Pages

Tuesday, November 22, 2011

တောင်ကြီးသို့ အလည်တစ်ခေါက် ကိုယ်ရောက်တယ်



မောရှမ်းရဲ့အလှတောင်တန်များကို တစ်စတစ်စကျော်ခဲ့ပြီ၊ 
တစ်ရိပ်ရပ်ပြေးနေသော ကားလေးသည် ဘယ်ကွေ့ ညာယိမ်းဖြင့်၊ 
ညနေခင်းနေရောင်သည် မြူမှုံများအောက် တွင်ပျောက်ကွယ်တော့ မယောင်ဖြစ်ေ နပြီ၊ 

အရှေ့ လောကဓာတ်မှထွက်ပေါ်လာသော လမင်းသည်လဲ တောင်တန်းများတွင် မေးတင်နှုတ်ဆက်နေပြီ၊ လ၀န်းသည် တိပ်ပန်းချီနောက်ခံလျှက် တန်ဆောင်တိုင်ညကို လှစေဦးတော့မည်၊

အို..အို မြောက်ပိုင်းလမ်း လမ်းတွေက ဆိုးဆိုး… 
ကျင်းတွေပေါ…ဇောချွေးလေးများ ပျံနေအောင်မောင်းတယ်… 
တစ်ခါတစ်လေ ကုန်ချိန်များလို့ ......
လေးကျိုးရင်  ဒရိုင်ဘာ အိမ်ပြန်နောက်ကျခဲ့ရတယ်...
…
ဒီလိုလမ်းတွေနေမှာပါလို့ တွေးမိသည်၊ အောင်ပန်းရောက်တော့ ခဏနားကြသည်၊ မောရှမ်းအလှကို စတင် ခံစားနိုင်ပါပြီ၊ စိမ့်စိမ့်လေးအေးသည်၊ လမ်းဆင်းလမ်းတက်စုံလို့နေသည်၊ မြို့လေးကို နှင်းတွေရံထားသည်၊ ချိုင့်ဝှမ်းများတွင် မြူတွေဆိုင်းနေသည်၊ လိမ္မောခြံတွေဝေနေသည်၊ အရာအားလုံး တိမ်ပေါ်ရောက်နေ သည် ထင်ရသည်၊

တောင်ကြောစပ်တို့တွင် နှင်းတို့ဝေနေသည်၊ အဆင်း အတက် အပြိုင် အဆိုင်ဖြင့် မြွေလိမ် မြွေကောက် လမ်း တို့သည် အသဲတစ်ယားယားဖြင့် ချွေးပြန်စေသည်၊

ရိုးသားလှတဲ့ရှမ်းလေး.. စားတဲ့မထင်းဆန်း ကောက်ညှင်း ရှင်းရှင်းပြောတတ်တာ…တို့ရှမ်းပဲ…အညာသူရယ် … တောင်ပေါ်မြေမှာ ပဲပုပ်စားနိုင်ရင်.. လိုက်ခဲ့ပါ…

စိုင်းဆိုင်မော့ကလဲ သူ့ပြည်ကို ခေါ်နေပါသည်၊ တွေ့ရပါပြီ၊ မောတို့ပြည်ကို၊ မောတို့ပြည်သည် ကြယ် စင်တွေ ကုဋေကုဋာ နောက်ခံထားပြီး လှနေသည်၊ ကားလေးသည် အနိမ့် အမြင့် အဖုံဖုံဖြင့် ဖိုးရွှေလကို ခုန် နမ်းလိုက် တောင်ကြောတွေထဲပြေးပုန်းလိုက်နှင့် တောင်ကြီးမြို့တက်နေသည်၊ လူတွေစုံလှသည်၊

ဒုတိယမ္ပိ တောင်ကြီးမြို့ရောက်ပြန်ပြီ၊ လွန်ခဲ့သော လေးနှစ်ခန့်က တောင်ကြီးမြို့ကို ရောက်ဖူးသည်၊ အဲဒီတုန်းက အင်းလေးထဲရောက်သည်၊ ဇင်ယော်တွေကို အစာကြွေးသည်၊ ဖောင်တော်ဦး ဘုရားကို ဖူးကြ သည်၊ ဟဲယားရွာမ ကျောင်းနီကျောင်းက သူငယ်ချင်းများက လိုက်ပို့ပေးကြသည်၊  

အခုမီးပုံပျံလွှတ်ကြမည့် တောင်ကြီးကွင်းကို ရောက်ပါပြန်ပြီ၊ တစ်မျှော်တစ်ခေါ်ကား တန်းကြီးကို နှစ် နှစ် နာရီ ကျော် ကျော်ဖြတ်ရသည်၊ 
အဝေးကပင် ဟော မီးပုံးပျံ တစ်လုံးတက်လာပြီ၊ မီးရောင်စုံ တို့ဖြင့် ပြွတ်သီးနေသည်၊ 

မီးပန်းဆိုင်းကြီးကောင်းကင်းသို့ထိုးတက်သွားချေပြီ၊ သူနိုင်ငါနိုင် အပြိုင်ကြဲပြီ အော်ဟစ်အားပေးကြသည်၊ အပြိုင် အဆိုင်တီးလိုက်သော ဗုံ၊ မောင်း၊ လင်းကွင်းသံတို့သည် ပွဲခင်းကို တစ်သိမ့်သိမ့်တုန်းဟီးစေပြီး၊ ရင်ကို စည်းချက်ကျ တစ်ဒိမ်းဒိမ်း ခုန်စေသည်၊  

ကောင်းကင်သို့ ထိုးတက်သွားသော မီးပုံးပျံသည် အပြာရောင်ကောင်းကင်၊ ဘောငွေရောင်လမင်း၊ ကြယ် စင်များ တွဲရရွဲ၊ တိမ်ပန်းချီဇာတွန့် အလွန့်လွန့်ဖြင့် လှချင်းတိုင်းလှနေသည်၊

လမင်းကြီး ရင်ထဲပြိုဆင်းလာသည်၊ မီးကျည် မီးပန်းတို့ကောင်းကင်းထိုးတက်သွားကြသည်၊ ရှမ်းပျိုဖြူတို့ ကကြသည်၊ လင်းကွင်း၊ ဗုံ၊ မောင်း တစ်ဒိန်းဒိန်းသံသည် မိုးယံသို့ ပျံလွင့်နေတော့သည်၊ စည်းချက်ကျကျ က ခုန်လိုက်သောသူတို့ဟန်သည် မြေပြင်ကို တုန်းဟီးစေပြန်သည်။

အညာသူရယ်….. တောင်ပေါ်မြေမှာ…. ပဲပုပ်စားနိုင်ရင် လိုက်ခဲ့ပါ…..

