Pages

Friday, April 5, 2013

မခရေ



ပွင့်လျင်လည်း နမ်း၊ နွမ်းလျင်လည်းကောက်၊
ခြောက်လျင်လည်းသိမ်း၊ တိမ်းညွတ်တွယ်မက်၊
ဒီတစ်သက်မှာ၊ တစ်ပွင့်သာလေ၊
စွဲလမ်းနေမည်၊ ဝေေ၀ကြွေကြွေ။
မြတ်နိုး၏။

( မောင်စိန်ဝင်း)
 အပိုင်း(၁)

“အရင်က အဲဒီနေရာမှာ မန်ကျည်းပင်တစ်ပင်ရှိတယ် ကိုရင်တို့ရဲ့၊
နောက်တော့ ဘုန်းကြီးရဲ့ ရဟန်း ဒကာက ကျောင်းလေးဆောက်လိုက်တော့ မလွတ်လို့ ခုတ်လိုက်ရ ပါတယ်”

အိပ်မပျော်သော လပြည့်ညမျိုးများတွင် ကပ္ပိယကြီးကို ပုံပြောခိုင်းကြသည်။ ကပ္ပိယကြီးပြောနေစဉ်ကျောင်း
လေးခြေရင်းကိုကြည့်မိသည်။လရောင်သည်ဖွေးနေ၏။ လေတိုက်တိုင်း ယိမ်းနွဲ့နေသော ခရေရွက်တို့သည် တီးတိုးစကားဆိုနေသလိုလို..။

“နောက်တော့ အဲဒီ မန်ကျည်းပင်က ဥစ္စာစောင့်မက ဘုန်းကြီးကို အိမ်မက်ပေးတယ်တဲ့။
မန်ကျည်းပင်ခုတ်လိုက် လို့ သူ့မှာ နေစရာပျောက်နေပါတယ်လို့ပေါ့..”
မှောင်နှင်းမည်းမည်း ကပ္ပိယကြီးစကားကိုနားထောင်ပြီး ကြောထဲ စိမ့်ကနဲ့..။

“ဒါနဲ့ ဘုန်းကြီးက သူ့နေရာ အတွက်ဆိုပြီး ခရေပင်လေးစိုက်ပေးလိုက်တယ်။
နောက်နေ့ကျတော့ ဘုန်းကြီးကို အိမ်မက်ပေးပြန်တယ်။ သူနေစရာရပါပြီတဲ့။
နေစရာလုပ်ပေးတဲ့ ဘုန်းကြီးကိုလည်း ကျေးဇူးတင်ကြောင်းလျောက်ထားကာ ဦးချပြန်သွားပါတယ်တဲ့။
အဲဒါနဲ့ အဲဒီခရေပင်က ဥစ္စာစောင့်မကို မခရေလို့ နာမည်ပေးလိုက်တယ်ပေါ့ ကိုရင်တို့ရာ..”

ကပ္ပိယကြီးသည် စိတ်မရှည်ဟန်ဖြင့် ဇာတ်လမ်းကို အကျဉ်းချုပ်သည်။ ဇရပ်အိုကြီးအပြင်ဘက်တွင် လေတို့ တရွှီးရွှီးတိုက်ခတ်နေသည်။

ကျောင်းထောင့်နားက ခရေပင်ကို ကြည့်မိတော့ လရောင်အဖွေးသားတွင် ယိမ်းကနေသည်။
လေယူရာယိမ်းလိုက်တိုင်း အကိုင်းအခက်များသည် တစ်စုံတစ်ယောက်အလားထင်စရာရှိသည်။
မခရေလေလား တွေးမိသည်။ ကိုရင်များသည် ခြေဆုံးခေါင်းဆုံး လုံအောင်ထွေးပြီးကွေးကြတော့သည်။
…………………………………

ကိုရင်ဘ၀ငယ်စဉ် ရွာဦးကျောင်း ဆရာတော်၏ အကိုကြီးဖြစ်သော ကပ္ပိယကြီးပြောပြသည့် “မခရေ” ဇာတ်လမ်း သည် နှစ်ပေါင်းနှစ်ဆယ်နီးနီးရှိသည့်တိုင်း ရင်တွင်ယိမ်းထိုးလှုပ်ခါဆဲရှိသည်။

