ ကျောင်းဆက်တက်ကြတယ်။
ဘီ အေ တက်သူလဲရှိတယ်။ အမ် အေ ကနေ စတက်တဲ့ သူလဲရှိတယ်။
တစ်ချို့လဲ အမ် အေ ပြီးတော့ အမ် ဖီးတက်ကြတယ်ဘုရားး၊
တစ်ချို့လဲ အိန္ဒိယနိုင်ငံဘက်ကူးပြီး ပီအိပ်ဒီဆက်လုပ်ကြတယ်။ သင်ယူနေကြတုန်းပေါ့ဘုရားး
ဆိတ်ငြိမ်နေမှုကို စကားလုံးနဲ့ ဖြိုခွဲလိုက်သည်။
တင်ပ..။ ပျော်စရာကြီးရှိမယ်နော်..။
မန်းတက္ကသိုလ်လောက်တော့ ပျော်စရာ မကောင်းလှပါဘူး ဦးဇင်းရယ်..၊
သူရော ကိုယ်ပါ ပြိုင်တူရယ်မိသည်။

ဒါနဲ့ ဦးဇင်းလဲ မန်းတက္ကသိုလ်ကျောင်းဆင်းဆိုတော့ ဘယ်တက္ကသိုလ်ဆက်တက်နေသလဲ၊
ဘာဘွဲ့တွေ အတွက် ဆက်လုပ်နေသလဲဘုရားး၊
သူ တိတ်ဆိတ်နေသည်။
မန်းတက္ကသိုလ်ကြီးကို ခပ်စိမ်းစိမ်းပြန်သည်။
ပြီးတော့ သက်ပြင်းချသည်။
တပည့်တော် တတိယနှစ် တူးဒေါင်းပါဘုရား...၊

အာ ဝေသွားပြီ..၊
လေညင်းတွေ ခဏဆိတ်သုန်းသွားသည်။
ရွက်ခြောက် လျောတိုက်ပြေးးလွှားသံတို့ ငြိမ်သွားသည်။
ရင်တွင်းမှာလဲ ပြောမပြတတ်သော အားနာမှုတို့ ပြည့်နှက်သွားသည်။
ဆိုစရာစကားတို့ ရှာမတွေ့တော့..၊

ဒါပေမယ့်ဘုရားး၊ တပည့်တော်က တက္ကသိုလ်ကြီးက ဘွဲ့တစ်ခု အနေနဲ့ အကုန်မရလိုက်သော်လဲ..၊ သင်ယူခဲ့ရသမျှနဲ့..၊ မန်းတက္ကသိုလ်ကြီးလွမ်းမောမိပါတယ်။
ကျောင်းတက်နေရစဉ်က ဥပုသ်နေ့တိုင်းလိုလို တက်ခဲ့ရတဲ့.၊
အရသာလေးကိုလွမ်းလွန်းလို့ တက်လာခဲ့တာပါဘုရား..၊
ပညာရေးခရီး ဆက်လက် လျောက်လှမ်းနေကြတဲ့..၊နောင်တော်ကြီးတို့လို စီနီယာတွေရှိကြလို၊ တပည့်တော်တို့နဲ့ ခေတ်ပြိုင်ကျောင်းနေဘက်တွေလဲ ပြည်ပမှာ ဆက်လက်သင်ယူနေကြတယ်ဆိုတာ ကြားရတိုင်း ကြည်နူးရပါတယ်။

အခု တပည့်တော် ဓမ္မစကူးသင်တန်းလာတက်တာပါ။
အဲဒီမှာလဲ သီရိလင်္ကာကနေ ပညာသင်ပြီး ထိုက်သင့်သလိုဘွဲ့ယူလာကြတဲ့.နောင်တော်ကြီးများကလဲ မန်းတက္ကသိုလ်က ကျောင်းထွက်များကြောင်းကို ပြောပြကြပါတယ်။
ဘွဲ့မရပဲ ကျောင်းထွက်လိုက်ရတော့ နေစရာက ရွာကျောင်းပဲရှိတော့။ တပည့်တော်ရွာပြန်လိုက်ရပါတယ်။
ရွာရောက်မှ ကိုယ့်ရွာ ကိုယ့်ကလေးများ ဘာသာရေးအသိအမြင်လိုအပ်နေသေးတာတွေ့ရတော့..
ကူညီချင်စိတ်တွေပေါက်လာတယ်ဘုရားး။