Tuesday, November 1, 2011

သူတို့ မန္တလေး၊ ကျနော့် မန္တလေး

 ၁

‘အလွမ်း မပြေ မန်းမြေတမိတော့၊
ကမ်းခြေမှာ စမ်းရေစရယ်နဲ့၊
ဖြန်းလေကတစ်သုန်သုန်’

သူလဲတွေ့ဖူးကြုံဖူးလို့ရေးထားတာပါ၊ ကျုပ်လဲကြုံဖူးပါတယ်၊ ဒါပေမယ့် စာမစီခဲ့လို့ မကျန်ဖူးပြော ရင်ကြီး ကျယ်လိုက်တာပြောချင်ပြောနေမှာ၊ 

မန္တလေးမြို့ကြီးမှာ ဆယ်နှစ်ကျော်တောင်နေလာတာပဲလေ၊ တော်တော် များများတော့မှတ်မိပါတယ်၊
ရောက်ခါစက မန္တလေး၊ မတ္တရာက ကား နှစ်ဆယ်ပဲပေးရပါတယ်၊ အခုတော့ ထောင့်ငါးရာရှိတယ်၊
ဧရာဝတီကမ်းအရှေ့ဘက်က မြိုကတော်ဥယျာဉ်ဆိုတာ အဲတုန်းကဆောက်မလို့ ရှင်းလင်း နေတုန်း ရှိသေးတယ်၊ ဖွင့်ပွဲအနေနဲ့ လက်ဝှေ့ပွဲတောင်သွားကြည့်လိုက်ရသေးတယ်၊

ဧရာဝတီကမ်း ဘောင်ပေါ်က ကမ်းပတ်လမ်းဆိုတာလဲ ကျောက်ကြောလမ်းကြီးရှိသေးတယ်၊ အချောမသတ်ရသေးဘူး၊ အခု မန္တလေးမှာ နာမည်ကြီးနေတဲ့ view pointဆိုတာ အဲဒီတုန်းက ဘယ်ရှိ အုံးမှာလဲ ကျွဲတွေနဲ့သစ် တွေဆွဲနေ တာလောက် ပဲတွေ့ရသေးတယ်၊ ကလေးရောခွေးရော လူနဲ့ ဘုန်းကြီးတွေပါ လာရောက်ပြီး ဧရာရဲ့ ဆည်းဆာ အလှကို တစ်ဝကြီးခံစားလို့ရတယ်၊
အခုတော့ တာဝန်မှ အပမ၀င်ရဆိုသော ဆိုင်းဘုတ် ထောင်ထားပါတယ်၊ တိုးတက်နေတယ် ဆိုပေမယ့် နေရာတွေကျဉ်းကျဉ်းလာပါတယ်၊

လှတယ်လို့ပြောကြပေမယ့် အရောင်မတောက် တော့ဘူး၊ မန္တလေးမြို့ကြီးမှာဟိန်းထနေတဲ့ 28 ဈေးချို ဆိုတာ ဗွက်တောကြီးရယ်၊ တောင်နဲ့ မြောက်ဖြတ်ပြီး ဗုဒ္ဓတက္ကသိုလ်သွားနေကြမို့ မှတ်မိနေပါတယ်၊ သိပ်မကြာပါဘူး၊ မျက်လှည့်ပြလိုက်သလိုပဲ ဘွားကနဲ့ ဈေးချိုကြီးပေါ်လာတယ်၊ ပစ္စည်းတွေကလဲ စုံလို့ပဲ၊ 

တစ်ခါနှစ် လောက်လျှောက်ကြည့်ဖူးပါတယ်၊ အခုတော့ အပေါ်ကိုထိုးတက်သွားလိုက်တာ ၀ိန့်စိန်တာဝါ ကြီးနဲ့ နင်လာငါ အပြိုင်ကြဲနေပါတော့တယ်၊

တရုတ်တန်းနားက ဘူတာကြီးက မပြီးသေးဘူး၊ ဆောက်လုပ်ဆဲ အလုပ်သမားတွေနဲ့ ရှုပ်လို့၊ အခုတော့ နိုင်ငံခြားသား ခရီးသည် တွေနဲ့ ပြည့်နေပလား မပြောတတ်ဘူး၊ အမေရန်ကုန်ပြန်လာရင် သွားကြိုနေကြမို့ ဘူတာကြီးကို မော့မော့ ကြည့်မိတယ်၊ တော်တော်တော့မြင့်တယ်၊

 ၂
တစ်ချိန်ကတော့ မင်းတုန်းမင်းတရားကြီးရဲ့ ရတနာပုဉ္စပေါ့၊ 
သံဃာတော် အရှင်မြတ်တွေနဲ့ မြတ်ဗုဒ္ဓပိဋကတ် တော်တွေကို ကျောက်ထက် အက္ခရာတင်ပြီး ထွင်းထုရေးသားခဲ့ကြတာ ကမ္ဘာ့အံ့ဖွယ်တစ်ပါး အလားရှိနေပါတယ်၊ ကင်းဝန်မင်းကြီးစိုက်ပျိုးခဲ့တယ်လို့ ဆိုကြတဲ့ ခရေတန်းကြီးဆိုတာများ ထုံးဖွေးဖွေး ပိဋကတ်စေတီတော် များ အကြား သုံးရာသီလှနေ တတ်ပါတယ်၊

ကျုပ်လဲ ခရေတွေကောက်ဖူးပါတယ်၊ ဘုရားတင်လှူပူဇော်ဖူးတယ်၊ 
မိုးရွာတဲ့နေ့တွေ ခရေတောမှာကြုံရဖူးတယ်၊ ပျော်စရာလို့ ပြောရင် အခုတော့ လွမ်းစရာဖြစ်နေပြီ၊ 
ခရေ ရနံ့တို့ကတော့ သင်းပျံမွှေးကြူနေဆဲပါ၊ မြန်မာ့ဦး ကင်းမင်းသမိုင်းမှာ အနောက်ဘက်လွန် မင်းတရားဆိုတာ ရှိခဲ့ဖူးတယ်၊ 
အဲဒီဘုရင်မင်းတရားနတ်ရွာစံတော့ ဧရာဝတီမြစ် အနောက်ဘက်မှာဖြစ်လို့လို့ပြောကြပါတယ်၊ 

အဲလိုဆို မန်း ရတနာပုံရဲ့ နောက်ဆုံးဘုရင် သီပေါကို ဘယ်လို ပြောကြမလဲ၊ ဧရာဝတီမြစ်ရဲ့အောက် ဘက်မှာ၊ ချင်းတွင်းမြစ်ရဲ့အနောက်ဘက်မှာ၊ ရခိုင်တောင်တန်ကြီးရဲ့အနောက်ဘက်မှာ၊ ကုလာတန်မြစ်ရဲ့ အနောက် ဘက်မှာ၊ နောက်ဆုံး အရှေ့ဘက်က မန်း မြေကို ပြန်ခွင့်မရပဲ တိုင်းတစ်ပါးမှာပဲ ခေါင်းချ နတ်ရွာစံသွားတယ်၊

ဒါပေမယ့် အခုကျုပ်ပြောနေတဲ့ ရတနာပုံဆိုတာသူ (သီပေါမင်း) နန်းစိုက်ခဲ့တဲ့ရွှေမြို့တော်ကြီး၊ ဘယ်မှာပဲ လွန်လွန် မန္တလေးမှာတော့ အငွေ့အသက်တို့ ရှင်သန်နေဆဲ၊ ရွှေနန်းအဆောင်ဆောင်တို့ ဟည်းထ လို့နေဆဲ၊

