Pages

Sunday, February 13, 2011

ပထမဆုံး Doctor of Literature ဘွဲ့ရ မြန်မာ ရဟန်းတော်

(က) ပြည်ထောင်စုမြန်မာနိုင်ငံအား အကျိုးပြုစေမည့်-

၁။ တိုင်းရင်းသား ယဉ်ကျေးမှုဆိုင်ရာ  ဘာသာရပ်တစ်ခုခုကိုသော်လည်းကောင်း၊
၂။ တိုင်းရင်းသား စာပေတစ်ခုခုနှင့် စပ်လျဉ်း၍သော်လည်းကောင်း၊
၃။ သိပ္ပံပညာရပ် တစ်ခုခုနှင့် စပ်လျဉ်း၍သော်လည်းကောင်း၊
၎။ သင့်လျော်သော ဘာသာရပ် တစ်ခုခုနှင့် စပ်လျဉ်း၍သော်လည်းကောင်း နောင်လာ နောက်သား များအတွက် မီးရှူးတန်ဆောင်သဖွယ်ဖြစ်စေသော ကျမ်းများ သို့မဟုတ် သူတေသနများပြုစုခဲ့သည့် ပြည်ထောင်စုမြန်မာနိုင်ငံသားဖြစ်ရမည်။

(ခ) အစိုးရက ဂုဏ်ထူးဆောင်အပ်နှင်းရန် သင့်လျော်သည်ဟု ဆုံးဖြတ် ချီးမြှင့်ခြင်းခံရမည့် နိုင်ငံခြားသား ဖြစ်ရမည်။

ဗြိတိသျှ အစိုးရလက်ထက် ပထမဆုံး ဘွဲ့နှင်းသဘင် အခမ်းအနားကို ၁၉၂၁ ခုနှစ် နိုဝင်ဘာလ ၂၈ ရက် တွင် ဂျူဗလီဟော၌ ကျင်းပခဲ့သည်။ ထိုအချိန်တွင် ဘွဲ့နှင်းသဘင်  အဆောက်အအုံကြီး မဆောက် လုပ် ရ သေးပါ။

ပထမဆုံး Doctor of Literature ဂုဏ်ထူးဆောင်ဘွဲ့တံဆိပ်အပ်နှင်းခြင်းခံရသော ပုဂ္ဂိုလ်မှာ လယ်တီဆရာ တော်ကြီး ဖြစ်ပါသည်။ ၂၈၊ နိုဝင်ဘာလ၊ ၁၉၂၁၊ နေ့တွင်အပ်နှင်းသည်။

နောက်တစ်ဦးမှာလည်း ရဟန်း တော်တစ်ပါးပင်ဖြစ်သည်။ ဘွဲ့တော်မှာ ဦးဝိသုဒ္ဓ ဖြစ်သည်။ ဆရာတော်ကို ၂၉၊ ဇူလိုင်လ၊ ၁၉၃၇၊ နေ့ တွင် အပ်နှင်းသည်။

အင်္ဂလိပ်လက်ထက်တွင် မြန်မာရဟန်းတော်ကြီးနှစ်ပါး Doctor of Literature ဘွဲ့လက်ခံရရှိ တော်မူ ခဲ့ပါ သည်။

Friday, February 11, 2011

တစ်ဦးကမေတ္တာ တစ်ဦးကစေတနာ

မိတ်ဆွေတစ်ဦးရဲ့ အကူအညီနဲ့သူတို့နေတဲ့ကျောင်းကို ရောက်ခဲ့ရပါသည်။ မြေပြင်ပြန့်ပြန့်တွင် အကန့် လိုက်ဖြစ်အောင် တံမြက်စည်း လှည်းကျင်းထားသည်ကို ကြည်နူးဖွယ်တွေ့ရသည်။ 

သဲဝါ၀ါ နုနုလေးတွေ ခင်း ထားသည်။ ဗောဓိညောင်ပင်အောင်ခြေတွင် လေးမျက်နှာလှအောင် သဲပြင်ကိုခင်း ထားသည်။ သဲပြင် ပေါ် သို့ကြွေကျနေသော ညောင်ရွက်တို့သည်ပင် စိတ်ကို ညွတ်နူးဖွယ်ဖြစ်စေပါသည်။ ဗောဓိ ညောင်ပင်ကို ၀န်း ပတ် ကာရံထားသော အုတ်ရိုးတံတိုင်း၏ လေးမျက်နှာတွင် အရပ်လေးမျက်နှာ သို့ မျက်နှာမူလျှက် စံနေ တော်မူ သော ဗုဒ္ဓရုပ်ပွားတော်တို့ကို ကြည်နူးဖွယ်ဖူးတွေ့ရပြန်သည်။ 

