Pages

Saturday, August 10, 2013

ချမ်းမြေ့ပါစေ




ဦးသုမနသည် ဥပုသ်ဇရပ်တွင် တရားဟောပြီး၍ ကျောင်းဆောင်ငယ်သို့ ပြန်ကြွလာသည်။
တစ်ခြားဥပုသ်သည်များ အသီးသီး အိမ်ပြန်ကြသော်လည်း ကျောင်း အမကြီး ဒေါ်ချမ်းမြကား မပြန်သေးပါ။
...............................................

ကိုယ်တော်လူ့ဘ၀ဆိုတာ လွယ်တာမှတ်လို့ဘုရား။
ဒေါ်ချမ်းမြသည် ပါလာသော ဆွမ်းချိုင့်ကို ဦးဇင်းလက်သို့ ဆက်ကပ်ရင်း လျောက်ထားသည်။

ဟုတ်..၊ ဒကာမကြီး။
တပည့်တော်မများ အလုပ်များလိုက်ပုံနှယ်၊ ပြော မပြောချင်ဘူး၊
မနက်လင်းလိုက်တာနဲ့ ချက်ဟယ်။ ပြုတ်ဟယ်။ တောသွားမယ်သူ ခိုင်းရ၊ အိမ်ကျန်မယ့်သူ နှိုးဆော်ရနဲ့။
ကိုယ်တော့်ကျောင်း ဆွမ်းချိုင့်မီအောင် မနည်းလုပ်နေရပါတယ်။

ဒီနေ့က ဥပုသ်နေ့ဆိုတော့၊ ကျောင်းတစ်ခေါက်လောက်လဲ ရောက်ဦးမှဆိုပြီး စိတ်ထားထားရပါတယ်။
မလွယ်လှပါဘူး ကိုယ်တော်။

အရွယ် ရောက်လာတဲ့ သားသမီးများပူရ။ အိမ်ထောင်ကျသွားတဲ့သူ အတွက် ပူရ။ ဒါက ကိုယ့် အရေးဘုရား။
ဒါထဲ သွေးမတော် သားမစပ် ရပ်ရေး၊ ရွာရေးပူရ။ အိမ်နီးနားချင်း အရေ ပူရနဲ့ စိတ်နဲ့ ကိုယ်ကပ်တယ်ကို မရှိလှဘူး ကိုယ်တော်ရေ။

အော်..၊ ဟုတ်..၊ ဟုတ်..၊

ဒီအထဲ ဆန်ဈေးကတက်၊ ဆီဈေးကတက်၊ မိုးက ကောင်းပြန်တော့ လွန်လို့။
ဟော မကောင်းပြီးဆိုရင်လဲ စိုက်ထား ပျိုးထားသမျှ အချည်း အနှီးကိုယ်တော်။

အော်..၊ ဒီလိုလဲ ဖြစ်တတ်သလား၊ ဒကာမကြီးရဲ့။

အိုး..၊ ကိုယ်တော်နှယ်၊ ဒါက ဘာဟုတ်သေးတုန်း။
မနှစ်ကများဆို..ပဲက ရှုံး၊ စပါးက ဈေးမကောင်း။ အရင်းတောင် ကောင်းကောင်းမရလို့ ၊ 
ဒီနှစ်ချေး ငှားပြီးစိုက်ရပါရောလား။ စီးပွားရေးဆိုတာ အမြဲတမ်း အမြတ်လို့ မှတ်မရဘူးဘုရား။

အော်..ဟုတ်၊ ဟုတ်၊
ဦးသုမနသည် ကျောင်းအမကြီးဟောနေသော တရားကို ဟုတ် တစ်လုံးလိုက်ပြီး နာနေရသည်။

ဒီအထဲ စီးပွာရေး အဆင်မပြေပေမယ့်လို့ လူလားမြောက်လာတဲ့ သူတွေက အိမ်ထောင်ရက်သား ထူထောင်မယ်ဆိုတော့ လူတစ်လုံး၊ သူတစ်လုံးဖြစ်အောင်၊ မင်္ဂလာဆောင်ပေးရ။
အရင်းထူထောင်ပေးရနဲ့၊ အတော် မလွယ်တာပါကိုယ်တော်။

အော်..၊ ဒီလိုလား၊ ဟုတ် ဟုတ်။

တပည့်တော်မ အသက်သာ ခြောက်ဆယ်သာကျော်လာတယ်။
သားသမီး၊ မြေး၊ မြစ်၊ လင်သား၊ အိမ်ယာ၊ စီးပွားရေး မပူရတဲ့ နေ့လို့ဖြင့်ရှာ မရပေါင် ကိုယ်တော်။

အော်..၊ အော်..၊ ဟုတ်။
ဒါလေးတော့ အမြတ်ဆိုပြီး ဥပုသ်နေ့လေး၊ ကျောင်းလားပြီး တတ်နိုင်သလောက်လှူ။
တရားနာ ဒီလောက်တော့ လုပ်ဦးမှပဲဆိုတာ အမြဲစိတ်ထားနေရပါတယ်။