ဒါနဲ့ အခုတော့ ဓမ္မစကူးသင်တန်းဖွင့်ပြီး ဆရာဖြစ်ပို့ချပေးနေတယ်ဆိုတော့..၊
ရွာက ကလေး လူကြီးအတွက် ကိုယ်တတ်နိုင်တဲ့ ဘက်ကနေ ပေးဆပ်ဦးမယ်ဆိုပြီးပေါ့ဘုရားး၊
သူ့စကားကိုသာနားထောင်နေမိသည်။
မန်းတက္ကသိုလ်က သင်ပေးလိုက်တဲ့ တပည့်တော်ရဲ့ မပြီးဆုံးသေးတဲ့ ..အသိလေးနဲ့ပေါင်းပြီးတော
့.ကူညီရတာပေါ့ဘုရား..၊
သူ့စကားကြောင့် ငေးသွားသည်။
တတိယနှစ် တူးဒေါင်းရဲ့ မြင့်မြတ်တဲ့ နှလုံးသားကိုမြင်ယောင်လာသည်။
ပြီးတော့ ကိုယ့်ကိုယ်ကို ရှက်လာသလိုခံစားမိသည်။
ရင်တွင်းက သူကို အကြိမ်ကြိမ်ဦးညွတ်မိသည်။

မန်းတောင်တော်ထိပ်သို့ရောက်ခဲ့ပြီ။
ဟိုး အဝေးလှမ်းကြည့်လဲလှသည်။
အနီးအနားဝန်းကျင်တွင်လဲ စိမ်းစိုနေသည်။
နေညိုချိန် မို့ အလှပိုသည်။

ကဲ ဦးဇင်းပြန်ဆင်းရအောင်ဘုရားး၊ ခရီးဆက်စရာရှိသေးလို့ပါ။
အော်..၊ တင်ပ..၊ အပြန်ခရီးတွင် ကိုယ်သည် နားထောင်သူသက်သက်အဖြင့်ဖြင့် ..၊
ပြီးတော့ သူပြောသမျှသည် လက်တွေ့ကျသည်။
အနှစ်သာရပါသည်။ ဘွဲ့ထူး၊ ဂုဏ်ထူးတွေမပါ။
တောရွာက ကလေးများအကြောင်းသာပြည့်လွှမ်းနေသည်။
ခြင်္သေ့ကြီးနှစ်ကောင်သို့ရောက်ခဲ့ပြီ။

ဦးဇင်းတို့လို ပြည်ပဘွဲ့ရတွေ အများကြီးလိုနေပါတယ်ဘုရားး.၊
နောက်တော့ တွေ့ကြသေးတာပေါ့ဘုရား။
တပည့်တော်သွားစရာရှိသေးလို့ပါဘုရားး၊
ကားနဲ့ကြွပါလား ဦးဇင်း..၊
ရပါတယ်ဘုရားး..၊ 
တပည့်တော်တည်းတဲ့ ကျောင်းက အနီးလေးပါဘုရား..။
......................................
ကိုယ်က လိုင်းကားလေးပေါ်တက်လိုက်သည်။
သူကား လွယ်အိပ်ကိုလွယ်လျက်က လက်တစ်ဘက်တွင် ကျွတ်ကျွတ်အိပ်ဖြင့် ။
ထိုကျွတ်ကျွတ်အိပ်ထဲတွင် ရွာက ကလေးများအတွက် ခဲတံများနှင့် ဗလာစာအုပ်များပါသည်။

မှတ်ချက်။ အင် ကြင်း ကြာ အုံ။ ၁၂၂၁ ခုကိုဆိုလိုသည်။
တူးဒေါင်း။ စာမေးပွဲ(၂)နှစ် ကျကိုဆိုလိုသည်။