ဇာတိရပ်ရွာပြန်ရောက်တိုင်း ညရေးညတာ အရေးကိစ္စရှိ၍ မပြင်ထွက်ရပါလျင် ကျောင်းထောင့် ခရေပင်ကို ရဲရဲမကြည့်ဖူးပါ။ မကြည့်ပဲလည်း မနေနိုင်ပါ။ ကြည့်မိပြန်လျင်လည်း..လရောင်ဖွေးနေမည်။
လေတိုင်းတိုင်း ယိမ်းနွဲ့နေတတ်သည်။ အခက်အလက် အရွက်များ အကြားက ရိုးတိုးရိပ်တိပ်များသည်
တောင်ပြေးမြောက်ချီရှိတတ်သည်။

ထိုမြင်ကွင်းကို မြင်ရသည့် မိမိကိုယ်တိုင်မူ စကားသံ တိုးတိုးကြားမိသလိုလိုရှိတတ်သည်။ 
တိုးတိုးလေး ရွတ်ဆိုမိသည်။
“မခရေ ထင်တယ်..”

ထိုအခါမျိုးတွင် ကျောင်းပေါ်သို့ လှမ်းတက်သော ခြေလှမ်းတို့ သွက်လက်နေတတ်သည်။


 အပိုင်း(၂)


ရွာဦးကျောင်းသည် ရွာသူ ရွာသားများဝိုင်းဝန်းလှူဒါန်းထာသောကြောင့် အများပိုင်ဆိုနိုင်သည်။
ကျောင်းအတွင်း ရှိ ဇရပ်နှင့် ဆွမ်းစားဆောင်တို့သည် တံခါးပိတ်ထားရိုးမရှိပါ။
ညရေး ညတာ ခရီးလွန်သူများရှိလျင် ဇရပ်နှင့် ဆွမ်းစားဆောင်ပေါ်တက်ရောက်ပြီး အိပ်နိုင်သည်။

ဇော်နိုင်ဝင်းသည် ကျောင်းအနီးက အသက်သုံးဆယ်ဝန်းကျင်ရှိ လူပေလူတေတစ်ဦးဖြစ်သည်။
ငယ်စဉ်က ရွာဦးကျောင်းတွင် စာသင်ကြားခဲ့ရသေးသောကြောင့် ဘုန်းကြီးကျောင်းကိုမူ အ၀င် အထွက် အမြဲရှိ သည်။ သို့သော် နေ့အခါ ဆရာတော်ရှိခိုက် မဟုတ်ပဲ၊ ညအခါများမှသာလျင် လာတတ်သည်။
ဇရပ်ပေါ်တွင် သော်လည်ကောင်း၊ ဆွမ်းစာဆောင်ပေါ်တွင်လည်းကောင်း အိပ်တတ်သည်။

တစ်ခုသော လပြည့် ရွာဦးကျောင်းတွင် ကုသိုလ်ပြုသူများ စည်နေသည်။ ဇော်နိုင်ဝင်းကာ ထိုသို့မဟုတ်။
သောက်စားမူးရစ်နေသည်။ ညပိုင်းရောက်သော် ဆရာတော် မသိစေပဲ ဇရပ်ပေါ်တက်ပြီး ကိုရင်များခြေရင်း ၀င်ပြီး အိပ်တော့သည်။

သူတစ်ရေးနိုးသော် လပြည့်ညသည် ရွှန်းရွှန်းဝေနေသည်။ ပတ်ဝန်းကျင်ကား တိတ်ဆိတ်နေသည်။
လေပြေလေး လည်း ဖြူးဖြူးတိုက်ခတ်သည်။ ညလေပြေတွင် အမည်မသိ ပန်းရနံ့တို့လှိုင်နေသည်။ သန်ခေါင်ကျော်ကျော်တွင် ညရေးညတာ အပေါ့အပါး ကိစ္စဖြင့် ဇော်နိုင်ဝင်းကျောင်းအောက်ဆင်းခဲ့သည်။
လှေကားရင်း အရောက်တွင် သူ့ခြေလှမ်းတို့ တုံ့ကနဲ့ဖြစ်စေသည့် မြင်ကွင်းက ခရေပင်ရင်းတွင် အမျိုးသမီး တစ်ဦးထိုင်နေသည်။

