Pages

Wednesday, May 25, 2011

ပြောရဦးမယ်

စာသင်တိုက်တစ်တိုက်တွင်ဖြစ်သည်၊ မြန်မာပြည်အရပ်ရပ်မှ လာရောက်နည်းခံ သင်ယူကြသော စာသင်များ ပေါများသည်၊ နယ်စုံက လာသောကြောင့် စကားလဲစုံသည်၊ အတွေ့အကြုံလဲ များကြသည်၊ တစ်ချို့စာသင် သားများက ထိထိမိမိပြောတတ်သည်၊ တစ်ချို့က ဒေသစကားများ ပြောကြသဖြင့် တစ်မျိုးနားလည်ပေးရသည်၊ ထိုအထဲတွင် ဦးဓမ္မိကသည် အတည်ပေါက်ဖြင့် ပြောတတ်၏။

တစ်နေ့၊
ရွာမှ အတူတူရောက်ခဲ့ကြသော ဦးဇင်းတစ်ပါးက

“ ဦးဓမ္မိက ဘယ်နှစ်ဝါရပြီလဲ”ဟုမေးရာ
‘ မောင်ရင်ကလဲ သိသားနဲ့ ကိုးဝါလေ” ဟုပြန်ပြော၏၊
‘ ဟင် ဦးဇင်းကလဲ ရွာက ထွက်လာကတည်းက ကိုးဝါက မတက်သေးပါဘူး’
‘ မောင်ရင် ငါက စကားကို ဘလောင်ဘလဲ မပြောတတ်ဘူး၊ တစ်မျိုးပဲပြောတတ်တယ်၊ မင်းသိသားနဲ့’၊

Monday, May 23, 2011

မြကန် ရေကြည်ချောင်း မအေးကြည်


 ၁
မြကန်သာ၊ တောင်ကျချောင်းတေး၊
ရေ၀င်ပြေးလှည့်၊ ရေအေးကြည်စွာ၊
ကန်ပိုင်မာလျှက်၊ ကြာပေါင်းထုံထုံ၊
ငှက်မျိုးစုံသည်၊ ဘုံဝတိံသာ၊
နန္ဒာပေလော၊ တူစွဟုတ္ထာ။
မြန်မာ့ စာပေလောကတွင် အစောဆုံး မြန်မာ ကဗျာလေးပါ၊ ရှေးယခင်ကပုဂံသည် ယခုလောက်ပူ လိမ့်မည် မဟုတ်ပါ၊ တော တောင်စိမ့်စမ်း ဖြိုင်ဖြိုင် မြိုင်မြိုင်ရှိပေမည်၊ ပတ်ဝန်ကျင်မှ စီးဝင်လာသော ရေကို ကန်ဘောင် လုပ်ပြီး ဆည်ဖို့ထားပေမည်၊ အစတော့ ခပ်သေးသေး ဖြစ်ပေလိမ့်မည်၊ နောက်တော့ တောင်ကျ ချောင်းရေသည် စီးမြဲမို့ ရေအားကြီးသော် ကန်ဘောင်ကို ထပ်ပြီး တက်ရပေသည် ကြာသော် ကန်ဘောင်သည် ခန့်ထည်မြဲမြံ လျှက် ရေအားကိုကောင်းစွာထိန်းပြီး ပဏာတင်နေပေမည်၊ ဆိုရေ ကြည်ကြည်ကန်လေးတွင် ကြာမျိုးပေါင်း များစွာနှင့် အခြားရေ၌ ပေါက်ရောက်သော သစ်ပင်တို့ အစီအရီ ရှိပေမည်၊ ရေကြည်ပြီး ကြာပေါင်းမွှေးတော့ ငှက်မျိုးလဲ စုံတော့သည်၊
နတ်တို့ပြည်တွင် သိကြားမင်းသည် နတ်သမီးပေါင်း ခြံရံလျှက် နန္ဒာအမည်ရှိ ရေကန်တွင် ရေကစားလေ့ရှိသည်၊ ပုဂံပြည်က မြကန်သည်လည်း စာလာပေရှိ နန္ဒာကန်နှင့် ညှိပြီး တစ်ယောက်သော သူသည် စိတ်လက်ရ ကဗျာ ခြယ်သခဲ့ပေမည်၊ ဆိုလို့ကောင်းသည်၊ ရင်ထဲငြိသည်၊ စိတ်လက်ရ မှတ်ထားမိသည်၊ သို့သော် အခုတိုင်အောင် ပင် မြန်မာ၌ လူဖြစ်ရပါလျှက် ပုဂံသို့ မရောက်ဖူးပါ၊ ပုဂံက မြကန်သည် ရင်ထဲ၌ တွယ်ရစ်စီးဆင်းခဲ့သည်မှာ အတော်လေးတော့ ကြာခဲ့ပါပြီ၊ သူ့ကို ဘွားကနဲ့တွေ့လိုက်ရသည်က နာဂတောင်တစ်နေရာတွင် ဖြစ်သည်၊ ပုဂံက မြကန် ဘယ်ရောက်သွားပါလိမ့် ထင်ကြမည်၊ ပြောပြပါမည်၊ မန်းမြေကို ခွာပြီး နာဂတောင်တန်းသို့ သာသနာပြု သွားခဲ့ရသည်၊ တောကြီးနက်၏၊ တောင်သည် မြင့်မား၏၊ ချင်းတွင်းသည် ရေစီးသန်၏၊ ဆောင်းတွင် သွေးခဲမတတ် အေး၏၊ မိုးတွင် လင်းသည်မရှိ နေလုံးပျောက်အောင် အကြာကြီးရွာတတ်သည်၊ နွေးပါးပါးလေးတွင် ဥသြ ရောက်လာတတ်သည်၊ လွမ်းတေးသီသည်၊

