Pages

Showing posts with label တစ်ခါက တစ်ဘ၀. Show all posts
Showing posts with label တစ်ခါက တစ်ဘ၀. Show all posts

Tuesday, March 18, 2014

ဆောင်း တစ်ည၀ယ်



အခုနဆင်းသွားတဲ့ ကိုယ်တော်လေးက ရုပ်ပိုချောတော့ ပိုပြီးသတိပေးရပါတယ်ဘုရား။

"..ဟင်.."
.....................................

နှင်းထုထူထူ အကြားက မော်တော်ငယ်သည် နှင်းပ၀ါကြမ်းကြီးကို ဘယ်ညာယိမ်းပြီး ထိုးခွဲနေရင်း ဆန် တက်နေ သည်။ ဘယ်သို့ ယိမ်းပြီး ခရီးသည်တွေတင်သည်။ ညာကမ်းသို့ ကပ်ပြီး အထုပ်နဲ့လူတွေ တက် လာပြန်သည်။

ဘယ်ယိမ်းညာကပ်ဖြင့် သွားနေသော မော်တော်သည် အရှေ့သို့လား၊ တောင်အရပ်သို့လား အနောက်၊
 မြောက်အရပ်စသည် မကွဲပြား တော့။ အဆန်ခရီးဟုသိရတော့သည်။

တစ်နေရာ အရောက်တွင် ရှမ်းအမျိုး သမီးကြီးတစ်နှင့် မြန်မာဒကာ သားအဖတက်လာကြသည်။ ရှမ်းအမျိုး သမီးကြီးမှာ ကော်ယားရွာသူကျောင်း ဆရာမ ဒေါ်ကြည်ကြည်သန်းဖြစ်သည်။

ရှမ်းမကြီးသည် ပျုပျုငှာငှာဖြင့် ချင်းတွင်းဘယ်ညာကို လက်ညှိုးထိုးပြရင်း တော၊ တောင်သဘာဝနှင့်
 ကော်ယား၊
 မောင်းခန်း၊ ဟင်နောင်၊ ဟူနောင်၊ ဟုမ္မလင်း၊ နောင်ပကျစ်စသည့် ရှမ်းရွာ အမည်များကို မိတ်ဆက်ပေးရင်း ခရီးနှင်နေသည်။

ညောင်ပင်ဆိပ်တွင် ရွာကြီးတည်ထောင်ရာမှ မြို့ဖြစ်လာကြောင်းသိရသည်။
ညောင်ပင်ဆိပ် မြို့ဟုသိရသည်။

သူ့အပြောတွင် နစ်မျှောရင်းလိုက်ပါလာရာ နှင်းပျောက်လုလုဖြစ်နေပြီ၊
နေရောင်သည် မြစ်ပြင်တွင် လူးလွန့်လျှက် ဖြားဆင်းနေသည်။
ကောင်းကင်တွင်ကား မြင့်မားသော နှင်းခတောင်တန်းကြီးများကို တွေ့ရသည်။ ချင်းတွင်းမြစ် သည်
 တောင်တန်းကြီးတစ်ခုရဲ့ ရင်ခွင်ထဲ တိုးဝင်သွားသလိုရှိသည်။

ဒကာမကြီး၊ အဲဒီတောင်တန်းကြီးက ဘာတောင်တန်းလဲဗျ၊
တင်ပ၊ ဦးဇင်းဘုရား၊ အဲဒီတောင်တန်းကြီးကို ဆွမ္မရာတောင်တန်း လို့ခေါ်ပါတယ်။ ဒီဘက်အခြမ်း ကမြန်မာနိုင်ငံ၊ ဟိုဘက်အခြမ်းရောက်ရင် အိန္ဒိယနိုင်ငံနယ် နိမိတ်နဲ့ဆက်စပ်နေပါပြီ၊ တအားအေးနေ တာပေါ့ဘုရား။ ဒီအချိန်ဆို။

ဖြစ်နိုင်ပါသည်။ အလွန်မြင့်မားသည်။ နှင်းတွေဝန်းခနေသည်ကို မြင်ရုံနှင့်ပင် အတော်အေးနေပါပြီ။
ဒကာမကြီး၊ ဦးဇင်းတို့ ကြားဖူးတာက၊ ဆွမ္မရာကို ကချင်ပြည်မှာလို့ကြားဖူးပါတယ်။

ဒီလိုရှိပါတယ်ဘုရား၊ ဒါက ဆွမ္မရာနဲ့ ပန်ဆပ်လို့ တွဲခေါ်ပါတယ်။ 
ကချင်ပြည်ကတော့ ဆွမ္ပရာဘွန် လို့ ခေါ်ကြပါ တယ်။

ပြတင်းက နှင်းတစ်ဆုပ်က ဖြန်းပက်သလိုရှိသည်။ စိမ့်ကနဲ့ရှိလှသည်။
အော်..။ ဆွမ္မရာ ပန်ဆပ်တဲ့..။