ညသည် လှသည်။
လသည် ဖွေးနေ၏။
လေပြေသည် မြူးသည်။
သူ့သွေးထဲရှိ အရက်ရှိန်သည် လည်းကောင်းကောင်းမပြယ်သေး။ 

ခရေပင်ရင်းသို့သွားကား ထိုင်နေသူကို အတင်းဝင်လုံးတော့သည်။ 
ရုန်းရင်းဆန်ခတ်ဖြင့် အလှညနှင့် လရောင်ကို တိမ်ညိုဖုံးတော့သည်။ မခရေကား တတ်စွမ်းသမျှ ခုခံကာ ကွယ်သည်။ အမူးအရှိန်နှင့် ယိုင်နဲ့နဲ့ဖြစ်သွားသော ဇော်နိုင်ဝင်းကို အနီးရှိ အုတ်ခဲဖြင့် ထုဖို့လုပ် သည်။

ဇော်နိုင်ဝင်းပြေးသည်။ ဇရပ်အကြိုအကြားနှင့် ကျောင်းကြီးကို ပတ်ပြေးသည်။ ကျောင်းမြောက်ဘက်သို့ အရောက်တွက် နောက်ကလိုက်လာသော မခရေသည် အုတ်ခဲဖြင့် ဇော်နိုင်ဝင်းကို လှမ်းပြစ်သည်။
ဇော်နိုင်ဝင်းငုံ့ရှောင်သည်။ အုတ်ခဲသည် သိမ်ရှေ့ ခြင်္သေ့ကို ထိမှန်သည်။ ခြင်္သေ့သည် ခေါင်းတစ်ခြား ကိုယ် တစ်ခြား ဖြစ်သွားသည်။………
………………………



ထိုခဏ…၀ူးဝူးဝါးဝါးဖြင့်..ဇော်နိုင်ဝင်း အိပ်ယာကနိုးသည်။ ချွေးများ ရွှဲနေသည်။ ရင်အုံကြီးမို့ လိုက်၊ ပိန်လိုက်ဖြင့် ဟောဟဲ ဆိုက်နေသည်...။ အသည်းအသန်ဖြစ်နေသည်။
ဇော်နို်င်ဝင်းသည် ဤဖြစ်ကို အိပ်မက်ဟုပြောရန်ခက်နေသည်။

ဤသို့ဖြင်…
ကိုရင် တပည့်တော်နဲ့ ခဏလိုက်ခဲ့ပါဦးဘုရား။

အနီးရှိမိမိကိုသူခေါ်သည်။ ဘာရယ်မသိ၊ အရေးတကြီးကိစ္စဖြစ်ဟန်ရှိသည်မို့ ထလိုက်သွားလိုက်သည်။
သိမ်ရှေ့သို့သွားသည်။ သူသေသေချာချာကြည့်သည်။..
“ဒါ အိပ်မက်မဟုတ်ဘူးတဲ့..”
သူဘာပြောသည်ကောင်းကောင်းမသိပါ။

သူလက်ညှိုးထိုးပြရာသေချာကြည့်လိုက်တော့..သိမ်ရှေ့က ခြင်္သေ့ခေါင်းပြုတ်နေသည်။
မိမိအမြင်သည် ဤမျှသာဖြစ်သည်။
…………………………..

နောက်နေ့မနက်လင်းသော် ဇော်နိုင်ဝင်းသည် ညက သူ့အိပ်မက် အကြောင်းကို အစုံပြန်ပြောပြသည်။
ထိုအခါကျမှ ညကအကြောင်းကို အကုန် အစင်သိရသည်။ ကျောင်းမြောက်ဘက်က သိမ်းနားရောက် တိုင်း ခေါင်းပြုတ်နေသော ခြင်္သေ့ကိုမြင်မိသည်။ ထိုခြင်္သေ့နှင့် အတူ လသာသော ညကိုလည်းမြင်ယောင် မိသည်။ 

လရောင်ဖွေးနေမည်။
လေပြေလည်းတိုက်ခတ်မည်။
ပန်းရနံ့တို့သင်းနေမည်။
ခရေရွက်တို့ဟိုဒီယိမ်းလျက် ..။

