Pages

Showing posts with label ရသစာပေ. Show all posts
Showing posts with label ရသစာပေ. Show all posts

Wednesday, April 3, 2013

ဘုန်းကြီး လမ်းမတက်




ရေကန်လည်းသာ ကြာစုံလည်းမွှေး
အေးချမ်းတဲ့ မြေ ဘိုးဘွားမွေတည်း။

ဘုရားပုထိုး ဂူမျိုးမျိုးနှင့်
တိုးဆင့်အသရေ ဖြိုးဖြိုးဝေ၏။

သမိုင်းထောင်ချီ ထိမ်းသိမ်းတည်တံ့
ပြန့်ပွားထွေထွေ စည်ပင်ဝေ၏။

ဗုဒ္ဓဆုံးမ တရားလှကို
နှလုံးသားတွင် ကိန်းဝင်စေ၏။

ရေကန်လည်းသာ ကြာကလည်းမွှေး
ဘိုးဘွားတို့မြေ မသွေစောင့်ရှောက်
တာဝန်ရောက်သော် မကြောက်မရွံ့
ကိုယ်ကျိုးစွန့်လော့။


ထန်းတောညိုညိုသည် မြူခိုးဝေလျက်။ 

ယာတောပြန့်ပြန့်များသည် အနိမ့်အမြင့်တစ်လှည့်စီဖြင့်။
ယာတောနှင့် ထန်းညိုညို ပင်အို ပင်ပျိုတို့ အလွန်တွင် ရွာလေးတစ်ရွာရှိသည်။
တဲကြီးကုန်းဟု ခေါ်ကြသည်။ သမိုင်းရှိသော ရွာလေးတစ်ရွာဖြစ်သည်။

မြန်မာနိုင်ငံကိုယ့်မင်းကိုယ့်ချင်း အုပ်ချုပ်ကြီးစိုးစဉ် အာဏာလုပြိုင်ပွဲကြောင့် နယ်စွန်နယ်ဖျားထွက်လာခဲ့ကြ ရသည်။ ရုပ်ဖျက်ကာ ထွက်ပြေးလာကြရသော နန်းကျဘုရင်သည် တဲကြီးတစ်လုံးရှိသော ထိုနေရာလေးကို တဲကြီးကုန်းမှည့်ခေါ်သည်။

နောက်က လိုက်လာသော အာဏာပြိုင်ဘက်များရန်ကြောင့် ခဏ ပုန်းအောင်း တိမ်းရှောင်ရသော နေရာ ကို အောင်းကုန်းဟုခေါ်သည်။ 

ထိန်ပင်မြင့်မြင့်ကြီးရှိသော ကုန်းကမူလေးကို ထိန်ကုန်။ နန်းကျ ဘုရင်ကြီး၏ ကြင်ယာတော်မိဖုရား မကျန်း မမာ ဖြစ်သော နေရာကို မိဖုရားကုန်း။ မိဖုရား နတ်ရွာစံရာနေရာရှိရွာလေးကို ကျန်ကုန်” မိဖုရား ကျန်ရစ် ကွယ်လွန်ရာနေရာ” အဖြစ်သမိုင်မှတ်သည်။ 

သို့သော် ထန်းတော်ညိုညိုနှင့် ယာတော ပြန့်ပြန့် အလွန်က သရက်ပင် အုပ်အုပ် နေရာလေးကိုမူ ထူးထူး ခြားခြား “ ဘုန်းကြီး လမ်းတက်”ဟုခေါ်ကြသည်။ 

ရွာရှိ ဘုန်းတော်ကြီးနှင့် သက်ကြီး ရွယ်အို အဖိုးအဖွားတို့ကမူ မူရင်း အမည်သည် “ ဘုန်းကြီးလမ်း မတက် ”ဖြစ် သည်ဟု ပြန်ပြောကြသည်။
……………………………………