သူတို့နဲ့စကားပြတ်တော့၊ ရှေ့ဆက်ရည် ခရီးကို ကိုနန်နှင့် ဆွေးနွေးမိကြသည်။ တောင်တန်းက အပြန်ဘွဲ့ယူပြီးလျှင် နိုင်ငံခြား ထွက်ကြမည်။ ဘွဲ့တွေထပ်ယူကြဦးမည်။ ထိုစဉ်က အဲဒီအတွေးနှင့် စိတ်ကူး ယဉ် အပြောစကား တို့သည် ပုံပြင်ဆန်လွန်းလှသည်။ ဘေးလူတွေကြားရင် နားမချမ်းသာဖြစ်နိုင်သည်မို့ တိုးတိုး တိတ်တိတ်နေရသည်။

ဦးဇင်းတို့က တောင်တန်းသာသနာပြုတွေဆိုတော့၊ ဒီအရပ်၊ ဒီဒေသတွေနဲ့စိမ်းကြပါတယ်ဘုရား၊
ရာသီဥတုကြမ်းတမ်းသလို၊ အစား၊ အသောက်၊ အနေအထိုင် အားလုံးကြမ်းတမ်းကြပါတယ်။

ပြီးတော့ တစ်ခုသတိပေးချင်တာက၊ တပည့်တော်တို့နဲ့သိတဲ့ တောင်တန်း သာသနာပြုဦးဇင်းငယ်လေးတွေ လူထွက်ကြတာများနေတယ်ဘုရား၊နောက်တော့တောင်ယာတွေထဲရောက်ကုန်တာပေါ့၊

ဦးဇင်းတို့ကတော့ ရှေ့ဆက်ရမည့် ခရီးတွေရှိသေးတော့၊ အဲလိုမဖြစ်ပါစေနဲ့ဘုရား၊
ခံစား၍ သိနိုင်သည်၊ စေတနာစကားများဖြစ်သည်။ အထူးသဖြင့် ကိုနန္ဒိယကို မှာမှာနေတတ်သည်။
နေ့လည် မွန်တည့်လုလုတွင် ကိုနန္ဒိယတာဝန်ကျသည့် ခရီးတစ်ထောက်ဆင်းရာ ထမံသီရှမ်းရွာကြီး သို့ ရောက်သည်။

မော်တော်ဆင်း၊ ခဏနား စားသောက်ပြီးကျတော့ ချင်းတွင်းကို ဆန်ပြီး တက်ရပေဦးတော့မည်။
ကိုနန္ဒိယနှင့် လက်ဆွဲနှုတ်ဆက်ကြတော့ သူ့ လက်တွေတုန်နေသည်။
ကိုဉေ ယျ တို့ ပြန်တွေ့ကြဦးမယ်လို့ မျှော်လင့်ပါတယ်တဲ့။
ရင်ထဲငြိရပြီ။

ကိုနန္ဒိယ ကိုလဲ မျှော်လင့်ပါတယ်။
ကိုယ့်လက်တွေတုန်းနေတာလဲ သူသိပေမည်။
မော်တော် ထွက်ပြီး ရေလည်သို့ရောက် ပြန် အကြည့်တွင် ကမ်းနဖူးရပ်ကျန်ရစ်သော အဆွေတော် ကိုနန္ဒိယ သည် ဝေး၍ ဝေး၍…..။

မော်တော်ပေါ်ပြန်ရောက်ပြီး ခဏကြာတော့ ရှမ်းမကြီး
ဒေါ်ကြည်ကြည်သန်းက ပြောသည်။

အခုနဆင်းသွားတဲ့ ကိုယ်တော်လေးက ရုပ်ပိုချောတော့ ပိုပြီးသတိပေးရပါတယ်ဘုရား။
ဟင်..

မျက်နှာပူလိုက်တာ ဒီစကားဖြင့်..။ 
သို့သော် သေချာတွေးမှ အမှန်ပေါ်သည်။
ရှမ်းမကြီးသည် စကားပြောကောင်း၊ စေတနာကောင်းရုံတင်မက၊ မှန်သော စကားကိုလည်း ဆိုတတ်ပေစွ ဟု ဖြေသိမ့်ရပါသည်။ ကိုယ့်ကို ကိုနန္ဒိယလောက် မချောလို့ပြောသော်လည်း ဖြေသာပါသည်။
 
ခန္တီးမြို့သို့ရောက်တော့ ညပိုင်း ကိုးနာရီး ကျော်ပါပြီ၊ ကူညီမည့်ခက်နေသည့်ခိုက် မှောင်နှင့် မည်းမည်းတွင် ရှမ်းမကြီး ဒေါ်ကြည်ကြည်သန်းက အထုပ်များကို ဆွဲပြီး ပေါမိုင်းဗဟိုကျောင်းထဲ အထိလိုက်ပို့သည်။

ဗဟိုကျောင်းပေါမိုင်းသည် ဒီဇင်ဘာလ ဆောင်းအေးအေး အောက်တွင် ခပ်တည်တည်ကြီးရပ်နေသည်။ နင်လားဟဲ့တောင်တန်းသာသနာပြု ကိုယ်တော်လေးဆိုတာ ပြောနေသယောင်ယောင်ထင်မိသည်။

တောင်တန်းဘ၀ရဲ့ ပထမဆုံးညလေသည် နှင်းများဖြင့် ဆောင်းလေကြမ်းကြမ်းဖြင့်မို့……။

ဒီဆောင်းနှင်းမြူရယ်....
ကိုယ်ချင်းမစာတယ်..ချမ်းတယ်..ချမ်းတယ်.
မေးခိုက်ခိုက်တုန်အောင်..
စောင်နဲ့ခြုံတောင် မလုံဘူး...

