Pages

Showing posts with label အဖြူရောင်တိုင်းပြည်. Show all posts
Showing posts with label အဖြူရောင်တိုင်းပြည်. Show all posts

Sunday, September 28, 2014

လင်္ကာမြေ


၁။ တံမြက်စည်းလှည်းရမယ်။
၂။ ဘုရားနေ့စဉ်ဝတ်တက်ရမည်။
၃။ ဆွမ်းစားအပင့်အဖိတ်ရှိက လိုက်ရမည်။

ဆိုသော စည်းကမ်းသုံးချက်ဖြင့် လင်္ကာမြေက ဆင်ဟာလီကျောင်းတွင် နေထိုင်ခွင့်ရသည်။

တံမြက်စည်းလှည်းရမည် ဟူသော စည်းကမ်းသည်ပင် သူ့အရပ်သူ့ဒေသနှင့်မို့ ခက်သေးသည်။
ဘုရုမေ အရှင်ကို တံမြက်စည်းမလှည်းပါနဲ့။ အမှိုက်ပဲကျုးံပါလို့ ဆရာတော်က ပြောပါတယ်..
ဘာလိုလဲ ထပ်ပြီးမေးမိတော့..၊
အရှင်ဘုရားလှည်းတာက ကြက်ယက်သလိုပဲလို့ ဆရာတော်ကပြောတယ်။

နောက်တော့ သူတို့တံမြက်စည်းလှည်းတာကို သေချာကြည့်မိတော့ ဟုတ်ပေသားပဲလို့ သိလိုက်ရသည်။
သူ့တို့တံမြက်စည်းသည် မြန်မာတံမြက်စည်းလို အလုံးကြီးမဟုတ်၊ တံမြက်ဆံများကို ယပ်တောင် ကဲ့သို့
ဖြန့်ထားသည်။

လှည်းသော အခါတွင်လည်း လှည်းကျင်းပြီးသားဘက်တွင် လူမနေရ။ အမှိုက်များကို သဲပြင် အပေါ်မှ ခပ်ရှပ်ရှပ်ဆွဲယူလိုက်ခြင်းသာပါ။ လှည်းကျင်းပြီးသား ဘက်တွင်လဲ အုန်းလက်ပမာ ပြန့်ပြူးကျန်ရစ်သည်။ သဲများပါမလာပဲ အမှိုက်သည်သာ ပါလာသည်။

မိမိကားသူတို့လို မဟုတ် အမှိုက်ပြောင်ပြီးရောဆိုသလိုမျိုးဖြင့် မြန်မာလို လှည်းကျင်းလိုက်တော့သဲတွေ 
ပါသည်။ သဲပြင်တွင် ကောက်ကြောင်းကြီးများ အထင်သားရှိသည်။
ကြက်ယက်သလိုမို့ အမှိုက်မလှည်းရတဲ့။
နောက်တော့ ဖြေးဖြေးချင်းတတ်မြောက်သွားပါသည်။
ကြက်ယက်ထားသလိုကြီး မဖြစ်တော့ပါ။

၂။ ဘုရားဝတ်တက်လိုက်ရမည်။
လင်္ကာမြေက ဘုရားဝတ်တတ်ခြင်းသည် ကြည်နူးစရာအကောင်းဆုံးဖြစ်သည်။
ကျောင်းအနီးအနားက ဒကာ ဒကာမများလာကြသည်။
တတ်နိုင်သည့်ပန်းများကို တစ်ပွင့် တစ်ခိုင်ဖြစ်စေ ယူလာကြသည်။
ပန်းတင်ခုံတွင် စုံထားကြသည်။

ဘုရားဝတ်တက်ရန်နီးလာသောအခါ အဖြူများသည် အဖြူတစ်စု၊ အနီများသည် အနီတစ်စု၊ အ၀ါ အပြာ အစိမ်းစသည် ပန်းရောင်စုံတို့သည် တစ်ကန့်စီသာရှိကြသည်။
ရွေးချယ်ထားပြီးသော ပန်းများကို ပန်းကန်ငယ်များတွင် ထည့်ကြသည်။
ထို့နောက် ဘုရားဝတ်တက်လာသူ ကလေးလူကြီးမကျန် ပန်းတင်ခုံမှ ပန်းများကို လက်ဆင့်ကမ်းပြီး ဘုရားရှင်ဆီသယ်ဆောင်ပူဇော်ကြသည်။
ဘုရားဝတ်တက်ပြီးလျင် သံဃာတော်များကို ဦးချပူဇော်ကြသည်။
မြန်မာများလို ဘုန်းအားလုံးကို တစ်ကြိမ်တည်းဖြင့် ဦးချ ၀တ်ပြုလိုက်သည် မဟုတ် တစ်ပါးလျင် ဦးသုံးကြိမ်နှုံးဖြင့် သံဃာအားလုံးစုံအောင် ဦးချဝတ်ပြုသည်။

ထူးခြားသည်ကားတင်ပလ္လင်ခွေပြီး ထိုင်နေရသည် မဟုတ် မတ်တတ်ရပ်ပြီး အပူဇော်ခံရသည်။
ပရိတ်သတ်များလျင် တစ်နာရီကျော်ကျော်ကြာတတ်သည်။
“အာယု ဘ၀ံ” ဟု ဆုပေးရသည်။
အသက်ရှည်ပါစေ...တဲ့။

၃။ ဆွမ်းစားအပင့်အဖိတ်ရှိကလိုက်ရမည်။
လင်္ကာကျွန်းသည် အသောကမင်းကြီး လက်ထက်ကစလို့ ဗုဒ္ဓသာသနာထွန်းလင်းလာခဲ့သည်။
ယနေ့အချိန်တိုင်အောင်လည်း ကမ္ဘာအရပ်ရပ်မှ ဗုဒ္ဓသာသနာမြတ်နိုးသူ တို့လာရောက်လေ့ လာသင်ယူနေကြသည်။

ခေတ်သစ်နည်းများဖြင့် စနစ်တကျပို့ချသင်ကြားလေ့လာနေကြသည့် ကမ္ဘာသိတက္ကသိုလ်ကြီးများလည်း အများအပြားပင်ရှိသည်။
တိုင်းသူပြည်သားများကလည်း ဗုဒ္ဓသာသနာတော်ကိုကြည်ညိုသည့်အလျောက် ဆွမ်း၊ ကွမ်း၊ ကျောင်း၊ ဆေး မလစ်ဟင်းရအောင် လှူဒါန်းနေကြသည်။

ရုံးလုပ်သားများအပြားရှိသော တိုင်းပြည်မို့ စနေ၊ တနင်္ဂနွေနေ့တိုင်း ဆွမ်းစားကြွရသည်။
ရဟန်းတော်များ ဆွမ်းဘုဉ်းပေးနေသောအခါ အိမ်သူအိမ်သားအားလုံးသည် မိမိနိုင်ရာ ဆွမ်း၊ ဆွမ်းဟင်း စသည်များဖြင့် ရဟန်းတော်များကို လှူဒါန်းကုသိုလ်ယူနေကြသည်။

တစ်ခါတစ်ရံ ဆရာတော်ကြီးက ဆွမ်းအနုမောဒနာအနေအားဖြင့် တရားအဟောခိုင်းလေ့ရှိသည်။
ဟောခါစမို့ မြန်မာနည်း၊ မြန်မာဟန်အတိုင်း သီလပေးသည်။
ကျောင်းပြန်ရောက်သောအခါ “ဘုရုမေတို့ သီလပေးတာကလဲ ငေါက်သလိုပဲနော်”တဲ့။

မြန်မာဟန်အတိုင်း ဂရု၊ လဟု ပီပီရွတ်ဆိုမိသောကြောင့်ဖြစ်သည်။
အတွေ့အကြုံများလာသောအခါ ငေါက်သလိုမဖြစ်တော့ပါ။

အခုတိုင် တွေးမိတိုင်း ကြည်နူးရသည်။
အခွင့်အခါ သင့်ရင်ဖြင့် ပြန်လာချင်ပါသေးတယ် လင်္ကာရယ်။

Saturday, January 14, 2012

ဝိသုဒ္ဓိမဂ္ဂ- ရှေးဦးထေရ၀ါဒ အဋ္ဌကထာ

 ၀ိသုဒ္ဓိမဂ္ဂကျမ်းမြတ်ကို သံဃအလည် မထေရ်ကြီးများအထံ ပေးအပ်နေစဉ်

ထေရ၀ါဒ အဋ္ဌကထာကျမ်းပြု မထေရ် အရှင်မဟာဗုဒ္ဓဃောသသည် ပိဋကတ်သုံးပုံကို အကျယ်ဖွင့် ဆိုရေး သား တော်မူခဲ့သည်၊ ရေးသားခဲ့သော အဖွင့်ကျမ်းများစွာတို့တွင် ၀ိသုဒ္ဓိမဂ္ဂကျမ်းသည် လက်ရာ အမြောက် ဆုံး ဖြစ်သည်၊ ၀ိသုဒ္ဓိမဂ္ဂ တစ်ကျမ်းတည်းဖြင့်ပင် သီရိလင်္ကာသို့ ရောက်လာသော အိန္ဒိယနိုင်ငံသားကြီး ဗုဒ္ဓဃောသ ကို ဗုဒ္ဓမတ္တညူ အဖြစ်လက်ခံတော်မူကြသည်၊

ဝိသုဒ္ဓိမဂ္ဂကျမ်းသည် ၀ိပဿနာလမ်းစဉ်ကို ရှင်းရှင်း လင်းလင်းဖွင့်ပြသည့် ကျမ်းမြတ် မဟာတစ် ဆူဖြစ် သည်၊ မြန်မာနိုင်ငံ အပါအ၀င် အရှေ့တောင် အာရှရှိ ထေရ၀ါဒဗုဒ္ဓဘာသာ ပညာရှင်များသည် အကျင့်လမ်း စဉ် ၀ိပဿနာနည်းနှင့် ပတ်သက်လျှင် ၀ိသုဒ္ဓိမဂ္ဂကို ကိုးကားရေး သားပြောဆိုကြ ရသည်၊ မြန်မာနိုင်ငံ အနေနှင့် ယင်းဝိသုဒ္ဓိမဂ္ဂကျမ်းကို ၁၉၃၁ ခုနှစ်တွင် ဦးဖေမောင်တင်က အင်္ဂလိပ် ဘာသာသို့ ပြန်ဆိုသည်၊ Pali Text Society က မြန်မာ ပညာရှင်ကြီး ပြန်ဆိုသည့် ကျမ်းကို ထုတ်ဝေခဲ့သည်၊ အင်္ဂလိပ်ဘာသာဖြင့် ပထမဆုံး ပုံနှိပ်မူ ဖြစ်သည်ဟု ဆိုင်နိုင်ပါသည်၊