ဒီအထဲ နိုင်ငံရေးက ငြိမ်မလား၊ ဆူမလားက အတွေးရောက်ပြန်တော့။
ညညဆိုအိပ်မရတဲ့ည အတော်များနေပါပြီဘုရား။

ဘယ်သူတွေ ဆူဆူ၊ ဘယ်သူတွေ ဆန္ဒပြပြ၊ ကိုယ့်ဖို့လို့ဆိုနိုင်တဲ့၊
ကုသိုလ်ရေးလေးကတော့ အငြိမ်ပဲဆိုပြီး အားထုတ်စမ်းလို့ ကိုယ့်ကိုယ်ကို ဆန္ဒပြန်ပြပြီး ကြိုးစားနေရပါ တယ်။ တတ်နိုင်သလောက်လေးနဲ့ ကျောင်းလာရတာပေါ့၊ ကိုယ်တော်ရယ်။

သာဓု သာဓု သာဓုပါ ဒကာမကြီးရယ်။

ဟောတော်..၊ ကိုယ်တော်ဟာ ဘယ့်နှယ်၊ တပည့်တော်မ ပြောတာတွေကိုသာဓုခေါ်နေရတာတုန်း။
တပည့်တော်မ အခုပြောပြတဲ့ အပူတွေ အေးရအောင် ကိုယ်တော်က တရားဟောရမှာလေဘုရား။
အင်း၊ ဒကာမကြီးပြောတာလဲ မှန်ပါတယ်။

ဒါပေမယ့်၊ ဦးဇင်းတို့က ငယ်ငယ်ကတည်းက ကျောင်းရောက်၊ စာသင် အချိန်တန်တော့ ရှင်သာမဏေဖြစ်၊ အသက်ပြည့်တော့ ရဟန်းဘောင်တက်၊ နောက်တော့ မြို့တက်စာသင်၊ ဆယ်နှစ် ဆယ်မိုးနီးတော့ စာလေး နည်းနည်းတတ်၊ နောက်တော့ ကိုယ့် အရပ်ကိုယ်ပြန်ကျောင်းထိုင်ဆိုတော့။

စာထဲသင်ခဲ့ ဖတ်ခဲ့ဖူးတဲ့၊ ဃရာဝါသသမ္ဗာဓ ကိစ္စများမြောင်၊ လူတို့ဘောင်ဆိုတာ စာသာ သိတာ၊ စာလောက်နားလည်တာ၊ ကိုယ်တိုင် တွေ့ကြုံဖူးတာ မဟုတ်တော့ အခက်သားပေါ့။

ဟော အခုတော့ ကျောင်းအမကြီး ဒေါ်ချမ်းမြက သူ့အပူတွေကို လာပြီး ပြောပြမှ ဦးဇင်းတို့ကတွေး ယူရပါတယ်။

ဒေါ်ချမ်းမြလို့ အများခေါ်ပေမယ့် မအေးချမ်းလှပါလားလို့ဆိုတဲ့ လူ့ဘ၀ အပူကို သိခွင့်ရတယ်။
အကယ်၍များ လူဝတ်လဲချင်တဲ့စိတ်များဖြစ်ပေါ်ခဲ့ရင်၊ ဝေးဝေးမကြည့်နဲ့ ကျောင်းအမကြီးဒေါ်ချမ်းမြဟောတဲ့ တရားများများနာလို့ ကိုယ်ကိုယ့်ကို သတိပေးရပါမယ်။

ဘုရားရှင်ဟောတဲ့ ကိစ္စများမြောင်လူတို့ဘောင်ဆိုတာကို စာထဲဆိုတာထက် ကျောင်း အမကြီးပြောမှ သိခွင့်ရလို့။

အော် တို့ မြတ်ဘုရား၊ အပူကင်းပြီး သာသနာ့ဘောင်မြဲစေဖို့၊ အပူဝေးတဲ့ မြတ်တရား အားစိုက်နိုင်အောင် ဃရာဝါသသမ္ဗာဓ ကိစ္စများမြောင်လူတို့ဘောင်အနေအားဖြင့် ဟောထားတာပါလားလို့ သိခွင့်ရလို့၊

အဲဒါ ဒကာမကြီးပြောပြတဲ့ စကားက ဘုရားဟောတရားနဲ့ ကိုက်ညီနေလို့ ကျေးဇူးတင်ပြီး သာဓုခေါ်ရတာပါ။

အဲ သာဓုပါတော်..၊ သာဓုပါ။
တပည့်တော်မကလဲ အဲလိုမြင်စေချင်တာ။
ကဲ ကိုယ်တော် ပြန်ဦးမယ်။ အိမ်က တပည့်တော်မ၊ မရှိလို့ဖြစ်တာ မဟုတ်ဘူးဘုရား။

အော်..၊ ဟုတ် ဟုတ်..၊
ဒကာမကြီး၊ အပူကင်းပြီး ချမ်းမြေ့ပါစေ..။
ပေးတဲ့ ဆုနဲ့ပြည့်ရပါလို၏ အရှင်ဘုရား..