ကိုထီးရဲ့ တေးသွားက ရင်ကိုလာ ထိသည်။
ညသည် လှနေသည်။
အေးနေဆဲသာတည်း။
 ................................

တစ်ခါက တစ်ဘ၀ရဲ့ ဆောင်းည အမှတ်တရ..။

Wednesday, March 5, 2014

ငယ်ချစ်ဟောင်းနဲ့ နှောင်းပုံပြင်



ကပ္ပိယကြီး၊ ဆရာတော် ဆွမ်းစားဆောင်ပေါ်ရောက်နေပြီ၊
ဒကာကြီး ဆန်ပြုတ်က မရသေးဘူးလားဗျ..

အော် ကိုရင်ကလဲ နေစမ်းပါဦး၊ မနက်က အိပ်ယာထနည်းနည်းနောက်ကျသွားလို့ ဒီမှာဖြင့် ဆန်ပြုတ်က ပွက်ရုံသာသာရှိသေးတယ်..၊

ရွာဦးကျောင်းတွင်ဖြစ်သည်။
 ဆောင်းမနက်ခင်းများတွင် ဆရာတော်နှင့် တကွ ကျောင်းရှိ ကိုရင်၊ ကျောင်းသား၊ ကပ္ပိယမကျန် 
ဆန်ပြုတ်ပြုတ်ပြီးသောက်ကြရသည်။ အအေးဓာတ် သက်သာစေသလို ၀မ်းကောင်းသည်ဟု ဆရာတော်က မိန့်သည်။

ဆန်ပြုတ်ကို ကပ္ပိယကြီးက အမြဲတမ်းပြုတ်သည်။
ငယ်စဉ်ကတည်းကပင် ညီဖြစ်သူ ရွာဦးကျောင်း ဆရာတော်ကိုစောင့်ရှောက်လာသော ကပ္ပိယကြီးသည် ညီငယ်ဖြစ်သူ ဘုန်းကြီးကျောင်းထိုင်ရာဤရွာလေးသို့ပင် လိုက်ပါခဲ့ရသည်။
တစ်နှစ်တစ်ခါရွာပြန်သည် ကိုတော့တွေ့ရသည်။

အရေးထဲ ညနေပိုင်းက ထင်ခွဲမထားမိလို့ မီးတောက်ငြိမ်တယ်ကိုမရှိလှဘူး..၊
ပေးစမ်းပါကိုရင်ရ..၊ အဲဒီစာရွက်တွေ..
အနီးအနားတွင်ရှိသော စာရွက်အဟောင်များကို လှမ်းတောင်းသည်။
ကိုရင်သည်စာရွက်တစ်ချို့ကိုပေးလိုက်သည်။ တစ်ချို့စာရွက်ကို ဖတ်သည်။

ကပ္ပိယကြီး..၊
ဘုရား..၊
ဒီမှာ ဗေဒင်စာရွက်ဗျ..၊
အဲတော့ ဘာဖြစ်လဲ ကိုရင်ကလဲ..၊ ဒီမှာ မီးမတောက်ရတဲ့ အထဲ..၊
မဟုတ်ဘူးဗျ..၊ ဒကာကြီး ဘာနေ့သားလဲ ဒီမှာရေးထားတာ ဖတ်ပြမယ်။
ကိုရင်သည် အမှိုက်ပုံတွင်ပါလာသော မီးထဲ့မည့် စာရွက် အဟောင်းပုံ အကြားမှာ နှစ်ချို့ ဗေဒင်ဟော စာတမ်းကိုကိုင်လျက်ဖြင့် ပြောသည်။

အဲ..၊ အဲလိုလား..၊ အင်း..နေပါဦး..တပည့်တော်က ဘာနေ့သားဆိုတော့..
အာ..ဟုတ်ပြီ..
ကြာသပတေးသားဘုရား..၊
ကဲ ဖတ်စမ်းပါဦး..၊
အများနှင့် ပေါင်းစပ်လုပ်ရသော အလုပ်များ အဆင်မပြေဖြစ်တတ်သည်တဲ့ နော် ဒကာကြီး၊
အင်းပါ ၊ ဆက်ဖတ်စမ်းပါ။
မမျှော်လင့်ပဲ အကြွေးတောင်းခံရတတ်သည်တဲ့..၊
ကပ္ပိယကြီး မေးကိုပွတ်လျက်စဉ်းစားသည်။

