Pages

Thursday, August 23, 2012

သက်သတ်လွတ်



အိန္ဒိယနိုင်ငံတွင် ပေါ်ပေါက်သမျှသော ကိုးကွယ်ရာ ဘာသာတရားတိုင်းသည် မသတ်ဖြတ်၊ အညှဉ်းဆဲရေး ဟူသော အဟိံသာဝါဒကို လက်ကိုင်ထားကြသည်။ သူတစ်ပါး အသက်ကို မသတ်ဖြတ်ရဟူသော စည်းကမ်း ချက်ပါကြသည်ချည်း ဖြစ်သည်။ ဟိန္ဒူဘာသာ၊ ဂျိန်းဘာသာ၊ ဗုဒ္ဓဘာသာ၊ ဆစ်ခ်ဘာသာ တို့အပြင် ထိုလေးပါးမှ ဆင့်ပွား လမ်းစဉ်များသည်လည်း အဟိံသာဝါဒကိုင် လက်ကိုင်ထားကြသည်။

ရှေးအကျဆုံး ဟိန္ဒူဘာသာသည် အသက်သတ် ယဇ်ပူဇော်သော အကျင့်များကျင့်သုံးခဲ့သော်လည်း ဂျိန်း ဘာသာ၊ ဗုဒ္ဓဘာသာတို့၏ အယူအဆများ ရောထွေးလာသောအခါ သတ်သတ်လွတ်စားကျင့် သုံးသူများရှိ လာကြသည်။ ဗုဒ္ဓ၀ါဒ၏ အသက်မသတ်ရဟူသော လမ်းစဉ်သည် ကမ္ဘာကျော်သည်။

အိန္ဒိယနိုင်ငံကြီးမှ ကမ္ဘာသို့တင်ပို့သော အိန္ဒိယထွက် အရာများတွင် ဗုဒ္ဓဘာသာသည် အမြင့် အမြတ်ဆုံး ဟု ဆိုကြသည်။ ဗုဒ္ဓနှင့် ခေတ်ပြိုင် ဂျိန်းဝါဒသည် ဗုဒ္ဓဘာသာလောက် ကမ္ဘာမပေါက်သော် လည်း ပြည်တွင်း တွင် ဗုဒ္ဓ ဘာသာထက် ကျယ်ပြန့်သည်။

ယနေ့အိန္ဒိယသားများ ကျင့်သုံးနေသော အဟိံသာဝါဒသည် ဂျိန်းဘာသာကို အခြေခံထားခြင်းဖြစ်သည်။
အိန္ဒိယ လွတ်လပ်ရေးခေါင်းဆောင်ကြီး မဟတ္တမဂန္ဓီသည် ဂျိန်းလမ်းစဉ်ကို လိုက်နာသူ အဖြစ်ထင်ရှား သည်။ ခြိုးခြံစွာနေထိုင်သည်။ သက်သတ်လွတ်စားသည်။ ဗြဟ္မဏစရိယ အကျင့်ကို ကျင့်သုံးသည်။ ဂန္ဓီ သည် ငြိမ်းချမ်းရေး ဗိသုကာကြီး အဖြစ်ကမ္ဘာကျော်သည်။

ကိုးကွယ်ကျင့်သုံးရာ ဘာသာတရားများစွာ ပေါ်ပေါက်ရာ အိန္ဒိယလမ်းများပေါ်လျှောက်လှမ်းမိစဉ် မေးခွန်း တစ်ချို့ရခဲ့သည်။

ဘယ်ကလာတာလဲတဲ့၊
မြန်မာနိုင်ငံကလာပါတယ်လို့ဖြေလိုက်ပါသည်။

ဘယ်ဘာသာတရားကိုးကွယ်တာလဲ မေးကြပါသည်။
ဗုဒ္ဓဘာသာကို ကိုးကွယ်ပါတယ်လို့ ဖြေလိုက်ပါသည်။

သူတို့က သေချာကြည့်ပြီး အော်..ဒါဆို သက်သတ်လွတ်သမားတွေပေါ့နော်တဲ့။
ဗုဒ္ဓဘာသာတော့ ဟုတ်ပါတယ်၊ ဒါပေမယ့် မင်းတို့ပြောသလို တို့က သက်သတ်လွတ်တော့ မဟုတ်ပါဘူး လို့ ဖြေရှင်းပြရပါသည်။ ထိုသို့သော်ဖြေရှင်းချက်ကိုကြားရသော သူတို့သည် သေချာပြန်ကြည့်ပြီး…