နောက်တော့ အင်္ဂလိပ်တွေအုပ်ချုပ်ပြီးမင်းလုပ်ခဲ့ကြတဲ့မန္တလေးမြို့ပေါ့၊ အဲဒါကို မန်း တောင်တော်ထက်က စန္ဒမုခီဘီလူးမကတော့ကောင်းကောင်းသိမယ်၊ ရပ်တော်မူ လက်ညှိးထိုးကိုယ်တော်ကြီးလဲ သိတော်မူနိုင်ပါ တယ်၊

ပြည်ပရောက် မြန်မာတစ်ယောက်ကတော့ သူငယ်ငယ် ၁၉၇၀ ၀န်းကျင်က မန္တလေးညဈေးတန်းနဲ့ အငြိမ့်များကို လွမ်းကြောင်းရေးထားတယ်၊ အငြိမ့်မင်းသမီးကို ဇာတ်စင်ထောင့်ကနေ အဖော်တစ်သိုက်နဲ့ စကြနောက်ကြတာကို လွမ်းနေပါတယ်တဲ့၊

စာရေးဆရာကြီး သိန်းဖေမြင့်ထင်တယ်၊ မန္တလေးက အရင်လိုမဟုတ်တော့ဘူးတဲ့ ရေးတယ်၊ သူ့မွေးရပ်ဇာတိ ပုတလင်တစ်ဝိုက် မုံရွာနယ်နဲ့ ဘယ်လိုများကွာပါလိမ့် မသိနိုင်၊ ပူတာချင်းတော့ တူမှပါလေ၊

ကျုပ် မန္တလေးမြို့ကြီးကတော့ မနေ့တစ်နေ့ကလိုပါပဲ၊ စွဲစွဲထင်ထင်ရှိနေဆဲ၊ မန်းတောင်တော်ကို ဒီလို ဆောင်း တွင်းကြီး အဖော်တစ်သိုက်နဲ့ ရွှေကျင်တိုက်မကြီးဘက်နေတက်ခဲ့ ဖူးတယ်၊ မောလိုက် တာ ချွေး ပြိုက်ပြိုက်ကျတယ်၊ 

ဥပုသ်နေ့တိုင်း မန်းတောင်တော်ကို တက်ကြတယ်၊ ခြင်္သေ့ကြီးနှစ်ကောင် ကနေ  တက်သြလို၊ အရှေ့ဘက်စောင်းတန်းလို့ခေါ်ကြတဲ့ ဘိုးဘိုးကြီးနတ်နန်းက နေလဲတက်ကြတယ်၊ အရှေ့ဘက် စောင်းတန်း က တောရိပ် တောင်ရိပ်ပိုရတယ်၊ ကျုံးမြို့ရိုးကြီးနဲ့ ပိုနီးတယ်၊ နေ၀င်ချိန်တစ်မျိုး လှတယ်၊

လူထုဒေါ်အမာ ငယ်ငယ်က တူတူပုန်းတမ်းကစားခဲ့ဖူးတဲ့ ပိဋကတ်ကျောက်စာစေတီတော်တွေကို ကြည်ညိုရင်း ခရေပန်းကောက်၊ စေတီတော်တွေ အကြားလမ်းလျှောက်၊ တိမ်တောက်ညနေချမ်းကို ကြည့်ရင်း မန်း အလှ၊ မန်း ညတွေကို ဖြတ်သန်းဖူးတယ်၊

 ၃
ပြီးတော့ အငြိမ့်တွေကြည့်ဖူးတယ်၊

‘လေးစားချစ်ခင်ရပါသော ရွှေပွဲလာ’ လို့အော်လိုက်တဲ့ လူရွှင်တော်ကြီး ဦးချစ်စရာရဲ့ အသံ၊
...............
...............
ကောင်းကင်တွင် လ၀န်းသာနေသည်၊
ရွှေပွဲလာတို့ ကြိတ်ကြိတ်တိုးသည်၊
ဆောင်းခါနှင်းတို့ ဝေ့၀ဲပြိုဆင်း လာ သည်၊ 
မန်း ဆောင်းညများ တေးဆို ယိမ်းကသည်၊ 

Saturday, October 29, 2011

မွေးစားမှု


‘လူသားများဟာ လူသား ကမ္ဘာဦး အစကတည်းက ခွေးတွေကိုမွေးမြူပြီး၊ အမဲလိုက်ခြင်းကိစ္စတွေမှာ သုံးခဲ့ကြတဲ့ အထောက် အထားတွေကို တွေ့ရပါတယ်၊ လူတွေက အုပ်စုဖွဲ့ပြီး သားကောင်လိုက်ကြပါတယ်၊ လူတွေရဲ့ စားကြွင်းများကို ခွေးကစားပါတယ်၊ အဲဒီသဘောကို လွန်ခဲ့တဲ့ နှစ်ပေါင်း တစ်သိန်းထက်အကျော်က အထောက်အထားတွေ တွေ့နေရပါတယ်၊ နေထိုင်ရာမှာတော့ လူသားနဲ့ တိရိစ္ဆာန် ကွဲကွဲပြားပြားရယ်လို့ မရှိသေးပါဘူး၊ လူဦးရေလဲ အများကြီးမရှိသေးပါဘူး’

လူသားသမိုင်းကြောင်းပို့ချနေသော ပါမောက္ခသည် လွန်ခဲ့သော အနှစ်သိန်းပေါင်းများစွာက လူသားဘ၀ကို ရှင်းပြနေသည်၊

‘အဲ..တစ်ခုပြောစရာရှိနေတာက အဲဒီအချိန်က အစားအသောက် ကိစ္စအတွက် လူကခွေးကို မွေး ထားတာလား၊ ခွေးကလူကို မွေးတာလား သိဖို့လိုနေသေးတယ်၊ လူသားဘက်ကချည်းကြည့်ပြီး သမိုင်းရေး လို့ကတော့ ကျနော်ပြောခဲ့သလို လူကခွေးမွေးပြီး အမဲလိုက်တယ်လို့ပဲ အဖြေထွက်နိုင်ပါတယ် ကျန်တဲ့ အပိုင်းကတော့ ခင်ဗျားတို့ စဉ်းစားဖို့ပါ၊ ဒီနေ့တော့ ဒီလောက်ပါပဲ’

ပါမောက္ခအခန်းထဲမှ ထွက်သွားပြီ၊
ကျောင်းသားများ အတွေးကိုယ်စီဖြင့်ကျန်ရစ်သည်။

ယူနီဗာစီတီ လက်ချာ

              The Myanmar monks who were learning in Maghada University, India. (2011. batch)

မန်းမြို့ သာသနာ့တက္ကသိုလ် မဟာဌာနကြီးများရှိရာတွင် ဌာနတိုင်း၌ ပြင်ပဆရာကြီးများထံ တစ်ချိန် သက်ဆိုင် ရာဘာသာရပ် အလိုက်သင်ယူကြရသည်၊ 

ဝိနယမဟာဌာနတွင် ဆရာကြီး ဦးသန့်ဇင်သည် ထင်ရှားသည်၊ တက္ကသိုလ်ကြီး တည်ထောင်ခါစကပင် ပါဝင်ဆောင်ရွက်ခဲ့သည့် ပြင်ပဆရာကြီးဖြစ်သည်၊ လက်ရှိတွင်လဲ မန္တလေးမြို့၊ ချမ်းသာကြီး ဆန်လှူ အသင်းကြီး၏ ဥက္ကဌဖြစ်သည်၊

