Pages

Sunday, June 16, 2013

ပျော်စရာ ကောင်းသည်


ကောင်းမှုဖြင့် ပျော်၊ မကောင်း ပျော်၊ အပျော်နှစ်မျိုးရှိပါသည်။

အပူဓာတ်ကင်း၊ ငြိမ်းချမ်းခြင်း၊ ပျော်လျင် မြတ်နိုးရာ။

ကိုယ် စိတ် မငြိမ်း၊ အပူကိန်း၊ ရှောင်တိမ်း မပျော်ရာ။



ပျော်စရာသည် ကာမဂုဏ်ဖြင့် ပျော်ရသည်က တစ်မျိုး၊
မြတ် ဓမ္မကို ကျင့်သုံးလိုက်နာခြင်းဖြင့် ပျော်ရ သည်က တစ်မျိုးဟု နှစ်မျိုးရှိသည်။

ကာမဂုဏ်ဖြင့် ပျော်ရခြင်းသည် အပူဓာတ်ဖြင့် ပျော်ရခြင်းဖြစ်သည်။
ဓမ္မဖြင့် ပျော်ရခြင်းသည် အအေးဓာတ်၊ အငြိမ်းဓာတ်ဖြင့် ပျော်ရခြင်းဖြစ်သည်။

တစ်ခါက မြတ်စွာဘုရားသည် သာဝတ္ထိမြို့တော်ကြီးတွင် သီတင်းသုံးတော်မူနေခိုက်ဖြစ်သည်။
သာဝတ္တိတစ်မြို့လုံးသည် အုန်းအုန်းကျွက်ကျွက်ဖြင့် ပျော်မြူးနေကြသည်။
ထိုပျော်ပွဲကြီးကို ဗာလနက္ခတ္တပွဲသဘင်ဟုခေါ်ကြသည်။

လူများရမ်းရမ်းကားကားပျော်ကြသည်။ မြင်မကောင်းအောင် လိမ်းခြယ်ပြင်ဆင်ကြသည်။
နားမခံသာအောင် အော်ဟစ်သီးကျူးကြသည်။ ယဉ်ကျေးသူများ အနေခက်အောင် လိုက်လံ၊ နောက်ပြောင်၊

 နှောက်ယှက်ကြသည်။ သူတော်စင်များ အခက်တွေ့သည့် ပွဲတော်ကြီးဖြစ်သည်။

ထိုပွဲတော်ကြီးခုနှစ်ရက်တာကာလ ကျင်းပနေခိုက် ဇေတ၀န်ကျောင်းတော်ကြီးတွင်လည်း
ဓမ္မဖြင့် မွေ့လျော်သူတို့ဖြင့် စည်ကားနေသည်။
သာဝတ္တိမြို့ကြီးသည် ငါးကုဋေခန့်သော သူတော်စင်များဖြင့် ငြိမ်းချမ်း၊ တည်ငြိမ်စွာဖြင့် ပျော်ကြပြန်သည်။

ထိုငါးကုဋေသော သူတော်စင်များသည် မြတ်ဘုရားအားလျောက်ထားကြသည်။
မြတ်စွာဘုရား၊ သာဝတ္ထိမြို့အတွင်း ဗာလနက္ခတ္တပွဲသဘင်ကို ခုနှစ်ရက်ကြာ ကျင်းပနေကြပါသည်ဘုရား။
လူအများရမ်းကားကြသည်။ မြင်မကောင်း၊ ရှုမကောင်းအောင် ဆိုးသွမ်းကြသည်။
ထိုပွဲတော်ကာလအတွင်းမြို့အတွင်းသို့ ဆွမ်းခံကြွတော်မူပါနှင့်ဘုရား။
ဘုရားတပည့်တော်များ ကျောင်းသို့လာရောက်ပို့ဆောင်ကြပါမည်ဘုရား။

မြတ်ဘုရားသည် ဒကာ ဒကာမများ၏ လျောက်ထားချက်ကို လက်ခံတော်မူသည်။
ပွဲတော်အတွင်း မြို့အတွင်းသို့ ဆွမ်းခံကြွတော်မမူပေ။
ဒကာ ဒကာမများ ကပ်လှူသော ဆွမ်းဖြင့်သာမျှတတော်မူသည်။