ဟင် မင်းတို့က ဗုဒ္ဓဘာသာလို့လဲ ပြောကြတယ်။ သက်သတ်လွတ်စားသူတွေ မဟုတ်ဘူးဆိုတော့ ဘယ်လို လဲ လို့ ဆက်မေးကြပါသည်။ ဗုဒ္ဓလမ်းစဉ်ကို သက်သတ်လွတ်လို့ထင်ကြသည်။

ဤမေးခွန်းသည် အိန္ဒိယနိုင်ငံလိုနေရာမျိုးမှာမှ မဟုတ် ဗုဒ္ဓဘာသာကို ခိုင်မြဲစွာကျင့်သုံးသော မြန်မာနိုင်ငံ တွင် လည်း ရှိကြသည်။ မေးကြသည်။ ဖြေခဲ့ကြသည်။ သက်သတ်လွတ်ကို ဘာသာစံနှုံးများနှင့် တိုင်းတာကြ သည်။ ဘုရားဟောအလား ယုံကြည်ကြသည်။ 

လူ့အခွင့်အရေး ထင်ရှားသလို၊ အနောက်တိုင်းနိုင်ငံများတွင် တိရစ္ဆာန်အခွင့် အရေးဆိုကာ တိရိစ္ဆာန်မှ ထုတ်လုပ်ရရှိနိုင်သော ပစ္စည်း၊ အသုံးအဆောင်များကို လူများ မသုံးရေး ဆန္ဒပြကြွေးကြော်ကြသည်။

ကမ္ဘာ့လူသားများ အရေးတကြီးဆောင်ရွက်နေသော ဤအရေးကြီးကို ဗုဒ္ဓဘာသာက အထောက်အကူ မပြုရကောင်းလား လုပ်ချင်ကြသည်။ ဗုဒ္ဓဘာသာနှင့် မဆိုင်ပါ။ အလွန်သမားများ၏ လုပ်ဆောင်ချက် သာ ဖြစ်သည်။ အလွန်သမားများ၏ ကြွေးကြော်ချက်သာဖြစ်သည်။ 

ဗုဒ္ဓ၀ါဒသည် သက်သတ်လွတ်စား သုံးခြင်းကို ဥပဒေတစ်ခု အဖြစ် မသတ်မှတ်သော်လည်း အငြိမ်း အချမ်းဆုံးဘာသာတရားတစ်ခုဖြစ်ကြောင်း လေ့လာ လိုက်စားသူများသိကြသည်။

မြန်မာနိုင်ငံတွင် ရဟန်းတော်များပါ သက်သတ်လွတ်ကို တရားတော်ကြီး တစ်ပုဒ်လို ပြဓာန်းကျင့်သုံးကြ သည် ကြားဖူးပါသည်။

သက်သတ်လွတ်သည် ဘုရားဟော မဟုတ်သည်ကတော့ သေချာပါသည်။ သက်သတ်လွတ် စားပြီး နေ ထိုင် ကျင့်သုံးဖို့တောင်းဆိုချက်ကို ပယ်မြစ်ခဲ့သည်မှာလည်း သေချာပါသည်။ စာရှိသည်။

ရာဇဂြိဟ်တွင် ဘုရားရှင်သီတင်းသုံးနေစဉ်ကဖြစ်သည်။ ဘုရားရှင်နှင့် စင်ပြိုင်ထောင်ပြီး ဘုရားလုပ်လိုသော ရှင်ဒေ၀ဒတ်သည် ဘုရားရှင်ထံတော်သို့ရောက်ပြီး ဘုရားရှင် ပညတ်တော်မမူနိုင်သည်ကို သိလျှက်နှင့် ရဟန်း တော်များ အလည်တွင် ရည်ရွယ်ချက်ရှိရှိ အချက်ငါးချက်တောင်းဆိုသည်။ 


၁၊သာသနာတော်ရှိရဟန်းတော်များ ရဟန်းဘ၀နှင့်နေသမျှ ကာလပတ်လုံး တောတွင်နေထိုင်သီတင်း
သုံးရမည်။
အကယ်၍ ရွာသို့ဝင်ခဲ့သော် အပြစ်ဖြစ်ရမည်။ အပြစ်အဖြစ်ပညတ်ပေးရမည်။