နောက်တော့ကောဘုရား...
အမြတ်တနိုးထားသော ပစ္စည်း ခဏပျောက်တတ်သည်။
မှန်လိုက်တာကိုရင်ရယ်..၊
တပည့်တော် ဆေးတံအိုးပျောက်နေတာ၊ တော်သေးတယ်၊ ခဏဆိုလို့..၊

နောက်ဆက်ဖတ်စမ်းပါဦးဘုရား...
အကြီးအကဲက အထင်လွဲပြီး အဆူအငေါက်ခံရတတ်သည်.ဗျာ..
အင်း..ဒါကတော့ ကိုယ်တော်တို့ ဘုန်းကြီးရှိမှာပဲဘုရား။
ဤသို့ ဆရာ ဒကာ ဟောစာတမ်းအဟောင်းကို ဖတ်ရင်း အတိုင်အဖောက်ကျနေကြသည်။
ဆောင်းလေ တစ်ချက်ဝှေ့တိုက်သည်။

ရောဂါနေနဲ့ ခါးနာတတ်သည်တဲ့။
အင်း မှန်တယ်ကိုရင်ရဲ့ ဟောချက်ကတော့..ဒက်ထိပဲ..၊

ဆက်ပါဦးကိုရင်..၊

အင်း ဒီမှာ....

ရုတ်တရက် ငယ်ချစ်ဟောင်းနဲ့ ပြန်လည်ဆုံတွေ့ရတတ်သည်တဲ့ ကပ္ပိယကြီးရ..၊
ဟင်..၊ အင်း ရှေ့ဟောစာတမ်းတွေဘယ်လောက် မကောင်းကောင်းဘုရား၊
အဲဒီဟောချက်လေးနဲ့တင် တပည့်တော် ပျော်ပါတယ်ဘုရား၊

မီးဖိုပေါ်က ဆန်ပြုတ်အိုး အနံ့သင်း၍ မွှေးလေပြီ။
ရောင်နီးဦးသည် နီရဲလာပြီ။

အဲ ယတြာဆက်ဖတ်ဦးမယ်နော် ဒကာကြီး..၊
တင်ပ၊ တင်ပ ကိုရင်..ဟောစမ်းပါဦးဘုရား...

မိမိမွေးနေ့တွင် ကြိုက်နှစ်ရာပန်းကို သက်စေ့ထား၍ ဘုရားတင်လှူပူဇော်ပြီး လိုရာဆုတောင်း ပါတဲ့ဗျ..။
ဟောစာတမ်းက ယတြာအခန်းဖြင့် အဆုံးသတ်လေပြီ။

“ခရေပန်း အပွင့်ခြောက်ဆယ် ဘယ်နားများ ရနိုင်မယ်မသိနော်..၊ တတ်နိုင်ဘူး၊ လိုက်ရှာရမှာပဲ..”

ကပ္ပိယကြီးတိုးတိုးရေရွတ်နေသည်။
အုံးမောင်းခေါက်သံ တအုံးအုံးဖြင့် ကိုရင်ငယ်များ ဆွမ်းကျောင်းဆီသို့ တန်စီလျက် ကြွလေပြီ။
..............
မှတ်ချက်။ တစ်ချိန်က ကပ္ပိယကြီးသို့ အမှတ်တရ......

Friday, October 18, 2013

ဒိန်းကနဲ့ဆို




နှင်းမှုံတွေ အကြားက လူတစ်ယောက်ထွက်လာသည်။
သေနတ်ကိုထမ်းထားသည်။ ရေဗူးကိုလွယ်ထားသည်။ 
ခပ်တည်တည်သူ့ဟန်က ဆောင်းအေးအေးဒဏ် ကို မခံစားရသလိုရှိသည်။
ဒကာကြီး..၊ အဆင်ပြေလား..၊
နာဂဒကာကြီး မည်သို့မျှ ပြန်မပြောပါ။ ခပ်တည်တည်တစ်ချက်ကြည့်ရုံသာရှိသည်။
................

နောက်တစ်ပတ်ကြသောအခါ သူလာပြန်သည်။ မေးနေကျဦးဇင်းကလည်း လောကပျူငှာစကား အရ ..
ဒကာကြီး..၊ အဆင်ပြေလား၊
ဘုန်းကြီး..၊ အဲလိုမမေးပါနဲ့...၊ ဘုန်းကြီးအဲလိုမေးနေလို့..၊ ကျနော်တို့ သားကောင်မရတာပါ။
............
တောင်တန်းဒေသသည် ဘုန်းကြီး အင်မတန်ရှားပါးသည်။ 
ဗုဒ္ဓဘာသာဝင်များတောင်းဆိုချက် အရဘုန်းကြီး ကျောင်းဆောက်လုပ်မည်ကြံသော အခါနေထိုင်နိုင်မည့် ဦးဇင်းကို ရှာရသည်မှာ ကျောင်းဆောက်ရသည်ထက် ခက်ခဲသည်။