“မခရေ” ဘေးရန်ကင်းပါစေဟု တိုးတိုးလေးဆုတောင်းမိသည်။

.................................. 
မှတ်ချက်။ ဘာသာရေးများကို အားကြိုးမာန်တက်ဆောင်ရွက်နေသော ကျောင်းနေဘက် စီနီယာ ဦးဇော်နိုင်ဝင်းသို့ အမှတ်တရ။



Wednesday, April 3, 2013

ဘုန်းကြီး လမ်းမတက်




ရေကန်လည်းသာ ကြာစုံလည်းမွှေး
အေးချမ်းတဲ့ မြေ ဘိုးဘွားမွေတည်း။

ဘုရားပုထိုး ဂူမျိုးမျိုးနှင့်
တိုးဆင့်အသရေ ဖြိုးဖြိုးဝေ၏။

သမိုင်းထောင်ချီ ထိမ်းသိမ်းတည်တံ့
ပြန့်ပွားထွေထွေ စည်ပင်ဝေ၏။

ဗုဒ္ဓဆုံးမ တရားလှကို
နှလုံးသားတွင် ကိန်းဝင်စေ၏။

ရေကန်လည်းသာ ကြာကလည်းမွှေး
ဘိုးဘွားတို့မြေ မသွေစောင့်ရှောက်
တာဝန်ရောက်သော် မကြောက်မရွံ့
ကိုယ်ကျိုးစွန့်လော့။


ထန်းတောညိုညိုသည် မြူခိုးဝေလျက်။ 

ယာတောပြန့်ပြန့်များသည် အနိမ့်အမြင့်တစ်လှည့်စီဖြင့်။
ယာတောနှင့် ထန်းညိုညို ပင်အို ပင်ပျိုတို့ အလွန်တွင် ရွာလေးတစ်ရွာရှိသည်။
တဲကြီးကုန်းဟု ခေါ်ကြသည်။ သမိုင်းရှိသော ရွာလေးတစ်ရွာဖြစ်သည်။

မြန်မာနိုင်ငံကိုယ့်မင်းကိုယ့်ချင်း အုပ်ချုပ်ကြီးစိုးစဉ် အာဏာလုပြိုင်ပွဲကြောင့် နယ်စွန်နယ်ဖျားထွက်လာခဲ့ကြ ရသည်။ ရုပ်ဖျက်ကာ ထွက်ပြေးလာကြရသော နန်းကျဘုရင်သည် တဲကြီးတစ်လုံးရှိသော ထိုနေရာလေးကို တဲကြီးကုန်းမှည့်ခေါ်သည်။

နောက်က လိုက်လာသော အာဏာပြိုင်ဘက်များရန်ကြောင့် ခဏ ပုန်းအောင်း တိမ်းရှောင်ရသော နေရာ ကို အောင်းကုန်းဟုခေါ်သည်။ 

ထိန်ပင်မြင့်မြင့်ကြီးရှိသော ကုန်းကမူလေးကို ထိန်ကုန်။ နန်းကျ ဘုရင်ကြီး၏ ကြင်ယာတော်မိဖုရား မကျန်း မမာ ဖြစ်သော နေရာကို မိဖုရားကုန်း။ မိဖုရား နတ်ရွာစံရာနေရာရှိရွာလေးကို ကျန်ကုန်” မိဖုရား ကျန်ရစ် ကွယ်လွန်ရာနေရာ” အဖြစ်သမိုင်မှတ်သည်။ 

သို့သော် ထန်းတော်ညိုညိုနှင့် ယာတော ပြန့်ပြန့် အလွန်က သရက်ပင် အုပ်အုပ် နေရာလေးကိုမူ ထူးထူး ခြားခြား “ ဘုန်းကြီး လမ်းတက်”ဟုခေါ်ကြသည်။ 

ရွာရှိ ဘုန်းတော်ကြီးနှင့် သက်ကြီး ရွယ်အို အဖိုးအဖွားတို့ကမူ မူရင်း အမည်သည် “ ဘုန်းကြီးလမ်း မတက် ”ဖြစ် သည်ဟု ပြန်ပြောကြသည်။
……………………………………