ရင်းနှီးကျွမ်းဝင်နေသော ကျေး ငှက် တို့၏ သာ ယာငြိမ့်ငြောင်းသော သီဆိုနေဟန်တို့ကိုလဲ ကြားရ၊ မြင်ရပြန်သည်။ တခါတရံ တောမျောက်များ အုပ် လိုက်၊ အစုလိုက် လာတတ်သည် ကိုတွေ့ရသည်။ သတ္တ၀ါများကို ကြင်နာ စွာပြုမူဆက်ဆံသည်ကို တွေ့ ရ သည်။ ကြက်တူရွေးငှက်များကို လက်တစ်ကမ်းသို့ ရောက်အောင် ပျံသန်း နေကြသည်ကို တွေ့ရပြန်သည်။ ထိုကျောင်းလေးသည် ဥယျာဉ်တစ်ခုလိုိဖြစ်နေပါသည်။

လိပ်များလဲ ရှိသည်။ သူတို့အခေါ် နဂါး များ ဖြစ် သော ဖွတ်သတ္တ၀ါကြီးများကိုလဲ တွေ့ရပါသည်။ ရောက်ခါစက ဘယ်က နေဘယ်လို မျက်စိလည်လာ သည် မသိ အိပ်ခန်းထဲ ၀င်လာသည်ကို တွေ့ရသဖြင့် အလန့်တကြားဖြစ် မိသည်။ ကျောင်းထိုင် ဆရာတော်မှာ သက်တော် ငါးဆယ်ကျော်ပြီဖြစ်၏။ သို့သော် ဗုဒ္ဓဝေယျာဝစ္စ ဆောင် ရွက်ရာတွင် အတုယူဖွယ် ကောင်းလောက်အောင်တွေ့ရသည်။ ဘုရားရှိခိုး အမြဲတမ်း ဦးဆောင်မှုပြုသည်။ မြို့တွင်း ကလာရောက်ပြီး ဘုရားဝတ်တက်ကြသော ဒကာ ဒကာမများကို သီလပေး၊ တရားဟော ၀တ်မြဲ သည်။ 

သူ့ကျောင်းတွင် တစ်နှစ် တာ နေခွင့်ပေးထားသာ မိမိတို့နှစ်ပါးကိုလဲ ဘုရာဝတ်တက်မြဲဖို့ အမြဲ ပြော ပါ သည်။ ဘုရားဝတ်မတက်မီ ဘုရား ပန်းကပ်ခြင်းကို ဒကာ ဒကာမများနှင့်အတူ ဆောင်ရွက် ဆက် ကပ်ရ သည်။ မြန်မာမှုနှင့် မတူထူး ခြားသော ကြည်ညိုဖွယ်ရာဖြစ်သည်။ ဒကာ ဒကာမတို့သည် ညနေတိုင်း ဘုရားဝတ်မတက်မီ ကျောင်းသို့ ရောက်အောင်လာကြပြီး သူတို့ယူခဲ့ကြသော ပန်းတို့ကို ကြည်နူးဖွယ် ဖြစ်အောင်စီမံကြသည်။ ပန်းတို့စုံသည်။ ရနံ့တို့လဲ ထုံကြိုင်သည်။ ပို၍ထူးခြားသည်မှာ ကလေးများကို လူ ကြီးများနှင့် အတူတူ ပန်းကမ်း ပန်းကပ် ကြခြင်း သည် တစ်မျိုးထူးခြားပါသည်။ မြန်မာမှုတွင် မတွေ့ရသ လောက် ရှိသည်။ ကလေးများ သည် လဲ အလေ့အကျင့် ဖြစ်နေသည့် အတိုင်း စိုးရိမ်ထိတ်လန့်မှုများ မရှိပဲ တွေ့ရသည်။ ဘုရားကြည်ညိုတတ်အောင် ရင်ခွင်ပိုက်ပြီး သင်ခန်းစား ပေးသည်ကို ဂုဏ်ယူစွာမြင် နေ ရ သည်။ နှလုံးသားနုနုကို တရားတော်များ လှပ သော ယဉ်ကျေးမှုတို့ဖြင့် အလှဆင်နေခြင်းဖြစ်သည်။ 