မြန်မာနိုင်ငံသည် သူ့ကျွန်ဘ၀အဖြစ်ကို နိုင်ငံအား တစ်ဖဲ့စီ ဖဲ့ဖဲ့ပြီးပေးရသည်။ နောက်ဆုံး တစ်နိုင်ငံလုံး သူ့ကျွန်ဖြစ်ရသည်။ ညီညာပြည်သာ စည်းလုံးစွာနေခဲ့ကြရသော နိုင်ငံသူ နိုင်ငံသားတို့သည် တစ်စစီကွဲ ကွာ ရသည်။ ခွဲခွာပြစ်ခြင်းခံရသည်။ 
ဆရာ တပည့် အတူမနေနိုင်။ ကိုယ့်နိုင်ငံကိုယ်မပိုင်မို့ အသက်ကိုပင် အနိုင်နိုင် လုကာ ပြေးလွှာကြရသည်။
...........................
............................


ဘုန်းကြီး၊ ဘယ်ကို ကြွမှာပါလဲဘုရား။ ဆွမ်းချိန်လဲနီးနေပြီမို့ တပည့်တော်တို့ ထန်းတဲမှာ ရှိသမျှဖြင့် ဆွမ်းဘုဉ်းပေးတော်မူပါဦးဘုရား။

သာဓုဗျာ..။ ရဟန်းတော်သည် သာဓုခေါ်ကာ လက်ခံလိုက်သည်။
ရဟန်းတော်ကား သက်တော်ငယ်ငယ်ပင်ရှိသေးသည်။ နုပျိုမှုထက် ရင့်ကျက်မှုပိုနေသည်။
တည်ကြည်ခံ့ငြား သည်။
ဆွမ်းဘုဉ်းပေးပြီးသော်..
ဘုန်းကြီးဘယ်ဒေသကို ဆက်လက်ကြွတော်မူမှာပါလဲဘုရား။
ရဟန်းတော်ကာ ခပ်ဝေးဝေးသို့ငေးလျက်..

ဒကာရေ..။ ဦးဇင်းဘယ်ကို ကြွရမယ်ဆိုတာ ကောင်းကောင်းမသိပါဘူး။
နယ်မြေတွေ မလုံခြုံတော့ မြို့ပြတွေမှ မနေရဲပဲ ဒီဘက်ထွက်လာခြင်းပါပဲ။
ဘယ်ကို သွာရမယ်ဆိုလဲ ကောင်းကောင်းမရှိပါဘူး။

ရိုးသားသော ထန်းတဲပိုင်ရှင် ဒကာသည် လက်အုပ်ချီလျက်..
မှန်ပါ၊ ဒီလိုဆိုရင်ဖြင့် တပည့်တော် ဒီမှာ ထန်းတော တဲပေါင်း နှစ်ဆယ်ကျော်ကျော်ရှိပါတယ်။ စစ်ဘေး တိမ်းရှောင်ရင်း ပုန်းခိုနေတယ်ပဲ ပြောပါရစေတော့..။ 

ကိုယ့်ရပ်ကိုယ့်ရွာမနေနိုင်တော့ ဘုရားကင်း၊ တရားကင်း၊ သံဃာကင်းဖြစ်နေရပါတယ်ဘုရား။
အရှင်ဘုရားလဲ ရှေ့ဘယ်ခရီးဆက်ရမယ် မသိတော့.။ ဟောဒီ..တပည့်တော် ထန်းတောတဲစုမှာ သီတင်း သုံးစေ ချင်ပါတယ်ဘုရား။

ရဟန်းတော်ကား မည်သို့မျှစကားမိန့်တော်မမူပဲ ဒကာ၏ လျောက်ထားချက်ကိုလက်ခံလိုက်သည်။
…………………………………

ထန်းတော်ညိုညို ယာခင်းစိုစိုများအဦးပိုင်းတွင် ရဟန်းတော်သီတင်းသုံးသော ထန်းလက်ကျောင်းလေးတိုး လာသည်။ မိဘများ ထန်းတက်ခိုက်၊ ယာတောဝင်ခိုက် ဥမမယ် စာမမြောက် ကလေးပေါက်စနများသည် ရွာဦးက ထန်းလက်ကျောင်းတွင် စာသင်ကြသည်။