ပွဲတော်ကာလပြီးသော် ရှစ်ရက်မြောက်နေ့တွင် ဒကာဒကာမများသည် ဘုရားရှင်နှင့်တကွ သံဃာတော် များကို ပင့်ဖိတ်ပြီး ပွဲအတွင်းကြီးကျယ်သော ဆွမ်းလှူပွဲကျင်းပကြသည်။

ထိုအလှူပွဲကြီးတွင် အလှူရှင်သူတော်စင်များက ရှင်တော်ဘုရား..၊ ဘုရားတပည့်တော်များ ဗာလနက္ခတ္တ ပွဲတော် ကာလ အတွင်း မကြား ချင်သောအသံများကိုကြားကြရပါသည်။ 
မမြင်ချင်သော အရာတို့ကို မြင်ရပါသည်။ စိတ်ဆင်းရဲ ကိုယ်ဆင်းရဲဖြင့် နေထိုင်ကြရပါသည်။

ဘုရားတပည့်တော်များ မြို့အတွင်း မ၀င်သလို၊ ရှင်တော်မြတ်ဘုရားနှင့် တပည့်သားများလည်း မြို့တော် အတွင်း ကြွတော် မမူခဲ့ပါဘုရား..ဟု ငြိမ်းချမ်းစွာနေလိုသော သူများကလည်း လျောက်ထားကြသည်။

ထိုအခါ မြတ်ဘုရားက ..ပညာမဲ့မိုက်မည်းသူများသည် မေ့လျော့ခြင်းကို ခုံမင်ကြကုန်၏။
သူတော်စင်များကား မမေ့မလျော့ခြင်းကို မြတ်နိုးကြကုန်၏။

ကာမဂုဏ်ပျော်( အပူပျော်) ကို အားမထုတ်ကြကုန်လင့်။
ဓမ္မဖြင့်ပျော်( အအေး၊ အငြိမ်) ပျော်ခြင်းသည်သာ အငြိမ်းဓာတ်များ ကိန်းရာ မြတ်နိဗ္ဗာန်ရောက်
ကြောင်းဖြစ် ပေသည်..ဟု ဟောကြားတော်မူသည်။

တရားဆုံးသော် အငြိမ်းဓာတ်ဖြင့် အပူကင်းကြသော သူတို့သည် ပျော်ရွှင်စွာဖြင့် သာဓုခေါ်ကြည်နူးကြ ရသည်။

....................................................
ဓမ္မပဒ၊ ဗာလနက္ခတ္တ၀တ္ထုကို ရေးဖွဲ့ပါသည်။

Tuesday, June 11, 2013

သီဟသေနာပတိ သုတ္တံ


ကေပုပ္ဖံ ဧကောဒကံ။
ပူဇေနာပိ သုခံ လဘေ။


ပန်းတစ်ပွင့် ရေတစ်ခွက် ပူဇော်ခြင်းအားဖြင့်လည်း ပစ္စပ္ပုန် တမလွန်နှစ်တန်သော ဘ၀တွင် ချမ်းကိုရစေ တတ်သည်။ 
ပေးကမ်း လှူဒါန်းခြင်းကို ကောင်းသော အရာ တစ်ခု အဖြစ် လူသားတိုင်း ဘာသာတိုင်းက မြတ်နိုးစွာ လက်ခံကြသည်။


တစ်ခါက ဘုရားရှင် မဟာဝန်တော ကုဋာဂါရကျောင်းတိုက်၌ သီတင်းသုံးတော်မူစဉ်က သီဟစစ်သူကြီး 
သည် ဘုရားရှင်ထံမှောက်သို့ ရောက်လာပြီး ဒါနနှင့်ပတ်သက်သော မေးခွန်းတစ်ချို့ မေးဖူးသည်။

ရှင်တော်ဘုရား၊ အလှူပေးတဲ့ အတွက် ယခုလက်ရှိဘ၀ရရှိမယ့် အကျိုးများကို ဟောပြနိုင်ပါလားဘုရား။
သီဟစစ်သူကြီး အလှူပေးလိုက်လက်ငင်းရမယ့် အကျိုးများကိုပြခြင်းငှာတတ်နိုင်ပါတယ်။