ထိုလှပသောမြင်ကွင်များကို ဆယ်လခန့် နေပြီး နေ့ စဉ်တွေ့ရသည်။ သူတို့နဲ့ အတူ ဘုရားဝေယျာဝစ္စ များးကို ပြုလုပ်ခွင့်ရပါသည်။ ဘုရားကြည်ညိုပုံကို အနီး ကပ်လေ့လာခွင့်ရသည်။ သူတို့နှင့် အတူစကားပြော ခွင့်ရသည်။ မြန်မာကိုသူတို့ သိကြသည်။ ပြီးတော့ လေးစားကြသည်။ အခွင့်အခါ သင့်လျှင် လာချင်သေး ကြောင်းပြောကြသဖြင့် ၀မ်းသာမိသေးသည်။ ဆရာတော် မရှိခိုက် သူတို့ကို ငါးပါးသီလပေးရသည်။ မြန်မာဟန်ပေါက်နေသော မိမိတို့အသံကိုနားလည် သဖြင့် ကြည်နူးဖွယ်ဖြစ်ရပြန်သည်။ သို့သော် မိမိတို့ ဘုရားဝတ်တက် အပြီးတွင်း ကျောင်းက ကိုရင်ကိုမေး ကြည့်ရာ " အရှင်ဘုရား သီလပေးတာက ငေါက်သ လိုပဲ" ဟုပြောသဖြင့် ရယ်မိကြသေးသည်။ 

ဟုတ်ပါသည်။ သီရိလင်္ကာဘုန်းကြီးများ သီလပေးရင် အသံရှည် ဆွဲပြီး သူတို့အသံအတိုင်း ဆိုကြသည်။ မိမိမှာမူ ထိုသို့ မဟုတ်ပါ။ ဂရု၊ လဟုပီပီ ဆိုလိုက်သဖြင့် မြန်မာဟန် ငေါက်သံပေါက်သွားခြင်း ဖြစ်ပေမည်။ လေ့လာ ရပေဦး မည်။ သီဟိုဠ်ရောက်တော့လဲ  ဆင်ဟာလီ လို ပြောတတ်၊ ဆိုတတ်၊ ရွတ်တတ်အောင် ကြိုးစားရပေ ဦးတော့ မည်။ တစ်ဦးက မေတ္တာ တစ်ဦးက စေတနာ လို ပေါ့လေ၊ သတိရနေပါသည်။

အလှည့်ကျ ကိုယ်တော်လေး


"အဘိဓမ္မာတရားတော်ကို နတ်ပြည်မှာဟောတယ်ဆိုတာ ဟုတ်တယ်ဘုရား၊ ဘာလို့ဆိုတော့ တပည့် တော် တို့ အဘိဓမ္မာဌာနမှူး ဆရာတော်ကို ကြည့်ပါလားဘုရား၊ အပေါ်မော့ကြည့်ပြီး စာချနေတာ မဟုတ် လား လို့'၊ မှန်ပါသည်။ ဌာနမှူးဆရာတော်သည် စာသင်ခန်း မျက်နှာကျက်က ပန်ကာကိုကြည့်ပြီး စာချလေ့ရှိသည်။

တပည့်တွေအကြား ပြောစရာဖြစ်အောင်ပင် အဘိဓမ္မဌာနက ထူးခြားပါသည်။ မန္တလေးမြို့၊နန်းရှေ့ရပ်ရှိ ပရိယတ္တိသာသနာ့တက္ကသိုလ်၏ မဟာဌာနကြီးသုံးခုတွင် နောက်ဆုံးဖြစ်၏။ စာချဆရာတော်များ စေ့စေ့ စပ်စပ် သေသေချာချာ ပို့ချပေးလေ့ရှိသည်။ ဌာနမှူးဆရာတော်နှင့် တွေ့လျှင် မှတ်သားရသည်က များလှ သည်။ ဟိုဟာလေးလဲ သိစရာပင် မှတ်လိုက်၊ ဒီဟာလေးလဲ သိစရာမို့မှတ်လိုက်ဖြင့် ငေးချိန်၊ တွေးချိန် မရှိ လှ၊ ရေးပြီးပြန်လျှင်လဲ တစ်ဦးချင်းစီပြန်ဆိုပြရသည်။ နေ့စဉ်၊ နံစဉ် အတိုင်းစဉ်ထားသော စာသင် သားများ မှာ တစ်လှည့်စီ စာဆို ကြရသည်။ နောက်နေ့မည့်သည့် အတန်းစာဆိုရမည်ကို သိသည်။ ကြိုတင်ပြီး လေ့လာလို့ရသည်။ 