ထိုသို့ ဥသြလွမ်းတေးသီခိုက်.........
နွေကုန်လုလု ဆောင်း အစလုလုတွင် ချင်းတွင်းမြစ်ရိုး၌ လိပ်သုတေသန အတွက် လာရောက်သော သူများကို မကြာခဏ တွေ့ရတတ်သည်၊ တစ်ခါသော် မြန်မာပြည်အနှံ့ ရောက်ဖူးသော လူကြီးက သူလုပ်နေသော လိပ် သုတေသနကို ရှင်းပြသည်၊ ပြီးတော့ သူရောက်ခဲ့သော ဒေသများကို ပြပေးသည်၊ အိန္ဒိယနိုင်သို့ လဲသူ ရောက် သည်၊ ပုဂံက မြကန်သို့ သူရောက်သည်၊ ကွန်ပျူတာသုံးပြီး ပြပေးသည်မို့ ကြည့်ရသူအတွက် အရသာ ရှိလှသည်၊ တစ်နေရာရောက်တော့ မြကန်ဓာတ်ပုံလေးကို သူလက်ညှိုးထိုးပြီး လင်္ကာလေးကိုလဲ ရွတ်ပြသည်၊ ကျက်မှတ်မိသော စာသားလေးသည် ထင်းကနဲ့ပေါ်တော့သည်၊ သူနဲ့အတူတူ လိုက်ဆိုမိသည်၊ 
‘ ဦးဇင်း ဒီကဗျာ  လေးကို ကြိုက်တယ်ဗျ’ လို့လွှတ်ကနဲ့ ပြောမိသည်။ ထိုကတည်းက မြကန် ကဗျာလေးကို မမေ့ တော့ပါ၊ အခုထိ တိုင်ဆိုနေဆဲပါ၊
 ၂
ချင်းတွင်းမြစ်စတင် စီးဆင်းရာနေရာတွင် ရွာလေးတစ် ရွာရှိသည်၊ ပဒူးမုန်းဟု ခေါ်ကြသည်၊ အရှေ့ဘက်ဆီက တနိုင်းချောင်း တောင်ယွန်းယွန်းဆီက နတ်မှော်ချောင်းတို့ပေါင်းဆုံပြီး ချင်းတွင်း အမည်ခံပြီး ဤရွာလေးနားမှ စုန်ကာ မြန်မာနိုင်ငံ အနောက်ခြမ်းက ခန္တီးမြို့၊ ဟုမ္မလင်းမြို့၊ မော်လိုက်၊ ကလေး၊ ကလေးဝ၊ မင်းကင်း၊ မုံရွာ တို့ကို ဖြတ်သန်းပြီး စီးဆင်းသည်၊ တနိုင်းချောင်းနှင့် နတ်မှော်ချောင်းသည် ဧရာဝတီမြစ်ကို မေခနှင့် မလိခ ပေါင်းသလို ပေါင်းပြီးစီး ဆင်းသည်၊ မြစ်တို့သည် ချောင်းပေါင်းများစွာ ပေါင်းပြီး စီးဆင်းသလို ချောင်းလေးများ သည်လဲ သေးငယ်သော တောင်ကျ စမ်းရေတို့၏ အစု အပေါင်း ဖြစ်ပြန်သည်၊ နတ်မှော်ချောင်းကို မကျန်ခချောင်း နှင့် ရေကြည်ချောင်း တို့က ပေါင်းပြီး အားကူသည်၊ သူတို့ဆုံရာ နေရာလေးကို ချောင်းသုံးခွဟုခေါ်သည်၊
မြန်မာများ အောက်ရပ် အောက်ရွာက လာပြီး ရွှေလုပ်ကြသည်၊ နာဂလူမျိုးများလဲ ရွှေလုပ်ကြသည်။ ရွှေလုပ်ကြသော သူတို့သည် စက်ကြီး စက်ငယ်များသုံးပြီး မျောတိုက်ကြသောကြောင့် နတ်မှော်ချောင်းသည် ကြည်လင်သည် မရှိပါ၊ အမြဲတမ်းနီးပါ ၀ါကျင့်ကျင့်ဖြစ်နေတတ်သည်၊ မကျန်းခချောင်းလဲ ရေမကြည်ပါ၊ တိန်းညက်တောင်တန်းကြီးများဆီက စီးဆင်လာသော ရေကြည်ချောင်းလေးသည်သာ ကြည်လျှက် စီးဆင်း၏၊ ရေအောက်ကြမ်းပြင်က ကျောက်ရောင်စုံကို အတိုင်းသား မြင်ရသည်၊ ထိုချောင်းတို့ဆုံရာ ဒေသသည် ခရီကွာ လွန်း၏၊ သို့သော်ရောက်ခဲ့လျှင် ရေကြည်ချောင်းလေးကြောင့် ကြည်နူးရသည်၊ ရေစီးသံကြောင့် အေးချမ်း သည်၊ မြင်လှည့်၊ ရှုလှည့်၊ ခံစားစေချင်လှသည်၊
 ၃
ပဒူးမုန်းနာဂရွာလေးတွင် နာဂအိမ်ထောင်စု နှစ်ဆယ့်သုံးစု နေထိုင်သည်၊ အိန္ဒိယနိုင်ငံ၏ ပထမဆုံး ၀န်ကြီးချုပ် ဂျဝါဟလာနေရူးရောက်ဖူးသည်၊ သမိုင်းဝင်ရွာလေးဖြစ်သည်၊ မြန်မာစာပေလောကတွင် ထင်ရှားသော နန်းဟာဗီးဝတ္ထုသည် ဤပဒူးမုန်းရွာလေးတွင် အခြေတည်ပြီးရေးဖွဲ့သည်၊ အနေဆင်းရဲသည်၊ လူရိုးသားသည်၊ တောင်တန်းနေသူတို့ဓလေ့ အတိုင်း အရာရာကို စိုးရွံ့ကြသည်၊ အစား၊ အ၀တ်၊ ပညာ၊ ဗဟုသုတသာ မွဲကြသည် မဟုတ်သေးပါ၊ နာမည်လဲ ဆင်းရဲသည်၊ မိန်းကလေးမှန်လျှင် အင်စော အမှည့်များသည်၊ ယောက်ျားလေးမှန်လျှင် ကျီးမိုး အမှည့်များသည်၊ မြန်မာနာမည် မရှိသလောက် ရှားသည်၊သို့သော် မအေးကြည် ကား ပေါများလှသည်၊ အဖွားအေးကြည်က အသက်ခြောက်ဆယ်ကျော် ရှိသည်၊ မအေးကြည်က အသက်နှစ် ဆယ်လောက်ရှိသည်၊ အေးကြည်ပူကတော့ (အဲဒီတုန်းက )လွန်ခဲ့တဲ့ သုံးနှစ်လောက်က အသက်တစ်ဆယ့် လေးနှစ်လောက်တော့ရှိမည်၊ 
အဖွားအေးကြည်က ဥပုသ်နေ့တိုင်း ဘုန်းကြီးကျောင်းသို့ လာသည်၊ အေးကြည်ပူ က မနက်တိုင်း အာရုဏ်ဆွမ်းလာပို့တတ်သည်၊ ကျန် မအေးကြည် တစ်ယောက်က အနေရိုးသည်၊ ရံဖန်ရံခါသာ ကျောင်းသို့ လာတတ်သည်၊ နာဂလူမျိုးလို့မထင်ရအောင် လှသည်၊ တည်ငြိမ်သည်၊
မြန်မာစကား မကြားရသောနေရာဒေသ၊ အေးချမ်းသောနေရာ၊ တောင်တန်းများသာ ရှိသောဒေသ၊ ချောင်း မြောင်းတို့စီးဆင်းဖြစ်ထွန်းရာ နေရာက ပဒူးမုန်းရွာလေးတွင် မအေးကြည် အမည်ကား ထင်ရှားတော့သည်၊ တည်ငြိမ်ပြီး လှတဲ့ မအေးကြည်သည် ရွှေလုပ်သည်၊ တစ်ခါတရံ ရေကြည်ချောင်း သို့သွားတတ်သည်၊ မြန်မာစကား ကောင်းကောင်း ပြောတတ်သည်၊ ဆယ်တန်းအောင်မြင်သော သူနှစ်ယောက်တွင် မအေးကြည် ပါသည်၊ နောက်တော့ ရန်ကုန်မြို့သို့လိုက်သွားသည်၊
ရေကြည်ချောင်းသို့ရောက်တိုင်း မအေးကြည်တွေကို သတိရနေမိတတ်သည်၊ လှတဲ့မအေးကြည်ကိုကား အထူးသတိ ရမိသည်၊ ပုဂံပြည်က မြကန်သို့များ မအေးကြည် ရောက်ခဲ့လေမလားတွေးမိသည်၊ ရေကြည်ချောင်းလေးသို့ကား မအေးကြည် ပြန်မလာတော့ပါ၊ နန်းဟာဗီးလို မြို့နေလူတန်းစားတို့၏ အထင်သေး အမြင်သေးကြည့်ခြင်းများ ခံရလေမလား တွေးမိသည်၊
ပုဂံပြည်က မြကန်၊ ချင်းတွင်းမြစ် ထက်ဖျားဆီက ရေကြည်ချောင်း၊ ပြီးတော့ မအေးကြည်တို့ကို အဆက်စပ်မဲ့သတိရနေတတ်သည်၊
မြကန်၊ ရေကြည်ချောင်း နှင့် ……………….။