၁။ ပေးလှူတတ်တဲ့ အလှူရှင်ကို လူအများက ချစ်ခင်ကြတယ်။

၂။ နောက်တစ်မျိုးက အလှူရှင်ထံကို တည်ကြည်ငြိမ်းချမ်းသော စိတ်ဓာတ် ပိုင်ရှင်သူတော်စင်များ လာရောက် တတ်ကြတယ်။

၃။ နောက်တစ်မျိုးက အလှူရှင်သည် ထင်ပေါ်ကျော်ကြားရသည်။

၎။နောက်တစ်မျိုးက အလှူရှင်များသည် လူများအလယ် ပရိသတ်အကြား ရဲရဲဝံ့ဝံ့သွားလာလှုပ်ရှားနိုင်တယ်။

၅။ နောက်တစ်မျိုးက အလှူရှင်များဟာ ဒီဘ၀ ဒီခန္ဓာစွန့်ရမယ့် နောက်ဆုံး အချိန်မျိုးမှာ စိတ်ကြည်လင်နေ တတ်တယ် သေလွန်ပြီးနောက် နောက်ဘ၀များတွင် ကောင်းရာသုဂတိဖြစ်တဲ့ နတ်ဘုံနတ်နန်းဖြစ်ရတယ်..။

ဘုရားရှင်မိန့်ကြားသော ထိုစကားကြားရသည့် သီဟစစ်သူကြီးသည်..
 
ရှင်တော်မြတ်ဘုရား၊ တပည့်တော်သည် အရှင်မြတ်ဘုရားဟောလို့လက်ခံရသည့် သဘောမျိုး မဟုတ်ပဲ၊ ကိုယ်တွေ့အားဖြင့် လက်ရှိရမယ့် ပစ္စုပ္ပန် အကျိုးလေးပါးကို ခံစားသိရှိပါတယ်ဘုရား။

တပည့်တော်က ပေးလှူတတ်တော့ လူအများချစ်ခင်ကြပါတယ်။
ပြီးတော့ တည်ကြည်လေးမြတ်စိတ်ဓာတ်မြင့်မားသော သူတော်စင်ကြီးများလည်း တပည့်တော်ဆီကြွလာ တတ်ကြပါတယ်။

သီဟစစ်သူကြီးက လူတိုင်းကိုပေးလှူတတ်တယ်။ သံဃာများကို ကြည်ညိုလေးစားတယ်စသည်ဖြင့် မင်း ပရိသတ်၊ သူဌေး သူကြွယ်၊ မှူး မတ် စသည်ဖြင့် ပရိသတ်အလယ်မှာ ထင်ပေါ်ကျော်ကြားရပါတယ်ဘုရား။

ထိုအခါ ဘုရားရှင်က သီဟစစ်သူကြီး၊ သင်ပြောတဲ့ လက်ရှိ လက်ငင်းရမယ့် အကျိုးလေးပါးထင်ရှားသလို၊ လက်ရှိဘ၀ခန္ဓာစွန်ရကြတော့လည်းပဲကောင်းရာသုဂတိရောက်ရတယ်ဆိုတာ ဒါနအကျိုးပင်ဖြစ်ပေတယ်။

(သီဟသေနာပတိသုတ်)


Sunday, June 9, 2013

စိတ် ပြုပြင် နည်း


သစ်ကောက်ကို ဖြောင့်၊ ပမာထောက်၊ စိတ်ကောက် ဖြောင့်ပါလေ။

စိတ်ကောက်ကို ဖြောင့်၊ ခရီးမထောင့်၊ ရောက်လိမ့် မြတ်နိဗ္ဗာန်။


ရဟန္တာ မထေရ်မြတ်ကြီးသည် ကိုရင်ငယ်တစ်ပါးနှင့် ရွာထဲသို့ ဆွမ်းခံဝင်သည်။ လမ်းတစ်လျောက်သည် သာယာအေးချမ်းသည်။ လေပြေဖြူးဖြူး ကြည်နူးစရာကောင်းသည်။ နေရှိန်ကြောင့် လောက၀န်းကျင်သည် ထိန်ထိန်လင်းနေသည်။ လယ်ကွင်းများဆီတွင် လယ်လုပ်သားတို့ စတင်ပြီး လုပ်ငန်းဆင်းကြပြီ။