ကျောင်းသာရှိပြီး ဘုန်းကြီးကင်းမဲ့နေသော လန်လယ်ကြီး( ပဒူးမုန်းရွာသစ်) နှင့် လက်ပန်သာတို့သည် မိမိ ကိုယ်တိုင် ညွှန်ကြား အုပ်ချုပ်နေရသည်။ 

ထိုအရေးကိုသက်သာစေလို၍ မြေပြန့် ရောက်ခိုက်ကျောင်းနေဘက်ညီငယ်လိုဖြစ်နေသူ အရှင်ကုဏ္ဍလ ကို ခေါ်လာခဲ့သည်။ ရောက်ခါစ ညီငယ်သည် တွေ့သမျှ လူများကို စကားဖော်ဖော်ရွေရွေပြောဆိုတတ် သည်။ သို့သော် သေနတ်ထမ်းလာသော နာဂကြီးကို နှုတ်ဆက်မိသဖြင့် ကသိကအောက်ဖြစ်ရသည်။ 

အေးကွ၊ ဘယ်လို အယူအဆလဲတော့ ငါလဲ မပြောတတ်ဘူး။ နောက်တော့ မင်းသွား မမေးနဲ့နော်..
တင်ပ၊ နောင်တော်..။

တစ်ပတ်ခန့်ကြာသောအခါ နာဂမုဆိုးကြီး ကျီးဝမ်းသည် အသားတွဲကို လက်ဆွဲလျက် ကျောင်းထဲသို့ ၀င်လာသည်။ ကျောင်းပေါ်တက်လာသည်။ မိမိတို့မှာ အတွေ့အကြုံအသစ်မို့ မည်သို့ဆောင်ရွက်ရမည် မသိဖြစ်နေသည်။ သူ့လက်ထဲတွင် ပါလာသော သွေးသံရဲရဲ့ အသားတွဲကိုသာ စူးစိုက်ကြည့်နေမိသည်။

တပည့်တော်တို့၊ မနေ့က ညနေပိုင်းက ဆတ်တစ်ကောင်ရပါတယ်။ အဲဒါဘုန်းကြီးကို တစ်တွဲလာပို့တာပါ။
အခုမှသိတော့သည် ရွာဦးကျောင်းဘုန်းကြီးကို ဓလေ့ထုံးစံအရ ဝေပုံကျလာပို့ခြင်းဖြစ်သည်။
ထိုအကြောင်း တောင်တန်းရောက် နောင်တော်ကြီးများပြောထားသောကြောင့် သိရသည်။

အင်း..၊ ဒကာကြီးလာပို့တာတော့ ဟုတ်ပါပြီ။
ဒီအတိုင်းကြီးတော့ မပို့နဲ့ဗျ။ 
နည်းနည်းအခြောက်လှမ်းလိုက်ပြီးပို့တာကောင်းမယ်ထင်တယ်။
ဟုတ် ဆိုကာ နာဂကြီးပြန်သွားသည်။

ဦးဇင်း..၊
ဟေ.. တပည့်တော် မမေးလိုက်လို့ထင်တယ်နော်..
အင်းဖြစ်လောက်တယ်ကွ၊ သူတို့ရိုးရာ အရ ရှိလိမ့်မယ်..
...........................

ရွာနီးချုပ်စပ် တူမီးသံကြာရလျင်..
နောင်တော်ရေ..၊ တောဝက်လား၊ ဆတ်လား မသိနော်..
ကျောင်းကို တစ်တွဲတော့ လာတော့မယ်ထင်တယ်။။
အာ ကောင်လေးရ..၊ မင်းကတော့ ပြောတော့မယ်..

မနက်စောစောဘုရားပန်တင်၊ ဆီမီးကပ်၊ မေတ္တာပို့၊ အမျှဝေကိစ္စများကို ဆောင်ရွက်နေခိုက်ကျောင်း
လက်ရမ်းကို မှီလျက် အရှင်ကဏ္ဍလက လှမ်းပြောခြင်းဖြစ်သည်။

အားလုံးကြားကြားသမျှ အမျှအမျှအမျှ ယူတော်မူကြပါကုန်လော့....
အမျှရ၍ သတ္တ၀ါများ ကျမ္မာ ချမ်းသားကြသည်ဖြစ်စေသော်..

အင်း..တောဝက်ထင်တယ်ကွ...
အာ နောင်တော်ကလဲ ဟုတ်သေးပါဘူး..။
ပြိုင်တူရယ်မိကြသည်။

တောကျောင်း ပတ်ဝန်းကျင်သည် ချေဟောက်သံ၊ မြောက်အော်သံ၊ အောင်ချင်းငှက်သံ၊ ခပ်ဝေးဝေးက ချင်းတွင်းမြစ်ရေစီးသံတို့သာ ရှိနေသည်။ နှင်းမှုံမှုံအကြား ၀ိုးတ၀ါးရရှိနေတတ်သော ပင်အို၊ ပင်ပျို တို့သည်
ဆောင်းလေအေးအေးနှင့် အတူ ယိမ်းကနေသလိုရှိတတ်သည်။ 

ထိုအလှများအကြာဒိန်းကနဲ့မြည်တတ်သောနာဂတို့၏တူမီးသေနတ်သံသည်ကျယ်လောင်မည်ဟိန်းလွန်း 
လှသည်။ 

တစ်ခါက တစ်ဘ၀




"ရှိတဲ့ ဆေးသာ ပေးလိုက် နာဂတွေဖြစ်တဲ့ ရောဂါ အကုန်ပျောက်တယ်။
ဒါပေမယ့် ကိုယ့်လူကိုယ်တိုင်တော့ အဲဒီရောဂါ မဖြစ်စေနဲ့..၊
အောက်ရပ် အောက်ရွာ အပြန်ခက်တတ်တယ်."