“ကကြီးရေ-က၊ ကကြီးရေးချ-ကာ” စသည်ဖြင့် သံပြိုင်အော်သံသည် ထန်ပင်ဖျားက ဖခင်နှင့် ယာတော တွင်းက မိခင်များကို အင်အားဖြစ်စေသည်။ ကလေးမိဘများသည် မိမိတို့သားသမီးများ စာအံသံကြား တိုင်း၊ ဘုရားဝတ်တက်သံကြားတိုင်း ရွာဦးကျောင်းက ဆရာတော်ကိုဦးညွတ်ကြသည်။ 

ထန်းလက်ကျောင်းဆရာတော်ဦးစီမှုဖြင့် သီတင်းပွဲ၊ တန်ဆောင်တိုင်ပွဲ၊ ထမင်နဲထိုးပွဲ၊ သင်္ကြန်ပွဲစသည်ဖြင့် တတ်အားသရွေ့ဖြင့် တောရွာတောဓလေ့ဘုရားပူဇော်ခြင်းဖြင့် စည်ကားနေသည်။
ဤသို့ဖြင့် နွေ၊ မိုး၊ ဆောင်း အလီလီပြောင်းကာ နှစ်တွေဟောင်းခဲ့ပြီ။
………………………………………….

ရဟန်းတော်ရွာထန်းတောရွာလေးသို့ရောက်စက “ကကြီးရေ-က၊ ကကြီးရေးချ-ကာ”ဆိုရသော သူသည် ရွာထဲတွင် တစ်အိုးတစ်အိမ်ဖြင့်.အိမ်ထောင်ဦးစီလျက်.။ 

ရဟန်းတော်ကို မိမိရွာတွင် နေထိုင် သီတင်သုံးရန်ပင့် ဖိတ်သော ထန်းတောပိုင်ရှင် ဒကာကြီးပင် အသက် အရွယ် အရ ထန်း မတက်တော့ပဲရှိတော့သည်။ 

ဤအချိန်ကာလတွင် မြန်မာမျိုးချစ်များကြောင့် မြန်မာနိုင်ငံလည်း လွတ်လွတ်လပ်လပ်ဖြစ်ခဲ့ပြီ။
သူတို့အတွက်တော့ ဤပေါင်းစုခြင်းသည် ခွဲခွာဖို့ဖြစ်လာပြီ။
…………………………………….

ကျောင်းဒကာကြီးရေ..၊ တို့နိုင်ငံလွတ်လပ်ရေးလည်းရပြီ။ သာယာဝပြောစည်ပင်လာခဲ့ပြီမို့။
ဘုန်းကြီးလဲဘုန်းကြီးရွာကို ပြန်ရပေဦးမယ်။ ဒီတော့…
ထိုစကားအမိန့်ရှိတိုင်း ရွာသူ ရွာသားမျက်နှာ မကောင်းတတ်ကြ။ အတင်းအကျပ်မတားလိုသော်လည်း မိမိတို့ရွာမှ ထွက်မသွားစေလိုသည့် သဘောကား အထင်သား။

ရဟန်းတော်သည်လည်း ဤထန်းတောရွာလေးတွင် နှစ်ပေါင်းနှစ်ဆယ်နီးပါးနေလာခဲ့ရသည့်မို့ အခွဲရခက် သည်။ သို့သော် မပြီးဆုံးသေးသည့် ခရီးများရှိသေးသည်မို့..။
…………………………

ဦးချသူတစ်ချို့၊ ငိုယိုတောင်းပန်သူတစ်ဝက်၊ လက်ဆွဲမတားသော်လည်း ခြေဖမိုး အစုံကို ဦးချရင်း တင်းတင်းဆုပ်လျက် တောင်းပန်သူတစ်ချို့ဖြင့် ရွာဦးကျောင်းဆရာတော်ကိုတားကြသည်။
ဆုံးဖြတ်ချက်ခိုင်မာသော ရဟန်းတော်ကား ရွာဦးဆီသို့လှမ်းထွက်ခဲ့ပြီ။