အရှင်မြတ်ကြီးဘုရား၊ ဒါက ဘာလုပ်ကြတာပါလဲဘုရား။
နောက်တော်ပါးမှကိုရင်ငယ်သည် မထေရ်မြတ်ကြီးကို မေးလျောက်သည်။
ကိုရင်ငယ်မေးသည့် အရာမှာ လယ်လုပ်သား လယ် အတွင်းသို့ ရေသွင်းနေကြသည့် လုပ်ငန်းကို
မေးခြင်း ဖြစ်သည်။ 

ဒီလို..၊ ကိုရင်ရဲ့..၊ ဒီရေတွေကို ဘောင်လေးခတ်ပြီး ကိုယ်လိုချင်တဲ့ ဆီသယ်ယူကြတာပေါ့။ 
လယ်ထဲရောက်အောင် လုပ်ကြတာပေါ့။

အော်..၊ မှန်ပါအရှင်မြတ်ကြီးဘုရား။ အသက်မရှိတဲ့ ရေကိုတောင် ဘောင်ခတ်ပြီး လိုရာယူလို့ရရင် စိတ်ကို လည်း လိုရာရောက်အောင် ထိန်းသိမ်းနိုင်တာပေါ့နော်ဘုရား။
မှန်တာပေါ့..၊ ကိုရင်..။ စိတ်ကို ထိန်းပြီး လိုတဲ့ နေရာထားနိုင်တယ်။

ဆရာ တပည့်နှစ်ဦးသည်။ လယ်ကြို လယ်ကြားခရီးအလွန်တွင် ရွာဦးအစသို့ရောက်ကြသည်။
လူတစ်ချို့ကိုမြင်ကြရသည်။ 
ထိုရွာသားများသည် သစ်ကိုင်းကို မီးလေးပြလိုက် ပြန်နှုတ်ယူလိုက် မျက်စိလေး ပေကလပ်ပေကလပ် လုပ်ပြီး လိုရာကွေးလိုက်လုပ်နေကြသည်။ 

အရှင်မြတ်ကြီးဘုရား..၊ ဒီရွာသားတွေ ဘာလုပ်နေကြတာလဲဘုရား။
အော်..၊ ကွေးနေတဲ့ သစ်ကိုင်းကို မီးအပူလေးပေးပြီး ဖြောင့်အောင်လုပ်နေကြတာကိုရင်ရဲ့။
မြှားလုပ်နေကြ တာပေါ့။ မြှားဖြောင့်မှ ပစ်မှတ်ထိနိုင်တယ်ကိုရင်..။

မှန်ပါ၊ အရှင်မြတ်ကြီးဘုရား။ သက်မဲ့ဖြစ်တဲ့ သစ်ကိုင်းကိုတောင် မီးပူပေးပြီး ဖြောင့်အောင်လုပ်နိုင်ကြသေး ရင်စိတ်ကိုလည်း ဖြောင်အောင်လုပ်နိုင်တာပေါ့နော်ဘုရား။

မှန်တာပေါ့ကိုရင်။ စိတ်ကို သတိ၊ သမာဓိ၊ ပညာ အပူပေးပြီး ကွေးနေတာကို ဖြောင့်အောင်လုပ်နိုင်တယ်။
စိတ်ကွေးဖြောင့်တော့ အေးတာပေါ့..ကိုရင်။
မှန်ပါ အရှင်မြတ်ကြီးဘုရား။

ဤသို့ခရီးနှင်ရင်း ဆွမ်းခံဝင်လာရာ ရွာလယ်လမ်းသို့ရောက်ကြပြီ။ ရွာသားတစ်ချို့ သစ်ရွေ၊ သစ်ခုတ် လုပ် နေကြသည်။ မျဉ်းကြိုးလေးနဲ့တိုင်းလိုက်၊ အမှတ်အသားအတိုင်း လိုက်ပြီး မလိုအပ်သည်များကို ဖယ်ထုတ်၊ ခုတ်ထစ်နေကြသည်။