Saturday, May 21, 2011

ဘုန်းကြီးဆိုတာ

“ ဘုန်းကြီးဆိုတာ လူ့ထက်တော်ရတယ် ”
အထက်ပါ စကားကိုပြောဆိုခဲ့သူမှာ မန္တလေးမြို့ ဗုဒ္ဓတက္ကသိုလ်ကျောင်းအုပ် ဦးမြင့်ဆွေ( မဟာဝိဇ္ဖာ၊ လန်ဒန်) ဖြစ်ပါသည်၊ ဆရာကြီးသည် ခေတ်ပညာတိုးတက်ရေးအတွက် များစွာအထောက်အကူပြုသော ဗုဒ္ဓတက္ကသိုလ် ကြီးများကို ရန်ကုန်မြို့နှင့် မန္တလေးမြို့များတွင် တည်ထောင်ပြီးခေတ်နှင့်လျှော်ညီစွာ နိုင်ငံတကာ တန်းဝင် pali Sanskrit နှင့် english တို့ကို ရဟန်းတော်များအား ဦးတည်ပြီးဖွင့်လှစ်ပို့ချခဲ့သည်၊ 
၁၉၉၄ ခုနှစ်တွင်တည် ထောင်ခဲ့သော ဆိုပါတက္ကသိုလ်ကြီးများမှ ထွက်ပေါ်လာခဲ့သော မြန်မာရဟန်း တော် များသည် သီရိလင်္ကာနိုင်ငံ ရှိ တက္ကသိုလ်ကြီးများနှင့် အိန္ဒိယနိုင်ငံရှိ တက္ကသိုလ်ကြီးများသို့ တက် ရောက်ပြီး ဘွဲ့လွန်ပညာရပ်များကို သင်ယူ လျှက်ရှိသည်၊ ဆရာကြီးတည်ထောင်သော တက္ကသိုလ်ကြီးများမှ B.Aတန်း အောင်မြင်လျှင် ဘွဲ့လွန်M.Aဘွဲ့ကို အထက်ပါ တက္ကသိုလ်ကြီးများတွင် ဆက်လက်သင် ယူနိုင်ခွင့်ရှိ သည်၊ အခြားနိုင်ငံရှိဗုဒ္ဓဘာသာဆိုင်ရာ ကောလိပ်၊ တက္ကသိုလ်ကြီးများတွင်လဲ ဆက်လက်သင်ယူနိုင်သည်၊ 
ဆရာကြီးသည် မြန်မာနိုင်ငံရှိ အရှေ့ တိုင်းဌာနများတွင် အစိုးရ၀န်ထမ်းအဖြစ်ထမ်းဆောင်ပြီးနောက်တွင် ကိုယ်ပိုင်တက္ကသိုလ် ကြီးများ ထူထောင် ခြင်းသည် မြန်မာပြည် ရှိရဟန်းတော်များ ခေတ်ပညာများကို လေ့လာလိုက်စားခွင့်ရှိအောင် ဖန်တီးနိုင်ခဲ့သည်၊ ဒီကနေ့ခေတ်တွင် ပြည်ပနိုင်ငံများ သို့ပညာဆက် လက်သင် ယူနေကြသော ရဟန်းတော်များသည် ရန်ကုန်၊ မန္တလေးရှိ နိုင်ငံတော် ပရိယတ္တိသာသနာ့ တက္ကသိုလ် ကြီးများ၊ ထေရ၀ါဒ ဗုဒ္ဓသာသနာပြုတက္ကသိုလ်၊ ဆရာကြီး ဦးမြင့်ဆွေ( မဟာဝိဇ္ဖာ၊ လန်ဒန်)၏ ဗုဒ္ဓတက္ကသိုလ်နှင့် သီတဂူဆရာတော်ကြီး၏ သီတဂူကမ္ဘာ့ ဗုဒ္ဓတက္ကသိုလ်တို့မှဖြစ်ကြသည်၊
တစ်ခါတွင် ဒီပလိုမာတန်းကို ဆရာကြီးကိုယ်တိုင်ဝင်ရောက်ပြီး သင်တန်းပို့ချသည်၊ “ တပည့်တော် ရဟန်းလူ ထွက်ပါ၊ ဘုန်းကြီး ပညာရေးကို သူ့ခေတ် သူ့အလျှောက် ရှိတဲ့အဆင့်ကို ပြီးမြောက်အောင် သင် ယူခဲ့ပါတယ်၊ ဒါတင်မကဘူး၊ မြန်မာနိုင်ငံ မန္တလေးတက္ကသိုလ်က B.A ကိုလဲအောင်ခဲ့သေးတယ်၊ မှတ်မှတ်ရရပြောရရင် အမ်အေ ဒေါ်အုန်း ဆိုတာ တပည့်တော် ကျေးဇူးရှင်ပေါ့ဘုရား၊ နောက်လန်ဒန်က မဟာဝိဇ္ဖာလဲ ရအောင်ယူနိုင်ခဲ့သေးတယ်၊ အမှတ်ရလို့ပြောတာပါ၊ တပည့်တော် မှာခံစား ချက်ရှိတယ်၊ ဘုန်းကြီးဆိုတာ လူ့ထက်တော်ရမယ်၊ မျိုးချစ်စိတ်လဲ လူ့ထက်သာရမယ်၊ သာသနာကိုချစ်တဲ့ အရာမှာလဲသာရမယ်၊ အပြော အဆိုလဲ သာရမယ်၊ ဘာသန္တရ ကျွမ်းကျင်မှုမှာလဲ သာရမယ်၊ ရပ်ကျိုး ရွာကျိုး ဆောင်တဲ့နေရာမှာလဲ သာရတယ်၊ အခုတပည့်တော် ကိုယ်ပိုင် တက္ကသိုလ်ထူထောင်ပြီး ဘုန်းကြီးတွေ လုပ်ရ မယ့် အလုပ်တွေကို လုပ်နေတာက ခံစားချက် တစ်ခုထည်းပါ၊ အဲဒါက’ ဘုန်းကြီးဆိုတာ လူ့ထက်သာရမယ်’ ဆိုတဲ့ ခံစားချက်ပဲ”
ရှေးခေတ်က မြန်မာပြည်တွင် စာသင်နည်းများ ရှိကြသည်၊ မန္တလေးစာသင်နည်း၊ ပခုက္ကူစာသင်နည်း ဟနည်းတို့ဖြစ်သည်၊
ခေတ်သစ်နည်း စနစ်များဖြင့် ရဟန်းတော်များကို တိုးတက်အောင်သင်ကြားပေးမှုတွင် ဆရာကြီး၏ သင်ကြား နည်းနှင့် စိတ်ဓာတ်သည် တစ်ခေတ်ဆိုလောက်သည်၊ ကျမ်းများစွာကိုလဲ သူပြုစု ရေးသားသည်၊ ကျမ်း အများ စုသည် သာသနာတော်နှင့် လူမျိုး တိုးတက်ရေးကို ဦးစားပေးပြီး ရေးသားသည်၊ ဆရာကြီးသည် မြန်မာပြည် ဖွားရဟန်းတော်ကို လူ့ထက်တော်စေရန် အစွမ်းကုန် ထောက်ကူအားပေးနေသော မဟာဥပါသကာ ကြီးဖြစ်ပေသည်၊