ကျောင်းပေါ်တွင် ကျန်ရစ်သော ဦးသုမနသည် ပြုံးနေသည်။
.......................................

အရဟတာဒိ န၀ဂုဏေဟိ- အရဟံ အရှိသော ကိုးပါးသော ဂုဏ်တော်တို့နှင့်....

နေ့ဆွမ်းစားချိန်မို့ ကိုရင်နှင့်ကျောင်းသားငယ်များ၏ ဘုရားရှင် ဆွမ်းတော်သံ ရှိခိုးပူဇော်သံသည်ကျောင်း အ၀န်းကို မြိုင်လှိုင်နေလေသည်။ 

Saturday, August 3, 2013

မေတ္တာပေး၍ အောင်မြင်သူ



အမြင်မရှင်း၊ မကြည်လင်သူ။
ဆဲဆိုကြိမ်းမောင်း၊ စောင်းမြောင်းငြူဆူ။
မေတ္တာဓာတ်ခင်း၊ ပျံ့သင်းလှိုင်ကြူ၊
မြတ်ဗုဒ္ဓ၊ လောကထွတ်ဘုန်းလူ။


လောကလူအများသည် မြတ်ဘုရားအား အမြင်မကြည်လင်၍ ဆဲဆိုကြိမ်မောင်းကြသည်။
ရန်ဘက်ပြုကြသည်။ ချိုးနှိမ်လိုကြသည်။ အနိုင်ယူလိုကြသည်။
ထိုသူများလိုချင်သည့် အရာများကို ဘုရားမြတ်က မေတ္တာဓာတ်ပေး၍ အောင်ပွဲဆင်သည်။
...........................................

တစ်ခါတုန်းက သာဝတ္ထိမြို့ကြီးတွင်ဖြစ်သည်။
မြတ်ဘုရားသည် မြို့ အတွင်းသို့ ဆွမ်းခံကြွတော်မူသည်။
မြို့အတွင်းရှိ တစ်ခုသော ဗြဟ္မဏအိမ်ရှေ့သို့ ဆွမ်းအလို့ငှာ ရပ်တော်မူသည်။
အိမ်ရှင် အဂ္ဂိကဘာရဒွါဇပုဏ်ဏားသည် မိမိအိမ်ရှေ့မြတ်ဘုရားဆွမ်းရပ်တော်မူသည်ကို မြင်ရသော အခါ စိတ်ဆိုးသည်။

ဟယ်၊ ဦးပြည်းစုတ် ရဟန်းယုတ်၊ ခပ်ဝေးဝေးနေစမ်း။
ဟယ်၊ ဇာတ်ပျက်ရဟန်း ထွက်သွားစမ်းပါ။
မြတ်ဘုရားသည် ထိုဆဲဆိုသံတို့ကို မခံယူပဲ  တည်ငြိမ်စွာရပ်နေတော်မူသည်။

အို၊ ပုဏ်ဏား သင်သည် ဘယ်သူသည် ဇာတ်ပျက်၊
ဘယ်အရာတွေက ဇာတ်ပျက်အောင်လုပ်တတ်သည်ကို သိသလား။
အို၊ ရဟန်း ငါကား ဘယ်သူသည် ဇာတ်ပျက်၊
ဘယ်အရာတွေက ဇာတ်ပျက်အောင်လုပ်တတ်သည်ကို မသိပါ။

ထိုအခါက မြတ်ဘုရားက..
အို၊ ပုဏ်ဏား၊ ဒေါသထွက်လွယ်သူ၊ အငြှိုးအတေးထားသူ၊
ကောက်ကျစ်သူ၊ ဖျက်ဆီးခြင်းငှာလိုလားသူ၊ အယူဖောက်ပြန်သူ၊
လှည့်စားလိမ်လည်လိုသူ၊ အဲလိုသူသာလျင် ဇာတ်ပျက်သူဖြစ်တယ်။

ကရုဏာကင်း၍ သတ္တ၀ါများကို ညှင်းဆဲလိုသူ၊ အဲလိုသူကိုသာ ဇာတ်ပျက်သူ အဖြစ်သင်သိရမယ်။
မိမိမှလွဲ၍ အခြားသူများကို နှိပ်ချလိုသော အကြည်ဖြင့် ကြည်သူသည် ဇာတ်ပျက်သူဖြစ်တယ်။
မွေးဖွားလာကတည်းက ဇာတ်ပျက်သူ၊ ဇာတ်မြင့်သူဆိုသော အဖြစ်မရှိပါ။

ထိုစကားများကို ကြားရသောအခါ ပုဏ်ဏားသည် မြတ်ဘုရား ခွင့်လွှတ်ပါမည့် အကြောင်းတောင်းပန် သည်။ ရတနာသုံးပါးကို ကိုးကွယ်ဆည်းကပ်လာသူ ဥပသကာတစ်ဦးဖြစ်လာသည်။