အရှင်မြတ်ကြီးဘုရား။ သူတို့ဘာလုပ်နေကြတာလဲဘုရား။
အော်..၊ ကိုရင်ငယ်၊ သစ်ဆိုတာ အကိုင်း၊ အခက်၊ အဖု အထစ်များတယ်။ အဲဒါလေးကို အလုံးချောဖြစ် သွားအောင် မလိုအပ်တာတွေကို မျဉ်သားပြီး ခုတ်ပစ်၊ ရွေပစ်ရတယ်ကွဲ့။
မလိုအပ်တာတွေကို ဖယ်လိုက်တော့ လိုအပ်တာတွေရပြီး လှသွားတာပေါ့ ကိုရင်..။

မှန်ပါ၊ အရှင်မြတ်ကြီးဘုရား။ အသက်မရှိတဲ့ သစ်တုံးကြီးကိုတောင် ဖြောင့်စင်းသန့်စင်လိုရာထွင်ယူနိုင်သေး ရင်၊ စိတ်ဆိုတာလဲ မလိုအပ်တာကို ဖယ်လိုအပ်တာကိုထားလိုက်ရင် သန့်စင်ဖြောင့်ဖြူးလာနိုင်တာပေါ့ ဘုရား။
မှန်တာပေါ့ ကိုရင်ငယ်။ စိတ်မှာဖြစ်တတ်တဲ့ ဖု၊ ထစ်၊ ရွတ်၊ တွ အလိုမကျတာတွေကို ခုတ်ထုတ် ပယ်ရှင်း လိုက်ရင် သန့်စင်ဖွေးလက် အရောင်ထွက်တော့တာပေါ့။

မှန်ပါဘုရား၊ အရှင်မြတ်ကြီး။ တပည့်တော် ဆွမ်းခံဆက် မလိုက်တော့ပါ။ ကျောင်းပြန်ပြီး စိတ်ပြုပြင်လိုက်ပါ ဦးမယ်ဘုရား။
အေး ကောင်းပေတယ်၊ ကိုရင်ငယ် ။ ပြန်ပြန်...။

ဆွမ်းခံမှအပြန်တွင် ကိုရင်ငယ်သည် ကျောင်းခန်းအတွင်းသို့ ၀င်ကာ စိတ်ကို လိုရာရောက်အောင် သွယ်ယူ သည်။ သတိ၊ သမာဓိ၊ ပညာ အပူပေးပြီး ကွေးနေသောစိတ်ကိုဖြောင့်လုပ်သည်။ စိတ်ကို သတိ၊ သမာဓိ၊ ပညာတင်ပြီးရှုသော အခါ ပိုနေတာတွေ့ရသည်။ မလိုအပ်သော စိတ်ပိုများကို ဖယ်ထုတ်ပယ်ရှင်းသည်။ 

နတ်တို့ဘုရင် သိကြားမင်းသည် ကျောင်းသို့ပြန်ကာ ကိုရင်ငယ် တရားအားထုတ်နေသည်ကို မြင်သဖြင့် အနှောက် အယှက်မဖြစ်စေခြင်းငှာ နတ်မင်းကြီးလေးပါးအား ကျောင်းဝန်းကျင် အားတိတ်ဆိတ်အေး ချမ်းအောင်အပြုလုပ်ခိုင်ထားသည်။ 

နေနတ်သား၊ လနတ်သားတို့ကိုလည်း နေ၀န်း လ၀န်းတို့ကို တန့်ထားစေသည်။ သိကြားမင်း ကိုယ်တိုင် မူ ကျောင်းပေါက်အနီးတွင် စောင်ရှောက်ထားသည်။ သတိ၊ သမာဓိ၊ ပညာဖြင့် ကိလေသာကို စစ်ခင်းနေသူ များအား နတ်၊သိကြားများစောင့်ရှောက်ကြရသည်။

ကိုရင်ငယ်သည် စိတ်ကွေးကိုဖြောင့်စင်းအောင်ပြုပြင်ရင်းဖြင့် သောတာပန်၊ သကဒါဂမ်၊ အနာဂါမ် အဆင့်တို့ကိုရရှိလေသည်။ ကိုရင့်ငယ်၏ မထေရ်မြတ်ကြီးကား ဆွမ်းခံရွာမှ ခပ်စောစောပင်ကျောင်း ၀ိဟာသို့ပြန်ကြ လာ သည်။