ထို့အပြင် အဖျောက်ဆရာတော် အရှင်နန္ဒမာလာနှင့် မဟာစည်ဆရာတော်တို့ကလည်း မြန်မာဘာသာဖြင့် အကျယ်ရေးသားဖွင့်ဆို တော်မူကြသည်၊ ခေတ်သစ် ၀ိပဿနာ နည်းပြတို့၏ ရှေ့သွားဦးဆောင် တစ်ဆူ ဖြစ်တော်မူသော မဟာစည် ဆရာတော်၏ ၀ိသုဒ္ဓိမဂ္ဂကျမ်းကို မြန်မာပြန်နှင့် ရှိသော ကျမ်းများတွင် အကောင်းဆုံး ဟု ဆုံးဖြတ်တော်မူကြ သည်၊

ယခင်သိထားသော အစဉ်အလာများနှင့် မတူထူးခြားချက်မှာ ဤကျမ်းမြတ် ၀ိသုဒ္ဓိမဂ္ဂကို ရေးသားရန် ကျမ်းပြု အရှင်ဗုဒ္ဓဃောသတောင်းပန်ရသည် မဟုတ်ပဲ သီရိလင်္ကာနိုင်ငံ သားရဟန်းတော်များက သာ တောင်းပန်ကြသည်ဟု ပညာရှင်များက ယူဆကြသည်၊ တောင်းပန်ရခြင်း အကြောင်းများစွာတို့တွင် ထူးခြားသော အချက်တစ်ချက်ပါဝင်နေသည်ကို တွေ့ရသည်၊ ထိုအကြောင်းမှာ မဟာဝိဟာရ၀ါသီ ဂိုဏ်းသားတို့နှင့် မတူ ထူးခြားသော အဘယဂီရိ ဂိုဏ်းသားများ၏ ပေထက် အက္ခရာတင် ပိဋကတ် များကို သာမက သက္ကတ ဘာသာပြန် ကျမ်းများကို သင်ယူလေ့ကျက်၊ ထို့နောက် ပိဋကတ်တော်များကို သက္ကတ ဘာသာဖြင့် ရေးသားဖွင့်ဆိုနေခြင်း ကြောင့်ဖြစ်သည်ဟု ပြောဆိုကြသည်၊

အဘယဂိရိဂိုဏ်းသားများသည် သက္ကတ ဘာသာနှင့် ရှိနေသော ဓမ္မရုစိ၊ မဟာယာနဂိုဏ်း၏ ကျမ်းစာများကို သင်ယူကြသည်၊ နောက်နောက်သော သူများကလဲ အသစ်ဖြစ်သော မဟာယာနအယူအဆများကို လိုက်ပါ သင် ယူလိုကြပြန်သည်၊ ထိုသို့သင်ယူခြင်း အားဖြင့် အဘယဂိရိဂိုဏ်းသားတို့၏ အယူဝါဒများ တိုင်းတစ်ပါး သို့ ပြန်နှံ့ရန်လွယ်ကူပြန် သည်၊

သီရိလင်္ကာတွင် တည်ရှိနေပြီဖြစ်သော ဘုရားဟောပါဠိတော်များကို အယူဝါဒ တစ်ပါးမဖက် အကျယ်ဖွင့် ဆိုရေး သားရန်လိုလားနေချိန်ဖြစ်သည်၊ ပါဠိဘာသာဖြင့် ရေးသားဖွင့်ဆိုလိုက်ခြင်းအားဖြင့် အခြားသူများ လဲနားလည် နိုင်ပြီး တိုင်းတစ်ပါးသို့ ပြန့်နှံ့ရန်လွယ်ကူသည်၊ ထိုသို့ဖွင့်ရန်ရေးသားရန် ပြည့်စုံသည့် ရဟန်းတော်မှာ ဗုဒ္ဓဃောသ မထေရ်သာ ဖြစ်နိုင်သည်ဟူသော အကြောင်းကြောင့် သီရိလင်္ကာနိုင်ငံသား မထေရ်များက ၀ိသုဒ္ဓိမဂ္ဂ ကျမ်းကို ရေးသားရန် တောင်းပန်ကြသည်။

ဗုဒ္ဓဃောသမထေရ်မြတ်နှင့် ပတ်သက်ပြီး ဖွားရာဒေသမှာ ဆွေးနွေးဖွယ်ဖြစ်နေသေးသော်လည်း အများစု ယူဆ သည့် အချက်မှာ မဟာဗောဓိတစ်ဝိုက်၊ ဂယာဝန်းကျင်ရှိ ပုဏ်ဏားရွာတွင် ဖွားမြင်ကြောင်း ယူဆကြ သည်၊ ထိုအရပ်မှာပင် ရေ၀တ မထေရ်ကြီး၏ လမ်းညွှန်ချက်ဖြင့် ရဟန်းဖြစ်တော်မူခဲ့သည်၊ ပိဋကတ်သုံးပုံကို သင်ယူ သည်၊ ထို့နောက်တွင် ယင်းဒေသရှိ ကျောင်းတိုက်၌ပင်နေလျှက် အဋ္ဌသာလိနီကျမ်းနှင့် ဉာဏောဒယကျမ်း တို့ကို စီရင်သည်၊

ထိုကျမ်းတို့ကို ရေးသားစဉ်နေထိုင်သော ကျောင်းတိုက်မှာ မဟာဗောဓိကျောင်း တိုက်ဖြစ်သည်၊ အဆို ပါ ကျောင်းတိုက်ကို လှူဒါန်းသူမှာ သီရိလင်္ကာနိုင်ငံသား မင်းတစ်ပါး ဖြစ်နေခြင်း ပင်ဖြစ်သည်၊ သိရီမေဃ၀နမင်း ( ၃၀၄- ၃၂၂)  တည်ထောင်ခဲ့သော မဟာဗောဓိကျောင်းတိုက်သည် မဟာဝိဟာရ၀ါသီ ဂိုဏ်းသားများ အဆက်ကျောင်းတိုက် ကြီးပင်ဖြစ်သည်၊ ထိုစဉ်က ထင်ရှားနေသော မဟာယာနကျောင်း တိုက်ကြီးများဖြစ်သည့် ၀ိကရမသီလာ၊ နာလန္ဒာ၊ ဥဒန္ဒပူရီကျောင်းတိုက်ကြီးများနည်းတူ မဟာဗောဓိကျောင်း တိုက်မှာလဲ ထေရ၀ါဒ အယူအဆများကို သင်ယူရာ ဗုဒ္ဓတက္ကသိုလ်ကြီးပင်ဖြစ်သည်၊

ဆရာသမားများ၏ ယုံကြည့်အားကိုးမှုခံရသော ဗုဒ္ဓဃောသမထေရ်မြတ်သည် ဘုရားရှင်၏ပါဠိတော်များကို အကျယ်ဖွင့် ဆိုရေးသားလိုပြန်သည်၊ ထိုအချက်ကို ဖြည့်ပေးနိုင်သည့် အချက်မှာ ပါဠိတော်အစုံနှင့် အာစရိယ၀ါဒ အစုံရနိုင်သော သီရိလင်္ကာသို့ သွားရောက်ရေးသားမှ ဖြစ်နိုင်ကြောင်း ပြောဆို မိန့်ကြားခြင့်ခံ ရပေမည်၊ ဤသို့ဖြင့် လင်္ကာကျွန်းသို့ ကြွလာခဲ့ပေသည်ဟု ကောက်ချက်ချနိုင်သည်၊

မြန်မာနိုင်ငံသာသနာတော်တွင် ဗုဒ္ဓဃောမထေရ်မြတ်ကို ဒုတိယဘုရား အရာထားလျှက် ကြည်ညိုကြသည်၊
“ဗုဒ်စ၊ ဗုဒ်လယ်၊ ဗုဒ်ဆုံး” ဟုဆိုရိုးပြုကြသည်၊ ဗုဒ်စဆိုသည်မှာ ဘုရားရှင်ကို ဆိုလိုခြင်းဖြစ်သည်၊ သီလ၊ သမာဓိ၊ ပညာတို့ဖြင့် ထုံးမွှမ်းထားသော ပိဋကတ်သုံးပုံ သာသနာတော်ကို ဟောကြားတော်မူသည့် သဘောကိုဆို လိုသည်၊ ဗုဒ်လယ် ဆိုသည်မှာ ပါဠိပိဋကတ်တော်များကို အကျယ်ဖွင့်ဆိုရေးသားသည့် ဗုဒ္ဓဃောသမထေရ်မြတ် ကို ဆိုလိုသည်၊

ထူးထူးခြားခြား “ဗုဒ်ဆုံး” ဆိုသည်မှာ မြန်မာနိုင်ငံသား၊ အင်းဝခေတ်၊ ငယ်မည် မောင်ပုတ်( မောင်ဗုဓ်) ရဟန်းဘွဲ့တော်၊ ဇမ္ဗုဓဇမထေရ်၊ ညောင်ကန်ဆရာတော်ပင်ဖြစ်သည်၊ ဆရာတော်သည် ရှေးမထေရ်မြတ် များရေးသားတော်မူခဲ့သည့် အဋ္ဌကထာများကို နိဿယျ( ပါဠိတစ်ချက်၊ အနက်တစ်တန်) ရေးသားတော်မူ သည်၊ ခေတ်ပြိုင် မြန်မာ ရဟန်းပညာရှိ အလယ်တွင် စာတင်ကျန်ရစ်အောင် သိက္ခာ၊ သမာဓိ၊ စာဉာဏ်ကြီးသော မထေရ်မြတ်ကြီး တစ်ပါးပင်ဖြစ်သည်၊

 ထေရ၀ါဒအဋ္ဌကထာကျမ်းပြုအရှင်မြတ်များပေါ်ထွန်းရာ ကိဉ္စိပူရမြို့

ဗုဒ္ဓဃောသမထေရ်မြတ်နောက်တွင် ပေါ်ထွန်းလာသော အဋ္ဌကထာဆရာ၊ ဋီကာဆရာ အများစုသည် အိန္ဒိယ နိုင်ငံတောင်ပိုင်း၊ တမီးနာဒူးပြည်နယ်၊ ကဉ္စီပူရ( kanchipuram) မြို့သားများဖြစ်ကြသည်၊ သမိုင်း မှတ်တမ်းများတွင် ကွန်ဂျီဗာရန်( conjeevaram) အဖြစ်လဲ ထင်ရှားသည်၊ ပလ္လ၀မင်းများ စိုးစံရာ မင်းနေပြည်ဖြစ်ခဲ့ဖူးသည်၊ ရွှေမြို့တော် အဖြစ်လဲခေါ်ဝေါ်ကြသေးသည်။ 