သူယုံကြည်နေသော အသွင်အားဖြင့် ဇာတ်မြင့်သူ မဟုတ်တော့ပဲ။
အကျင့်အားဖြင့် ဇာတ်မြင့်သူ ဖြစ်အောင် ဘုရားရှင်၏ ညွှန်ကြားချက်အတိုင်း ကျင့်ဆောင်ကာ အငြိမ်းဓာတ် ရခဲ့သည်။

သာဝတ္တိမြို့လမ်းများသည် မေတ္တာဓာတ်သင်း၍ ကြည်လင်တောက်ပနေသည်။ 

Sunday, July 28, 2013

မေတ္တာ အဆောင်




ကျက်မှတ်နေကျ စာအုပ်၏ စာမျက်နှာတို့ကို တစ်ရွက်ချင်း ပြန်ကြည့်မိရာ အုန်းညွန့် ၀ါဖျော့ဖျော့လေးများ သည် အညွန့်လူနေဆဲပင်ရှိသည်။

တစ်ဆက်တည်း စာအုပ်စင်၏ ထောင့်တစ်နေရာတွင် ကျောက်ခဲလေးများသည် အေးဆေးတည်ငြိမ်လျက် 
ရှိသည်။
.................................................

အမေသည် ခရီးဝေးက မမောမပန်းလာရသည်။ နေပူကြဲကြဲတွင် ချွေးတစ်ရွှဲရွှဲဖြင့်..။

အောင်မလေး..ငါ့သားနှယ် နေများပူလိုက်ပုံနှယ် ပြောမပြောချင်ဘူး။

အော်...၊ ဒကာမကြီးကလဲ ဆိုက်ကားငှားခဲ့ ပြီးရောဟာကို..၊
နေပူကြီးထဲ တစ်ယောက်တည်းလာရတယ်လို့....။

အိုး..၊ ကိုရင်ကလဲ တပည့်တော်က လာနေကျ..။
ဆိုက်ကားငှားစီးရင် အနည်းဆုံး နှစ်ရာ သုံးရာတောင်းမယ့်ဟာကို.။

အမေသည် စာမေးပွဲရာသီ နီးတိုင်း ဟို အဝေးတောရွာကနေ  စာသင်တိုက်သို့ ရောက်လာတတ်သည်။

စာမေးပွဲစာကျက်ရင်တော့ အားဖြစ်အောင်လို့ ကိုရင်ရဲ့..ဟောဒီမှာ ငှက်ပျော်သီး၊ ပင်မှည့်နော်။
ဒါက ငါးခြောက်ကို ဆီးနဲ့ ကြော်ထားတာ၊ ကြာကြာထားလို့ရတယ်။
ဟောဒါက ကိုရင့် အစ်မကြီး ထည့်ပေးလိုက်တဲ့ ချဉ်ပေါင်ကြော်ပေါ့..။

အဲ..၊ အဓိကပေးရမယ့်ဟာက ဟောဒီမယ် ကိုရင် ဒါက အုန်းညွန့်..၊ ဗေဒင်မေးပြီးယူလာတာ၊
ကိုယ့်ကျက်မယ့် စာအုပ်ရဲ့ စာရွက်နှာအကြား ညှပ်ထား၊ စာမေးပွဲအောင်တယ်နော်..။
ကိုယ်ကျက်တဲ့ စာမျက်နှာတိုင်းမှာ ညှပ်ထား။

.............................

ဝါကျွတ်ခါနီးလျင် အမေလာပြန်သည်။ 

ဒကာမကြီး..၊ ကိုရင် ကျောင်းပိတ်ရင် သူငယ်ချင်းတွေနဲ့ ရှမ်းပြည်လိုက်သွားမလို့ပါ။
ရွာကိုနည်းနည်းနောက်ကျပြီးမှ ရောက်မယ်နော်..၊

တပည့်တော်မက အဲဒါသိလို့ ကိုရင်ဆီခဏလာတာပေါ့..၊
ရှမ်းပြည် ရှမ်းရွာဆိုတာ နီးတာမှတ်လို့..၊ အမေဖြင့် တစ်ခါမှ မရောက်ဖူးဘူး။
ကိုရင့် ဒကာကြီးတော့ တစ်ခါက ရောက်ဖူးတယ်လို့ပြောဖူးပါ့။
ရာသီဥတုနဲ့၊ အစားအသောက်က ကြမ်းတမ်းသလို၊ ခရီးကလည်း ခက်ခဲတယ်လို့ကြားဖူးလို့..၊

အဲဒါ......
ဟုဆိုတာ အမေသည် ခေါင်းပေါင်းထားလေ့ရှိသော တဘက်အကြားထဲမှ..
ကဲ..၊ဒါလေးဆောင်သွား..၊ ကိုရင်နော်...၊
ခရီးဝေးသွားတဲ့ အခါ ဖြစ်လာမယ့် အန္တရယ်ကို ကျောက်ခဲလေး မင်းသာခံတော့ဆိုပြီး..၊
စိတ်ထဲမှတ်သွား၊ ဘာမှမဖြစ်ဘူးနော်..ကိုရင်..။

ကဲ တပည့်တော်မလဲ ပြန်ဦးမယ်။ ရွာက အိမ်ကအလုပ်များတော့ တပည့်တော်မ မရှိလို့ မဖြစ်ဘူးရယ်။
ဆိုကာ အမေသည် မှာချင်သည်များကို မှာကာ ရွာသို့ ပြန်သည်။
.......................