မှတ်သားဖူးတာလေး ပြန်ပြောတာပါ၊ သူ့အပြောကိုကြိုက်တာ ကိုက်ညီနေတယ်ဆိုရင်တော့ ၀မ်းသာမိမှာ အမှန်ပါလို့၊
ရင်မှဖြစ်သော စေတနာများစွာဖြင့်……..။

ရောင်စုံ ဂယာ


အညာဆန်သော နေရာလေး၊ ထန်းပင်စုစုကို အဝေးကမြင်နိုင်သည်၊ ရံခါမြူခိုးတွေ ဝေနေတတ်သည်၊ မြူခိုး တို့က ထန်းပင်များကို ခါးလည်က သိုင်းပြီး ရစ်ဖွဲ့ထားသည်၊ ထိုမြင်ကွင်း ပင်လယ်ပြင်တွင် မျှောနေသော ဒိုက်ပုံ အစုကြီးတို့နှင့်ပင် တူသယောင်ယောင် ထင်မိသည်၊ မနက်ခင်း နေရောင်ခြည် ဖြာဆင်းတော့ ဘယ်ပန်းချီရေးလို့ မမီလက်ရာမျိုးဟု စာဆိုတိုိ့ဖွဲ့ကြလေမလား မပြောနိုင်၊ လှသည်ကတော့ သေချာသည်၊ လယ်ကွင်းပြင်နှင့် ပဏာတင့်လှသည်၊ ခြောက်ခန်းနေသော လယ်ကွင်းပြင်သည် တစ်ဖျစ်ဖျစ် မြည်လောက် အောင်ပင် ခြောက်သရောင်း ဖြစ်နေသည်၊ ကွင်းပြင် အကျယ်ကြီးကို ဖြတ်သွား ဖြတ်လာ ဖြစ်နေသော လမ်းလေးများသည် ကွင်းပြင် အကျယ်ကြီးကို ကွန်ယက်ဖွဲ့ထားသလို ရှိနေသည်၊
 ရေခပ်လမ်းလေး ဖြောင့်ဖြူးညက်မှုံနေတတ်သည်၊ ဒီတစ်ဘက်လမ်းထိပ်တွင် ရွာလေးရှိသည်၊ ဟိုတစ် ဘက်ထိပ်တွင် သစ်ပင်စုစုနှင့် ရေကန်ရှိသည်၊ ရေခပ်လာဂယာ သူလေး၏ ဆာရီကိုလေသပ်လျှင် လွင့်လွင့်နှင့် ပန်းချီကားလို လှနေတတ်သည်၊ ခပ်ဝိုင်းဝိုင်း လည်ရှည် ရေအိုးလေးသည် လှုပ်လီလှုပ်လဲ့ဖြင့် ရေအိုးရှင် သခင်မလေး၏ အလိုကျ ယိမ်းလိုက် နွဲ့လိုက်ဖြင့် ကာရံ ကိုက်နေတတ်သည်၊
ဂယာသူတေး သီသည်၊ ချွဲချွဲနွဲ့နွဲ့ဖြစ်သည်၊ ဘယ်သဘောကို ညွှန်းဆိုသည် မသိရသော်လည်း နားထောင်၍ကား ကောင်းသည်၊ ဘောလိဝုဒ် မြင်ကွင်း တစ်ခုဟုပင်ဆိုနိုင်သည်၊ သူတို့သည် တစ်နေကုန် အိမ်ထဲတွင်သာ အနေ များကြသည်၊ လမ်းသလားသည်ကို မတွေ့ရတတ်ပါ၊ ခြေဆုံး ခေါင်းဆုံး ဖုံးအုပ် ၀တ်ဆင်ထားသောကြောင့် အသား အရေ မည်သို့ရှိမည် မသိရသော်လည်း ရံခါတွေ့ရတတ်သော ဂယာသူတို့မျက်ဝန်းသည် ကြည်လဲ့ စိမ်းစို မျက်ဝန်း ညိုကြီးတို့ဖြစ်၏၊ သူတို့သည် တစ်ဘက်လူကို ပြန်၍ကား ကြည်ခဲသည်၊ ငုံ့ရှောင်သွားတတ် သည်၊ ပြုံးမလို ထိတ်သလို မလုံမလဲဖြစ်သလို ရှိနေခြင်းက မာယာတစ်မျိုးဟု တင်စားလျှင် ဖြစ်နိုင်သည်၊ ရေအိုး မှလျှံကျလာသော ရေတို့တစ်ချို့၊ ချွေးတို့တစ်ချို့သည် သူတို့အလှကို ပျက်ပြယ်အောင် မစွမ်းဆောင်နိုင်ပါ၊
 တစ်ဘက်ဆည်ကန်လေးများ အောက်ဘက်တွင် စိမ်းစိမ်းစိုစို လယ်ကွင်းတို့မှာ အညာအလှ အ ဆန်ဆုံးဖြစ်သည်၊ ငုတွေ အခိုင်လိုက်ပွင့်သည်၊ ပင်လုံးဝါထိန် ရွှေရည်လိမ်းသည့်နှယ်ရှိသည်၊ ထန်းပင် စုစု အောင်ခြေတွင် ထန်းရည်တဲလေးများပင် တွေ့ရသည်၊ မြူအိုးကောက်သူ ကုလားလေးတို့ သီချင်း ဆိုကြ သည်၊ မပြောလဲသိနိုင်သည်၊ သူဆိုနေသည့် တေးသည် တောဘွဲ့လေးဖြစ်မည်၊ ဘ၀တေးဖြစ်မည်၊ သဘာဝ တေးတစ်ပုဒ်ဖြစ်မည်၊ ဆွဲဆွဲငင်ငင် သီကျူးလိုက်သော အသံသည် ထန်းပင်အထက်ဆီက နွေတေးရှင် ငှက်ဥသြနှင့် ရှေ့သွားနောက်လိုက်ညီလှသည်၊ လောကဓံလှိုင်းများကို အံတုစိန်ခေါ်လိုက်သော တေးမျိုးလဲ ဖြစ်နိုင်သည်၊
ဂယာဒေသသည် တစ်ခါတုန်းကတော့ ယောဂီကြီးများ တရားကျင့်သုံးရာ နေရာတို့ အစီအရီ ရှိနေ မည့်နေ ရာဖြစ်သည်၊ သစ်တစ်ပင်အောက် ၀ါးတစ်ပင်ရင်းတွင် ကသိုဏ်းစီးဖြန်းနေသော သူတော်စင်ယောဂီ ကြီး တို့သည် ငြိမ်းချမ်းခြင်းကို ရှာဖွေနေကြပေမည်၊ ဆံကျစ်ကြီးများ တပွေ့တစ်ပိုက်ဖြင့် သူတို့နေကြသည်၊ မုတ်ဆိတ်မွေးများ ရှုပ်ရှက်ခတ်နေမည့် သူတို့အသွင်အပြင်သည် ရှုမြင်ရသူတို့ကို စိတ်မသက်မသာ ဖြစ်စေနိုင်သည်၊
 တစ်ခါသော် သူတို့ဆီသို့ ကပိလ၀တ္ထုနေပြည်တော်က မင်းသားတစ်ပါးရောက်လာသည်၊ အစတွင် သူတို့ဆီတပည့်ခံ၍နည်းယူသည်၊ ပြီးတော့ သူတို့နှင့်အတူတူ ကျင့်ကြံအားထုတ်သည်၊ နောက်တော့ သူတို့ ထက် သာလွန်မွန်မြတ်သွားသည်၊ သူတို့အားလုံးသည် ဂုရူနံ ဂုရုဖြစ်သည့် ကပိလ၀တ္ထု ပြည်သား ဂေါတမနွယ် ဖွား သိဒ္ဓတ္ထမင်းသားကို ဆရာပြုပြီး ဇဋိလ- ဆံရှည်ယောဂီကြီများ အဖြစ်မှဆံမုတ်ဆိတ်ပယ်ရှင်း ဖန်ဝါဆင် မြန်း ပြီး ဘိက္ခု-ကိလေသာတို့ကို ခေါင်းပါးအောင်ပြုတတ်သော ငြိမ်းချမ်းရေးခေါင်းဆောင်များဖြစ်ခဲ့ကြသည်၊ ဂယာဒေသသည် အရောင် အသွေးစုံစုံဖြင့် စိုပြေ လန်းဆမ်း အမြဲတမ်း လှနေတတ်သည်၊