Friday, January 13, 2012

ရှေဦး ဗုဒ္ဓတက္ကသိုလ်ကြီးများ


အိန္ဒိယနိုင်ငံသည် ခေတ်အဆက်ဆက်ကတည်းကပင် ဘာသာရေး၊ ပညာရေး၊ ဒဿနဆိုင်ရာအတွေး အခေါ်များဖြင့် မှုံးခြယ်ထားသော နိုင်ငံကြီးဖြစ်သည်၊ ကမ္ဘာ့ဘာသာကြီးများအဖြစ် ဟိန္ဒူဘာသာ၊ ဗုဒ္ဓဘာသာ၊ ဂျိန်းဘာသာနှင့် ဆစ်ခ်ဘာသာတို့မှာထင်ရှားသည်၊ ပညာရေးအနေအားဖြင့် ရှေးဦး တက္ကသိုလ်ကြီးများပေါ် ထွန်းရာဒေသကြီးဖြစ်သည်၊ 

 The ancient taxila area, its borderlands

အတွေးအခေါ်ဒဿနဆိုင်ရာ အနေနှင့် မူများပြားလှသည်၊ ဟိန္ဒူဒဿန၊ ဗုဒ္ဓဒဿန၊ ဂျိန်းဒဿန၊ ဆစ်ဒဿန၊ ယောဂဒဿန၊ ဂန္ဓီဒဿန၊ ကရိရှနမူရတိဒဿနစသည်ဖြင့် ယနေ့တိုင်အောင်ပင် အရှေ့အနောက်ကမ္ဘာများက လေးစားရသော အတွေး အခေါ်အယူအဆများထွက်ပေါ်လျှက်ရှိသည်၊

အိန္ဒိယနိုင်ငံ၏ စောဆုံးတက္ကသိုလ်ကြီးဟုဆိုနိုင်သော ကျောင်းတော်ကြီးသည် ဇာတကများတွင်တက္ကသီလာ သည်ထင်ရှားသည်၊ အိန္ဒိယနိုင်ငံတစ်ဝှန်းကမင်းညီမင်းသားတို့သည် တက္ကသီလာ သို့ သွားရောက်ပြီး မင်းတို့ တတ်အပ်သော ပညာရပ်များကို သင်ယူကြရသည်၊ ယခင်ကအိန္ဒိယနိုင်ငံတွင် ပါရှိပြီး ယနေ့ခေတ် ပါကစ္စတန်တွင်ရှိနေသော တက္ကသီလာ( taxila) သည် UNESCO အထိမ်းသိမ်းခံ ကမ္ဘာ့ အမွေ အနှစ်ဖြစ်သည်၊

တက္ကသီလာသည် ဗုဒ္ဓဘာသာနှင့် ဟိန္ဒူဘာသာဆိုင်ရာ အထင်ကရနေရာကြီးဖြစ်သည်၊ စာပေများတွင် ဂန္ဓာရတိုင်း၊ တက္ကသီလာ အဖြစ်ဖော်ပြကြသည်၊ တရုတ်ခရီးသွားဖြစ်သော ဖာယီယန်(Fa-Hien)နှင့် ဟူယင်ဆန်( Hieun- Tsang) တို့ရောက်ရှိလာပြီး သူတို့ခရီးသွားမှတ်တမ်းတွင် မှတ်တမ်းတင် ထားကြ သည်၊ ထို့အပြင် နာလန္ဒာ တက္ကသိုလ် ကြီးမှာလဲ အိန္ဒိယနိုင်ငံရှေးဟောင်း ပညာဆည်းပူးရာ ဌာနကြီးဖြစ်သည်၊ နာလန္ဒာသည် ယနေ့တိုင်အောင်ပင် ကမ္ဘာအရပ်ရပ်မှ ပညာလာရောက်သင် ယူနေကြသော ပညာရှင်၊ ပညာ သင်များနှင့် စည်ကားနေသည်၊

ဝိကရမသီလာ၊ ဥဒန္တပူရီတို့မှာလဲ ထင်ရှားသော ဘာသာရေးဆိုင်ရာ ကျောင်းတော်ကြီးများဖြစ်ခဲ့ကြသည်၊ အထက်ပါကျောင်းတော်ကြီးများသည် ဗုဒ္ဓဘာသာဆိုင်ရာ အတွေးအခေါ်များ၊ ဟိန္ဒူဘာသာ ဆိုင်ရာ အတွေး အခေါ်များ ပေါ်ထွက်ရာ ၀ိဟာရကြီးများဖြစ်ကြသည်၊ အသင်္ဂ၊ ၀သုဗန္ဓု၊ နာဂဇုနဟူသော မဟာယာနကျောင်း တော်သားကြီးများသည် ဆိုပါတက္ကသိုလ်ကြီးများနှင့် နီးစပ်ခဲ့ကြသူများ ဖြစ်ကြသည်၊ 

 The great Nalanda University, India

မြန်မာနိုင်ငံတွင် မန္တလေးသာသနာ့တက္ကသိုလ်၊ ရန်ကုန်သာသနာ့တက္ကသိုလ်၊ သီတဂူကမ္ဘာ့ ဗုဒ္ဓတက္ကသိုလ်၊ ထေရ၀ါဒတက္ကသိုလ်စသည်ဖြင့် ပညာသင်ယူရာဌာနကြီးများကို တက္ကသိုလ်ဟုခေါ်သည်၊ ဂန္ဓာရတိုင်းရှိ တက္ကသီလာ ပညာသင်ယူရာဌာနကြီးကို အလေးပြုခေါ်ထားခြင်းဖြစ်သည်ဟု ဆိုနိုင်သည်၊

အိန္ဒိယနိုင်ငံသည် ပြည်နယ် နှစ်ဆယ့်ရှစ်ခုဖြင့် ဖွဲ့စည်းထားသော ကမ္ဘာ့ လူဦးရေ ဒုတိယအများ ဆုံး နိုင်ငံကြီးဖြစ်ကာ ရာသီဥတုစုံပြီး မယုံနိုင်လောက် ကိုးကွယ်မှုများပြားသော နိုင်ငံကြီးဖြစ် သည်၊ ရှေးဟောင်း သမိုင်းများတွင် အဓိက လူမျိုးစုကြီးနှစ်စုကို ဖော်ပြလေ့ရှိသည်၊ ယင်းလူမျိုးနှစ်စုမှာ အာရယန်နှင့် ဒြာဗီဒီယန်တို့ဖြစ်သည်၊ 

အိန္ဒိယနိုင်ငံ၏ တောင်ပိုင်း အကျဆုံးပြည်သည် တမီးနာဒူးပြည်နယ်ဖြစ်ပြီး ဒြာဗီဒီယန်တို့၏ ယဉ်ကျေးမှု၊ ဘာသာ၊ စာပေ၊ အနုသုခုမ ထွန်းကားရာ ဒေသကြီးဖြစ်သည်၊ ရှေးယခင်ကတည်းကပင် ဗုဒ္ဓဘာသာနှင့် နီးစပ်သော ဒေသကြီးဖြစ်ခဲ့သည်၊ မောရိယအင်ပါယာ အသောမင်းတရား၏ သားတော်မဟိန္ဒနှင့် သမီးတော် သင်္ဃမိတ္တာ ထေရီ တို့သည် တမီးနာဒူးပြည်နှင့် ကပ်လျှက်ရှိသော သီရိလင်္ကာနိုင်ငံသို့ ကြွရောက် ခဲ့ကြသည်၊ တတိယ သင်္ဂါယနာ အပြီးတွင် အိန္ဒိယနိုင်ငံ တောင်ပိုင်းသို့ ဗုဒ္ဓသာသနာတော်သည် အရှိန်အဟုန်နှင့် ရောက်ရှိ လာတော့သည်၊

တတိယ သင်္ဂါယနာတွင် သံဃာတော်များစစ်ဆေးအတည်ပြုထားသော ပိဋကတ်တော်များသည် မဟိန္ဒမထေရ် မြတ်နှင့် အတူ သီရိလင်္ကာနိုင်ငံ( သီဟဠဒီပ) သို့ ရောက်လာသည်၊ ပိဋကတ်တော် အစုံသည် ထိုစဉ်ကတည်း ကပင် အိန္ဒိယနိုင်ငံတောင်ပိုင်းနှင့် သီရိလင်္ကာနိုင်ငံတို့တွင် အခိုင်အမာတည်ရှိနေပြီဖြစ် သည်၊ 

မဟာယာန ကျောင်းတော်ကြီးများကိုသာမက ထေရ၀ါဒနိုင်ငံများသို့ပါ ရောက်ရှိလာသော ခရီးသည်မှာ ဖာဟီယန် ဖြစ်သည်၊ မဇ္ဈိမဒေသတွင် လှည့်လည်ရင်း ပိဋကတ်များရေးကူးသည်၊ သို့သော် မဇ္ဈိမဒေသတွင် ရှာမတွေ့ခဲ့၊ မိမိတိုင်းပြည် တရုတ်နိုင်ငံတွင် နာမည်မျှ မကြားဖူးသေးသော ဒီဃနိကာယ်၊ သံယုတ္တနိကာယ်နှင့် အချို့ ပိဋကတ်တော်များကို သီရိလင်္ကာနိုင်ငံတွင် ရေးကူးနိုင်ခဲ့သည်၊

အသောမင်းတရားကြီးနှင့် သားတော် သမီးတော်တို့သည် မြတ်ဘုရား သာသနာတော်အတွက် ပါဠိပိဋကတ် တော်များကို အပြည့် အစုံထိမ်းသိမ်းနိုင်ခဲ့ကြသည်၊ တတိယ သင်္ဂါယတနာတွင် မြောက်ပိုင်းသို့ ခွဲထွက် သွား ခဲ့သော သံဃာအများစုသည် ပိဋကတ်တော်များကို ပြုပြင်ရေးသားကြသည်၊ သံဃာအရေ အတွက်များပြားစွာဖြင့် ကက်ရှမီးယား သင်္ဂါယနာကို တင်ခဲ့ကြသည်၊

ထိုသင်္ဂါယနာသည် ဘီ စီ တစ်ရာစု ၀န်းကျင်ဟုပညာရှင်များ အဆိုပြုကြသည်၊ ကနိရှကမင်းနှင့် မြောက်ပိုင်း ဘုရင် အဆက်ဆက်တို့သည် မြောက်ပိုင်း ဗုဒ္ဓဘာသာကို အားပေးကြသည်၊ တက္ကသိုလ်ကြီးများ ထူထောင်ကာ ပညာရှင်များကို အားပေးခဲ့ကြသည်၊ ပညာရှင်များကလဲ အဖွင့်ကျမ်းကြီး များရေးသားခဲ့ကြ၏၊ အသင်္ဂ၊ ၀သုဗန္ဒု၊ နာဂဇုနစသောသူများသည် မြောက်ပိုင်းဗုဒ္ဓဘာသာ၏ အဋ္ဌကထာဆရာ ကြီးများအဖြစ် ထင်ရှားသည်၊