ဘုန်းဘုန်း အမေက နေမကောင်းလို့ ဆေးပေးလိုက်ပါဦးတဲ့။
နာဂကလေးတစ်ယောက်ကျောင်းပေါ်တက်လာသည်။ ဘုရားဦးချပြီး မိမိရှေ့သို့ ရောက်လာသည်။
အော်..။ အေး..၊ ရော့ ဘာမီတွန်နဲ့ ပါရာစီတမော အဲဒါကိုတိုက်လိုက်နော်။
ဟုတ် ဘုန်းဘုန်း။
......

ဘုန်းကြီး တပည့်တော် ဗိုက်နာနေလို့ ဆေးပါဦး။
အော်..၊ အေး..၊ ရော့ ပါရာစီတမောနဲ့ ဘာမီတွန်သောက်လိုက်။
မိမိရှေ့မှာပင် ရေခတ်ပြီး နာဂကြီးဆေးသောက်သည်။

ခဏကြာသော်.
ဘုန်းဘုန်းဗိုက်နာတာ ပျောက်သွားပြီ၊ အလုပ်သွားတော့မယ် ဆိုကာ..
ဓားတိုလေး နောက်ကြောပိုးလျက် နှင်းမှုံတွေအကြားထဲ သူတိုးဝင်ပျောက်ကွယ်သွားသည်။
...............

ဘုန်းဘုန်း ၊ ၀မ်းချုပ်နေလို့ ဆေးပေးလိုက်ပါဦးတဲ့၊ အဖေက..
နာဂကောင်မလေး ကျောင်းဆွမ်းလာပို့ရင်း ဆေးတောင်းသည်။
အေး၊ အေး၊ ရော့ ဘာမီတွန်နဲ့ ပါရာစီမောကို သောက်လိုက်လို့ပြောနော်။
နောက်နေ့မနက်တွင် ၀မ်းချုပ်သော နာဂလူမျိုးကြီး ကျောင်းသို့ ရွှင်လန်းစွာရောက်လာသည်။
ဘုန်းဘုန်းပေးလိုက်တဲ့ ဆေးသောက်တာ ၀မ်းချုပ်တာပျောက်သွားပြီဘုရား။

လာချင်တဲ့ ရောဂါလာ ဘာမီတွန်နဲ့ ပါရာစီတမောကိုဆေးလုပ်ပေးလိုက်ရင် ရောဂါကင်းစင်ကြသည်မှာ ထူးဆန်းသည်။
ဤ အကြောင်းကို မိမိထက် တောင်တန်းဝါရင့်သော သာသနာပြုဘက် သူငယ်ချင်းများကို စုံစမ်းကြည့် မိတော့..

အာ..၊ ကိုယ့်လူရေ၊ အဲဒါကို နာဂရောဂါလို့ ခေါ်တယ်။ ဘာဆေးသောက်သောက် ခဏလောက်တော့ သက်သာ ပျောက်ကင်းသလိုလိုရှိတတ်ကြတယ်။ ရှိတဲ့ ဆေးသာပေးလိုက်။ 
သူတို့ကလည်း ဖြစ်နေတဲ့ သူတို့ရောဂါကို အမည်တပ်ပြီးသာသောက် လိုက် ပျောက်သွားပဲတဲ့။ 
ကိုယ့်ကိုလည်း အရင်က နောင်တော်ကြီးတွေက လက်ဆင့်ကမ်းခဲ့တာပေါ့။ 

ဒါပေမယ့် ကိုယ့်လူကိုယ်တိုင်တော့ အဲဒီနာဂ ရောဂါ မဖြစ်စေနဲ့နော်။ မြေပြန့်မပြန်နိုင်ဖြစ်တတ်တယ်။
သူငယ်ချင်းက ထိုသို့ပြောပြီးရယ်နေသည်။ မိမိလည်း သူနဲ့အတူ ရယ်လိုက်မိသည်။
ချင်းတွင်းမြစ်ပြင်ဆီ တက်လာသော ဆောင်းလေအေးအေးသည် နည်းနည်းနွေးနေသလိုလိုရှိသည်။
.........................