မြတ်စွာဘုရားရှင်သည် ဆွမ်းခံရွာမှ ပြန်ကြွလာသော မထေရ်မြတ်ကြီးကြောင့် ကိုရင် စတုတ္ထမဂ်ဖိုလ်ရရေး အတွက် အနှောက်အယှက်ဖြစ်မြင်တော်မူသောကြောင့် ကျောင်းပါက်ဝသို့ ကြွတော်မူလျက် တပည့်ဖြစ် သည့် မထေရ်မြတ်ကြီးအား တရားနှင့်သက်ဆိုင်သော မေးခွန်များကို မေးလျက် ကိုရင်ငယ် အား ရဟန္တာဖြစ်စေတော်မူသည်။ 

တရားအားထုတ်လျင် ဘုရားရှင်၊ နတ်နှင့် သိကြားတို့ စောင့်ရှောက်တော်မူကြသည်။ 
ကိုယ်ကိုယ်တိုင်က ကိုယ့် အတွက် အနေသာကြီးဆိုလျင်ဖြင့် အခြားသူများကလည်း အနေသာကြီး
ဖြစ်ကြပေမည်။ 

"ဓမ္မော ဟဝေ ရက္ခတိ ဓမ္မစာရီ." တရားကို မြတ်နိုးစွာစောင့်ရှောက် လျင်တရားတော်က လည်းပြန် လည်စောင့် ရှောက်သည်။ 
 .............................................................

ဓမ္မပဒ၊ ပဏ္ဍိတသာမဏေ ၀တ္ထု ကိုရေးဖွဲ့ပြပါသည်။ 

ဦးဇင်း နောက်လူး


ရွာဦးကျောင်းသည် ကျောင်းသား ကိုရင်များ၏ ဘုရားစာ ရွတ်ဖတ်သံ၊ စာချဘုန်းတော်ကြီးများ၏ စာပေပို့ ချသံတို့ဖြင့် ညီစီနေသည်။ ဆိတ်ဆိတ်ငြိမ်ငြိမ်ဖြင့် တည်ငြိမ်စွာစည်ကားသည်။

ဆရာတော်..၊ နောက်လူး လာတယ်ဘုရား။
ဟေ..၊
ဟာ သုမနကြီး မင်းမလဲ ရွာ မရောက်တာတောင်ကြာပေါ့ကွာ..၊ အေး အေးငါ့တပည့်ရေ..၊ မင်းလာတာ ငါဖြင့် ၀မ်းသာတယ်ကွာ..။
ဒါနဲ့ မင်းရဲ့ နောက်လူး နာမည်က မပြောင်းသေးပါလားဟ။

သူငယ်ချင်းဖြစ်သူ ဦးသုဘောဂ၊ ဦးကောသလ္လတို့နှင့် အတူ ဦးသုမနာလင်္ကာ ပြုံးလေနေသည်။
သူငယ်ချင်းတစ်စုသည် ငယ်မူငယ်သွေးဖြင့် ဆရာတော်ခြေရင်းတွင် ကြည်နူးဖွယ်ကောင်းနေသည်။
....................................


ဦးသုစိတ္တ ဤတောရွာလေးသို့ ရွာဦးကျောင်းဆရာတော်အဖြစ်ဖြင့် ရောက်ခဲ့စဉ်က ကျောင်းသည် အို၏။ အမိုးသည် မိုးရေယို၏။ ဇရပ်ကြီးသည် ပြိုလုလုဖြစ်နေသည်။
ဘာသာရေးတွင် ဦးစီးဦးဆောင်မည်သူကင်းသဖြင့် အဆင်းမလှဖြစ်နေသည်။

ကျောင်းသည် ကျောင်းခေါင်းချည်းသက်သက်မို့ အကျည်းတန်စွာ တိတ်ဆိတ်နေသည်။
ထိုအခြေအနေကို ဦးသုစိတ္တပြောင်းပြစ်သည်။ ဘုရားစေတီသည် ထုံးဖွေးဖွေးဖြင့် ကြည်နူးစရာ ဖြစ်သလို၊ ဇရပ်အိုကြီးလည်း ပြန်လည်ပျိုနုလာသည်။