သရက်ပင်အုပ်အုပ်နားအရောက်တွင် မိမိနေခဲ့သော ရွာလေးကို ပြန်ကြည့်မိသည်။
ထိုကုန်းစောင်းလေးမှ ရှေ့ဆက်မတက်နိုင်တော့…။

ထန်းတောတဲစုလေးဆီသို့ ပြန်ခဲ့ပြန်သည်။ ရွာသားများ အတိုင်းမသိ ပျော်ကြသည်။
ဘုရားဝတ်တက်သံမြိုင်မြိုင် သည်. ထန်းတောဝန်းကိုကျော်လျက် ဘ၀ဂ်ခတ်တော့သည်။
ဤသို့ဖြင့် နွေရောက်တိုင်း ရွာဦးကျောင်း ဆရာတော်သည် ရွာသားများတောင်းပန်လျောက်ထားသည့် အကြားက မိမိရပ်ရွာသို့ ပြန်မည်မိန့်ကာထွက်သွားတတ်သည်။ 

သို့သော် သရက်ပင်အုပ်အုပ်နှင့် ကုန်းထိပ်ရောက်တိုင်း ရွာလေးကိုသမင်လည်ပြန်ကြည့်မိသည်။
ကြည့်မိတိုင်း ရှေ့ဆက်မတက်နိုင်တော့။
ဤသို့အကြိမ်ကြိမ်……..

မိမိကို ထန်းတောရွာလေးမှာ ကျောင်းဆောက်လှူသော ထန်းလက်ကျောင်းဒကာကြီးလည်း ကွယ်လွန်ခဲ့ပြီ။
ရွာလေးလည်းစည်ပင်ပြန့်ပွားခဲ့လေပြီ။ ရဟန်းတော်စာသင်ပေးခဲ့သော လူငယ်လူရွယ်များသည် လည်း ရပ်ရွာ တာဝန်ကို အသီးသီးထမ်းလျက် ပျော်စရာ..၊ ကြည်နူးစရာဖြစ်နေသည်။


တစ်ခုသောနွေတွင် ရွာဦးကျောင်းဆရာတော်ပြန်ဖို့ ပြင်ဆင်ပြန်သည်။
နောက်ပါးက ကပ္ပိယကြီးကိုခေါ်လျက် ထွက်လာခဲ့ပြီ။ …………………

သရက်ပင်အုပ်အုပ် ကုန်းတက် အရောက်တွင်မူခဏရပ်ပြီး စဉ်စားနေဟန်ရှိသည်။ ကပ္ပိယကြီးကား ရင်တထိတ် ထိတ်။ ရွာဦးကျောင်းဆရာတော်ကား နောက်သို့ ပြန်မကြည့်ပဲ တစ်ချက်တည်း လှည့်ပြီး ရွာဆီသို့ ပြန်လာခဲ့ သည်။ ဆရာတော်နောက်က လိုက်ပို့သော ကပ္ပိယကြီးကားပြုံးပျော်လျက်။

ထိုနေ့မှစ၍ သရက်ပင်အုပ်အုပ်နှင့် ထိုကုန်းကမူလေးကို” ဘုန်းကြီးလမ်း မတက်” ဟု မှည့်ခေါ် လိုက်ကြ သည်။

ထိုဘုန်းကြီးလမ်း မတက်ကုန်းကမူလေးနောက်တွင် ထန်းတောညိုညို ယာခင်းစိုစိုနှင့် ရွာလေးကား
”တဲကြီးကုန်း” အမည်ရှိသော ရွာလေးဖြစ်သည်။ 

တဲကြီးကုန်းရွာဦးကျောင်း ဆရာတော်ကား သက်တော်ဆုံးတိုင် ထိုရွာလေးတွင် သီတင်းသုံးနေထိုင်တော် မူသွားသည်။ 

......................................................
မှတ်ချက်။  မွေးရပ်မြေသို့ အမှတ်တရ..။
 

Tuesday, March 19, 2013

မုသားမပါ လင်္ကာ မချောလား?