ဟေ့၊ ကျီးကမ်းရေ၊ မင်းအဖေကိုကျောင်းလွှတ်လိုက်စမ်း။
ဟုတ်ကဲ့ ဘုန်းဘုန်း။

ခဏကြာသော် လူသာသနာပြု ဦးကျီးမိုးခေါ် ဦးကျော်လွင် ကျောင်းရောက်လာသည်။
ဒကာကြီးရေ၊ ကျုပ်လဲ ဖျားနေတာကြာပြီဗျ။ ဆေးမထိုးလို့ မဖြစ်တော့ဘူး၊ ခန္တီးဆင်းလိုက်ဦးမယ်။
အဲဒါကျောင်းကို မပြတ်မပြတ်စောင့်ထားဦးနော်။
တင်ပ၊ ဘုန်းဘုန်း၊

လွယ်အိပ်ကိုလွယ်၊ ထီးကို ထမ်းပြီး ကျောင်းရှေ့ ခရောင်းကြမ်း မဆိုသာသော မြေ၀ါလမ်းလေး အတိုင်း ချင်းတွင်းဆီသို့ လှမ်းလာခဲ့သည်။
မြစ်ဆိပ်တွင် ခန္တီးသို့ စုန်ဆင်းကြမည့် ရွာသူ ရွာသားများ မော်တော်စောင့်နေကြသည်။


ဘုန်းဘုန်း၊ ဘယ်သွား မလို့လဲဘုရား။
အော်..၊ နေမကောင်းလို့ ခန္တီးဆင်းပြီး ဆေးထိုးမလို့ကွ။
မေးလာသော နာဂကလေးငယ်များကို ပြန်ဖြေလိုက်သည်။

ဘုန်းဘုန်းကလဲ၊ ဘာမီတွန်နဲ့ ပါရာစီတမော မသောက်ဘူးလား။
ဘုန်းဘုန်းဖျားတာ ပျောက်တယ်လေ။
ပြုံးမိပါသည်။ ရိုးသားသော သူတို့ အမူအယာများသည် အပြစ်ကင်းသည်။

“ဘုန်းဘုန်း၊ အခုဖျားတာက နာဂ  အဖျားမဟုတ်ဘူး။ ကျီးကမ်းရဲ့.”

သူတို့နားမလည်သလို မိမိကို ကြည့်ကြသည်။ 
မော်တော်စုန်ဆင်းလာပြီ။
မြစ်အတွင်းက ဆောင်းလေအေးအေးသည် တစ်စိမ်းဆန်ဆန်ရင်ကို တိုးဝှေ့သည်။
အေးလွန်း၍ တုန်နေသည်။ 
ခရီးသည် စုံ၍ စုန်ဆင်းရန် အသင့်ဖြစ်ပြီမို့ မော်တော် ကမ်းကခွာလေပြီ။ 
 ....................................................

တစ်ခါက တစ်ဘ၀ရဲ့ အမှတ်တရပါ။ 

Wednesday, May 15, 2013

ချင်းတွင်းသိပါသည် အပိုင်း( ၂)


ချင်းတွင်းမြစ်ကမ်းတွင်းနှင်းတို့ဖွေးဖွေးလှုပ်နေသည်။ ကသုတ်ကရက်တိုက်ခတ်လာသော မြောက်လေသည် စိမ့်ကနဲ့အေးစေသည်။
မြစ်ပြင်ကလှိုင်းတို့၏ တီးတိုးဆိုသံသည်ညင်းညင်းသာသာရှိသည်။
နှင်းဖုံးနေသော မြစ်ပြင်ကြီးလည်း အေးချမ်းနေရော့မည်ထင်မိသည်။ 


 တောင်တန်းမြေမှ တောကျောင်းလေး
မြစ်ပြင်နှင့် ရွာဆီသို့ ဦးတည်သော လမ်းလေး အကြားတွင် သောင်ပြင်ပြန့်ပြန့်က နိမ့်ချည် မြင့်ချည်ရှိလှ သည်။ ဘုန်းကြီး..၊ ဒီစေတီတော်လေးကို အရင်ဘုန်းကြီးက တည်ထားခဲ့တာဘုရား။ နာဂလူမျိုးကြီးလက်ညှိုး ထိုးပြရာ ကြည့်မိတော့ နှင်း အထွတ်တပ်ထားသော တောင်ကုန်းပေါ်တွင် ရွှေရောင်တ၀င်းဝင်းဖြင့် ကြည်နူး ဖွယ် စေတီတော်ကို ဖူးတွေ့ရသည်။

တိမ်ပင်လယ်နှင့် နှင်းထုတို့အကြား ဈာန်ယျာဉ် စီးနေသလိုရှိနေသော စေတီတော်ကို ဦးခိုက်ပူဇော်လိုက် သည်။ အအေးဓာတ်တို့သက်သာသလိုလိုခံစားမိသည်။ စေတီတော်လွန် တော့ ရွာအ၀င်ဖြစ်သည်။ ရွာလေး၏ အဦးပိုင်းတွင် သာသနာပြုဘုန်းတော်ကြီးကျောင်းသည် အထီးထည်း ဆန်လှသည်။