Friday, May 20, 2011

မှတ်သားမိဖူးတာလေးတွေ


 ' From sanna to panna ’ ဆရာကြီးတစ်ဦးပြောပြတာလေးပါ၊ လွန်ခဲ့တဲ့ဆယ်နှစ်လောက်က ဖြစ်ပါတယ်၊ တိတိကျကျ ပြောရရင် ၂၀၀၂ခုနှစ် ကာလဆီကပါ၊ 
မန္တလေးမြို့၊ မြို့လည်ဆူးခါးတိုက်တွင် တည်ထောင် ဖွင့်လှစ်ထားသော ဆရာကြီး ဦးမြင့်ဆွေ၏ ဗုဒ္ဓတက္ကသိုလ်သို့ တက်ရောက်စဉ်က တစ်ခါတော့ ပထမနှစ်အတန်းကို ဆရာကြီးကိုယ်တိုင် ၀င်ပါတယ်၊ 

မှတ်မိနေသေးတယ်၊ သူ့ဟန်ကို ဆေးလိပ်တိုလေး လက်မှာကိုင်လို့ မီးတော့ တို့မထားပါဘူး၊ လက်တစ် ဆစ်လောက်ပဲ ရှိမယ်ထင်တယ် ဆေးလိပ်တိုကလဲ၊ ပြီးတော့ ရေခွက်လေးလဲ ဆွဲလာတယ် လက်က၊ အတန်းထဲ ၀င်လာတော့လဲ ဘယ်ညာ ၀ဲယာ မကြည့်ပဲ အတန်းထိပ်ပိုင်းကို တမ်းပြီးသွားတယ်၊ ဘလက်ဘုတ် အောက်တည့်တည့်ကို ထိုင်ချလိုက်တယ်၊ ဖွေးဖြူနေတဲ့ မြေဖြူတွေက သူထိုင်လိုက်တဲ့ အောက်တည့်တည့်မှာ၊ တဆက်တည်း လေးချောင်းထောက် စားပွဲသေးသေးလေးကို နဲနဲပြင်ဆင်ပြီး စာအုပ်တင်လိုက်တယ်၊ ပါဝါ အတော် တက်နေပြီဖြစ်တဲ့ မျက်မှန် လေးကို ပင့်ကြည့်ပြီး သေချာကြည့်တယ်၊ ဘာစကား ဘာပလ္လင်မှ မခံဘူး၊ ဆတ်ကနဲ့ ထတဲ့ပြီး ဘလက် ဘုတ်မှာ သူရေးလိုက်တဲ့ စားသားလေးကို အခုန ပြန်ပြီး ရေးပြလိုက်တာပါ၊ from sanna to panna တဲ့၊ စွဲနေတာပါ၊ 
ပြီးတော့မှ သူကပြောပါတယ်၊ ‘ များများ မှတ်ရတယ်၊ မြန်မြန်လဲ မှတ်ရတယ်၊ လက်နှေးနေလို့ မဖြစ်ဘူး၊ လက်က သွက်နေမှရမယ်၊ ဘေးကလွတ်နေတဲ့ စာမျက်နှာတွေမှာရေးရတယ်၊ မှတ်ရတယ်၊ အလှကြည့်ဖို့ ထားတာ မဟုတ်ဘူး၊ တပည့်တော်ဆီစာလာတက်ကြတယ်၊ လူရော၊ ရဟန်းရော စုံပါတယ်၊ အစတော့ တော်တော်လေးများပါတယ်၊ နောက်တော့ သိပ်ပြီး မကျန်ဘူး၊ ခြောက်လလောက်တက်ရင် အင်္ဂလိပ်စာ တတ်မယ်ထင်ကြတယ်၊ ထိုက်သလောက်တော့ တိုးတက်မှာ အမှန်ပဲ ပြောရဲပါတယ်၊ ဒါပေမယ့်လို့ ကျက်မှတ်ရမယ့်ဟာကို ကျက်မှတ်မှ ရမှာပေါ့၊ အခုတော့ မမှတ်ချင်ဘူး၊ ပြီးတော့ အင်္ဂလိပ်စကား ပြောရမှာ ရှက်တယ်တဲ့၊ ရှက်တာက စိတ်၊ ပြောတာက ပါးစပ်ပါ၊ ဖြဲပစ်လိုက်စမ်းပါ ပါးစပ်ကို၊ များများမှတ်ပြီး လေ့လာ လိုက်စားလိုက်ရင် ပညာတစ်ခုရတာပါပဲ’၊
မှတ်သားဖူးတာလေး ပြန်ပြောတာပါ၊ သူ့အပြောကိုကြိုက်တာ ကိုက်ညီနေတယ်ဆိုရင်တော့ဝမ်းသာမိမှာ အမှန်ပါလို့၊ 
ရင်မှဖြစ်သော စေတနာများစွာဖြင့်…….။