 
ပဉ္စသီလတွင် မုသာဝါဒသိက္ခာပုဒ်သည် ချိုးဖျက်ခြင်းငှာလွယ်ကူသော သိက္ခာပုဒ်ဖြစ်သည်။

အလောင်းတော်မြတ်သည် ပါရမီဖြည့်စဉ် ကာလတစ်လျှောက် ထိန်းခဲ့၊ စောင့်ရှောက်ခဲ့သည်။
 
အခြားသိက္ခာပုဒ်များ ချိုးဖျက်မိသော်လည်း မုသာဝါကို မချိုးဖောက်ကြောင်းသိရသည်။

ယနေ့ မြန်မာစကားတွင် စကားလုံးတစ်စု နာမည်ကြီးသည်။ လူသုံးများသည်။
 
ထိုစကားမှာ “မုသား မပါလင်္ကာမချော” ဖြစ်သည်။
 
လိမ်ပြောရန် တိုက်တွန်းသော စကားဖြစ်သည်။ ပဉ္စသီလကို ဖောက်ဖျက်ရန် စိန်ခေါ်သော စကားဖြစ်သည်၊

အမှန်မှာ၊ “မုသာ မပါ လင်္ကာ မချော”မဟုတ်ပဲ၊
“မုတမပါ လင်္ကာမချော” သာ အမှန် ဖြစ်သည်။

လူတိုင်းတွင် မျက်စိ၊ နား၊ နှာ၊ လျှာ၊ ကိုယ်၊ စိတ်ဟူသော အာရုံ ခြောက်ပါးရှိသည်။

၁။ မြင်ခြင်းကို ဒိဋ္ဌခေါ်သည်။
 
၂။ ကြားခြင်းကို သုတခေါ်သည်။
 
၃။ ကျန်အာရုံများဖြင့် ခံစား၊ ထိတွေ့၊ သိရှိုခြင်းကို မုတ ဆိုသည်။

 
မြင်ကာမျှဖြင့် စာဖွဲ့ပါလျှင် လင်္ကာ မညက်ညောနိုင်ပါ။
 
ကြားရုံသက်သက်ဖြင့် စာစီပါက လင်္ကာ မညက်ညော နိုင်ပါ။

အမြင်၊ အကြားတို့သာမက ကျန်အာရုံများဖြင့်ခံစား၊ ထိတွေ့၊ သိရှိပြီးမှ ရေးသားလျှင်.
 
သို့မဟုတ် ပြောဆိုလျှင် စကားညက်ညောသည်။
 
လင်္ကာမြောက်သည်ဟု ပြောရမည်။ စကားပြေပြစ်သည်။ 

ကြားနာရသူများ နားဝင်ချိုသည်။ ချောမောပြေပြစ်သည်။

“မုသားမပါ လင်္ကာမချော” မဟုတ်ပါ။
 
“မုတမပါ လင်္ကာမချော”သာ ဖြစ်ပါသည်။ 

အမှန်တရားမြတ်နိုးတတ်ပါစေ။

ချမ်းမြေ့ကြပါစေ။


Saturday, February 25, 2012

ငြိမ်းချမ်းရေး နွေခရီးရှည်



ရာသီပြောင်းလုလု ဆောင်းနှောင်း၍ နွေဟန်တို့ ပေါက်လေပြီ တောင်ပြန်လေတွင် အမည်ဖော် မပြတတ်သော ဝေဒနာပါသည်၊ ရှိုးရှိုးရှဲရှဲ မြည်လိုက်သော သစ်ရွက်ခတ်သံများသည် ရင်ကိုထိတ်စေသည်၊ လမ်းများပေါ်ဝယ် အရှေ့၊ နောက်၊ တောင်၊ မြောက် အရပ်လေးနှာသို့ သုတ်ခြေတင်ပြေးလွှားနေရသော လူအုပ်ကြီးထဲတွင် မျော်ပါနေသည်၊ ကတ္တရာလမ်းပေါ်က အပူရှိဟပ်နေခြင်းသည် သိသာနေသည်၊ ကောင်း ကင်ပြန့်ပြန့်တွင် တိမ်မျှင်ကင်းလျှက် ရှင်နေမင်းလင်းလက်နေသည်၊ ပူ၏။