ဝိနည်းပိဋကလာအကြောင်းအရာများကို အာဂုမ် နှုတ်တိုက်ပြောဆိုရာတွင် စာလိုက်နေသော ရဟန်းတော် များပင် အံ့သြရသည်၊ ရှေးဟောင်း မြန်မာ့ စာတိုပေစတို့ကိုလဲ မမောမပန်းရွတ်ပြလေ့ရှိသည်၊ စာမေးပွဲ မပါပါဘူးဘုရား ဗဟုသုတပြောတာပါဆိုပြီး မနား တမ်းရွတ်ပြလေ့ရှိသည်၊ လက်ထဲတွင် မည်သည့် စာအုပ် ကိုမျှယူလာလေ့မရှိပါ၊

စာချစင်မြင့်ရောက်လျှင် အနီးဆုံး စာလိုက် ရဟန်းတော်တစ်ပါးထံမှ စာအုပ်ကို တောင်း ယူပြီးကြည့်လေ့ ရှိသည်၊ 'တင်ပ၊ ရပြီ၊ ရပြီ' ဆက်ရေးဆိုကာ မနားတမ်းပြောတော့သည်၊ ဆရာကြီးသည် ခေါ်ဟန် ထူးခြားသည်၊ စာလိုက်ရဟန်း တော်များကို ‘ဘုန်းဘုရား တို့’ဟုခေါ်လေ့ရှိသည်၊

ဆရာကြီးများပို့ချသော ဘာသာရပ်ကို ခေတ်လေ့လာနည်း ဟုခေါ်သည်၊ ရွတ်သင့်ရွတ်ထိုက်သော ပါဠိများကို နှုတ်တက်ရွတ်ပြသည်၊ လိုအပ်လျှင် အဌကထာလာ စကားရပ်များကို ထောက်ပြပြီး အကွက်ကျကျရှင်းပြ လေ့ရှိသည်၊ အဌကထာနည်းကဲ့သို့ အနက်တိုက်ရသော သဘော မျိုးမရှိပါ၊

ဆရာကြီးများပို့ချသော အကြောင်းအရာကို မှတ်မိလျှင် စာမေးပွဲဖြေဆိုနိုင်ပါပြီ၊ နန်းရှေ့၊ မန်း တက္ကသိုလ် ကြီးမှ 'သာသနတက္ကသီလဓမ္မာစရိယ'ဘွဲ့ပြီးနောက် သီရီလင်္ကာနိုင်ငံသို့ ပညာရေးခရီး ဆက်လက် ထွက်ခွာ လာသောအခါ ဆရာကြီးများ၏ ခေတ်လေ့လာနည်းဆိုသော ပို့ချနည်းမျိုးကို တွေ့ရပါ တော့သည်၊ 
အတန်း ထဲဝင်လာသော ပါမောက္ခ( professor) ကသိသင့်သိထိုက်သော အကြောင်း အရာများကို နှုတ် တိုက်ပြော ပြသည်၊ အထောက် အထား ပါဠိများကို ထုတ်နှုတ်ရွတ်ပြသည်၊ အယူအဆကို ပြောပြသည်၊

သို့သော် မြန်မာနိုင်ငံရှိ မန်း တက္ကသိုလ်ကြီးတွင် မြန်မာလိုသင်ပြီး၊ မြန်မာလိုလိုက်မှတ်ရခြင်းဖြစ်သည်၊ သူများ နိုင်ငံတွင်ကာ ဆရာဖြစ်သူက အင်္ဂလိပ်လိုသင်သည်၊ ကျောင်းသားကလဲ အင်္ဂလိပ်လိုလိုက်ပြီး မှတ်သား ရခြင်း ဖြစ်သည်၊ ဆရာဖြစ်သူကလိုက်ပြီးရေးလို့ မပြောပါ၊ ကိုယ်သဘောပေါက် သလို လိုက်ပြီး မှတ်နိုင်သည်၊

တစ်နာရီ ပို့ချသွားသော ဆရာ၏ ပို့ချမှု( Lecture)ကို စာလုံးရေ ငါးရာမျှခြုံငုံမိအောင်မှတ်နိုင်လျှင် တစ်နေ့ စာပို့ချမှုကို လိုက်နိုင်သည်ဟုဆိုနိုင်သည်၊ မြန်မာရဟန်းတော်များသည် ငယ်စဉ်ကပင် ရေး လိုက်ကြဦးစို့ပြောမှ လက်နဲ့ ဖောင်တိန်တွေ့တော့ သည်မို့၊ ဆရာ မပြောသရွေ့ရေးလေ့မရှိပါ၊ 

ဆရာ တပည့် အထာသိနေပြီ ဖြစ်သော သူတို့ကား ဆရာပြောပြသမျှကို နားထောင်သည်၊ ပြီးလျှင် လိုက်ပြီးရေး သည်၊ နုတ်( note) ထုတ် သည်၊ သင်တန်း တစ်ချိန်ပြီးလျှင် စာလုံးရေ ငါရားကျော် ခန့်ရေးသားပြီး ဖြစ်သည်၊

မြန်မာရဟန်းတော်အများစုကာ ပို့ချစဉ်ကို အသံဖမ်းယူ( recording) လုပ်ရသည်၊ ကျောင်းပြန်ရောက်လျှင် computerနှင့် အထပ်ထပ်နား ထောင်ပြီး စာလုံးရေ ငါးရာကျော် ခြောက်ရာ ရအောင် လိုက်ရေးရသည်၊ မြန်မာနိုင်ငံလို ဆရာဖြစ်သူက နှုတ်တိုက်ချပေးခြင်းမျိုး မဟုတ်သဖြင့် ကျောင်းသား၏ အမြင် အမျိုးမျိုးရရှိသည်၊ နှစ်သက်ရာရှုထောင့်က နှစ်သက်သလိုထုတ်ကြသည်၊ ထိုကျောင်းသားအမြင်ကို ရှုဆပြီး စာမေးပွဲတွင် အမှတ် ကွာခြားမှုဖြစ်တော့သည်၊

မြန်မာနိုင်ငံ မန္တလေးမြို့၊ သာသနာ့တက္ကသိုလ်ကြီးတွင် ခေတ်လေ့လာနည်းပို့ချသလိုမျိုးဖြစ်သည်၊ အကြောင်း အရာများကို နှုတ်တိုက်ပြောပြသည်၊ မီသလောက်လိုက်ရေးရသည်၊ မည်မျှမှတ်မိသည်ကို စာမေးပွဲတွင် တွေ့ နိုင်သည်၊ ထို့ကြောင့်ပင်ဖြစ်မည်ထင်သည်၊ သီရိလင်္ကာနိုင်ငံသို့ မထွက်မီ အတွေ့ အကြုံရှိ နိုင်ငံခြား ပြန် M,A. M, Phi. Ph,d. ဘွဲ့ရဆရာတော်များက နိုင်ငံခြားစာချနည်းသည် သာသနာ့တက္ကသိုလ်ကြီးများ၏ ခေတ် လေ့လာနည်းနှင့် တူကြောင်းပြောလိုက်ကြခြင်းဖြစ်သည်၊