ထိုအချိန်အထိ သီရိလင်္ကာနိုင်ငံသို့ ရောက်ရှိသွားသော ဘုရားဟောပါဠိတော်တို့ကို အကျယ်ဖွင့် ဆို ရေးသား သည့် အဖွင့် အဋ္ဌကထာကျမ်းများ အကြောင်း အထောက်အထားကျယ်ကျယ်ပြန့်ပြန့် မတွေ့ရသေးပါ၊ ထိုအချိန်တွင် အသင်္ဂ၊ ၀သုဗန္ဒုတို့နှင့် ဂုဏ်ရည်တူ ထေရ၀ါဒ အဋ္ဌကထာဆရာ တစ်ဦး ပေါ်ထွန်းလာသည်၊

အိန္ဒိယနိုင်ငံ အလယ်ပိုင်းသား အရှင်မဟာဗုဒ္ဓဃောသပင်ဖြစ်သည်၊ သမန္တပါသာဒိကာ၊ သုမင်္ဂလ၀ိလာသိနီ၊ ပပဉ္စသူဒနီ၊ သာရတ္ထပကာသနီ၊ မနောရထပူရဏီ၊ အဋ္ဌသာလိနီ၊ သမ္မောဟ၀ိနောဒနီ၊ ပဉ္စပကရဏအဋ္ဌကထာ၊ ကင်္ခါဝိတရဏီ၊ ဓမ္မပဒအဋ္ဌကထာ၊ ပရမတ္ထဇောတိကာနှင့် ဇာတကတ္ထဋ္ဌကထာ တို့ဖြစ်သည်၊  ပိဋကတ်သုံးပုံကို အဋ္ဌကထာဖွင့်ဆိုခဲ့သည်၊ 

 Religious ruin of Sri Lanka

ထိုကျမ်းများတွင် မဟာယာန၏ အဆို အမိန့်ကို တစ်စိုးတစ်စိမျှ မတွေ့မြင်ရဟု သုံးသပ်ကြသည်၊ သို့သော် အရှင်မဟာဗုဒ္ဓဃောသ သီရိလင်္ကာနိုင်ငံသို့ မရောက်မီ ကတည်းကပင် မဟိန္ဒမထေရ်မြတ်နှင့် ဒေ၀ါနံ ပိယတိဿတို့ ထူထောင်ခဲ့သော မဟာဝိဟာရ၀ါသီဂိုဏ်းသားတို့၏ ထေရ၀ါဒ အတွေးအခေါ်များကို မနှစ် သက်သော မဟာယာနသို့ယိမ်းသည့် အယူအဆများကို နှစ်သက်ဟန်ရှိသည့် အဘယဂီရိဂိုဏ်းသား များပေါ်ထွန်းနေပြီ ဖြစ်သည်၊

မည်သို့ပင်ဖြစ်စေကာမူ မဟာဝိဟာရ၀ါသီကျောင်းတိုက်၊ အဘယဂီရိကျောင်းတိုက်တို့သည် ထေရ၀ါဒ သာသနာတော်၏ အထင်ကရတက္ကသိုလ်ကြီးများဖြစ်ခဲ့ကြသည်ကား သေချာလှပေသည်။ နာလန္ဒာ တက္ကသိုလ်၊ ၀ိကရမသီလာတက္ကသိုလ်၊ ဥဒန္တပူရီတက္ကသိုလ်ကြီးများထက် သက်တန်းပိုရှည်သည်၊ အိန္ဒိယနိုင်ငံတောင်ပိုင်းသား အများစုသည် သီရိလင်္ကာနိုင်ငံသို့ ကူးပြီး ထေရ၀ါဒ ပိဋကတ်တော်များ ကို လေ့လာကြရသည်။ 


Monday, December 19, 2011

သီဟိုဠ်နှင့် မြန်မာ အပိုင်း ၂


၁၈၆၀ ခုနှစ်တွင် မြန်မာနိုင်ငံသို့ သီဟိုဠ်မှ သံတမန်အဖွဲ့ရောက်လာသည်၊ မြန်မာဘုရင်ဘိုးတော်ဘုရား ကိုယ်တိုင် ခရီးဦးကြိုဆိုခဲ့သည်၊ မင်းဆရာ သံဃရာဇာမထေရ်မြတ်ကိုယ်တော်တိုင် ဦးစီးပြီးသီဟိုဠ်သား သာမဏေများကို ဥပသမ္ပဒကံဆောင်ပေးတော်မူခဲ့သည်၊

မြန်မာနိုင်ငံသို့ကြွရောက်ပြီး ဥပသမ္ပဒကံဆောင်ရခြင်းသည် သူ့ကျွန်ဘ၀ရောက်နေသော သီဟိုဠ်အတွက် ခက်ခဲသောကြောင့်ဖြစ်သည်၊ မြန်မာနိုင်ငံ အမရပူရတွင်ကံဆောင်ပြန်လာသော ရဟန်းတော်များဦးဆောင် မှုဖြင့် သီဟိုဠ်သားတို့သည် သာသနာ့ဘောင်သို့ဝင်ရောက်ခွင့်ရကြတော့သည်၊

ယနေ့သီရိလင်္ကာတွင် ထင်ရှားနေသော အမရပူရဂိုဏ်းသည် မြန်မာနိုင်ငံဘိုးတော်ဘုရား၏ မင်းနေပြည်ကို အစွဲပြုခေါ်ထားသော အမည်ဖြစ်သည်၊ သီရီလင်္ကာနိုင်ငံတွင် သံဃာဂိုဏ်း သုံးဂိုဏ်းရှိရာတွင် အမရပူရနှင့် ရာမညဂိုဏ်းတို့မှာ မြန်မာနိုင်ငံမှဖြစ်သည်၊ စိရနိကာယ(ရှမ်းဂိုဏ်း) ကား ထိုင်းနိုင်ငံမှဖြစ်ကြောင်းသိရသည်၊ သီဟိုဠ်နှင့် မြန်မာ၊ မြန်မာနှင့် သီဟိုဠ်သည် ထေရ၀ါဒသာသနာ အရှည်တည်တံ့ရေးအတွက် တစ်လှည့်စီ အကူအညီအထောက်အပံ့ပေးခဲ့ကြသည်ကို ၀မ်းမြောက်ဖွယ်တွေ့ရှိရပါသည်။

သီဟိုဠ်နှင့်မြန်မာတို့သည် တစ်ကမ္ဘာလုံးရှိ ဗုဒ္ဓဘာသာအတွက် မေ့မရနိုင်သော လုပ်ငန်းကြီးတစ်ရပ် ကို ရှေ့ဆင့် နောက်ဆင့်ဆောင်ရွက်ခဲ့ကြသည်၊ မြတ်စွာဘုရား သဗ္ဗညုတဉာဏ်တော်ရရှိတော်မူရာ မဟာဗောဓိ စေတီတော်အနီးတွင်တည်ဆောက်ထားသော မဟာဗောဓိစေတီတော်သည် ဟိန္ဒူဘာသာဝင် များလက်ထဲ ရောက်ရှိခဲ့ ရပြီး၊ ယိုယွင်းပျက်စီးနေသည်ကိုလည်း မပြုပြင်ပဲထားခဲ့ကြသည်၊

၁၈၇၅ ခုနှစ်တွင် ပဉ္စမသင်္ဂါယနာတင် မင်းတုန်းမင်းတရားကြီးသည် အိန္ဒိယနိုင်ငံအစိုးရခွင့်ပြုချက်ဖြင့် မဟာဗောဓိစေတီတော်ကြီးကို ပြုပြင်မွမ်းမံမှုများပြုလုပ်ခဲ့သည်၊ သို့သော် အုပ်ချုပ်မှု အပိုင်းတွင် ဟိန္ဒူတို့၏ လက်အောက်တွင်သာ ထားရှိခဲ့သည်၊ ဟိန္ဒူနတ်ဘုရားများကို စေတီတော်အတွင်း၌ ထားကာ ဟိန္ဒူဘုရား ကျောင်းအသွင်ဖန်တီးခဲ့ကြသည်၊

ဗုဒ္ဓဘာသာဝင်များလက်ဝယ်မရှိပဲ အခြေအနေ အမျိုးမျိုးအောက်တွင် ငြှိုးငယ်စွာတည်ရှိနေမှုကို လင်္ကာ သားကြီး အနာဂါရိကဓမ္မပါလတွေ့မြင်ရသောအခါ အကြီးအကျယ် ထိတ်လန့်ခဲ့ရသည်၊ မိမိကိုယ် တိုင်မြင်နေရသော အဖြစ်ကိုပင် မယုံနိုင်လောက်အောင် ဖြစ်ခဲ့ရသည်၊ ထို့ကြောင့် ဗုဒ္ဓဘာသာဆိုင်ရာ မဟာဗောဓိစေတီတော်နှင့် ဗောဓိပင်အခြေအနေတို့ကို ကမ္ဘာလုံးဆိုင်ရာ ဘာသာရေး အစည်းအဝေး များတွင် တင်ပြဆွေးနွေးခဲ့သည်၊ ဗုဒ္ဓဘာသာနိုင်ငံများသို့ သွားရောက်ပြီး မဟာဗောဓိစေတီတော်နှင့် မဟာဗောဓိပင်တို့၏ အခြေအနေ ကိုတင်ပြပြီး ဗုဒ္ဓဘာသာဝင်များပိုင်ဆိုင်ရေးအတွက်ကြိုးပမ်းခဲ့သည်၊ 

ယနေ့ကမ္ဘာတွင် ၀င့်ဝင့်ထည်ထည်ဖြင့် ဗုဒ္ဓဘာသာဝင် သူတော်စင်တို့ နှလုံးသားဝယ် မဟာဗောဓိမြေမြတ် တည်ရှိနေအောင် မြန်မာဘုရင် မင်းတုန်းမင်း ကြီးနှင့် သီဟိုဠ်သားကြီး အနာဂါရိကတို့၏ လုပ်ဆောင်မှုမှာ များစွာအရေးပါကြောင်း သမိုင်းမှတ်တမ်းများက သက်သေခံလျှက်ရှိသည်။

ယနေ့ခေတ်တွင်လည်း သီရိလင်္ကာနိုင်ငံရှိဗုဒ္ဓဘာသာဆိုင်ရာ တက္ကသိုလ်ကြီးများတွင်တက်ရောက်နေသော
ကျောင်းသားအများစုမှာ မြန်မာသံဃာတော်များပင်ဖြစ်သည်၊ သို့ဖြစ်၍ သီရိလင်္ကာနှင့်မြန်မာတို့သည် အနာဂတ် ဗုဒ္ဓသာသနာတော်အတွက် ဓမ္မညီအကိုများအဖြစ် လက်တွဲဆောင် ရွက်နေကြဦးမည်ဖြစ်သည်၊
တွေးမိတိုင်းပီတိဖြာရပါသည်။