ဘုန်းကြီးဘုရား..၊ တပည့်တော်မယ်တော်ကြီးက စာမေးပွဲနီးရင်လဲ လာပါတယ်။
ခရီးထွက်မယ်ကြားရင်လဲ လာတတ်ပါတယ်ဘုရား။
ပြီးတော့ အုန်းညွန့်တို့၊ အဆောင်တို့..၊
ပြီးတော့ ကျောက်ခဲစတာတွေကို အန္တရယ်ကင်း အဆောင်အဖြစ်ပေးလေ့ရှိပါတယ်။

မယ်တော်ကြီးပြောသလို အန္တရယ်ကင်းတယ်ဆိုတာ ဟုတ်သလားဘုရား။
ကျောက်ခဲတွေ၊ အုန်းညွန့်တွေက တော့ ဘာမှတတ်နိုင်မယ် မထင်ဘူးနော်ဘုရား။

ခရီးတစ်ခုသို့ ဆရာတော်နောက်မှ အတူလိုက်ပါရင်းမေးလျောက်မိသည်။

အဲ..၊ မိုက်လိုက်တဲ့..ကိုရင်ရယ်..။ မင်းလဲ ကြားဖူးမှာပေါ့..။  
အမေ့ ထမီစလေးနားပန်ထားရင် ကြီးမားတဲ့စစ်ပွဲကြီးတွေတောင်အောင်မြင်ရတယ်ဆိုလေ။

မင်းမြင်နေတဲ့ ကျောက်ခဲလေးဆိုတာကို သာမန်အမြင်နဲ့ မမြင်စမ်းနဲ့၊
အဲဒါ အမေ့မေတ္တာပြယုဂ်ဟဲ့။
စေတနာ အထိမ်းအမှတ်ဟဲ့။
အောင်မြင်စေချင်တဲ့ အမေ့မေတ္တာတွေနဲ့ ထုံထားတဲ့ သစ်ခက်ဟဲ့။

အခု မင်းကို မင်းမယ်တော်ကြီးက ပေးတဲ့ အုန်းညွန့်တွေ၊ကျောက်ခဲတွေဆိုတာ အမေ့ မေတ္တာရဲ့ အထိမ်း အမှတ်တွေမို့ မင်းဆောင်ထားရင် မင်းမယ်တော်ကြီးဖြစ်စေချင်တဲ့ မင်း အပေါ်ထားတဲ့ ဆန္ဒတွေစွမ်း အားတွေမေတ္တာ အစွမ်းတွေကြောင့် အောင်မြင်တာပေါ့ ကိုရင်ရဲ့..။ 
အန္တရယ်ကင်းတာပေါ့။ မင်းမယ်တော်ကြီးရဲ့ မေတ္တာတွေ လွှမ်းခြုံထားလို့ လုံခြုံတာပေါ့ ကိုရင်ရယ်။
................................
  
ကျက်မှတ်နေကျ စာအုပ်၏ စာမျက်နှာတို့ကို တစ်ရွက်ချင်း ပြန်ကြည့် မိရာအုန်းညွန့်ဝါဖျော့ဖျော့လေး 
များသည် အညွန့်လူနေဆဲပင်ရှိသည်။
 

Monday, July 8, 2013

ခရီးသည် အပိုင်း ( ၂)



သီရိလင်္ကာနိုင်ငံ၏ ရတနာ အမြတ်တစ်ပါး 

သီရိလင်္ကာ ကျောင်းများတွင် စေတီတော်ဖြူဖြူတစ်ဆူ၊ စိမ်းညို့ညို့ဗောဓိပင်နှင့် ဘုရားရှင် ရုပ်ပွားတော် သီးသန့် သီတင်းသုံးရာ ဂန္ဓကုဋိကျောင်းဆောင်ရှိသည်။ ရှေးယခင် ဗုဒ္ဓရုပ်ပွားတော်များ မပေါ်မီက ဗုဒ္ဓဘာသာဝင်သူတော်စင်များသည် ပထမဆုံး ဘုရားရှင် ကိုယ်စားတော်ပြုဖြစ်သည့် စေတီတော်ကို အရင်ဆုံးဖူးမြော်ကြသည်။ စေတီတော်ကို လက်ယာရစ်ပူဇော်သည်။ လက်ထဲတွင် ပန်းများကို ကိုင်ထား ပူဇော်လျှက်လှည့်လည်ကြသည်။ 

ထို့နောက် ဗောဓိပင်ကို ပူဇော်ကြသည်။ ပြီးမှ ကျောင်းတိုက် ရှိဆရာတော်အထံမှာ တရားနာ ယူကြ သည်ဟု သမိုင်းစာပေမှတ်တမ်းများ အရသိရသည်။ လက်ရှိ မျက်မြင်တွင်လည်း ယခင်ရှေးနည်း အတူ လာရောက်ပူဇော်ကြသည်များကိုတွေ့ရသည်။ 