မန်း တက္ကသိုလ်ကျောင်းသားဘ၀တွင် ခေတ် လေ့လာနည်းပို့ချသော ဆရာကြီးဦးသန့်ဇင် အမြဲပြောလေ့ ရှိသော စကားရှိသည်၊ ‘ဘုန်းဘုရားတို့ တပည့် တော်ပို့ချတဲ့ဘာသာရပ် မအောင်မှာမပူနဲ့ အခုတပည့်တော် ပြောတဲ့ဟာတွေသာ ပါအောင်သာ ရေးလိုက်ပါ၊ ဘယ်လိုရေးရေး ရပါတယ်၊ တပည့်တော်ပြောသလိုဟုတ်မှရယ် မဟုတ်ပါဘူး၊ ခံစားမိသလိုသာရေးလိုက်’ တဲ့၊

ဆရာကြီးသာတစ်ချိန်ပြီးလို့စင်မြင့်( stage) ပေါ်ကဆင်းသွားသည်၊ ဗလာစာအုပ်ထဲတွင် မှတ်စုမကျန်ပါ၊ ရင်ထဲ ကျန်မကျန် စာမေးပွဲနှင့် စမ်းသပ်ရပေတော့သည်၊ 

ကျုပ်ရင်ထဲ နည်းနည်းကျန်တယ်ဆိုနိုင်မယ်ထင်တယ်၊ ‘သာသနတက္ကသီလဓမ္မာစရိယဘွဲ့’ ရတဲ့အထိ အကျအရှုံး မရှိခဲ့ဖူးဘူးရယ်…
........................
အပိုလေးတောင်မှကျန်နေသေးတယ်၊
‘ဘုန်းဘုရားတို့ ဘာမှ မပူနဲ့၊ မှတ်မိသလိုသာချရေးလိုက်ပေတော့’ တဲ့။

Thursday, October 27, 2011

တွေးရခက်ကြီး

တိပိဋကများ၏ဖခင် မင်းကွန်းဆရာတော်ကြီးသည် ရန်ကုန်မြို့၊ မန္တလေးမြို့ကြီးများတွင် ကျမ်းရိုး သက်သက်ကိုသာမက ခေတ်ပညာ ပါသင်ပေးနိုင်သော သာသနာ့တက္ကသိုလ်ကြီးများကို တည်ထောင် တော် မူခဲ့သည်၊ မြန်မာနိုင်ငံ အထက်ပိုင်း မန္တလေးမြို့၊ နန်းရှေ့၊ ၆၂ လမ်းနှင့် ၁၂လမ်းထောင့်တွင် သာသနာ့တက္က သိုလ်ကြီးတစ်ခုရှိသည်၊

မန်း သာသနာ့တက္ကသိုလ်ကြီးသည် နန်းဦးတွင်တည်ရှိသည်၊ မင်းတုန်းမင်းတရားကြီးကောင်းမှုတော် အတုလဝေယံ ကျောင်းတော်နှင့် မျက်နှာချင်းဆိုင်တွင် ခန့်ထည်စွာတည်ရှိသည်၊ ပဉ္စမသင်္ဂါ ယနာတင်တော်မူရာ ကုသိုလ် တော်ဘုရားနှင့် မျက်စောင်းထိုးလေးတွင်ရှိသည်၊ ရတနာပုံရွှေမြို့တော်ကြီးကို မင်းတုန်းမင်း ဖန်ဆင်းတည် ထောင်စဉ်က နန်းဦးရပ်တွင် ကျောင်းတိုက်ပေါင်း တစ်ဆယ့်ရှစ်တိုက် ဆောက် လုပ်လှူဒါန်းတော်မူသည်၊

နန်းဦးရွှေကျောင်းအပါအ၀င် မှန်ကျောင်းစသည်တို့ဖြစ်သည်၊ မန်း သာသနာ့တက္ကသိုလ်ကြီးသည် ယခင် မင်းတုန်းမင်းကြီး ကောင်းမှုတော်ဖြစ်သော မှန်ကျောင်းနေရာတွင် တည်ထားသော ကျောင်းတော် ကြီးဖြစ် သည်၊ အဆောင်ပေါင်း ၂၂ ဆောင်ရှိသည်၊ ဘွဲ့နှင်းဆောင်၊ မော်ကွန်းထိန်းဆောင်၊ ပါမောက္ခချုပ်ဆောင်၊ ဌာန မှူးဆောင်၊ နာယကဆောင်စသည်ဖြင့် ခန့်ညားလှသည်၊

သင်ကြားရေးနှင့်ပတ်သက်ပြီး မဟာဌာနကြီး ခုနှစ်ဌာနရှိသည်၊
၁၊ ၀ိနယပိဋက မဟာဌာန၊
၂၊ သုတ္တန္တပိဋကမဟာဌာန၊
၃၊ အဘိဓမ္မပိဋကမဟာဌာန၊
၎၊ပါဠိဌာန၊
၅၊ မြန်မာစာဌာန၊
၆၊ အင်္ဂလိပ်စာဌာန၊
၇၊ ဗုဒ္ဓဒေသနာပြန့်ပွားရေးဌာန
တို့ဖြစ်သည်၊

စာသင်သားရဟန်းတော်များအကြားတွင် ‘၀ိ၊ သု၊ ဘိ၊ ပါ၊ မြန်၊ လိပ်စာ၊ ဒေသနာ ပြန့်ပွားရေး’ဟု အတိုကောက် ခေါ်ဆိုကြသည်၊ အခြားသော ဌာနဆိုင်ရာများလဲ ရှိသေးသည်၊

စနစ်တကျသင်ကြား၊ သင်ယူနေသော မန်း သာသနာ့တက္ကသိုလ်ကြီးသို့ မြန်မာနိုင်ငံဖွားတိုင်းရင်းသားများ လဲတက် ရောက်သင်ယူကြသည်၊ လေးနှစ်တာသင်ယူမှုပြီးလျှင် ‘သာသနတက္ကသီလဓမ္မာစရိယ’ဘွဲ့အတွက် ကျမ်းစာတစ် ဆောင်တင်ရသည်၊  သုတေသန သဘောကို လက်တွေ့ပြုလုပ်စေခြင်းဖြစ်သည်၊ ဝေဖန်ချက်၊ သုံးသပ်ချက်တို့ ကို သုတေသနကျကျတင်ပြခွင့်ရှိသည်၊

တစ်ခါကမြန်မာစာပေဌာနတွင်ဖြစ်သည်၊ တိုင်းရင်းသားရဟန်းတော်တစ်ပါး ‘သာသနတက္ကသီလဓမ္မာစရိယ’ ဘွဲ့အတွက် ကျမ်းစာတင်ရသည်၊ သူကျမ်းတွင် ရဟန်းတော်တစ်ပါး အကြောင်း တင်ပြထားသည်ကို တွေ့ ရသည်၊

‘မယားဟောင်းဖြစ်သူသည် သင်းပိုင်ကို လှန်ကြည့်ရာ ငါ၏ ယောင်္ကျားတည်းဟု သိ၍’ ရေး သား ထားလေသည်၊