ဌာနမှူးဆရာတော်မှာလဲ အမြဲတမ်းပြောလေ့၇ှိသည်။ "အလှည့်ကျ ကိုယ် တော်လေး ဆိုလိုက်ပါဦးဘုရား"၊ ဆရာတော်၏ ဆိုပါ စကားစုလေးသည် တပည့်များတွင် ရေပန်းစား လာသည်အထိ ဖြစ်လာသည်။ "အလှည့်ကျ ကိုယ်တော်လေး၊ အလှည့်ကျ ကိုယ်တော်လေး" ဟု အချင်းချင်း နောက်စရာဖြစ်လာသည်။ သို့သော်ဆရာတော်ရှေ့တွင်တော့ ထိုသို့မပြောရဲကြပါ။ အချိန်ကိုလဲ အတိအကျပို့ချသည်။ ရောက်လာလျှင်လဲ အတိအကျပင်ဖြစ်၏။ စာဝါသိမ်း ပြီးဆုံးချိန်သည်လဲ အချက်ပေး မောင်းသံနှင့် အညီ ဖြစ်၏။ ရေးလက်စ စာသားကိုပင် ကုန်အောင်ရေးပါ။ 

ဥပမာ ပြောရလျှင်-
ကျမ်းတက်တွင် ဖြစ်သည်။ အစမှ ကျမ်းတက်လာရာ ဤသို့မေးဖွယ်ရှိသောကြောင့် ခ ၀ါကျကိုမိန့်၊ အဓိပ္ပာယ်ကား နောက်နေ့မှဆက်ကြတာပေါ့ဘုရား၊ ဟုပြောပြီး ထားရစ်တတ်သည်။ မျှော်လင့်ချက်ဖြင့် လွမ်းအောင် ဖန်တတ်သည်။



ပေးတဲ့ ဆုနဲ့ပြည့်ပါစေ

ကျမ္မာပါစေ၊ ချမ်းသာပါစေ၊ လိုရာဆန္ဒပြည့်ပါစေ လို့ မိဘဆရာ၊ မိတ်ဆွေ၊ တစ်ဦးတစ် ယောက်က ပြောလို့ ရှိရင် တစ်ဘက်က ပြန်ပြောလေ့ရှိတယ်။ ပေးတဲ့ဆုနဲ့ပြည့်ပါစေတဲ့။  အတိုင်အဖောက်ညီတဲ့ မြန်မာ conversation လေးတစ်ခုဖြစ်ပါတယ်။ အင်မတန်လဲကောင်းပါတယ်။ မြန်မာ့ မူဟန်လဲ ပေါက်ပါတယ်။
 
ကျနော်ကို ပြောလာ ရင် လဲ သူတို့လိုပဲ ပေးတဲ့ဆုနဲ့ပြည့်ပါစေလို့ ပဲပြန်ပြောလိုက်ပါတယ်။ အဲဒါနဲ့ပတ်သတ်ပြီး ကျနော်ဖတ်ဖူး တာလေးကို ပြောပြချင်လို့ပါ။ တော်တော်တော့ ကြာပြီထင်တယ်။ အကုန်လုံးတော့ မမှတ်မိဘူးပေါ့။ အဓိက အပိုင်းကိုတော့ မှတ်မိနေတယ်။ တစ်ခါတုန်းက ဟိမ၀န္တာမှာ တရား အားထုတ်နေတဲ့ ယောဂီကြီးတစ်ဦး မြေပြန့်ကို ဆင်းလာတယ်။ တွေ့တဲ့ရွာလေးမှာ အလှူခံတယ်။ အိမ်တစ်အိမ်ရှေ့ရပ်ပြီး အလှူခံတော့ အိမ်ကြမ်းပြင်မှာထင်တယ်။ အဖေဖြစ်သူနဲ့သူ့ရဲ့သားတို့ ထမင်းစား တော့မလို့ ဖြစ်နေတဲ့ အခြေအနေ လေးပါ။ အလှူခံရောက်လာတော့ ကလေးက မလှူချင် ဘူး ဖြစ်နေ တယ်။ နောက်တော့ သူ့အဖေကတိုက်တွန်းတာနဲ့ သူ့ထမင်းကို လှူလိုက်တယ်။ အဲမှာတင် အခုန အလှူခံ ယောဂီကြီးက ဆုပေးပါတယ်။