ထို့ထက်ပို၍ထူးခြားသည်မှာ ဆရာတော်ကြီးဦးဝိနယာလင်္ကာရသည် သီဟိုဠ်ကျွန်းတွင် မြန်မာကျောင်းတိုက် (၅) တိုက်တည်ထောင်တော်မူခဲ့သည်၊ ယနေ့အချိန်တွင် မြန်မာသံဃာအများဆုံးမှီခိုအားထားရာ ကိုလံဘိုမြို့ရှိ၊ မကုဋာရာမမြန်မာကျောင်းတိုက်သည်လည်း တစ်တိုက်အပါအ၀င်ဖြစ်သည်၊ မြန်မာသက္ကရာဇ် ၁၂၈၆ ခုနှစ်တွင် တည်ထောင်ခဲ့သောကြောင့် ရတုအကြိမ်ကြိမ်ကို တည်ငြိမ်စွာဖြတ်သန်းခဲ့ပြီဖြစ်သည်၊

ခေတ်ပညာတတ် ရဟန်းတော်များစွာကို လည်းမွေးထုတ်ပေးနိုင်ခဲ့ပြီဖြစ်သည်၊ ခေတ်ပညာသင်ကြားရေးကို ဦးစီးဦးဆောင်ပြုခဲ့သော ဆရာတော်ဦးအာဒိစ္စ၀ံသလည်း သီတင်းသုံးနေထိုင်ခဲ့ဖူးသည်။ ဆရာတော်သည် ဘာသန္တရနှင့်ပတ်သက်ပြီး အများလေးစားရသော ပုဂ္ဂိုလ်ဖြစ်သည်၊ 
ဆရာတော်သည် မကုဋာရာမကျောင်းတိုက် စည်းကမ်းများကိုလည်း ဆရာတော် ဦးဝိနယာလင်္ကာရနှင့် အတူ ရေးဆွဲခဲ့ကြောင်းသိရပြန်သည်၊

ယနေ့မြန်မာနိုင်ငံတွင် ခေတ်ပညာသင်ယူမှု အပိုင်း၌ အားကြိုးမာန်တက်ဆောင်ရွက်ခဲ့သော ဆရာတော် ကြီးများ၊ ဆောင်ရွက်ဆဲ ဆရာတော်ကြီးများသည် မကုဋာရာမမြန်မာကျောင်းတိုက်ကြီးနှင့် ပတ်သက်ခဲ့ ဖူးသော ပုဂ္ဂိုလ် များဖြစ်ကြသည်ကို တွေ့ရပါသည်။

ဆက်လက်၍လည်း ဘာသန္တရကျွမ်းကျင်သော ခေတ်ပညာတတ်ရဟန်းတော်များ အစဉ်အဆက်မပြတ် ထွက် ပေါ်နေဦးမည်ဖြစ်ပါသည်၊ ဤအကျိုးကျေးဇူးများသည် သမိုင်းကြောင်း တစ်လျှောက် မြန်မာနှင့် သီဟိုဠ်တို့၏ အပြန်အလှန်ကြိုးပမ်းအားထုတ်မှုများကြောင့်ဖြစ်ပါသည်၊

ဗုဒ္ဓသာသနာတည်ရှိနေသမျှကာလပတ်လုံးမြန်မာနှင့်သီဟိုဠ်တို့သည် အတူတကွဆက်လက်ရှင်သန်
နေဦးမည် ကို ၀မ်းမြောက်ကြည်နူးစွာ မျှော်တွေးနေမိပါတော့သည်။ 

မှတ်ချက်၊ အထက်ပါဆောင်းပါးသည် 'လင်္ကာတမန် မဂ္ဂဇင်း' ဒုတိယ အကြိမ်တွင် စန္ဒနသာရ၊ မန်း ကလောင် အမည်ဖြင့်ဖော်ပြခဲ့သော ဆောင်းပါးဖြစ်သည်၊ 

Sunday, December 18, 2011

သီဟိုဠ်နှင့် မြန်မာ


မြန်မာနိုင်ငံနှင့် သီရိလင်္ကာနိုင်ငံတို့သည် ရှေးယခင်ကတည်းကပင် အဆက်အသွယ်ရှိခဲ့ကြသည်၊
နှစ်ပြည် ထောင်မင်းများသည် ဗုဒ္ဓသာသနာတော်နှင့်ပတ်သက်ပြီး ဓမ္မညီအကိုများဖြစ်ခဲ့ကြသည်၊

အသောကမင်း ကိုးတိုင်း ကိုးဌာနသို့ သာသနာပြုစေလွှတ်ရာတွင် သီဟိုဠ်သို့ သားတော် မဟိန္ဒနှင့် သမီးတော် သင်္ဃမိတ္တာတို့ကို စေလွှတ်ခဲ့သည်၊ သုဝဏ်ဏဘူမိသို့ကား ရှင်သောဏနှင် ရှင်ဥတ္တရမထရ်တို့ ကိုစေလွှတ်ခဲ့ သည်၊ 

သို့ဖြစ်၍ အသောကမင်းလင်ထက်ကတည်းကပင် မြန်မာနိုင်ငံနှင့် သီရီလင်္ကာနိုင်ငံတို့၌ ဗုဒ္ဓသာသနာ ထွန်းကားပြန့် ပွားနေပြီဖြစ်သည်၊ သို့သော်မြန်မာနိုင်ငံဖို့မူ အနော်ရထာမင်းမတိုင်မီရောက်ရှိ နေသော သာသနာတော်မှာ ထေရ၀ါဒစစ်စစ်မဟုတ်ဟု ယူဆကြသည်၊ ထိုအချိန်ကတည်းကပင် သီဟိုဠ်တွင် မူ ထေရ၀ါဒ စစ်စစ်တို့ခိုင်မာစွာ တည်ရှိနေပြီဖြစ်သည်၊

ဗုဒ္ဓဘုရားရှင်၏ အစစ်အမှန်သာသနာတော်ကိုလိုလားနေသော ဘုရင်အနော်ရထာနှင့် သီဟိုဠ်ဘုရင် ၀ိဇယဗာဟုမင်းတို့သည် ထေရ၀ါဒသာသနာတော် အတွက်လက်တွဲဆောင်ရွက်ခဲ့ကြသည်၊ အနော်ရထာ မင်း သည် သီဟိုဠ်သို့ ရဟန်းတော်များစေလွှတ်ပြီး ဥပသမ္ပဒကံဆောင်စေတော်မူသည်၊ 
သီဟိုဠ်ဘုရင် ၀ိဇယဗာဟု မင်းသည်လည်း မြန်မာနိုင်ငံသို့ ပိဋကတ်တော်များပေးပို့လှူဒါန်းခဲ့သည်၊ ဤသို့ဖြင့် မြန်မာနှင့်သီဟိုဠ်သည် ထေရ၀ါဒမြတ်ဓမ္မ လမ်းစဉ်းပေါ်ဝယ် ယှဉ်တွဲလျှောက်လှမ်းခဲ့ကြသည်၊

အနော်ရထာဘုရင်သည် ရှင်မဟိန္ဒနှင့် နှမတော်သင်္ဃမိတ္တာတို့ အခြေချသာသနာပြုရာ အနုရာဓပူရကို အားကျနှစ်သက်ပြီး သူ၏နေပြည်တော်ကို အရိမဒ္ဒပူရ ဟုမှည့်ခေါ်ခဲ့ပုံရသည်၊ ထိုမှစကာမြန်မာနိုင်ငံတွင် ပူရပါသောမင်းနေပြည်များ ပေါ်ထွန်းခဲ့သည်၊ ရတနာပူရခေါ်အင်းဝ၊ အရမပူရခေါ် တောင်မြို့၊ အယုဇ္ဇပူရခေါ် ကုန်းဘောင်နေပြည်၊ ဇေယျာပူရခေါ် စစ်ကိုင်းမြို့တို့မှာထင်ရှားသည်၊ အချို့သောမြို့အမည်များပြောင်းလဲ ခဲ့ပြီဖြစ်သောလဲ အမရပူရကိုကား ယနေ့တိုင်း သုံးစွဲနေကြဆဲဖြစ်သည်။

အနော်ရထာဘုရင်နှင့် ၀ိဇယဗာဟုမင်းတို့၏ အပြန်အလှန်လုပ်ဆောင်ချက်များကြောင့် နှစ်ပြည်ထောင်လုံး
တွင် ထေရ၀ါဒဗုဒ္ဓသာသနာတော် စည်ပင်ထွန်းလင်းခဲ့သည်၊ ဥတ္တရာဇီဝ မထေရ်မြတ်သည် ဆပ္ပဒသာမဏေ ကိုလိုက်ပါစေလျှက် သီဟိုဠ်ကျွန်းသို့ဘုရားဖူးကြွခဲ့သည်၊ မထေရ်မြတ်သည် သာမဏေကို သီဟိုဠ်ကျွန်း မဟာဝိဟာရကျောင်းတိုက်တွင် ပိဋကတ်တော်များသင်ယူနိုင်ရန် ချန်ထားခဲ့သည်၊   

ဆပ္ပဒသာမဏေသည် မဟာဝိဟာရကျောင်းတိုက်တွင် ဆယ်နှစ်ဆယ်မိုးပိဋကတ်တော် များ သင်ယူခဲ့သည်၊ သာမဏေသည် သီဟိုဠ်ကျွန်းမှာပင် ရဟန်းဖြစ်ခဲ့သည်၊
ဆပ္ပဒမထေရ်သည် စာသင်ဘက်ဖြစ်သော ရဟန်းတော်လေးပါးနှင့် အတူ အရိမဒ္ဒနပူရသို့ပြန်ခဲ့သည်။ ဤသို့ဖြင့် မြန်မာရှင်ဘုရင်များသည် သီဟိုဠ်သို့ရဟန်းတော်များစေ လွှတ်ပြီး ထေရ၀ါဒမူ များကို ယူဆောင်ခဲ့ကြသည်၊

ရွှေတိဂုံစေတီတော်ဒကာလဲဖြစ်၊ ဓမ္မစေတီခေါင်းလောင်းကြီးကို သွန်းလုပ်ပူဇော်ခဲ့သော ဓမ္မစေတီမင်းသည် လဲ မြန်မာရဟန်းတော်များကို သီဟိုဠ်သို့စေလွှတ်ပြီး သံဃကံများကိုဆောင်စေတော်မူခဲ့သည်၊ သီဟိုဠ်မူ အတိုင်းပင် မိမိ၏နေပြည်တော် ဟံသာဝတီတွင် ကလျာဏီသိမ်ကိုဆောက်လုပ်လှူဒါန်းခဲ့သည်၊