ကျမ်းစစ်ဆရာတော်မှ ‘ငါ့ရှင်ဒီနေရာမှာ စာသဘောက သင်းပိုင် မဖြစ်နိုင်ဘူးထင်တယ်’စသည် ထောက်ပြ
လေသည်၊

ဤတွင် ကျမ်းစာရှင်တိုင်းရင်းသားကြီးက ‘ မှန်ပါ၊ တပည့်တော် အထောက်အထား ရှာတော့ဇာတ်တော် တစ်ခုကို မြန်မာလို ရေးထားတာတွေ့ရပါတယ်ဘုရား၊ အဲမှာရေးထားတာက မယာဟောင်းက ဆွမ်းခံကြွ လာသော မိမိယောင်္ကျားဟောင်းကို ‘တင်းတိမ် ‘လှန်ကြည့်ရာ ငါ၏ယောင်္ကျားတည်း ဟုသိ၍ လို့ပါ ပါ တယ်ဘုရား၊ စဉ်းစားကြည့်တော့ တင်းတိမ် မဖြစ်နိုင်လောက်ဘူးဘုရား၊ သင်းပိုင်သာဖြစ်နိုင် တယ်ဆိုပြီး သုတေသန သဘော အရပြင်လိုက်တာပါဘုရား’

‘လွဲလိုက်ပါဘိ ကိုယ်တော် 'သင်းပိုင်' လှန်ကြည့်လို့ ယောင်္ကျားမှန်သိတာ မဟုတ်ဘူးဗျ၊ တင်းတိမ်ဆိုတာ တပည့်တော်တို့ အခု ‘ကန့်လန့်ကာ ‘ကို ပြောတာဘုရား၊ ကဲပြင်လိုက်၊

မြန်မာစကားကို လိမ့်ပတ်မလည်သေးသဖြင့် ရေးလိုက်သော သုတေသနသဘောသည်  အတွေးရခက် ကြီးဖြစ်ခဲ့ ရဖူးပါသည်၊ 
 ..................
မန်း သာသနာ့တတ္ကသိုလ်တွင်….။

Tuesday, October 25, 2011

အမည်းကို ဖြူစေသူ

တစ်ခါတုန်းက ယောနယ်စပ်သို့ မိတ်ဆွေတစ်ပါးနဲ့အတူ ရောက်ဖူးပါသည်၊ မန္တလေးမြို့မှ ပခုက္ကူသို့ ကား စီး ရသည်၊ ပခုက္ကူတွင် လာရောက်ကြိုဆိုမည့်သူကို စောင့်ရာ ရောက်မလာသောကြောင့် ညနေပိုင်းနောက် ဆုံး ကားဖြင့် ပခုက္ကူ အနောက်ဘက်ရှိကမ္မသို့ ခရီးဆက်ခဲ့သည်၊ ကမ္မမှတစ်ဆင့်ကားဆက်စီးကာ မန်ကျီးသုံးပင် ဂိတ်တွင် ဆင်း ကြသည်၊

ညနေခင်းနေရောင်သည် ကွယ်လေပြီ၊ အမှောင်ရိပ်တို့ သိပ်သိပ်သည်းသည်းဖြစ်နေပြီ၊ ခရီးကား မဆုံးသေးပါ၊ မန်ကျီးသုံးပင်ဂိတ်မှသည် ဆက်လက်ပြီး သံဘိုရွာကိုဖြတ်ပြီး ထူးကြီးဆိုသော ရွာကို ခရီးဆက်ရမည်၊ ကား ပေါ်မှဆင်းပြီး ရှေ့ဆက်ရမည့် ခရီးစုံစမ်းကြရသည်၊

မှောင်နေပြီဖြစ်လို့ခရီးမဆက်ရန်ဒကာများက ပြောကြသည်၊ တစ်ညအိပ်ရန် ကျောင်းလျှောက်ပေးပါမည်ဟု
ရှေ့ခရီးမဆက်ရန်တားကြသည်၊ ခရီးကြမ်းသည် ဟုလဲပြောကြသည်၊
ကြမ်းသည်ဆိုခြင်းမှာထူးသည်၊ ခရီးလမ်းကြမ်းခြင်းလား သို့မဟုတ် တောခြောက်တောင်ခြောက်ကို ဆိုလိုခြင်း လားမသိဖြစ်ရသည်၊ စိတ်ထဲတွင် စွဲနေသော အတွေးတစ်ခုရှိနေသည်၊

ယောနယ်၊ ဤနယ်တစ်ဝိုက်တွင် သူစိမ်းတစ်ရံများကို နှောက်ယှက်တတ်သောသူများရှိသည်ဟု ကြားရလေ့ ရှိသည်၊ နှောက်ယှက်သည်ဆိုခြင်းမှာ ပြုစားတတ်သူများကို ပြောကြခြင်းဖြစ်သည်၊ အရပ်ပြော ပြောရလျှင် စုန်း၊ ကဝေများကို ပြောလိုရင်းဖြစ်သည်၊

သူတို့ပြောသော ကြမ်းသည် ဆိုခြင်းမှာ လမ်းခရီးကို ဆိုလိုခြင်းဖြစ်ကြောင်း သိရ သည်၊
မြွေများပေါ ကြောင်း ပြောပြသည်၊ ပြီးတော့ခရီးလဲ အတော်လှမ်းနေသေးကြောင်းပြောကြသည်၊ သူတို့တားသည်ကို ဂရုမစိုက်ပဲ ခရီး ကြားချိန်ဘယ်လောက်ရှိမည်ကိုသာ ပြောပါဟုမေးရာ တစ်နာရီကျော်ကျော်လောက်ပါပဲဟုပြောကြသည်၊ 
ညကိုးနာရီ မထိုးခင် ရွာရောက်မည်ဆိုက ခရီးဆက်မည်ဟု ပြောပြရာ ရောက်ပါသည်ဟု သိရသဖြင့် မှောင်ရီရီတွင် ခရီး ဆက်ခဲ့ကြသည်၊ ခရီးစတော့ ညပိုင်း ခုနှစ်နာရီထိုးလေပြီ၊ 

လှည်းလမ်း အတိုင်းခရီးဆက်ခဲ့ကြရာ ထန်းတောစုစု၊ တောပုပု လေး များကို ဖြတ်ကြရသည်၊
ရေခန်းခြောက်နေသော ဆည်များကိုလဲ တွေ့ရသည်၊ ညမှောင်မှောင်တွင် အဝေး ဆီမှ မီးရောင် လဲ့လဲ့ များကို တွေ့ရသည်၊ မိတ်ဆွေဖြစ်သူက သင်္ဘောကျင်းဟုပြောသည်၊ မဖြစ်နိုင်ပါ၊
ရေနံတူးသူများ သာဖြစ်နိုင်သည်၊ မီးရောင်သည် တစ်ချက်တစ်ချက် ထိန်းလင်းနေသည်၊