Sunday, May 15, 2011

ငြိမ်းချမ်းခြင်းနဲ့ အလွမ်း ဂယာ


ဂယာရွာလေးသည် အထင်ကရဖြစ်သည်၊ ဗုဒ္ဓဘာသာဝင်များ အတွက် အထွတ်အမြတ် အဖြစ်ထားရှိပြီး ယုံကြည်သော နေရာဖြစ်သည်၊ ဟိန္ဒူဘာသာဝင်များ အတွက်လဲ ထူးခြားသည်၊ ရှေးကတည်းကပင် ဟိန္ဒူ ဘာသာဝင်များသည် ဂယာသို့လာကြသည်၊ အပြစ်တို့ကို ဂယာရှိချောင်း မြောင်းများတွင် ဆေးကြောသုတ် သင်ကြသည်၊ မဇ္ဈိမဒေသသည် အမိမြေမှ ထွက်ပေါ်လာသော ဘာသာကြီးနှစ်ခုတို့၏ စည်းလုံးညီညာခြင်း ကို ဂယာရွာလေးတွင် တွေ့နိုင်သည်၊ ဂယာရွာလေးသည် သဗ္ဗညုတဉာဏ်တော် ရရှိတော်မူသော နေရာမြတ်ဖြစ်၏၊ အလောင်းတော် သိဒ္ဓတ်မင်းသားသည် ဂယာရွာလေးမှာပင် ဘ၀ပေါင်းများစွာ တွယ်တာခြင်း၏ အပြစ်၊ မသိခြင်း၏ မကောင်းကျိုး တို့ကို ပြတ်ပြတ်ထင်ထင် သိမြင်ပြီး ဂယာဒေသရှိ ဂုရုများတို့ထက် မြတ်သော ဂုရူနံ ဂုရု ဖြစ်တော်မူခဲ့သည်၊
          ဂယာရွာလေးသည် ဗုဒ္ဓမရောက်ရှိမီကာလက ဟိန္ဒူဘာသာဝင် ယောဂီဂုရုများ၏ နေရာဖြစ်သည်၊ ကဿပညီနောင်တို့သည် ဂယာရွာလေးကိုမှီခိုပြီး ငြိမ်းချမ်းခြင်းကို ရှာဖွေနေကြသည်၊ တပည့်ပေါင်း များစွာ ရှိကြသည်၊ ယောဂီ တစ်ထောင်ကို ညီနောင် သုံးဦးခေါင်းဆောင်လျှက် ကြီးမားသော လူ့အဖွဲ့ အစည်းကြီးဖြင့် နေထိုင်နေကြသည်၊ ဂယာရွာသူရွာသားများသည် တခြားတွင် ဆရာရှာစရာမလို အနီးအပါးက ကဿပ ညီနောင်တို့အား အကြီးအမှူး အလေး အမြတ်ပြုလျှက် ဘ၀ကို ကုန်လွန်စေခဲ့ကြသည်၊ ရွာထဲသို့ ရောက် လာ ကြသော ကဿပ ညီနောင်တို့အား လေးလေးစားစား ခရီးဦး ကြိုဆိုကြသည်၊ နေရာထိုင်ခင်းပေးကြသည်၊ လှူ ဖွယ်ဝတ္ထုကမ်းလှမ်းကြသည်၊ အပြန်အားဖြင့် ဂုရုကြီးတို့၏ ရွတ်ဆို ဆုပေးလိုက်သော အသံသည် ဂယာရွာသူရွာ သားများအတွက် အတိုင်းမသိ ကြီးမြတ်သော ကောင်းချီး မင်္ဂလာပင်ဖြစ်တော့သည်၊ ဂယာရွာလေးနှင့် ဂုရုတို့ သည် တစ်ထပ်တည်း တစ်သားတည်း ကျလျှက်ရှိနေလေ၏၊
          ဂယာရွာလေးသည် လူနေမှုမမြင့်လှသော်လည်း မွေးမြူရေးကို တွင်တွင်ကျယ်ကျယ် ဆောင်ရွက် နေ ကြပြီဖြစ်သည်၊ နွားများမွေးမြူကြသည်၊ တနိုင် တပိုင် လယ်ကွက်များဖြင့် ၀မ်းစာရေးကို ရှာဖွေစား သောက်နေ ကြပြီဖြစ်၏၊ မနက်ခင်း အာရုဏ်ဦးသည် ဂယာရွာလေး၏ ကျက်သရေ အပေါင်း ခညောင်း သော ကာလ ဖြစ် သည်၊ အရှေ့တောင်ယွန်းယွန်းဆီရှိ ဂယာသီသတောင်တန်းကြီးကို ကျော်တက်ဖြတ်သန်း လာသော နေ၀န်း သည် ရောင်ခြည်ဖြာလျှက် ဂယာရွာလေးကို သက်ဝင်လှုပ်ရှားစေသည်၊ နတ်ဒေ၀တာတို့ကို ရည်မှန်းရွတ် ဆို လိုက်သော ပူဇော်သံသည် တစ်ရွာလုံးနီးပါး လွှမ်းနေသည်၊