အဆိုပါသိမ်သည် ယနေ့တိုင်ပဲခူးမြို့၌ သမိုင်းအထောက်အထားအဖြစ်ခိုင်မာစွာတည်ရှိနေသည်၊ သံဃာ့ကံ များ ဆောင်ရွက်ဆဲဖြစ်သော ထိုကလျာဏီသိမ်ကြီးမှာ သီဟိုဠ်နှင့်မြန်မာတို့၏ဗုဒ္ဓသာသနာနှင့်ပတ်သက်
သောဆောင်ရွက်ခဲ့မှုများကို လှစ်ဟဖော်ကျူးနေသည်၊

Thursday, August 25, 2011

ပဏ္ဍရင်္ဂပဗ္ဗဇ္ဇာ

‘နောက်တိုင်းယဉ်ကျေးမှုနဲ့ အရှေ့တိုင်းယဉ်ကျေးမှုဆိုတာ တစ်ချို့နေရာတွေမှာ တော်တော်လေးကို ဆန့်ကျင်ဘက်ဖြစ်နေတတ်တယ်၊ ဥပမာ တပည့်တော်တို့ အရှေ့တိုင်းမှာ အဖြူရောင်ဆိုတာ အပြစ်ကင်းခြင်း၊ သန့်စင်မွန်မြတ်ခြင်း၊ စင်ကြယ်ခြင်းတွေကို ညွှန်းဆိုလေ့ရှိပါတယ်၊

အာရှတိုက်ကြီးရဲ့ အစိတ်အပိုင်း တစ်ချို့ကို အနောက်တိုင်းသားတွေသိမ်းပိုက်ပြီးတဲ့နောက် အဖြူရောင်ကို အပြစ်ပေး အကျဉ်းသားတွေ အတွက်ဆိုပြီး သတ်မှတ်လိုက်ကြတယ်၊ တပည့်တော်တို့က မကောင်းတဲ့ အရောင်လို့ သတ်မှတ်တဲ့ အမည်းကြတော့ သူတို့က တရားသူကြီးတွေကို ၀တ်ပေးလိုက်ကြပြန်တယ်၊

ဘုရားဟော အဘိဓမ္မာမှာ 
သုက္ကဓမ္မ- အဖြူရောင်တရား၊ 
ကဏှဓမ္မ- အမည်းရောင်တရားလို့ ကုသိုလ်ကို အဖြူ၊ 
 အကုသိုလ်ကို အမည်း ညွှန်ပြထားတာရှိတယ်၊ 
ဘုရားရှင် လက်ထက်တော်ကတည်းက အရောင်တွေနဲ့ ကိုယ်စားပြုပြီးလူတွေနားလည်အောင်
ဟောပြောပြသချက်တွေရှိပါတယ်’

မန်း သာသနာ့တက္ကသိုလ် တက္ကသိုလ်နေရစဉ်က ဗုဒ္ဓဒေသနာပြန့်ပွားရေးဌာနမှ ကထိကဆရာတော်သည် မြတ်ဗုဒ္ဓဒေသနာတော် ရှုထောင့်ဖြင့် အဖြူ၊ အမည်းတို့ကို ရှင်းလင်းပြပါသည်၊ ပါဠိတော်များတွင် ပဏ္ဍရင်္ဂပဗ္ဗဇ္ဇာ ဟုတွေ့ရသည်၊ အ၀တ်ဖြူဝတ်သော သူဟုဆိုလိုသည်၊ ထိုအ၀တ်ဖြူဝတ်သောသူများသည် သူတော်စင်များဖြစ်ကြသည်၊ 

မြန်မာနိုင်ငံတွင် သီလရှင်များကို ဆယ်ပါးသီလယူစေရာတွင် ‘ပဏ္ဍရင်္ဂပဗ္ဗဇ္ဇသီလံ’ဟုဆိုရလေ့ရှိသည်၊ စင်ကြယ်သန့်ရှင်းသော အ၀တ်ဖြူဝတ်သူတို့ ယူအပ်သော သီလဟုဆိုလိုသည်၊

အသောကမင်းသည် သားတော်မဟိန္ဒကို သီရိလင်္ကာနိုင်ငံသို့ သာသနာပြု စေလွှတ်တော်မူသည်၊ မထေရ်မြတ်ရောက်ပြီးနောက်တွင် နှမတော်ဖြစ်သူ သင်္ဃမိတ္တာထေရီလဲ ဘုရားရှင် 'သမ္မာသမ္ဗောဓိဉာဏ်' ရတော်မူရာ မဟာဗောဓိပင်မှ လက်ယာတောင်ကိုင်းနှင့် အတူ သပိတ်တော်တို့ကို ယူလာခဲ့လေသည်၊

ထို့နောက်လာရောက်ကြသော သီရိလင်္ကာနိုင်ငံသူများကို ရဟန်းမပြုလုပ်ပေးသည်၊ ဘိက္ခုနီများဖြစ်သည်၊ ရဟန်းတော်များကဲ့သို့ပင် ဖန်ရည်စွန်းသော သင်္ကန်းတော်မျိုးများ ၀တ်ဆင်တော်မူကြသည်၊ ပရိက္ခရာ အစုံဖြင့် ဆွမ်းခံဝတ်ဖြည့်တော်မူကြသည်၊ ဘုရားရှင်ချမှတ်တော်မူသော ၀ိနည်း သိက္ခာပုဒ်များကို တလေးတစားလိုက်နာကျင့်သုံးကြသည်၊

သင်္ဃမိတ္တာထေရီသည်လဲ မိမိတပည့်မများဖြစ်သော ဘိက္ခုနီများနှင့် သီတင်းသုံးတော်မူသည်၊ စာပေများဟောပြော ပို့ချသည်၊ မောင်တော် မဟိန္ဒမထေရ်မြတ်နှင့် အတူ သာသနာ့ဝန် ထမ်းတော်မူသည်၊

ယနေ့ခေတ်တွင် သီရိလင်္ကာနိုင်ငံတွင် ဘိက္ခုနီ- ရဟန်းမတော်များ မျိုးဆက် သာသနာ့ဝန်းထမ်း ‘ဒသဿီ မာတာ’များကိုတွေ့နိုင်သည်၊ 

ဆယ်ပါးသီလစောင့်ထိန်းသူများဟု ဆိုလိုခြင်းဖြစ်သည်၊ မြန်မာနိုင်ငံတွင် သီလရှင်ဟု ခေါ်ကြသည်၊ သီရိလင်္ကာနိုင်ငံတွင် ဒသဿီမာတာများသည် အဖြူရောင်ကို ၀တ်ဆင်ကြသည်၊
ထိုင်း၊ ဗီယက်နမ်၊ ကမ္ဘောဒီယားနိုင်ငံသူများလဲ အဖြူရောင်ကိုသာ ၀တ်ဆင်ကြသည်၊ ဘိက္ခုနီထေရီမတို့မွေးဖွားဖြစ်တည်ခဲ့ရာ အိန္ဒိယနိုင်ငံကြီးတွင် အဖြူဆင်မြန်းသူရှိသလို၊ အညိုရောင်ထေရီ မများကိုလဲ တွေ့နိုင်သည်၊

သီရိလင်္ကာနိုင်ငံ၊ ထိုင်းနိုင်ငံ၊ လာအို၊ ကမ္ဘောဒီးယာနိုင်ငံတို့မှ ‘ဒသဿီမာတာ’များကို တွေ့ရသည်၊ အဖြူရောင်များဖြင့်ငြိမ်းချမ်းသည်၊
သန့်စင်မှုများဖြင့် ထုံမွှမ်းသည်၊
တည်ကြည်မှုဖြင့်လေးနက်သည်၊

တစ်ခါတရံ မြန်မာနိုင်ငံသူသီလရှင်မ(သီလ၀တီ)များနှင့် မြန်မာနိုင်ငံ မျိုးဆက်ပွား သမီးချစ် (ဒေါ်သုဓမ္မ၀တီ)၏ ချစ်သည်းချာ နီပေါနိုင်ငံသူ သကျနွယ်ဖွား ပန်းဖျော့ရောင်ဆင်မြန်းထားကြသော သီလရှင်များကို မြင်ရသည်မှာ ရင်ကို အေးမြစေသည်၊