နာရီဝက်ကျော်ကျော်ခရီးရောက်လျှင် ရွာတစ်ရွာကိုတွေ့ရသည်၊ ရွာလည်လမ်းမအတိုင်း ခရီးဆက်ကြရာ တစ်ချို့ဒကာများ အိမ်ထဲမှ ထွက်ပြီး ဘယ်ကြွမလဲမေးကြသည်၊ ထူးကြီးကို သွားမလို့ ပြောရာ မကြာခင် ရောက်တော့မှာပါ အနောက်တည့်တည်ကို သွားဖို့မှာကြသည်၊ လှည်းလမ်းကြောင်း အတိုင်းလိုက်လျှင်ထူးကြီးရွာကို ရောက်ကြောင်းပြောပြကြသည်၊ ရေဘုဉ်းပေးသွားကြပါဦးဆိုကြသည်၊ 

သံဘိုရွာအလွန်တွင်ထန်းတောတစ်တောကိုတွေ့ရသည်၊
ဘေးပတ်ပတ်လည်တွင် ကွင်ပြင်းကြီးသာရှိသည်၊ ထန်းတောမှ မီးရောင်လဲ့လဲ့ကို မြင်ရသည်၊ လမ်းလေးသည် ထန်းတောတဲလေးသို့ ဦးတည်သွားသည်၊ အနီး ရောက်လျှင် ထန်းတောတဲ ထဲမှလူ တစ်ယောက်ထွက်လာသည်၊ ဘယ်သွားကြမှာ တုန်းမေးသည်၊ ထူးကြီးရွာ ကိုခရီးဆက်မည့် ဘုန်းကြီးတို့မှန်း သိရသောခါ သူ့တဲလေးသို့ မရမက ပင့်တော့သည်၊

ပတ်ဝန်းကျင်သည် တိတ်ဆိတ်ငြိမ်သက်နေလေပြီ၊ တောခြောက်တာတော့ မဖြစ်တန်ကောင်းပါဘူး၊ သူ့တဲလေး ထဲတွင် မီးရောင်က ကြီးစိုးနေသည်၊ ထန်းရည်နံ့ရသည်၊ 

တဲအရှင်လင်မယားသည် နေရာထိုင်ခင်း သေသေ ချာချာခင်းပေးသည်၊ ထန်းလျှက်နှင့်ရေနွေးကြမ်းကပ်သည်၊ သူတို့ သားလေးဆုံးသွားသည်မှာ မကြာသေး ကြောင်းပြောပြသည်၊ ထန်းလျှက်လှူလိုက် ချင်သေးကြောင်းလဲပြောသည်၊ ဆက်ရမည့်ခရီးက မဆုံးသေး သောကြောင့် အပြန်ကြုံမှပဲ အလှူခံ မည်ဟုပြောခဲ့ရသည်၊ ထန်းတော်တဲတွင် ခဏနေပြီးနောက် ခရီးဆက် ခဲ့ကြပြန်သည်၊ 

တဲအရှင်ထန်းသမားသည် သူ့ထန်းတဲလေး အလွန်ထိလိုက်ပို့သည်၊ တဲထဲကမီးရောင် မှိတ်တုတ်သည် အဝေးတွင် ပျပျသာမြင်ရတော့သည်၊ လှည်းလမ်း အတိုင်းသွားလျှင် ရွာရောက်မည် ဆို သော ကြောင့်လှည်းလမ်းကို ကြည့်ရသည်မှာ မှောင်ရီရီတွင်ေ၀၀ါးနေတော့သည်၊

လှည်းလမ်းသည် ရိုးတစ်ခုထဲဆင်းသွားသည်၊ ချောင်းစပ်တစ်ခုဖြစ်မည်ထင်သည်၊ တစ်ရွာ လုံးမီး ရောင်မမြင်ရတော့ပါ၊ ရှေ့တွင် မည်းမည်း အုံ့အုံ့အဆောက် အဦးတစ်ခုကိုာ တွေ့ရသည်၊ မီးရောင်လဲ့လဲ့မြင်မိ သလိုလိုရှိသည်၊ ဓာတ်မီးဖြင့်ဝေ့ ကြည့်ရာ ဘုန်းတော်ကြီးကျောင်းဖြစ်နေသည်၊ ဆရာတော်တစ်ပါး တံခါဖွင့် ပေးသည်၊

‘ဟာ ဦးဇင်းတို့ အကြိုလွှတ်လိုက်တဲ့ဦးဇင်းနဲ့မတွေ့ကြဘူးလား’
'တင်ပ၊ မတွေ့ပါဘုရား'
‘မှောင်ကမှောင်နဲ့ မနက်ခင်းမှ ခရီးဆက်ခဲ့လဲ ပြီးတာပဲ၊ ကဲ ကြွကြွ၊

ခရီးပန်းနေပြီးကို ရိပ်မိသောကြောင့်ထင်သည် ဆရာတော်သည် စကား အထွေ အထူးမပြောတော့ပါ၊ အိပ်ယာ အပြင်ခိုင်းသည်၊
မကြာမီပင် ရုပ်ပွားတော်ရှေ့ဆီက ဆီမီးရောင်လဲ ငြိမ်းလေပြီ၊ တစ်ကျောင်းလုံးမှောင် မည်းနေ တော့သည်၊

မနက်လင်းမှ သိရသည်မှာ လမ်းညွှန်က လှည်းလမ်း အတိုင်းလိုက်ဖို့မှာလိုက်သဖြင့် လှည်းလမ်း ချည်းသာကြည့် မိခဲ့သောကြောင့် ရွာထဲ မ၀င်မိပဲ ရွာပတ်နေသော ရိုးထဲရောက်သွားခြင်းဖြစ်သည်၊ ဆရာတော်သည် ကျောင်း ပတ်ဝန်းကျင်ကိုလိုက်ပြရင်း တစ်နေရာ အရောက် ကုန်းမြင့်မြင့်ပေါ်မှနေ
ပြီးအနောက် ဆီသို့ ညွှန်ပြကာ

‘ဦးဇင်းတို့ ဟောဟို တောင်တန်းတွေဆိုရင် အောက်ရပ်အောက် ရပ်ရွာတွေဆီမှာကြားရလေ့ရှိတဲ့ ယော နယ်ဆိုတာပေါ့၊ တစ်စိမ်းတစ်ရံကို ဖျာနဲ့ကပ်အောင်ပြုစားတတ်တယ် စသည်ကြားဖူးတဲ့နယ်ပေါ့၊ မဟုတ်ပါဘူး၊ ယောသားတွေဖြူစင်ကြပါတယ်၊ သဘောလဲ အင်မတန်ကောင်းကြပါတယ်၊ နောက်များကြုံရင် လိုက်ပို့ချင် သေးတယ်’

ကြားဖူးပါသည်၊ တိပိဋက ဆရာတော် (ယော) ၏ ယော အကြောင်း၊
ဆရာတော် တိပိဋကအောင်ခါစက ယောဆိုသည်မှာ အမည်ကောင်း အနေအားဖြင့် မတွင်ကြယ်သေးကြောင်း၊ ဆရာတော်ကိုယ်တိုင် ယော ဆရာတော်ဟု အမည်ခံယူခြင်းကို တစ်ချို့ ဒကာများကဆရာတော်ကလဲ ဒီယောဆို တဲ့နာမည်က မကောင်းပါဘူး၊ တစ်ခြား ဟာလေး လုပ်စမ်းပါဟု ပြောကြသည်တဲ့၊