          တစ်ခါတရံ အားလိုက်မာန်ပါ အထာကျကျ ရွတ်ဆို လိုက်သော ပူဇာတေးသည် ဂယာသီသ တောင် တန်းများဆီမှ ပဲ့တင်သံကိုပင် ပြန်လည်ကြားယောင်သလို ရှိနေတတ်သည်၊ မနက်ခင်း အာရုဏ် ကျင်းပြီး နောက်တွင် ရွာထဲမှ ဆိတ်ကျောင်းသားများ တပျော်တပါး စားကျက်များဆီသို့ သူ့ထက် ငါဦးပြေးသွားကြည်မှာ ဂယာရွာလေး၏ အတက်ကြွဆုံးသော အရာများတွင် ထိတ်ဆုံးက ဦဆောင် လျှက်ရှိသည်၊ သူတို့သည် ရွာဝန်းကျင်ရှိ ညောင်ပင်များအောက်တွင် ဆိတ်ကျောင်းရင်း  ဆော့ကစားလျှက် တစ်နေ ကုန်ကြသည်၊ ညောင်ပင်လေးများသည်ပင် ဆိတ်ကျောင်းညောင်ဟုသိကြပြီ၊ ညောင်စုစုတွင် ဂုရုကြီးများ သည် တစ်ခါ တရံဖြတ်သွာြး ဖတ်လာရှိကြသည်၊ ညောင်ပင်စုစုတွင် အပန်းဖြေ အနားယူကြသည်၊ စုဝေးမိလျှင် ပူဇော်နည်းများ တိုင်ပင်နှီးနှောကြသည်၊ တခါတရံသူတို့၏ ငြင်းခုံသံတို့သည် တောလုံးညံ လျှက်ရှိနေတတ် သည်၊ ကဿပ ညီနောင်တို့လည်း ရံဖန်ရံခါ စုဝေးမိတိုင်း သူတို့ တွေ့ကြုံရသမျှသော တိုးတက်မှုဆုတ်ယုတ်မှုတို့ကို တိုင်ပင် နှီးနှောလေ့ရှိကြသည်၊ ဂယာရွာလေးသည် ယောဂီ သူတော်စင်များ၏ ခြေရာတို့ဖြင့် အထပ်ထပ်လူးလျှက် အေးချမ်းနေသည်၊
          အလောင်းတော်သည် ဂယာသို့ရောက်ပြီး ဗောဓိပင်ခြေတွင် ကမ္မဌာန်းရှုဆင်ခြင်သုံးသပ်ကာ အတု မဲ့ဉာဏ်တော်ရှင်ဖြစ်တော်မူခဲ့သည်၊ ထို့နောက် အနီးအပါးရှိ ကဿပညီနောင်တို့ကို ခဏထားပြီး ဗာရာဏသီ မိဂဒါဝုန်တောသို့ကြွမြန်းပြီး ပဉ္စ၀ဂ္ဂီတို့အား ဓမ္မစကြပ၀တ္တနသုတ်တော်နှင့် အနတ္တလက္ခဏ သုတ်တော်တို့ကိုဟောမြွက်သည်၊ ဂယာသို့ပြန်ကြွတော်မူလာသည်၊ ကဿပညီနောင်တို့အား တရား မြွက်ကြားတော်မူသည်၊ တရားဆုံးလျှင် ‘ အရှင်သာလျှင် အကြီးအမြတ်ဆုံးပါ ’  ဟုထုတ်ဖော်ဝန်ခံပြီး ကဿပညီနောင်တို့သည် ဗုဒ္ဓဘုရားရှင်း၏ တပည့်သား သာဝက ဘိက္ခု အဖြစ်ခံယူတော်မူခဲ့ကြသည်၊ ဘုရားရှင်သည် ရဟန်းတော် တစ်ထောင်တို့ကို ခေါ်ဆောင် တော်မူလျှက် ရာဇင်္ဂြဟ်သို့ ကြွတော်မူသည်၊ ဂယာရွာလေးသည် ယခင်က ယောဂီရသေ့ကြီးများ၏ ကျောင်း အိုလေးများနှင့် သူတို့အသုံး အဆောင်များတို့ သည်သာ ကြွင်းကျန်လျှက် အထီးကျန်ဆန်နေတော့၏၊ ဆိတ် ကျောင်းသားတို့၏ တေးသံကား မြိုင်ဆိုင်နေသေးသည်၊
          ဘုရားရှင်သည် ဂယာရွာလေးသို့ ပြန်ကြွသည် မရှိတော့ပါ၊ လူသားတို့ပူဇော်ရန် ဗောဓိပင်မြတ်ကို ကားထားတော်မူခဲ့သည်၊ အခွင့်အခါသင့်လျှင် ဂယာရွာလေးရှိ ဗောဓိပင်ကို ချစ်သား ချစ်သမီးတို့ သွားရောက် ဖူးသင့်သည့် အရာများတွင် တစ်ပါး အပါအ၀င်ဖြစ်ကြောင်း ဟောပြတော်မူလေ့ရှိသည်၊ ဂယာသို့ ကမ္ဘာအရပ်ရပ်က လာကြသည်၊ ဗောဓိညောင်ရိပ်တွင် တရားဖြင့် အပန်းဖြေကြသည်၊ လွမ်းမောဖွယ် ကောင်းလှသည်၊ လွမ်းမောခြင်းတွင် အငြိမ်းဓာတ်တို့ ခိုဝင်နေတတ်ပြန်သည်၊