မြန်မာနိုင်ငံသည် သူ့ကျွန်ဘ၀အဖြစ်ကို နိုင်ငံအား တစ်ဖဲ့စီ ဖဲ့ဖဲ့ပြီးပေးရသည်။ နောက်ဆုံး တစ်နိုင်ငံလုံး သူ့ကျွန်ဖြစ်ရသည်။ ညီညာပြည်သာ စည်းလုံးစွာနေခဲ့ကြရသော နိုင်ငံသူ နိုင်ငံသားတို့သည် တစ်စစီကွဲ ကွာ ရသည်။ ခွဲခွာပြစ်ခြင်းခံရသည်။ 
ဆရာ တပည့် အတူမနေနိုင်။ ကိုယ့်နိုင်ငံကိုယ်မပိုင်မို့ အသက်ကိုပင် အနိုင်နိုင် လုကာ ပြေးလွှာကြရသည်။
...........................
............................


ဘုန်းကြီး၊ ဘယ်ကို ကြွမှာပါလဲဘုရား။ ဆွမ်းချိန်လဲနီးနေပြီမို့ တပည့်တော်တို့ ထန်းတဲမှာ ရှိသမျှဖြင့် ဆွမ်းဘုဉ်းပေးတော်မူပါဦးဘုရား။

သာဓုဗျာ..။ ရဟန်းတော်သည် သာဓုခေါ်ကာ လက်ခံလိုက်သည်။
ရဟန်းတော်ကား သက်တော်ငယ်ငယ်ပင်ရှိသေးသည်။ နုပျိုမှုထက် ရင့်ကျက်မှုပိုနေသည်။
တည်ကြည်ခံ့ငြား သည်။
ဆွမ်းဘုဉ်းပေးပြီးသော်..
ဘုန်းကြီးဘယ်ဒေသကို ဆက်လက်ကြွတော်မူမှာပါလဲဘုရား။
ရဟန်းတော်ကာ ခပ်ဝေးဝေးသို့ငေးလျက်..

ဒကာရေ..။ ဦးဇင်းဘယ်ကို ကြွရမယ်ဆိုတာ ကောင်းကောင်းမသိပါဘူး။
နယ်မြေတွေ မလုံခြုံတော့ မြို့ပြတွေမှ မနေရဲပဲ ဒီဘက်ထွက်လာခြင်းပါပဲ။
ဘယ်ကို သွာရမယ်ဆိုလဲ ကောင်းကောင်းမရှိပါဘူး။

ရိုးသားသော ထန်းတဲပိုင်ရှင် ဒကာသည် လက်အုပ်ချီလျက်..
မှန်ပါ၊ ဒီလိုဆိုရင်ဖြင့် တပည့်တော် ဒီမှာ ထန်းတော တဲပေါင်း နှစ်ဆယ်ကျော်ကျော်ရှိပါတယ်။ စစ်ဘေး တိမ်းရှောင်ရင်း ပုန်းခိုနေတယ်ပဲ ပြောပါရစေတော့..။ 

ကိုယ့်ရပ်ကိုယ့်ရွာမနေနိုင်တော့ ဘုရားကင်း၊ တရားကင်း၊ သံဃာကင်းဖြစ်နေရပါတယ်ဘုရား။
အရှင်ဘုရားလဲ ရှေ့ဘယ်ခရီးဆက်ရမယ် မသိတော့.။ ဟောဒီ..တပည့်တော် ထန်းတောတဲစုမှာ သီတင်း သုံးစေ ချင်ပါတယ်ဘုရား။

ရဟန်းတော်ကား မည်သို့မျှစကားမိန့်တော်မမူပဲ ဒကာ၏ လျောက်ထားချက်ကိုလက်ခံလိုက်သည်။
…………………………………

ထန်းတော်ညိုညို ယာခင်းစိုစိုများအဦးပိုင်းတွင် ရဟန်းတော်သီတင်းသုံးသော ထန်းလက်ကျောင်းလေးတိုး လာသည်။ မိဘများ ထန်းတက်ခိုက်၊ ယာတောဝင်ခိုက် ဥမမယ် စာမမြောက် ကလေးပေါက်စနများသည် ရွာဦးက ထန်းလက်ကျောင်းတွင် စာသင်ကြသည်။