ဤတွင်ဆရာတော်က’ ...
'ဒကာကြီးရဲ့၊ ယောနယ်မှာမွေးတဲ့ဘုန်းကြီးက ယောဆိုတဲ့နာမည်ကိုစွန့် လို့ ဘယ် ဖြစ် မလဲ၊ ဒီအမည်က အစကတော့ တိပိဋက ဆရာတော်ချင်း မှတ်သားလို့ လွယ်ကူအောင် သူများတွေ ကခေါ်ကြ တာပါ၊ အခုတော့ ဘုန်းကြီးကိုယ်တိုင်လဲ ဒီအမည်ကို သဘောကြပြီး သုံးပါတယ်၊ အောက်လမ်း အမည်နဲ့ အမည်းရောင်ဖြစ်နေတဲ့ အမည်ကို အခုဘုန်းကြီးက တရားဟောတဲ့နေရာမှာရော၊ တရားစားအုပ်တွေ၊ တိပ်ခွေ တွေမှာပါသုံးပါတယ်၊ 
ဒါဟာအောက်လမ်းနည်းနဲ့ထင်နေတဲ့ အမည်းရောင် အမည်ကြီးကို အထက်လမ်း နည်းနဲ့ အဖြူရောင်ဖြစ်အောင်ပြောင်းလဲနေတာပဲပေါ့ဗျ’

ယောဆရာတော်စကား နာကြားမိသောအခါ ဘုရားရှင်၏’
ကမ္မုနာ ၀သလော ဟောတိ၊ ကမ္မုနာ ဟောတိ ဗြဟ္မဏော’
မိမိတို့လုပ်ဆောင်ချက်ကြောင့်သာ ယုတ်ညံ့သူ၊ ဖြူစင်သူဖြစ်ရ၏'ကို ရွတ်ဆိုမိသည်၊

ထူးကြီးရွာတွင် လေးရက်ခန့်နေပြီးနောက် မန္တလေးသို့ပြန်ခဲ့သည်၊ အပြန်လမ်းတွင် ထန်းတော တဲအရှင်က နှုတ် ဆက်သည်၊ ခရီးဝေးသေးသဖြင့် ထန်းလျှက် မလှူမခံ ခဲ့ရပါ၊
နောက်ကြုံရင်ဖြင့် ယောနယ်သို့ အလည်သွား ပါဦး မည်၊

Friday, October 21, 2011

ခန်းဆောင်စ ပ၀ါပါး

ဂစ္ဆာမိ ကာသိနံပုရံ အာဟဥ္ဆံ အမတဒုန္ဒုဘိံ

'ဥပက ငါဘုရား ကာသိတိုင်းရဲ့မြို့တော် ဗာရာဏသီကိုသွားမလို့၊ 
မသေရာရှာဖွေနေတဲ့သူတွေကို တရားစည်တော်ကြီးကို တီးပြမလို့လေ'

ဘုရားရှင်သည် သဗ္ဗညုတဉာဏ်တော်ကို ဂယာသီသတောင်တန်းကြီး အနီးက ရှေးဟောင်းဆာဒူးတို့ တရားရှာဖွေရာ အနီး ဗောဓိပင်အောင်တွင် ရရှိတော်မူခဲ့သည်၊ 

အလောင်းတော်သည် ဟိမာလယတောင်အနီးရှိ ရှိ အေးချမ်းသော သက္ကတိုင်းတွင် မွေးဖွားခဲ့သည်၊
ကိုယ်ကိုယ်တိုင် တိုင်းပြည်ကို အိမ်ရှေ့စံဘ၀ဖြင့် အုပ်ချုပ်ခွင့်ရနေသလို မိမိကိုယ်တိုင်လဲ ထီးနန်စည်းစိမ်၏ အုပ်ချုပ်မှု၊ ရာထူးအာဏာဆွဲဆောင်မှု၊ ယသောဓရာမိဖုရား၏ ဆွဲတောင်မှုများဖြင့် အကျဉ်းကျနေခဲ့သည်၊ 

အကျဉ်းစံဘ၀မှ လွတ်မြောက်ရန်ကြိုးပမ်းခဲ့သည်၊ လွတ်မြောက်ရန်လမ်းရှာနေခဲ့သည်၊ 
မိုးများသည်းသည်း မည်းမည်း အုံ့ဆိုင်းနေသော မိုးလညတစ်ညတွင် လမင်းထိန်ထိန်သာနေသည်၊ 

မနက်ခင်းက မင်းချင်းယောင်္ကျာများလျှောက်ထားသွားကြသည်၊ ယသောဓရာကြင်ရာမှ သားတော်တစ်ပါး ဖွားမြင်ကြောင်း၊ လွတ်မြောက်ရန်လမ်းရှာနေသော မိမိအတွက် နှောင်တွယ်မှု နောက်တစ်မျိုးတိုးလာပြန်ပြီ၊ ဒီတစ်ခါမရုန်းလိုက်ရင်ဖြင့် တစ်သက်လုံး မြှုံးမိရချေတော့မည်၊ 

ယသောဓရာဆောင်ခန်းတွင် မီးရောင်လဲ့လဲ့မြင်ရသေးသည်၊ သားတော်လေးကို ချော့သိမ့်နေမည်
လားတွေးမိသည်၊ သန်းခေါင်ချဉ်းလုပြီ၊ ယသော့်ဆောင်ခန်းတွင် ဆီမီးအိမ်တို့ငြိမ်းလေပြီ၊ ညနက်ပုရစ်တို့ တဂျစ်ဂျစ်အော်မြည်နေကြသည်၊ 

မိမိအိပ်ယာဆောင်ခန်းတွင် ညဥ့်ယံစောစောက မမောမပန်းကကြိုးဆင်ခဲ့ကြသော လှယမင်းတို့ အပျက်ပျက် အယွင်းယွင်းဖြင့် ညအခင်းကို အကျည်းတန်စေလေပြီ၊

ယသော့်ဆောင်ခန်းသို့လှမ်းခဲ့ပြီ၊ သားတော်လေးကို ပွေ့ပိုက်လျှက် အိပ်စက်နေသော မယ်ယသော်၊ လူ့လောကကြီး၏ မာယာ လှည့်ကွက်များကို မြူဆံမျှမသိရသေးသော သားတော်လေးသည် ညဥ့်နက်နက်အောက်က အလင်းပျပျတွင် ထင်းထင်းကြီးလှနေသည်၊ သားတော်ကို ပွေ့ပိုက်လိုက်ချင်ပါဘိ၊

ရုန်းအားနှင့် ဆွဲအားလုံးလား ထွေးလားဖြစ်နေသည်၊ လက်ဖြင့် မတင်ထားသော ခန်းဆောင်စ ပ၀ါပါးလေးကို ပြန်ချလိုက်ပြီ၊ မယ်ယသော်နှင့် သားတော်လေး မျက်နှာတို့ကို ဖုံးကွယ်သွားလေပြီ၊ ခန်းဆောင်စ ပ၀ါပါးဖြင့် ဘ၀တွေခြားလိုက်ပြီ၊