ဘုရားပူဇော် ရန်ရောက်ရှိလာသော ဗုဒ္ဓဘာသာဝင် သူတော်ဝင်တိုင်းနီးပါးသည် အဖြူရောင်ကိုသာ ၀တ်ဆင်ထားကြသည်။ စေတီတော်ကို ပူဇော်ကြသည်။ ဗောဓိပင်ခြေတွင် ဆီမီးပူဇော်အာရုံပြုကြ သည်။  ဗောဓိပင်ခြေရှိ ပန်းတင်ခုံမှသည် ရုပ်ပွားတော်ကိန်းဝပ်ရာ ဂန္ဓကုဋိတိုင်အောင်ဘုရား ပူဇော်ရန် ယူဆောင်လာကြသည့် ပန်းများကို တစ်လက်မှတစ်လက် ကလေးလက်မှ လူကြီး လူကြီးလက်မှ ကလေးစ သည်ဖြင့် လက်ဆင့်ကမ်း တင်လှူပူဇော်ကြသည်မှာ အမြင်ထူး၍ကြည်နူးစရာကောင်းလှသည်။ 

ပန်း၊ ဆီမီးကပ်လှူပြီးလျှင် ကျောင်းရှိဆရာတော် အထံတရားမှ တရားနာယူကြသည်။ မိဘများသည် တရားနာနေစဉ်အတွင်း မိမိတို့ သားငယ်သမီးငယ်များကို ရင်ခွင်ပိုက်တင်ထားပြီး သီလယူ၊ တရားနာကြ သည်။ ဗုဒ္ဓဘာသာ အမွေအနှစ်ကို ရင်ခွင်ပိုက်၍ လက်ဆင့်ကမ်း သယ်ဆောင်ကြသည်မှာ ရင်တွင် လှိုက်လှိုက်လှဲလှဲကြည်နူးရသည်။

ကျောင်းရှိသံဃာများနှင့်အတူ ဘုရားဝတ်တက် ပူဇော်ရသည်။ ပါဠိဘာသာ အသွားဖြင့်ရှိခိုးပူဇော်ကြသည်။ အသံမှာမူ မိမိတို့ မြန်မာရဟန်းတော်များကဲ့ သို့မဟုတ်၊ သံရှည်နည်းနည်ဆွဲ၍ ကြည်နူးဖွယ်ရွတ် ဆိုကြ သည်။ 


 သီရိလင်္ကာနိုင်ငံ၊ Kelaniya Universityတွင် ကျောင်းတက်ရစဉ် အမှတ်တရ

ဝါဆိုကာလလွန်မြောက်သောအခါ ဆင်ဟာလီ ဘုန်းကြီးတို့ရွတ်ဆိုသံသည် နားယဉ်ပေပြီ၊ တစ်ခါတစ် ရံကျောင်းထိုင်ဆရာတော်မရှိလျှင် ဘုရားဝတ် တက်လာကြသော ဒကာဒကာမများကို သီလပေးရသည်။ အစတွင်မြန်မာသံမပျောက်သေးသောကြောင့်ရယ်စရာဖြစ်ရသေးသည်။

ရောက်လာ သော ဆင်ဟာလီဒကာဒကာမများကို မြန်မာသံစစ်စစ်ဖြင့် ဌာန်၊ ကရိုဏ်းကျကျရွတ်ဆိုပေး လိုက်သည်။ ဘုရားဝတ်တက်ပြီးသောအခါဒကာ ဒကာမများက မည်သို့မျှ မပြောသော်လည်း ကျောင်းတွင် ရှိသော ကိုရင်(ပေါတိ)မှ ဘန္တေတို့ မြန်မာ ဘုန်းကြီးတွေသီလပေးတာလဲ ငေါက်နေသလိုပဲဟုပြောပါသည်။

မြို့နေလူတန်းစားအားလုံးနီးပါးသည် နိုင်ငံဝန်ထမ်းများဖြစ်သဖြင့် စနေ၊ တနင်္ဂနွေတွင်သာ အိမ်တွင်ရှိကြသည်။ ထိုစနေ၊ တနင်္ဂနွေနေ့များတွင် မြို့ထဲသို့ဆွမ်းစားကြွရသည်။ မြို့ထဲတွင်လည်း ”ဘုရုမေ ဘန္တေ ပဉ္စသီလ”ဟု အမိန့်ရှိပြန်လျှင် ရံခါသီလပေးရသည်။ ကျောင်းတွင်ပေးစဉ် တုန်းကကဲ့ သို့ ငေါက်သံ မပေါက်အောင် သတိထားရသည်။   