ထို့နောက် ရွာထဲက ကျောင်းသားငယ်များကို ဘာသာစာရေးသင်ကြားပေးရင်းဖြင့် သန်းထွန်း၊
ကျော်မောင်နှင့် ဟန်စိန်တို့ ကိုရင်ဝတ်လာကြသည်။ ကိုရင် မဖြစ်ခင်ကတည်းက သူငယ်ချင်းများမို့ အင်မတန်ရင်နှီးကြသည်။ ကိုရင်ဖြစ်လာသော အခါ သုဘောဂ၊ ကောသလ္လနှင့် သုမနတို့ဖြစ်လာကြသည်။ 

အစအဦးဆုံးနှင့် အနီးနေတပည့်များအဖြစ်အားကိုးတကြီးဖြင့် ဦးသုစိတ္တ စာပေများကို သင်ကြားပေး သည်။ ထိုတွင် ကိုရင်သုမနသည် ဉာဏ်သွက်သည်။ စာသဘောမြင်သည်။

သို့သော် တောကျောင်းလေးမို့ ဘုန်းမကြီးလှပေ။ ဦးသုစိတ္တသည်လည်း စာပေကိုသာ မြတ်နိုးသဖြင့် ဘုန်းကြီးအောင်ကား မပြောတတ်ပေ။ ဤသို့ ဆွမ်းခံရသမျှလေးကို ပေါင်းပြီး ကျောင်းသားအပါအ၀င် ဆယ်ဦး ခန့်ကို ညီမျှအောင် ဟင်းပေါင်းလုပ်ကာ စားကြရသည်။

မနက်ခင်းတွင် စာတစ်ချိန် ချ၊ စာချပြီးသော် ဆွမ်းခံထွက်ကြရသည်။ ဆွမ်းခံမှ ပြန်ရောက်သော် လောင်း လှူလိုက်သမျှကို ဟင်းပေါင်း အဖြစ်ပေါင်းကြရသည်။ သုဘောဂ၊ ကောသလ္လနှင့် သုမနတို့အလည့် ကျပေါင်းကြရသည်။ ထူးခြားချက်မှာ ဟင်းပေါင်းပြီးသော် အလည်တယ်ပုံဂံဖြင့် ခပ်ပြီး ဆွမ်းအမီအသင်ပြင် ရသည်။ အိုးတွင် ကပ်ကျန်သော ဟင်းကျန်ကိုကား အလှည့်ကျ ဟင်းပေါင်းကိုရင်က အိုးလူးပြီး စားလေ့ရှိသည်။

တစ်နေ့သော် ကိုရင်သုမန ဟင်းပေါင်းသည်။ တစ်ဘက်ကလည်း စာကိုကျက်မှတ်လျက်ရှိသည်။ ဟင်းပေါင်းကို အဆင့်သင့်သော် ခူးခပ်ပြီး ဆွမ်းပြင်လိုက်သည်။ အနည်းငယ်ကျန်နေသော စာကို အပြီးသတ် ဖို့ ကျန်နေသေးသည်။ ဟင်းပေါင်းကို မလူးသေးပဲ မီးဖိုပေါ်တင်ထားလိုက်သည်။

ထိုအချက်ကို မှတ်သားမိနေသော ကောသလ္လနှင့် သုဘောဂတို့သည် ကိုရင်သုမနမသိခင် ဟင်းပေါင်းအိုး ကို လူးနယ်လိုက်ကြသည်။

ဤသည်ကို မသိသော ကိုရင်သုမနသည် စာအုပ်ကို ဘုရားစင်ထားပြီး ဟင်းပေါင်းအိုးကို ဆွမ်းများထည့်ပြီး လူးတော့သည်။ လူးသော်လည်း ဆွမ်းကား အရောက်ထွက်မလာဖြစ်နေသည်။ 

ထိုအခိုက် ဇရပ်ပေါ်မှ ကိုရင်နှစ်ပါးသည် ကိုရင် သုမနကိုကြည့်ပြီး..
ဟာဟ..ဟာဟ..၊ သုမန နောက် လူးဟေ့..၊ ငါတို့လူးသွား မင်းမသိလိုက်ဘူးမို့လား.။ ငါတို့ လူးပြီးသား ဒယ်ကိုလူးတယ်ဟေ့..