ဟိုအဝေးတွင် တိမ်တောင်လိုလို မင်းခိုရည်တို့က မြူနှင့်ရောပြီး ကနေသယောင်ထင်ရသည်၊ ယိမ်းထိုးနေ သည်၊ လေပြေအနွှဲ့တွင် တဖွဲတဖွဲကျရောက်လာသော ဖုန်ခိုးနှင့် မြေနံ့တို့ အထီးကျန်ဆန်ဆန်ပါနေသည်၊ ကွန်ကရစ် တောကြီးဖြစ်နေတဲ့ မြို့တိုက်တာ အဆောက် အဦးတွေဆီက ရောင်ပြန်ဟပ်နေခြင်းသည် အပူတစ်မျိုးတိုး စေသည်၊ တောစပ်စပ်တွင် ကျေးငှက် တို့သီချင်း ဆိုကြသည်၊ အဘယ်ကို ရည်၍ဆိုသည် မမှန်းနိုင်သော်လည်း ရင်တွင်သို့ထိုး ဖောက်ဝင်ရောက် သည်၊ ညဦးယံသည် နေမင်း သူရိန်အပူရှိန်ဖြင့် 

အိုက်စပ်စပ်ရှိသည်၊ သန်ခေါင်ယံတစ်ရေးနိုး လျှင် နှင်းပေါက်တို့ တံစက်မြိက်တွင် သီးနေတတ်သည်၊
နွေဦးမနက်ခင်းအလင်းရောင်တွင် ရိုးရိုးရဲရဲ အလင်းဓာတ်များပါသည်၊ ထိုအလင်းဓာတ်များသည် မြှူသလို ကလူသလို ဖြင့် ခဏ အကြာတွင် မခံသာအောင်ပူတော့သည်၊ လိုချင်တာ မရသေးသဖြင့် အမိမြေကိုပင် စွန့်ပြီး ပြေးနေရသော ဘ၀ကို တွေးမိတိုင်းရင်တွင်းကလဲ ပူသလိုလိုရှိသည်၊ အိုက်စပ်စပ် ညဉ့်ဦးယံတွင် အိပ်မပျော်နိုင် အားပဲ အတွေးများနှင့် လူးလွန့်ရင် ညဥ့်နက်နက်ကို ဖြတ်သန်းရသည်၊ ဘယ်ဆီဘယ် ၀ယ်က မှန်းမသိသော ဟိန္ဒူသူတော်စင်ဆာဒူးကြီးများ၏ ပူဇာတေးဖွဲ့လိုက်သော အသံသည် ညဥ့်ယံကို တစ်မျိုး သက်ဝင်စေသည်၊

တွေးရင်ဖြေရသည်၊
အန္တော တတ္တာ ဗဟိတတ္တာ၊ ဒွိဥဏှေဟိ ပဋာပိတာ။
သတ္တာ သောတ္ထိံ န ဂစ္ဆန္တိ၊ အဂ္ဂိ တတ္တာဝ အာတပေ။

အပြင်ကပူ အတွင်းကလဲ ပူ၊ အတွင်း အပြင် အပူနှစ်မျိုးဖြင့်
ပူလောင်နေသော သတ္တ၀ါတို့သည် နွေနေပူပူတွင်
နေလှန်းခံနေရသလိုရှိ၍ ချမ်းသားခြင်းကို ငါဘုရားမမြင်..။