တစ်ဝါတစ်သီတင်း သုံးပြီးဆိုတော့ အဆင်ပြေပါပြီ၊ ဆင်ဟာလီဘုန်းတော်ကြီးကျောင်းသည် မိမိတို့ ပညာရေး အတွက်လည်း နေရာကောင်းတစ်ခုဖြစ်သည်။ မြန်မာရဟန်းတော်များ အများဆုံး တက်ရောက်သော Kelaniya universityသည် မိမိတို့ နေထိုင်ရာကျောင်းနှင့်နီးသည်။ Private English school ဖြစ်သော s.v.sနှင့်လည်းနီးပြန်သည်။ ဤသို့ဖြင့် Kelaniya university သွားပြီးအတန်းတက်လိုက်၊ s.v.s privste English schoolသို့ အတန်းတက်လိုက်နှင့် ၀ါကျွတ်ခဲ့ရသည်။ 

ရံဖန်ရံခါ မကုဋာရာမမြန်မာကျောင်းသို့ရောက်သည်။ မြန်မာနိုင်ငံက အပေါင်းသင်း ရောင်းရင်း ဟောင်း ဘ၀တူ ကျောင်းသားဘ၀များ၏ ရှေးဟောင်း နှောင်းဖြစ်များကို ပြောပြီး အလွမ်းသင့်ရ သည်မှာ ရောက်ဖူးမှသာ သိနိုင်လိမ့်မည်ထင်သည်။ အမိမြေနှင့် ဝေးနေတော့လည်း စကားများသည် ပိုရသမြောက်ပြီး၊ ပိုလွမ်းရပြန်သည်။ 

 နီပေါနိုင်ငံ၊ လုမ္ဗီနီရောက် ခရီးသည်

ဆင်ဟာလီစကားနည်းနည်းပြောတတ်ပြီ၊ စာမေးပွဲလည်းနီးခဲ့ပြီ၊ စာမေးပွဲအတွက် စိတ်ကြိုက်ဘာသာ ( choising topic)ရွေးချယ်ခြင်း ရင်ခုန်သံများသည် ညံစီနေလေ့ရှိသည်။ မကုဋရာမမြန်မာကျောင်းတွင် စုပေါင်းတိုင်ပင်ကာ စိတ်ကြိုက် ဘာသာရွေးကြသည်။ ဘာသာရွေးရုံမျှမက တာဝန်ယူဆောင်ရွက် ရမည့် အပိုင်းကိုပါ ဆွေးနွေးကြရသည်။ ကျောင်းသားများထဲမှ နှစ်ပါး တစ်တွဲ၊ သုံးပါးတစ်တွဲစသည်ဖြင့် တာဝန်ယူကြရသည်။ 

မိမိတို့တာဝန်ယူထားသည့်ဘာသာရပ်ကို မပျက်မကွက်တက်ရောက်ပြီး မှတ်တမ်းတင်၊ နုတ်ထုတ်၊
ဆွေးနွေးခြင်းများပြုလုပ်ရသည်။ ဤသို့ဖြင့် ဒီဇင်ဘာလနှင်းတို့ဝေနေချိန် ( လင်္ကာမြေတွင်နှင်း တကယ် မဝေပါ၊ မြန်မာနိုင်ငံနှင့်နှိုင်း၍ဆိုသည်) တွင် ရင်ခုန်သံသည် အကျယ်လောင် ဆုံးဖြစ်ပေမည်။

နှစ်စဉ်ဒီဇင်လာသည် Kelaniya university ၏ အတန်းတက်စာမေး ပွဲ ဖြေဆိုရာကာလဖြစ် သည်။ ဆွေးနွေးကြရသည်။ တိုင်ပင်ကြရသည်။ ပို့ချချက်များကိုနုတ်ထုတ်ကြ ရသည်။ တိုက်ရိုက်လိုက် မမီနိုင် သော ဘာသာရပ်များကို recording လုပ်ရသည်။ ကျောင်းပြန်ရောက်မှ နှစ်ပါး၊ သုံးပါးတွဲ ကာ ပြန်လည် နားထောင်နုတ်ထုတ်ပြီး စာရိုက်ကာ ဖြန့်ဝေကြရသည်။ တိုင်တိုင်ပင် ပင်နှင့် ဘ၀အမော ထဲမှ ပျော်စရာများပင်။

ကြိုတင်ပြင်ဆင်မှုများဖြင့် စာမေးပွဲဖြေဆိုကြရသော ကျောင်းသားများတွင် မြန်မာရဟန်းတော်တို့ သည် အပြုံးအရွှင်ဆုံးမျက်နှာထားရှိကြသည်။ 

ပြုံးနေသောသူများတွင် မိမိကိုယ်တိုင်ပါဝင်နိုင်အောင်ကြိုးစားသည်။ စာမေးပွဲ အတွက်ပြုံးနိုင်ခဲ့ပေမယ့် မပြီးဆုံးသေးသော ခရီးတစ်ခု အတွက် လင်္ကာမြေကို နှုတ်ဆက်ဖို့ကြုံလာချိန်တွင် မျက်ရည်ဝဲ ရသည်။ ကျောင်းထိုင်ဆရာတော်ကြီးက “အာဝုသော တို့ကျောင်းကို ပြန်လာခဲ့ ဦးနော်”တဲ့။