“ကကြီးရေ-က၊ ကကြီးရေးချ-ကာ” စသည်ဖြင့် သံပြိုင်အော်သံသည် ထန်ပင်ဖျားက ဖခင်နှင့် ယာတော တွင်းက မိခင်များကို အင်အားဖြစ်စေသည်။ ကလေးမိဘများသည် မိမိတို့သားသမီးများ စာအံသံကြား တိုင်း၊ ဘုရားဝတ်တက်သံကြားတိုင်း ရွာဦးကျောင်းက ဆရာတော်ကိုဦးညွတ်ကြသည်။ 

ထန်းလက်ကျောင်းဆရာတော်ဦးစီမှုဖြင့် သီတင်းပွဲ၊ တန်ဆောင်တိုင်ပွဲ၊ ထမင်နဲထိုးပွဲ၊ သင်္ကြန်ပွဲစသည်ဖြင့် တတ်အားသရွေ့ဖြင့် တောရွာတောဓလေ့ဘုရားပူဇော်ခြင်းဖြင့် စည်ကားနေသည်။
ဤသို့ဖြင့် နွေ၊ မိုး၊ ဆောင်း အလီလီပြောင်းကာ နှစ်တွေဟောင်းခဲ့ပြီ။
………………………………………….

ရဟန်းတော်ရွာထန်းတောရွာလေးသို့ရောက်စက “ကကြီးရေ-က၊ ကကြီးရေးချ-ကာ”ဆိုရသော သူသည် ရွာထဲတွင် တစ်အိုးတစ်အိမ်ဖြင့်.အိမ်ထောင်ဦးစီလျက်.။ 

ရဟန်းတော်ကို မိမိရွာတွင် နေထိုင် သီတင်သုံးရန်ပင့် ဖိတ်သော ထန်းတောပိုင်ရှင် ဒကာကြီးပင် အသက် အရွယ် အရ ထန်း မတက်တော့ပဲရှိတော့သည်။ 

ဤအချိန်ကာလတွင် မြန်မာမျိုးချစ်များကြောင့် မြန်မာနိုင်ငံလည်း လွတ်လွတ်လပ်လပ်ဖြစ်ခဲ့ပြီ။
သူတို့အတွက်တော့ ဤပေါင်းစုခြင်းသည် ခွဲခွာဖို့ဖြစ်လာပြီ။
…………………………………….

ကျောင်းဒကာကြီးရေ..၊ တို့နိုင်ငံလွတ်လပ်ရေးလည်းရပြီ။ သာယာဝပြောစည်ပင်လာခဲ့ပြီမို့။
ဘုန်းကြီးလဲဘုန်းကြီးရွာကို ပြန်ရပေဦးမယ်။ ဒီတော့…
ထိုစကားအမိန့်ရှိတိုင်း ရွာသူ ရွာသားမျက်နှာ မကောင်းတတ်ကြ။ အတင်းအကျပ်မတားလိုသော်လည်း မိမိတို့ရွာမှ ထွက်မသွားစေလိုသည့် သဘောကား အထင်သား။

ရဟန်းတော်သည်လည်း ဤထန်းတောရွာလေးတွင် နှစ်ပေါင်းနှစ်ဆယ်နီးပါးနေလာခဲ့ရသည့်မို့ အခွဲရခက် သည်။ သို့သော် မပြီးဆုံးသေးသည့် ခရီးများရှိသေးသည်မို့..။
…………………………

ဦးချသူတစ်ချို့၊ ငိုယိုတောင်းပန်သူတစ်ဝက်၊ လက်ဆွဲမတားသော်လည်း ခြေဖမိုး အစုံကို ဦးချရင်း တင်းတင်းဆုပ်လျက် တောင်းပန်သူတစ်ချို့ဖြင့် ရွာဦးကျောင်းဆရာတော်ကိုတားကြသည်။
ဆုံးဖြတ်ချက်ခိုင်မာသော ရဟန်းတော်ကား ရွာဦးဆီသို့လှမ်းထွက်ခဲ့ပြီ။

သရက်ပင်အုပ်အုပ်နားအရောက်တွင် မိမိနေခဲ့သော ရွာလေးကို ပြန်ကြည့်မိသည်။
ထိုကုန်းစောင်းလေးမှ ရှေ့ဆက်မတက်နိုင်တော့…။