'လူကလေး၊ အခုလို လှူရတဲ့ အကျိုးအားကြောင့် စားကောင်း သောက်ဖွယ်များ လူကလေး ရှေ့သို့ ရောက် မလာသေးသမျှ ကာလပတ်လုံး ဆာလောင်မွတ်သိပ်ခြင်း ဘေးမှ ကင်းလွတ်ပါစေတဲ့၊' ကျနော်မှတ်မိနေတဲ့ ဆုပေးလေပါ၊

ဘေးရန်ကင်းကြပါစေ


သူတို့ရွာဓလေ့ထူးပါသည်။ ယောင်္ကျားသားရှိသော အိမ်တိုင်း သေနတ်ရှိသည်။  ယောင်္ကျားသား ၅ဦးရှိလျှင် သေနတ် ၅လက်ရှိသည်။ တောလိုက်ရာတွင် အသုံးပြုသည်။ မနက်စောစောတွင် သေနတ်ထမ်းပြီး တောသို့ ၀င်သည်။ ညနေစောင်းတွင် သေနတ်ထမ်း သားကောင်ဆွဲပြီး ရွာပြန်ဝင်လေ့ရှိသည်။ ရွာနီးချုပ်စပ်တွင် သေ နတ်သံကြားလေ့ရှိသည်။ နာဂတစ်ယောက် အနေနှင့်  ဘုန်းကြီးတစ်ပါးကိုလမ်း တွင်တွေ့ပါကတောထွက် လာသူမိမိ အတွက် ကံမကောင်း ဟုပြောလေ့ရှိသည်။ ကျမ္မာရဲ့လား နေကောင်းလား ပင် မမေးရဟု ပြော ကြသည်။ အခြားရွာများတွင် ဘယ် သို့ ရှိမည်မသိရသော်လဲ ပဒူးမုန်းရွာလေးတွင်တော့ ဤသို့ရှိသည်။ 

တစ်ခါကမေးဖူးရာ မမေးပါနဲ့ ဘုန်းကြီး အဲလိုပြောရင် အဆင်မပြေတတ်ဘူးလို့ ပြန်ပြောပါသည်။ နောက်တာ့ လမ်းတွင် တွေ့ပါက မျက်နှာ ပြောင် ပဲတိုက်လိုက်ရတော့သည်။ နှုတ်မဆက်ရဲပါ။

ခပ်လှမ်းလှမ်း တောင်တန်းများဆီမှ သေနတ်သံကြားရလျှင် ရင်တွင် တထိတ်ထိတ် ရှိနေတတ်ပါသည်။ သားကောင်ရလျှင် ဘုန်းကြီးအတွက် ခွဲတမ်းဖြင့်ပို့ပေးတတ်သည်။ သွေးသံရွှဲရွှဲ အသားတွဲကို မကြည့်လို၊ မမြင်လိုသောကြောင့် အခြောက်လှမ်းပြီးမှ ပို့ရန်ရွာသားများ ကိုပြောထားရသည်။ ရယ်ချင်စရာတော့လဲ အကောင်းသားပင်၊  တောလုံးညံသော သေနတ်သံကြားလျှင် တောဝက် လေလား၊ ချေလေလား လို့ပင် အလိုလိုတွေး နေမိတတ်ပြန်သည်။ ခွင့်လွှတ်ကြပေရော့။ 
တစ်ခါက တစ်ဘ၀သည် အဲလိုရှိခဲ့ဖူးသည်။

၀၀စားပြီး

ဦဇင်းကြီးက သက်တော်ကြီးပါပြီ၊ ဗဟုသုတစုံတယ်။ တွေ့တဲ့လူလဲ ကြိုက်သည် ဖြစ်စေ၊ မကြိုက်သည်ဖြစ်စေ သူသိတာကိုတော့ မျှဝေလေ့ရှိတယ်။ တစ်နေ့ကျောင်းအောက် ဦးဇင်းကြီးနဲ့တွေ့ရာ