‘ဒသဿီမာတာ’ခေါ် အဖြူရောင်ဆင်မြန်းထားသော ဗုဒ္ဓသမီးတော်များ တင့်တယ် လှပသလို၊

ပန်းဖျော့ရောင်ဆင် သီလရှင်( သီလ၀တီ) တို့လဲ လှကြသတည်း။

သူတို့သည် ဖြုစင်သန့်စင်ခြင်းကို မြတ်နိုးကြသူများပင်ဖြစ်ကြသည်၊

Sunday, May 15, 2011

ကြည်နူးခြင်း ညနေ



ရှေးခေတ် အခါကတည်းက ပါဠိစာပေတွင် စံတင်လောက်သောပုဂ္ဂိုလ်များလာရောက်ပြီးမတ်ဗုဒ္ဓ ပိဋကတ်များကို လေ့လာရသော နေရာမြတ် သီရိလင်္ကာနိုင်ငံသို့ ရောက်ခဲ့ရသည်၊ ဘုရားကြည်ညို သူများပေါ များသဖြင့် ကြည်နူးရသည်၊ ရိုးရာဓလေ့ကို မြတ်မြတ်နိုးနိုး ထိန်းသိမ်းထားသော ကြောင့် လေးစားမိသည်၊ နိုင်ငံ့ ရတနာသားကောင်း သားမြတ်များ ဖြစ်သော မထေရ်မြတ်တို့ကို အထင်ကရ  လမ်းမကြီးများပေါ်တွင် ရုပ်တုများထားရှိပြီး ဂုဏ်ပြုထားသည်မှာ မြတ်နိုးဖွယ်ကောင်းလှသည်၊ အုန်းပင်စိမ်းစိမ်းတို့ နှင့်သီးစုံပေါသည့် မြေ၊ချိုမြိန်သော အရသာနှင့် သာယာသော အငွေ့အသက်တို့ လွင့်ပျံ့ ခုန်မြူးနေသလို ထင်မိသည်၊
          ရဟန်းတော်များ သီတင်းသုံးရာ ကျောင်း ၀ိဟာများသည် သားသတ္တ၀ါများ အတွက် ဘေးမဲ့ပေးထား သော ဥယျာဉ်များပမာ၊ ဗောဓိပင်များတွင် တောမျောက်များ လာရောက်ကြသည်ကိုတွေ့ရသည်၊ တခါတရံ လူနှင့် လက်တကမ်းသို့လာရောက်ပြီး အစာ တောင်းတတ်သည်၊ အေးအေး ဆေးဆေးစားသောက်ပြီး လိုရာ ခရီးသို့ ဆက်လက်ထွက်ခွါသွားသည်မှာ အသိတစ်ယောက် လမ်းကြုံလို့ဝင်ရောက်ပြီး အကူအညီ တောင်းနေ သလိုမျိုးထင်မိသည်၊ တောမျောက်များ ဖွတ်သတ္တ၀ါကြီးများသည် လူကိုတွေ့လျှင် အလန့်တကြား မဖြစ်သလို လူကလဲ ကြမ်းကြမ်း တမ်းတမ်း မောင်းထုတ်လေ့ မရှိကြပါ၊
          ကျေးငှက်များ တေးသီနေသည်ကို အမြဲတွေ့ရသည်၊ လိပ်များ တရွေ့တရွေ့ညင်သာ သွားလာလှုပ်ရှား နေသည် တို့ကိုလဲ တွေ့ရသည်၊ လက်တကမ်းသို့တိုင် လာရောက်ပြီး အစာလုနေသော ကျေးငှက်များကို မြင် ရသည်မှာ လူနဲ့သူတို့အကြား ငြိမ်းချမ်းရေး တစ်ခုကို ထူထောင်ထားသလို ထင်မိသည်၊ ကျောင်းတလင်းတွင် ပြန့်ပြန့် ခင်း ထားသော သဲနုနုတို့သည် မနင်းရက်အောင် ရှိလှသည်၊ ဗောဓိပင်ခြေ အုတ် ပလ္လင်ပေါ်တွင် စံနေ တော်မူသော ရုပ်ပွားတော်အား ကပ်လှူပူဇော်ထားသော ပန်းတို့သည် လေအဝှေ့ တွင် သင်းသင်းပျံ့ပျံ့နှင့် ပတ်ဝန်းကျင်ကို ထုံသင်း ကြည်အေး မွှေးနေစေတော့သည်၊ ဘုရားရှင် ရုပ်ပွားတော် စံတော်မူရာ ဂန္ဓကုဋိတိုက် ဘေး ပတ်ပတ်လည် တွင်လည်း စိုက်ပျိုးထား သောပန်းပင်တို့က ပဏာတင့်လျှက် လင်္ကာသူ လင်္ကာသားများ၏ ကြည်ညို ပူဇော်ဟန်ကို အားတက် နှစ်သက်မိပြန်သည်၊
          အမေ အမေ ဆိုပြီး နောက်ကနေလိုက်လာသောသားငယ်၊ သမီးငယ်များ၏ ခေါ်လိုက် သောအသံသည် ရှိရှိသမျှ ပတ်ဝန်းကျင်ကို အစွမ်းကုန်လှစေသည် ထင်မိသည်၊ သူတို့သည် သူတို့ အမေကို အမ္မ ဟုပါဠိလို ခေါ် ကြသည်၊ နားထဲဝယ် အမေဟု မြန်မာသံ ပီပီသသဖြင့် ကြားရတတ်သည်၊ မြန်မာသံဖြင့် အမေလို့ ခေါ် လျှင်လဲ အမေက တော့ ထူးမည်ပင်ဖြစ်မည်၊ မေးကြည့်ဖူးပါသည်၊ ဟုတ်တယ်၊ သူတို့က အမေလို့ ခေါ်တာ ပါတဲ့၊
          ဘုရားဖူးလာတော့ နောက်က သားငယ်သမီးငယ်တွေက အမေနဲ့ အတူလာကြသည်၊ အမေက ဘုရား ရှိခိုးတော့သူတို့လဲ ရှိခိုးကြသည်၊ အမေ အမေနှင့်ခေါ်လိုက်သော အသံသည် မွှေးသင်းနေသော နံ့သာ၊ ဖြူလွလွသဲခင်း၊ ကျေးငှက်တို့၏ သီကျူးသံ၊စိမ့်အေးမြိုင်ဆိုင်နေသော ဗောဓိညောင်ရိပ်တို့ ထက်သာလွန် နေသ ယောင် ထင်မိသည်၊ ထိုသို့ကြည်နူးမိတိုင်း ကလေးဘ၀သို့ ခဏပြန်ရောက် သွားတတ်ပြန်သည်၊
          ကျောင်းထိုင် ဆရာတော်သည် ဘုရားဖူးရောက်လာသော သူတော်စင်တို့အား ဗောဓိပင်ကို မျက်နှာ မူ စေလျှက် ဗောဓိပူဇာ ဂါထာများကို သာယာညင်ပြောင်း ရွတ်ဆိုပူဇော်သည်၊ ရုပ်ပွားတော်ရှေ့ဆီက ဆီမီးရောင် တလက်လက်သည် စိတ်အစဉ်ကို ထက်မြက်စေသည် ထင်ရသည်၊ တည်ကြည် ငြိမ်းချမ်းနေသော သူတို့အသွင် အပြင် အမူ အယာသည် အေးဆေးလှသည်၊
          မနက်ခင်းလဲ မနက်ခင်းမို့ ကြည်နူးရသည်၊ နေ့လည်ခင်းပင် ဖြစ်နေစေကာမူ ဗောဓိပင်ခြေတွင် လာ ရောက်ပူဇော်ကြသော သူတော်စင်တို့သည် ငြိမ်းချင်းဘိသည်၊ ညဥ့်ဦးယံသည် အပူခပ်သိမ်း ချုပ်သိမ်း သွား သလို အေးချမ်းသော ပတ်ဝန်းကျင်နှင့် သူတော်စင်များ၏ အမူအယာများသည် အပြစ်ကင်း စင်ပြီး တည်ငြိမ် အေး ချမ်းခြင်းက ရှုမြင်ရသော သူတို့အား ရင်ကို ပီတိလွှမ်းစေ တော့သည်၊ အလိုအလျောက် ရင်တွင်း စိမ့်စိမ့် သာဓု ခေါ်မိသည်၊ ငြိမ်းချမ်းခြင်း ညနေချမ်းကို ကောင်းကင်ပြင်က လရောင် ဆမ်းတော့ လျှမ်းလျှမ်း တင့်တော့၏။

Sunday, February 13, 2011

ဆာဓုခေါ်ပါသည်



အသာရေ သာရမတိနော၊ သာရေစာသာရဒဿိနော။
တေ သာရံ နာဓိဂစ္ဆန္တိ၊ မိစ္ဆာသင်္ကပ္ပဂေါစရာ။ 

မြတ်စွာဘုရားရှင်သည် ပါဠိ ဘာသာသာအားဖြင့် သတ္တ၀ါဝေနေယျတို့အား ငြိမ်းချမ်းရေး လမ်းစဉ်ကို ဟော ဖော်ညွှန် ကြားတော်မူခဲ့ပါသည်။ ပါဠိဘာသာနှင့်တွဲလျှက် ထေရ၀ါဒ ဗုဒ္ဓဘာသာကို လူသိများသည်။ အချို့က ထေရ၀ါဒ ဗုဒ္ဓဘာသာကို ပါဠိ ဗုဒ္ဓဘာသာဟုပင် ခေါ်ကြလေသည်။ အကြောင်းမှာ မြောက်ပိုင်း ဗုဒ္ဓ ဘာသာကို သက္ကတဗုဒ္ဓဘာသာဟု ခေါ်ဆိုသောကြောင့် ဖြစ်သည်။ ထေရ၀ါဒ ရဟန်းတော်များ ပါဠိရွတ် ဖတ်မှု အသံ နေ အသံထားသည် စည်းဝါး ကိုက် ညီသည်။ သာယာနာပျော်ဖွယ်ရှိသည်။ 

မဟာဗောဓိစေတီတော်ကြီးအနီးတွင် ဘုရားသား တော်သမီးတော်များ ပါဠိဘာသာ၊ သက္ကတဘာသာတို့ဖြင့် ပူဇော်နေကြသည်ကို ကြည်ဖွယ် တွေ့ ရသည်။ ဘုရားကို မြတ်နိုးကြတာခြင်းတူ သည်။ ကြည်ညို လေးစားကြတာခြင်း တူသည်။ သို့သော် မြန်မာနိုင်ငံ အနေဖြင့်ကား သီခြား အသံထွက်ဖြင့် ရွတ်ဆိုကြသည်။ ဂရု၊ လဟု ထားပြီး အသံပြတ် ဖြင့် ရွတ်ဆိုလေ့ရှိသည်။ သ အသံ ကိုပီပီသသ ကြားရသည်။ အခြား ထေရ၀ါဒနိုင်ငံများတွင် မြန်မာကဲ့သို့ သ အသံ မရှိပါ။ ဆ အသံဖြင့် ဆိုသည်။ ဆာဓု သံမြိုင်မြိုင်ကို မကြာ ခဏကြားရသည်။

သီရိလင်္ကာနိုင်ငံ တွင်နေရစဉ်က အခါကြီး ရက်ကြီးများ၊ ( သူတို့ အခေါ် ပေါယ) နေ့မြတ်များတွင် ပါဠိတော် များကို ဗောဓိညောင်ပင်အနီးတွင် က၀ိဘာဏ ရဟန်းတော်တစ်ပါးက သာယာနာပျော် ဖွယ်ဖြစ် အောင်ရွတ် ဆိုသည်။ နောက်ပါ ဒကာ ဒကာမ များက အာရုံပြု ကြည်ညိုကြသည်။ အထက်ပါ အသာရေ သာရမတိနော ဂါထာကို ရဟန်းတော်တစ်ပါးက ရွတ်ဆိုသည်။ မြန်မာပြည် စာသင်ကြားရစဉ်က မြန်မာသံစဉ်ဖြင့် ရင်းနှီး ကျွမ်းဝင်ခဲ့သောကြောင့် သူတို့ရွတ်သံ ဆိုသံသည် တစ်မျိုးရှိလှသည်။ နားထောင်ကောင်းပါသည်။ 

အာရုံပြုနေသော သူတော်စင်တို့ကို ညွတ်နူးဖွယ်ဖြစ်အောင် ရွတ်ဆိုသည်။ ကောင်းကင်ပြင်က လသည် ပြည့်ပြည့် ၀န်းဝန်းသာလှသည်။ ဗောဓိပင်ခြေတွင် ဖြန့်ခင်းထားသော သဲနုဖြူဖြူတို့သည် လင်ရောင်တွင် တဖျတ်ဖျတ် တောက်လျှက် ကြွနေသည်။ အနီး မျက်ခင်းပြင်တွင် စုဝေးနေရာယူထားကြသော သူတော်စင် တို့သည် ဗောဓိပင်ကိုမျက်နှာမူလျှက် ကြည်ညိုနေကြသည်။ က၀ိဘာဏရဟန်းတော်၏ သာယာ နာပျော် ဖွယ် ဂါထာရွတ်ဆိုသံသည် မိုးယံသို့ပျံတက်လိုက်၊ ပင်ညောင်ခြေတွင် ရစ်သိုင်းလိုက်ဖြင့် သီရိလင်္ကာနိုင်ငံ သူနိုင်ငံသားတို့၏ နှလုံးသားဝယ် ပဲ့တင်ထပ်နေမည်ဖြစ်သည်။ 