ကိုရင်သုမနစိတ်တိုသွားသည်။ နည်းနည်းလည်းရှက်မိသည်။ သူများလူးပြီးမှ လူးမိသော မိမိအဖြစ်ကိုလည်း အားမလိုအားမရဖြစ်နေမိသည်။ သုဘောဂ၊ ကောသလ္လတို့ကား မျက်ပေးများဖြင့် စနောက်ကြသည်။

ထိုနေ့မှစကာ ကိုရင်သုမနသည် ကိုရင်နောက်လူးဟုဖြစ်လာတော့သည်။ ထိုသို့ခေါ်တိုင်စိတ်တို သည်။ စိတ်တိုလေ နောက်လူးခေါ်လေဖြင့် ဆရာတော်မရှိလျက် ဆူညံနေတတ်သည်။
ဤသို့ စ နောက်ရင် ဆွမ်းရှား၊ ကွမ်းရှား ဘုဉ်းပေးရင်း သူတို့ သုံးပါး စာသင်သည်။

ဉာဏ်တော်သော ကိုရင်သုမနကို မြို့စာသင်တိုက်ပို့လိုက်ကြသည်။ သူငယ်ချင်းဖြစ်သူကိုရင် သုဘောဂနှင့် ကိုရင်ကောသလ္လတို့သည် မျက်ရည်လဲရွှဲဖြင့် ကားဂိတ်လိုက်ပို့ကြသည်။

နောက်လူး မင်းစာကြိုးစားသင်နော်..၊ မင်းက ဉာဏ်တော်တော့ အောင်မြင်မှာပါ ကွာ..၊
 နှုတ်ဆက်စကား ဆိုကြသည်။ ကိုရင်သုမန ထို့နေ့ နောက်လူးဟုခေါ်သဖြင့် စိတ်မဆိုးသာ။

.....................

ကိုရင်သုမနစာတွေသင်လိုက်သည်မှာ ဆယ်နှစ်ဆယ်မိုးကျော်ခဲ့ပြီ။ စာမေးပွဲများလည်းအောင်မြင်သည်။ သာမဏေကျော်စာမေးပွဲများကိုပင် အောင်မြင်သောကြောင့် ဦးသုမနာလင်္ကာဟုပင်ဖြစ်လာသည်။
တစ်ရွာလုံး၊တစ်နယ်လုံးက အားကိုးချစ်ခင်ကြသည်။
နှစ် နှစ် တစ်ခေါက်၊ သုံးနှစ်တစ်ခေါက်တော့ ရွာကို ပြန်ရောက်ဖြစ်သည်။

ဤတစ်ကြိမ်ရွာကိုရောက်ဖြစ်ခြင်းသည် ပို၍ ကြည်နူးစရာကောင်းသည်။
ဦးကောသလ္လကျောင်းထိုင်သွားပြီဖြစ်သည်။ ဦးသုဘောဂလည်း ရွာဦးကျောင်းတွင် ဆရာတော်ပြီးလျင် အာဏာအရှိဆုံးဖြစ်လာသည်။ 
ဦးသုမနလင်္ကာရကားမြို့ပေါ်တွင် စာသင်တိုက်တည်တောင်ကာ စာချဘုန်းကြီးဖြစ်လာသည်။

အသက်တွေဘယ်လောက်ကြီးကြီး သူငယ်ချင်းများက နောက်လူးဟုခေါ်တိုင်း တစ်ချိန်ကငယ်ဘ၀ကို သတိရသည်။

...................

မှန်ပါ..၊ ဆရာတော်..၊ တပည့်တော် ဒီရွာမှာတော့ နောက်လူးပါပဲဘုရား။
ဆရာတော် အပါအ၀င် အားလုံးရယ်ကြသည်။ ငယ်မူငယ်သွေး ကိုယ်စီဖြင့်..။

.....................................

မှတ်ချက်.။ ဘွဲ့ အမည်များပြောင်းလဲထားသော ဖြစ်ရပ်မှန် အတိတ်ဇာတ်လမ်းတစ်ပုဒ်ဖြစ်ပါသည်။