ဒီရွာကို သာသနာပြုကြွတဲ့ ဘုန်းကြီးတွေက ဦးဆောင်ဆောက်လုပ်ခဲ့ကြတဲ့ ကျောင်းပေါ့ဘုရား။
နာဂလူမျိုးကြီးကား ကျောင်းဘက်သို့ဦးတည်သော လမ်းကို မိမိနှင့် အတူလိုက်ပါသည်။

နာဂပျိုဖြူတို့ကား ရွာထဲလမ်းသို့ ၀င်ကြသည်။ အသွား အလာနည်းနေသော ဘုန်းကြီးကျောင်းလမ်းလေး သည် မြက်ပင် အကြိုအကြားတွင် တောင်ယိမ်း မြောက်ချီဖြင့် နိမ့်တစ်ခါမြင့်တစ်လှည့်ရှိသည်။
အရင်ကျောင်းဟောင်းကတော့ ရွာဟောင်းဘက်မှာ ကျန်ခဲ့ပါတယ်ဘုရား။

ပြောရင်းဆိုရင်းကျောင်း အတွင်းသို့ ရောက်လာခဲ့ပြီ။ ကျောင်းဝင်းသည် စောင့်ရှောက်သူကင်းနေသဖြင့်
 မြက်ရိုင်းပင်တို့ ထိုးထိုးထောင်ထောင်၊ စည်းရိုးတိုင်တို့ ရိုးရိုးယိုင်ယိုင်။

ကျောင်းထဲရောက်သော ရွာထဲသို့ လှမ်းကြည့်မိသည်။ ရွာဟုဆိုသော်လည်း တောတစ်ဝက်အုပ်နေသည်။ မီးခိုးလူလူတို့သည် နှင်းတို့ရောထွေးလျက် ရွာကို အလှဆင်သည်။
နာဂရိုးရာ အော်ဟစ်သီကျူးသော တေးသံသည် တောင်ယံများကို ပဲ့တင်းထပ်စေလက်ရှိသည်။

ဒီရွာတည်ခဲ့တာကြာပလားဗျ။ ဒကာကြီး...၊
မှန်ပါ၊ တပည့်တော်တို့ အဘိုးအဘွားတို့ ဟိုတောင်ပေါ်ကနေ အောက်ကိုဆင်းလာပြီး ရွာတည်ခဲ့ကြတာပါ ဘုရား။ တောင်ပေါ် ရိတူရွာကနေ အောက်ဆင်းလာကြတာပါ။ ပိန်းကူးနာဂမျိုးတွေပေါ့ဘုရား။
မြစ်အောက်ဘက်မှာ နန်ဖာလို့နာဂရွာရှိသေးတယ်။ လူမျိုး အတူတူပါပဲဘုရား။
ဘုန်းဘုန်းနောက်တော့ အဲဒီရွာကို ရောက်ဦးမှာပါ။

ဘုရားရင်ပြင်ရောက် နာဂတောင်သူ တောင်တန်းသားများ

တောင်ပြာပြာတို့သည် ၀န်းရံထားသည်။ နှင်းဖြူဖြူတို့ အုပ်မိုးလျက်ရှိသည်။
တောင်တန်းပြာပြာနှင့် နှင်းဖွေးဖွေးတို့ အလွန်ကို စိတ်ရောက်ပြီး တွေးကြည့်မိသည်။
ရင်ထဲစိမ့်ကနဲ့အေးသည်။ မြောက်ပြန်လေကြောင့် တရွှီးရွှီးတောတိုးသံတို့ကို ကြားယောင်လာမိသည်။

ဘုန်းဘုန်း၊ တပည့်တော်ရွာထဲကို သွားဦးမယ်ဘုရား။ ညနေပိုင်းလောက်ပြန်လာခဲ့ပါဦးမယ်။
ပြောပြောဆိုဆိုနာဂလူမျိုးကြီး ဦးကျီးမိုးသည်  ဘုရားရှင်ကို ဦးချကာ ပြန်သွားလေပြီ။

ကျောင်းလေးပေါ်တွင် မိမိတစ်ယောက်တည်း။ မန်း တက္ကသိုလ်မှ တောင်တန်းဒေသ အသီးသီးသို့ စေလွှတ် လိုက်ကြသောသူငယ်ချင်းများရောမိမိတို့ ဒေသ အသီးသီးသို့ ချောမောအောင်မြင်စွာ ရောက်ကြပါ ၏ လောတွေးရင်းဖြင့် တောင်တန်း သာသနာပြုဘ၀ကို စတင်ရတော့သည်။

ကျောင်း အပြင်တွင် နှင်းတို့ကြဲပါးစပြုနေပြီ။ အရှေ့ဆီက တောင်တန်းကြီးကို မေးတင်လျက် နေ၀န်း လည်း ပေါ်ထွက်လာပြီ။

ချင်းတွင်းမြစ်ထက်ဖျားက နာဂရွာလေး ပဒူးမုန်းသည် ရောင်ခြည် တစ်ချို့သန်းလျက်ဖြင့် သက်ဝင်လှုပ် ရှား နေလေသည်။