ကွမ်းရွက်တွင် ဆီမီးခွက်တင်ပြီး ဗောဓိပင် ခြေရှိ သဲပြင်တွင် ထွန်းညှိပူဇော်သည်။ စေတီတော်တိုင်းတွင် ပန်းတို့ဖြင့်လည်းကောင်း၊ ဆီမီး တို့ဖြင့် လည်း ကောင်း ညလုံးပေါက်နီးပါး ပူဇော်ကြသည်။ ညသည် နက်လာလေ ပို၍ ငြိမ်သက်ပြီး က၀ိဘာဏ ရဟန်း တော်၏ ပါဠိရွတ်ဆိုသံသည် ပို၍ပီသလာလေ ဖြစ်၏။ သူတော်စင်တို့သည်လည်း ဈာန်ယာဉ်စီးနေရသလို ရှိနေမည်လား တွေးမိသည်။ ကြားရသူရင်ထဲ ဖော်မပြတတ်သော ဓမ္မရသ တစ်ခုကို ရှာဖွေ တွေ့နေသလိုရှိ နေတတ်သည်။ ကောင်းကင်တွင်လဲ လရောင်ကကွန့်၍ လှနေသည်။ တရားလွှမ်းသော ညသည် ဆိတ်ငြိမ် အေးချမ်းလှပါ၏။

သူတို့ဘာသာရေး အခမ်းအနားတွင် အပျော်အပါး တွေ့ရခဲသည်။ အဖြူရောင်ကိုယ်စီဖြင့် သန့်စင်စွာ လှ နေတတ်သည်။ ရင်ခွင်တွင်အိပ်ပျော်နေသော ကလေးငယ်များကို ထွေးပွေ့လျှက်ပင် ဘုရားရှင်၏ စကား တော်များကို တပည့်သား သံဃာတော်များ၏ ရွတ်ဖတ် ပူဇော်နေပုံတို့အား အလေးထား ကြည်ညိုကြသည်။ သီရိလင်္ကာနိုင်ငံသာများ၏ ပါဠိရွတ်ဆိုပူဇော်သံကို နေရာအနှံ့ကြားရသည်။ တစ်ချို့ မြန်မာစကားပြော နောက်ခံ ဗုဒ္ဓ၀င်များတွင်လဲ ရံခါတွေ့ရတတ်သည်။ ဗုဒ္ဓံ သရဏံ ဂစ္ဆာမိ အစချီကာ ဘုရားဂုဏ်၊ တရားဂုဏ် နှင့် သံဃာဂုဏ် ရွတ်ဆိုသံတို့မှာ သာယာနာပျော်ဖွယ်ရှိလှသည်။ ဆာဓု အကြိမ် ကြိမ်ခေါ်မိသည်။

Friday, February 11, 2011

တစ်ဦးကမေတ္တာ တစ်ဦးကစေတနာ

မိတ်ဆွေတစ်ဦးရဲ့ အကူအညီနဲ့သူတို့နေတဲ့ကျောင်းကို ရောက်ခဲ့ရပါသည်။ မြေပြင်ပြန့်ပြန့်တွင် အကန့် လိုက်ဖြစ်အောင် တံမြက်စည်း လှည်းကျင်းထားသည်ကို ကြည်နူးဖွယ်တွေ့ရသည်။ 

သဲဝါ၀ါ နုနုလေးတွေ ခင်း ထားသည်။ ဗောဓိညောင်ပင်အောင်ခြေတွင် လေးမျက်နှာလှအောင် သဲပြင်ကိုခင်း ထားသည်။ သဲပြင် ပေါ် သို့ကြွေကျနေသော ညောင်ရွက်တို့သည်ပင် စိတ်ကို ညွတ်နူးဖွယ်ဖြစ်စေပါသည်။ ဗောဓိ ညောင်ပင်ကို ၀န်း ပတ် ကာရံထားသော အုတ်ရိုးတံတိုင်း၏ လေးမျက်နှာတွင် အရပ်လေးမျက်နှာ သို့ မျက်နှာမူလျှက် စံနေ တော်မူ သော ဗုဒ္ဓရုပ်ပွားတော်တို့ကို ကြည်နူးဖွယ်ဖူးတွေ့ရပြန်သည်။ 

ရင်းနှီးကျွမ်းဝင်နေသော ကျေး ငှက် တို့၏ သာ ယာငြိမ့်ငြောင်းသော သီဆိုနေဟန်တို့ကိုလဲ ကြားရ၊ မြင်ရပြန်သည်။ တခါတရံ တောမျောက်များ အုပ် လိုက်၊ အစုလိုက် လာတတ်သည် ကိုတွေ့ရသည်။ သတ္တ၀ါများကို ကြင်နာ စွာပြုမူဆက်ဆံသည်ကို တွေ့ ရ သည်။ ကြက်တူရွေးငှက်များကို လက်တစ်ကမ်းသို့ ရောက်အောင် ပျံသန်း နေကြသည်ကို တွေ့ရပြန်သည်။ ထိုကျောင်းလေးသည် ဥယျာဉ်တစ်ခုလိုိဖြစ်နေပါသည်။

လိပ်များလဲ ရှိသည်။ သူတို့အခေါ် နဂါး များ ဖြစ် သော ဖွတ်သတ္တ၀ါကြီးများကိုလဲ တွေ့ရပါသည်။ ရောက်ခါစက ဘယ်က နေဘယ်လို မျက်စိလည်လာ သည် မသိ အိပ်ခန်းထဲ ၀င်လာသည်ကို တွေ့ရသဖြင့် အလန့်တကြားဖြစ် မိသည်။ ကျောင်းထိုင် ဆရာတော်မှာ သက်တော် ငါးဆယ်ကျော်ပြီဖြစ်၏။ သို့သော် ဗုဒ္ဓဝေယျာဝစ္စ ဆောင် ရွက်ရာတွင် အတုယူဖွယ် ကောင်းလောက်အောင်တွေ့ရသည်။ ဘုရားရှိခိုး အမြဲတမ်း ဦးဆောင်မှုပြုသည်။ မြို့တွင်း ကလာရောက်ပြီး ဘုရားဝတ်တက်ကြသော ဒကာ ဒကာမများကို သီလပေး၊ တရားဟော ၀တ်မြဲ သည်။ 

သူ့ကျောင်းတွင် တစ်နှစ် တာ နေခွင့်ပေးထားသာ မိမိတို့နှစ်ပါးကိုလဲ ဘုရာဝတ်တက်မြဲဖို့ အမြဲ ပြော ပါ သည်။ ဘုရားဝတ်မတက်မီ ဘုရား ပန်းကပ်ခြင်းကို ဒကာ ဒကာမများနှင့်အတူ ဆောင်ရွက် ဆက် ကပ်ရ သည်။ မြန်မာမှုနှင့် မတူထူး ခြားသော ကြည်ညိုဖွယ်ရာဖြစ်သည်။ ဒကာ ဒကာမတို့သည် ညနေတိုင်း ဘုရားဝတ်မတက်မီ ကျောင်းသို့ ရောက်အောင်လာကြပြီး သူတို့ယူခဲ့ကြသော ပန်းတို့ကို ကြည်နူးဖွယ် ဖြစ်အောင်စီမံကြသည်။ ပန်းတို့စုံသည်။ ရနံ့တို့လဲ ထုံကြိုင်သည်။ ပို၍ထူးခြားသည်မှာ ကလေးများကို လူ ကြီးများနှင့် အတူတူ ပန်းကမ်း ပန်းကပ် ကြခြင်း သည် တစ်မျိုးထူးခြားပါသည်။ မြန်မာမှုတွင် မတွေ့ရသ လောက် ရှိသည်။ ကလေးများ သည် လဲ အလေ့အကျင့် ဖြစ်နေသည့် အတိုင်း စိုးရိမ်ထိတ်လန့်မှုများ မရှိပဲ တွေ့ရသည်။ ဘုရားကြည်ညိုတတ်အောင် ရင်ခွင်ပိုက်ပြီး သင်ခန်းစား ပေးသည်ကို ဂုဏ်ယူစွာမြင် နေ ရ သည်။ နှလုံးသားနုနုကို တရားတော်များ လှပ သော ယဉ်ကျေးမှုတို့ဖြင့် အလှဆင်နေခြင်းဖြစ်သည်။ 

ထိုလှပသောမြင်ကွင်များကို ဆယ်လခန့် နေပြီး နေ့ စဉ်တွေ့ရသည်။ သူတို့နဲ့ အတူ ဘုရားဝေယျာဝစ္စ များးကို ပြုလုပ်ခွင့်ရပါသည်။ ဘုရားကြည်ညိုပုံကို အနီး ကပ်လေ့လာခွင့်ရသည်။ သူတို့နှင့် အတူစကားပြော ခွင့်ရသည်။ မြန်မာကိုသူတို့ သိကြသည်။ ပြီးတော့ လေးစားကြသည်။ အခွင့်အခါ သင့်လျှင် လာချင်သေး ကြောင်းပြောကြသဖြင့် ၀မ်းသာမိသေးသည်။ ဆရာတော် မရှိခိုက် သူတို့ကို ငါးပါးသီလပေးရသည်။ မြန်မာဟန်ပေါက်နေသော မိမိတို့အသံကိုနားလည် သဖြင့် ကြည်နူးဖွယ်ဖြစ်ရပြန်သည်။ သို့သော် မိမိတို့ ဘုရားဝတ်တက် အပြီးတွင်း ကျောင်းက ကိုရင်ကိုမေး ကြည့်ရာ " အရှင်ဘုရား သီလပေးတာက ငေါက်သ လိုပဲ" ဟုပြောသဖြင့် ရယ်မိကြသေးသည်။ 

ဟုတ်ပါသည်။ သီရိလင်္ကာဘုန်းကြီးများ သီလပေးရင် အသံရှည် ဆွဲပြီး သူတို့အသံအတိုင်း ဆိုကြသည်။ မိမိမှာမူ ထိုသို့ မဟုတ်ပါ။ ဂရု၊ လဟုပီပီ ဆိုလိုက်သဖြင့် မြန်မာဟန် ငေါက်သံပေါက်သွားခြင်း ဖြစ်ပေမည်။ လေ့လာ ရပေဦး မည်။ သီဟိုဠ်ရောက်တော့လဲ  ဆင်ဟာလီ လို ပြောတတ်၊ ဆိုတတ်၊ ရွတ်တတ်အောင် ကြိုးစားရပေ ဦးတော့ မည်။ တစ်ဦးက မေတ္တာ တစ်ဦးက စေတနာ လို ပေါ့လေ၊ သတိရနေပါသည်။