ရာသီပူခြင်းသည် ရှောင်တိမ်း၍ရကောင်းသည်၊ အပူရှိန်အတိုင်းအတာ ကာလရှိသည်၊ ဘယ်လောက်ပူမည် ကြိုတင်ခန့်မှန်းနိုင်သည်၊ ခုခံကာကွယ်စရာရှိသည်၊ နွေကာလတစ်လျှောက်သာ ပူပေမည်၊ စိတ်ပူခြင်းသည် အတိုင်းမဲ့ဖြစ်သည်၊ လိုချင်မှုဖြင့်ပူရသည်၊ မလိုချင်တာရ၍လဲပူရပြန်သည်၊ ချစ်၍ ပူရသည်၊ မချစ်၍လဲ ပူရပြန်သည်၊ မသိလို့ပူရသည်၊ သိပြန်တော့လဲ ပူရပြန်သည်၊ သူ့ကြောင့် ကိုယ်ပူရသည်၊ ကိုယ့်ကြောင့် သူတို့ပူတာမြင်ရတော့လဲ ပူရပြန်သည်၊ အပူပတ်လည်ဝိုင်းတော့သည်၊

နွေနေပူပူတွင် ခယောင်းတောကြားထဲ တပင်တပမ်းအလုပ်လုပ်နေရသော မြင်ကွင်းသည် အိန္ဒိယနိုင်ငံကြီး၏ အရက်စက်ဆုံးပြကွက်ဖြစ်သည်၊ ရေရှားသည်၊ အလုပ်ကြမ်းသည်၊ လူဦးရေ အဆမတန်များပြားသည်၊ ပူလျှင်လဲ သူသာပဲရှိသည်၊ အေးပြန်လျှင်လဲ သူသာပဲ ကဲရော့မည်၊ အလွန်တရားများ ရှင်သန်ရာနေရာသည် အိန္ဒိယနိုင်ငံဖြစ်သည်၊ နွေပူပူကို ဖြတ်သန်းဖူးပြီ၊ ဆောင်းအေးအေးကို ခံစားဖူးပြီ၊ လွင်ပြင်တွေ ကို ဖြတ်ဖူးပြီ၊ တောင်တန်းများကို တက်ဖူးပြီ၊ ဟိမ၀န္တာတောင်တန်း များဆီအလည်ရောက်ဖူးပြီ၊ ဂင်္ဂ့ါကို အကြိမ်ကြိမ် ဖြတ်သန်းဖူးပြီ၊ မြစ်ပြင်ဂင်္ဂါတွင် ရွက်လွှင့်နေသော ကိုတံငါတို့တေးသံကို ကြားဖူးပြီ၊ အိန္ဒိယနွေ သည် လှသည်ဟုမဆိုနိုင်၊ 

ရက်စက်မှုတွေပါနေသည်၊ နွေအခါနေပူလျှင် လေလာအောင်မျှော်ရသည်မှာ ထုံးစံတစ် ခုဖြစ်သည်၊ သို့သော် ဗီဟာပြည်နယ်နွေခါရောက်လျှင် လေတိုက်ပင် လျှင် ရှောင်ပြေးရသည်၊ ထိုလေတွင် မခံမရပ်နိုင်လောက်အောင် အပူဓာတ်များပါဝင်နေသည်၊ လွင်ပြင်ပြန့်ပြန့် ကြီးကို ဖြတ်သန်းတိုက်ခတ် လာ သော လေသည် မပူပဲရှိရောမည်လား၊