ကျောင်းရှိ ကိုရင်ငယ်(ပေါတိ)မျက်ရည်ဝဲပြီ၊ အသိအကျွမ်းဖြစ်နေပြီဖြစ်သော ဒကာဒကာမများက ပြန်တော့ မယ်ဆို လို့ပြောတိုင်းရင်ထဲ တစ်မျိုးဖြစ်ရသည်။ 
ကိုယ်တိုင်မျက်ရည် မ၀ဲမိအောင်ထိန်းသည့် ကြားမှပင် သူတို့မြင်လေမလား စိုးရိမ်မိသည်။ 

ဒီဇင်ဘာဆောင်းနှင်းတို့ ဝေချိန်တွင် ရှင်မဟိန္ဒမထေရ်မြတ်နှင့်၊ နှမတော်သင်္ဃမိတ္တာတို့ လျှောက်လှမ်း ခဲ့ကြသော လမ်းကိုပြောင်းပြန်ဆန်ပြီးအိန္ဒိယနိုင်ငံသို့ရောက်ခဲ့သည်။ 
အိန္ဒိယရောက်ပြီး မဟာဗောဓိ စေတီတော်မြတ်ကြီးကိုဦးညွတ်ရှိခိုးမိချိန်တွင် အသောကမင်းမြတ်ကြီး၏ ရင်နှစ်သည်ချာ လင်္ကာမြေရဲ့ ဦးစွန်း ဗုဒ္ဓဘာသနာ့ သူရဲကောင်းမောင်နှမ၊ အနုရာဓပူရမြို့ဟောင်းနှင့် ကိုလံဘိုမြို့ရှိ မကုဋရာမ မြန်မာကျောင်းတို့ စိတ်တွင် တစ်ရိပ်ရိပ်ပေါ်လာကြသည်။ 

နိုင်ငံ အစုံက လာရောက်ကြသော ထေရ၀ါဒ၊ မဟာယာန ဗုဒ္ဓသားတော်များနှင့် ဗောဓိပင်ခြေသည်
ရောင်စုံတောက်ပနေသည်။ ဤကဲ့သို့ဗုဒ္ဓဘာသာဝင်များ လက်ထဲ ခိုင်ခိုင်မြဲမြဲနှင့် ဗုဒ္ဓဂယာဒေသ တည်ရှိ
အောင်ဆောင်ရွက်ခဲ့သော လင်္ကာမြေရဲ့ ဗုဒ္ဓသာသနာ့ ထာဝရသူရဲကောင်းကြီး အနာဂါရိက ဓမ္မပါလကို များစွာကြည်ညိုမိသည်။

မောရိယဘုရင် အသောကသည် သား၊ သမီး၊ မြေး သွေးချင်းပေါင်းများစွာဖြင့် လင်္ကာမြေကို ဗုဒ္ဓ သာသနာ့ အောင်လံ တံခွန်အဖြစ် အောင်နိုင်ခဲ့သည်။ လင်္ကာမြေက လင်္ကာသားကြီး အနာဂါရိက ဓမ္မပါလ က ညှိုးမှိန်နေသော အသောကမင်းမြတ်၏ လက်ရာများ ကိုပြန်လည် တောက်ပြောင်လင်းလက်စေသည်မှာ
ကြည်နူးမဆုံးဖြစ်ရသည်။ 

လွန်ခဲ့သော သုံးနှစ်ကျော်ကျော်က ဒေါက်တာဘွဲ့ရ ဆရာတော်၏ လမ်းညွှန်ချက်တို့ကိုပြန်လည်ကြားေ
ယောင်မိသည်။ 


 Annamalai university seminar ရောက် ခရီးသည်

သီရိလင်္ကာနိုင်ငံသည် ဗုဒ္ဓဘာသာနိုင်ငံတစ်ခုဖြစ်၍မြန်မာစာသင်သား ရဟန်းတော်များ ပထမဆုံး သွား ရောက်ပြီးပညာသင်သင့်သည့်နေရာဖြစ်သည်။ ဆက်လက်လေ့လာလိုလျှင် အိန္ဒိယသည် ဒုတိယ အကောင်းဆုံးနေရာဖြစ်သည်ဟူသော စကားများပင်ဖြစ်သည်။ 

အခုတော့ အခြေအနေအရ အိန္ဒိယနိုင်ငံကြီး၏ သီရိလင်္ကာနိုင်ငံနှင့် အနီးဆုံးပြည်နယ်ဖြစ်သော တမီးနာဒူးပြည်နယ်တွင် ကျောင်းတက် နေရသည်။ တောင်ပိုင်းဘက်စွန်းကို ကြည့်ကြည့်ပြီး လင်္ကာမြေကို လွမ်းရသည်။ 

..........................................................................
 
မှတ်ချက်။ ၂၀၁၂၊ ခုနှစ်၊ သီရိလင်္ကာနိုင်ငံ၊ မြန်မာကျောင်းသားရဟန်းတော်များ စုစည်းထုတ်ဝေသော လင်္ကာတမန်မဂ္ဂဇင်းပါ၊ နယ်ကျော်အလွမ်း ဆောင်းပါးကို ပြန်လည်တင်ပါသည်။