'ဟဲ့ကောင်လာစမ်း၊ မင်းကြည့်ရတာ ကျမ္မာရေး မကောင်းသလိုပဲ၊ ဘာဖြစ်နေလဲ ပြောစမ်း'၊

'တပည့်တော် ၀မ်းတွေချုပ်နေလို့ပါ ဘုန်းကြီး' လို့လျှောက်လိုက်တော့၊

'မင်းတို့က ကျမ္မာရေး ဂရုစိုက်မှပေါ့ကွ၊ အသက်ငယ်တယ်ဆိုပြီး ဖြစ်သလိုနေလို့ မရဘူးနော်။
မှတ်ထား၊ ဆရာတော်ကြီးတစ်ပါးရေးဖူးတယ်။

အေး ချို စိမ့် ဖန်၊
စားတုံပြန်၊
လေးလံကိုယ်ခန္ဓာ။
ပူ ငံ စပ် ခါး၊
စားတုံငြား၊ 
ပေါ့ပါး ကိုယ်ခန္ဓာ တဲ့ကွ၊

ငါ့ အလို ကတော့ ကျမ္မာချင်ရင် ၀၀စား ပြီးတော့  များများယိုပေးရတယ် လို့ယူဆတယ်'။


Saturday, February 5, 2011

ဒေါသကို ဘာသာ မပြန်ချင်ဘူး


မန္တလေးမြို့၊ နန်းရှေ့ရပ်၊ သာသနာ့တက္ကသိုလ်အတွင်း အဆောင်သုံးက အဖြစ် အပျက် လေးတစ်ခု ဖြစ်ပါ တယ်။ အသက်ကြီးမှ အင်္ဂလိပ်စာ သင်တန်း လာတက်သော နန်းရှေ့ တိပိဋက သန္တာဝါသ ကျောင်း တိုက်မှ ဘုန်းတော် ကြီး တစ်ပါး၏ ကိုယ်တွေ့လေးကို မျှဝေခံစားလိုက်တာပါ။

‘တပည့်တော် အဖြစ်လေး ပြောပြချင်လို့ပါ။ တပည့်တော်က ဆရာတော်နဲ့နိုင်ငံခြား ခရီးတွေ ဘာတွေ လိုက် ရတော့ တပည့်တော်လဲ နိုင်ငံခြားတွေဘာတွေရောက်တာပေါ့ဘုရား။  ခက်တာက တပည့်တော်က အင်္ဂလိပ်စာ မတတ် ဘူး ဖြစ်နေတယ်။ တခါတော့ ဆရာတော်နဲ့လိုက်သွားတာ အင်ဒိုနီးရှားကို ရောက်ပါ တယ်။

ကြိုဆိုရေးတွေက သူတို့ပြောသလို အချိန် က မတိကျတော့ တပည့်တော်တို့ ဆွမ်းကိစ္စ အခက်အခဲ ဖြစ် တယ်။ ဆရာတော် တွေလဲပါတော့ တပည့်တော်က အားနာတာပေါ့။ ဒါနဲ့ တာဝန်ခံလို့ပြောတဲ့ လူကို တပည့်တော်က စိတ်ဆိုးတယ်။ ခက်တာက တပည့်တော် စိတ်ဆိုးတာကို သူက ကောင်းကောင်း မသိ ဘူး ဖြစ်နေတယ်။ အဲမှာ တင် တပည့်တော်တို့နဲ့ပါလာတဲ့ ဘာသာပြန်ကို ပြောရတယ်။ ဟေ့ ဒကာ ငါစိတ် တို နေ တယ် လို့ပြော လိုက် ပါ၊ အဲလို ပြောတော့မှပဲ တပည့်တော် စိတ်တိုတာ သူတို့သိတော့တယ်။ 

အဲဒါကြောင့် စိတ်တိုတာတော့ ဘာသာ မပြန်ရအောင်ဆိုပြီး အခု အရှင်ဘုရားတို့နဲ့အတူတူ အင်္ဂလိပ်စာ သင်တန်းကို လာပြီး တက် တာပါပဲဘုရား’၊