သို့သော်ဤကဲ့သို့ နွေကာလကြီးတစ်ခုတတွင် စိတ်ငြိမ်းရေး အပြီးတိုင်ရပြီးသော ဘုရားရှင်နှင့် တကွ ရဟန်းတော်ပေါင်းများစွာသည် ဂင်္ဂါကို ဖြတ်လျှက် ခယောင်းကြမ်းလမ်းများကို ဖြတ်လျှက်၊ နွေလေပြင်း တို့ကို မမှုပဲ ခရီးရှည်ကြီးကို သွားဖူးကြသည်၊ မိုးလည်း မလာသေး၊ နှင်းလဲ ပျောက်စကာလမို့သာသည်ဟု ညွှန်းဆို သည်၊ ဘုရားရှင် ရာဇဂြိဟ်မြို့တွင် သီတင်းသုံးနေသည်၊ မွေးရပ်မြေမှ မင်းချင်းယောင်္ကျားတို့ အစုအစုဖြင့် လာရောက်ပြီး မွေးရပ်မြေသက္ကတိုင်းသို့ပြန်လည်ကြွရောက်ရန် လာကြသည်၊ သို့သော်ထို မင်းချင်းတို့ မင်းစေဘ၀ဖြင့် လာရသော စိတ်အပူများကင်းစင်စွာဖြင့် ရဟန်းဖြစ်ခဲ့ကြသည်၊ 

 သက္ကတိုင်းမှ ခရီးနှင်လာကြ သော မင်းချင်းတို့သည် ကိုယ်ပင်ပန်းခြင်းများကို အပြီးတိုင်ငြိမ်းကြလေသည်၊ ဘုရား ရှင် တပည့်သား သာဝက အဖြစ်ခံယူကြသည်၊ ဘုရင်သုဒ္ဓေါဓနမင်းသည် နောက်ဆုံး သားတော်ဘုရား နှင့်ဖွားဘက်တော် အမတ်ကာဠုကို ဖူးမြော်ခွင့်ရလိုကြောင်း လျှောက်ထားခိုင်းလေသည်၊ အမတ်ကာဠုဒါယီ သည် နောင်တော်ဘုရားနှင့် တွေ့ပါက ရဟန်းပြုခွင့်ပေးမည်ဆိုလျှင်ပင့်ပါမည့် အကြောင်း လျှောက်တင်လေ သည်၊ ဤသို့ဖြင့် တစ်ခုသော နွေဦးရဲ့ တပေါင်းလမှာ…..

တောလုံးစိမ့်မျှ၊ ချမ်းငြိမ့်ကြည်သာ၊
လေပြည်လာလျှက်၊ သည်ခါသာလှ၊
ကပ္ပိလသို့၊ ဇိနဘုန်းမော်၊
စက်တော်ချီကြွ……စသည် နွေမဆန်သေး၊ ဆောင်းရေး မပြယ် အလှကြွယ်သော တပေါင်းလ ရာသီတို့ကို အမတ်ကာဠုဒါယီ မြွက်ဆိုလျှက် ပင့်ဆောင်သည်၊ 

ဘုရားရှင်သည် မွေးရပ်မြေသို့ နောက်တော်ပါ သံဃာ ပေါင်းခြံရံလျှက် ခရီးရှည်ကြီးကို ဤလို နွေတပေါင်း တွင် ကြွလှမ်းတော်မူသည်၊

ဘုရားလွန်တော်မူပြီးသော်လည်း ဘုရားရှင် ဆံတော်ဓာတ်တို့ကိန်းဝပ်ရာ မြန်မာပြည်က မြတ်ရွှေတိဂုံသည် တပေါင်းလပြည့်တွင် ပူဇော်ပွဲကျင်းပသည်၊ မြစ်ရိုး ချောင်ကမ်းကမ်းတွင် ၀မ်းစာရေးရှာဖွေစားသောက် ရသော ကိုတံငါတို့ သောင်ပြင်သဲစပ်တွင် သဲကို စေတီပြုကာ ဘုရားရှင်အား ရော်ရည်မြော်မှန်း ပူဇော်ကြသည်၊

သောင်းကမ်းများထက်ဆီတွင် ရော်ရီကြွေလုလု ရွက်ဟောင်များ၊ ညွန့်နုစိုစို ပင်ပျို ရွက်သစ်များဖြင့် အရောင်စုံလျှက် လှနေသည်၊ တောလုံးလင်းလျှက်ကြွနေတော့သည်။