ကြည်နူးခြင်း ညနေ



ရှေးခေတ် အခါကတည်းက ပါဠိစာပေတွင် စံတင်လောက်သောပုဂ္ဂိုလ်များလာရောက်ပြီးမတ်ဗုဒ္ဓ ပိဋကတ်များကို လေ့လာရသော နေရာမြတ် သီရိလင်္ကာနိုင်ငံသို့ ရောက်ခဲ့ရသည်၊ ဘုရားကြည်ညို သူများပေါ များသဖြင့် ကြည်နူးရသည်၊ ရိုးရာဓလေ့ကို မြတ်မြတ်နိုးနိုး ထိန်းသိမ်းထားသော ကြောင့် လေးစားမိသည်၊ နိုင်ငံ့ ရတနာသားကောင်း သားမြတ်များ ဖြစ်သော မထေရ်မြတ်တို့ကို အထင်ကရ  လမ်းမကြီးများပေါ်တွင် ရုပ်တုများထားရှိပြီး ဂုဏ်ပြုထားသည်မှာ မြတ်နိုးဖွယ်ကောင်းလှသည်၊ အုန်းပင်စိမ်းစိမ်းတို့ နှင့်သီးစုံပေါသည့် မြေ၊ချိုမြိန်သော အရသာနှင့် သာယာသော အငွေ့အသက်တို့ လွင့်ပျံ့ ခုန်မြူးနေသလို ထင်မိသည်၊
          ရဟန်းတော်များ သီတင်းသုံးရာ ကျောင်း ၀ိဟာများသည် သားသတ္တ၀ါများ အတွက် ဘေးမဲ့ပေးထား သော ဥယျာဉ်များပမာ၊ ဗောဓိပင်များတွင် တောမျောက်များ လာရောက်ကြသည်ကိုတွေ့ရသည်၊ တခါတရံ လူနှင့် လက်တကမ်းသို့လာရောက်ပြီး အစာ တောင်းတတ်သည်၊ အေးအေး ဆေးဆေးစားသောက်ပြီး လိုရာ ခရီးသို့ ဆက်လက်ထွက်ခွါသွားသည်မှာ အသိတစ်ယောက် လမ်းကြုံလို့ဝင်ရောက်ပြီး အကူအညီ တောင်းနေ သလိုမျိုးထင်မိသည်၊ တောမျောက်များ ဖွတ်သတ္တ၀ါကြီးများသည် လူကိုတွေ့လျှင် အလန့်တကြား မဖြစ်သလို လူကလဲ ကြမ်းကြမ်း တမ်းတမ်း မောင်းထုတ်လေ့ မရှိကြပါ၊
          ကျေးငှက်များ တေးသီနေသည်ကို အမြဲတွေ့ရသည်၊ လိပ်များ တရွေ့တရွေ့ညင်သာ သွားလာလှုပ်ရှား နေသည် တို့ကိုလဲ တွေ့ရသည်၊ လက်တကမ်းသို့တိုင် လာရောက်ပြီး အစာလုနေသော ကျေးငှက်များကို မြင် ရသည်မှာ လူနဲ့သူတို့အကြား ငြိမ်းချမ်းရေး တစ်ခုကို ထူထောင်ထားသလို ထင်မိသည်၊ ကျောင်းတလင်းတွင် ပြန့်ပြန့် ခင်း ထားသော သဲနုနုတို့သည် မနင်းရက်အောင် ရှိလှသည်၊ ဗောဓိပင်ခြေ အုတ် ပလ္လင်ပေါ်တွင် စံနေ တော်မူသော ရုပ်ပွားတော်အား ကပ်လှူပူဇော်ထားသော ပန်းတို့သည် လေအဝှေ့ တွင် သင်းသင်းပျံ့ပျံ့နှင့် ပတ်ဝန်းကျင်ကို ထုံသင်း ကြည်အေး မွှေးနေစေတော့သည်၊ ဘုရားရှင် ရုပ်ပွားတော် စံတော်မူရာ ဂန္ဓကုဋိတိုက် ဘေး ပတ်ပတ်လည် တွင်လည်း စိုက်ပျိုးထား သောပန်းပင်တို့က ပဏာတင့်လျှက် လင်္ကာသူ လင်္ကာသားများ၏ ကြည်ညို ပူဇော်ဟန်ကို အားတက် နှစ်သက်မိပြန်သည်၊
          အမေ အမေ ဆိုပြီး နောက်ကနေလိုက်လာသောသားငယ်၊ သမီးငယ်များ၏ ခေါ်လိုက် သောအသံသည် ရှိရှိသမျှ ပတ်ဝန်းကျင်ကို အစွမ်းကုန်လှစေသည် ထင်မိသည်၊ သူတို့သည် သူတို့ အမေကို အမ္မ ဟုပါဠိလို ခေါ် ကြသည်၊ နားထဲဝယ် အမေဟု မြန်မာသံ ပီပီသသဖြင့် ကြားရတတ်သည်၊ မြန်မာသံဖြင့် အမေလို့ ခေါ် လျှင်လဲ အမေက တော့ ထူးမည်ပင်ဖြစ်မည်၊ မေးကြည့်ဖူးပါသည်၊ ဟုတ်တယ်၊ သူတို့က အမေလို့ ခေါ်တာ ပါတဲ့၊
          ဘုရားဖူးလာတော့ နောက်က သားငယ်သမီးငယ်တွေက အမေနဲ့ အတူလာကြသည်၊ အမေက ဘုရား ရှိခိုးတော့သူတို့လဲ ရှိခိုးကြသည်၊ အမေ အမေနှင့်ခေါ်လိုက်သော အသံသည် မွှေးသင်းနေသော နံ့သာ၊ ဖြူလွလွသဲခင်း၊ ကျေးငှက်တို့၏ သီကျူးသံ၊စိမ့်အေးမြိုင်ဆိုင်နေသော ဗောဓိညောင်ရိပ်တို့ ထက်သာလွန် နေသ ယောင် ထင်မိသည်၊ ထိုသို့ကြည်နူးမိတိုင်း ကလေးဘ၀သို့ ခဏပြန်ရောက် သွားတတ်ပြန်သည်၊
          ကျောင်းထိုင် ဆရာတော်သည် ဘုရားဖူးရောက်လာသော သူတော်စင်တို့အား ဗောဓိပင်ကို မျက်နှာ မူ စေလျှက် ဗောဓိပူဇာ ဂါထာများကို သာယာညင်ပြောင်း ရွတ်ဆိုပူဇော်သည်၊ ရုပ်ပွားတော်ရှေ့ဆီက ဆီမီးရောင် တလက်လက်သည် စိတ်အစဉ်ကို ထက်မြက်စေသည် ထင်ရသည်၊ တည်ကြည် ငြိမ်းချမ်းနေသော သူတို့အသွင် အပြင် အမူ အယာသည် အေးဆေးလှသည်၊
          မနက်ခင်းလဲ မနက်ခင်းမို့ ကြည်နူးရသည်၊ နေ့လည်ခင်းပင် ဖြစ်နေစေကာမူ ဗောဓိပင်ခြေတွင် လာ ရောက်ပူဇော်ကြသော သူတော်စင်တို့သည် ငြိမ်းချင်းဘိသည်၊ ညဥ့်ဦးယံသည် အပူခပ်သိမ်း ချုပ်သိမ်း သွား သလို အေးချမ်းသော ပတ်ဝန်းကျင်နှင့် သူတော်စင်များ၏ အမူအယာများသည် အပြစ်ကင်း စင်ပြီး တည်ငြိမ် အေး ချမ်းခြင်းက ရှုမြင်ရသော သူတို့အား ရင်ကို ပီတိလွှမ်းစေ တော့သည်၊ အလိုအလျောက် ရင်တွင်း စိမ့်စိမ့် သာဓု ခေါ်မိသည်၊ ငြိမ်းချမ်းခြင်း ညနေချမ်းကို ကောင်းကင်ပြင်က လရောင် ဆမ်းတော့ လျှမ်းလျှမ်း တင့်တော့၏။