ထန်းတောတဲစုလေးဆီသို့ ပြန်ခဲ့ပြန်သည်။ ရွာသားများ အတိုင်းမသိ ပျော်ကြသည်။
ဘုရားဝတ်တက်သံမြိုင်မြိုင် သည်. ထန်းတောဝန်းကိုကျော်လျက် ဘ၀ဂ်ခတ်တော့သည်။
ဤသို့ဖြင့် နွေရောက်တိုင်း ရွာဦးကျောင်း ဆရာတော်သည် ရွာသားများတောင်းပန်လျောက်ထားသည့် အကြားက မိမိရပ်ရွာသို့ ပြန်မည်မိန့်ကာထွက်သွားတတ်သည်။ 

သို့သော် သရက်ပင်အုပ်အုပ်နှင့် ကုန်းထိပ်ရောက်တိုင်း ရွာလေးကိုသမင်လည်ပြန်ကြည့်မိသည်။
ကြည့်မိတိုင်း ရှေ့ဆက်မတက်နိုင်တော့။
ဤသို့အကြိမ်ကြိမ်……..

မိမိကို ထန်းတောရွာလေးမှာ ကျောင်းဆောက်လှူသော ထန်းလက်ကျောင်းဒကာကြီးလည်း ကွယ်လွန်ခဲ့ပြီ။
ရွာလေးလည်းစည်ပင်ပြန့်ပွားခဲ့လေပြီ။ ရဟန်းတော်စာသင်ပေးခဲ့သော လူငယ်လူရွယ်များသည် လည်း ရပ်ရွာ တာဝန်ကို အသီးသီးထမ်းလျက် ပျော်စရာ..၊ ကြည်နူးစရာဖြစ်နေသည်။


တစ်ခုသောနွေတွင် ရွာဦးကျောင်းဆရာတော်ပြန်ဖို့ ပြင်ဆင်ပြန်သည်။
နောက်ပါးက ကပ္ပိယကြီးကိုခေါ်လျက် ထွက်လာခဲ့ပြီ။ …………………

သရက်ပင်အုပ်အုပ် ကုန်းတက် အရောက်တွင်မူခဏရပ်ပြီး စဉ်စားနေဟန်ရှိသည်။ ကပ္ပိယကြီးကား ရင်တထိတ် ထိတ်။ ရွာဦးကျောင်းဆရာတော်ကား နောက်သို့ ပြန်မကြည့်ပဲ တစ်ချက်တည်း လှည့်ပြီး ရွာဆီသို့ ပြန်လာခဲ့ သည်။ ဆရာတော်နောက်က လိုက်ပို့သော ကပ္ပိယကြီးကားပြုံးပျော်လျက်။

ထိုနေ့မှစ၍ သရက်ပင်အုပ်အုပ်နှင့် ထိုကုန်းကမူလေးကို” ဘုန်းကြီးလမ်း မတက်” ဟု မှည့်ခေါ် လိုက်ကြ သည်။

ထိုဘုန်းကြီးလမ်း မတက်ကုန်းကမူလေးနောက်တွင် ထန်းတောညိုညို ယာခင်းစိုစိုနှင့် ရွာလေးကား
”တဲကြီးကုန်း” အမည်ရှိသော ရွာလေးဖြစ်သည်။ 

တဲကြီးကုန်းရွာဦးကျောင်း ဆရာတော်ကား သက်တော်ဆုံးတိုင် ထိုရွာလေးတွင် သီတင်းသုံးနေထိုင်တော် မူသွားသည်။ 

......................................................
မှတ်ချက်။  မွေးရပ်မြေသို့ အမှတ်တရ..။
 

Monday, March 25, 2013

ခရေ ဆု







ခြောက်သည်တစ်ချို့ ငုံ စို့ တစ်လီ

ကြွေသည်လည်းရှိ ပင်ယံပြည့်ဖြင့်

လေသင့်ယူရာ ယိမ်ယိမ်းကာနှင့်

စိတ်အား ညှို့ယူ ခရေဖြူတို့

ဖွေးဖွေးမြေပြင် ကြွေကာစင်သော်

ဖွဖွ ညင်သာ ကောက်ယူကာပါ၍

စောဖျားထွတ်ရှင် ပူဇော်တင်သည်

ခရေပင်ယံဖွေးပါစေ။