၂၊ ရဟန်းတော်ဘ၀တစ်သက်တာလုံး ဆွမ်းခံစားရမည်ဟူသော ပိဏ္ဍပါတိက ဓုတင်ဆောင်ရမည်။
ပင့်ဖိတ်ဆွမ်းအလှူခံဘုဉ်းပေးပါက အပြစ်အဖြစ်ပညတ်ပေးရမည်။

၃၊ ရဟန်းတော်ဘ၀တာ တစ်လျှောက်လုံး အ၀တ်အထည်ရှာပြီး ကိုယ်တိုင်ဖြတ်၊ စပ်၊ ဆေးဆိုးပြီးမှ ၀တ်ရသည့် ပံသုကူဓုတင်ဆောင်ရမည်။ အလှူခံ၍ ဆောင်ခဲ့သော် အပြစ်ဖြစ်ရမည်။

၎၊ ရဟန်းတော်ဘ၀တစ်လျှောက်လုံး သစ်ပင်ရင်းမှာ သီတင်းသုံးရမည်ဟူသော ရုက္ခမူလဓုတင်ဆောင် ရမည်။ မဆောင်ခဲ့သော် အပြစ်ဖြစ်ရမည်။

၅၊ ရဟန်းတော်သည် အသက်ထက်ဆုံး အသား၊ ငါးရှောင်ရမည်။ မရှောင်ခဲ့သော် အပြစ်ဖြစ်ရမည်။
(ယာဝဇီဝံ မစ္ဆမံသံ န ခါနေယျုံ၊ ယော မစ္ဆမံသံ ခါဒေယျ၊ ၀ဇ္ဇံ နံ ဖုသေယျ။)

နောက်ဆုံးအချက်ငါးချက်မြောက်သည် အသား၊ ငါးမစားရဟူသော ပညတ်ချက်ကိုတောင်းဆိုခြင်းဖြစ်သည်။
ဘုရားရှင်သည် အထက်ပါ အချက်ငါးချက်လုံးကို တောင်းဆိုသည့် အတိုင်း ပညတော်မမူခဲ့ပါ။

ဤသို့ဆိုလျှင် ဘုရားရှင်က အသား၊ ငါးစားချင်တိုင်စားဟူသော သဘောမျိုး ရှိသလားမေးစရာရှိ လာပြန် သည်။

ဘုရားရှင်၏ အသားစားခြင်းနှင့်ပတ်သတ်ပြီး...
အသားသည် မိမိတို့အတွက်သတ်တာမြင်လျှင် မစားရ။ (ဒိဋ္ဌ)
မိမိတို့အတွက်သတ်တာဟုကြားလျှင်လည်း မစားရ။ (သုတ)
မိမိတို့အတွက် သတ်တာများလားဟု သံသယရှိလျှင်လည်း မစားရဟုသာ ပညတ်သည်။ ( ပဋိသင်္ကိတ)

မိမိတို့ အလိုဆန္ဒအရ မကြိုက်၊ မတဲ့၊ ဆန္ဒ မရှိ၍ အသား မစားခြင်းများည် ခြင်းသည် မိမိတို့ အယူအဆ သာဖြစ်သည်။ ဘုရားဟောမှတ်ထင်ကာ လိုက်နာကျင့်သုံးလျှင် မဟုတ်ပါ။

ရင့်ရင့်သီးသီး ဒေ၀ဒတ်နောက် လိုက်များဟုလည်း မပြောလိုပါ။ မိမိတို့၏ သမ္မာဆန္ဒအရ ကျင့်သုံးနိုင်သည်။ သက်သတ် လွတ်စားခြင်းကို ဘုရားဟော မဟုတ်ဟုသာ သိစေခြင်းလိုဖြစ်သည်။
သက်သတ်လွတ်စားခြင်းကို ဟိန္ဒူလမ်းစဉ်လိုလို၊ နတ်ဟောလမ်းစဉ်လိုလို၊ တစ်ချို့ပြောကြသေးသည်။


ခေတ်သစ် ဗုဒ္ဓဘာသာလိုလို၊ ငြိမ်းချမ်းရေးသမားလိုလို ဖြစ်နေကြ၍ ဖြစ်ပါသည်။ ဆိုနေကြ၍ဖြစ်ပါသည်။ အသား၊ ငါး စားခြင်း ကိစ္စသည် ဘုရားရှင် အလိုအတိုင်းသာ အကောင်းဆုံးဖြစ်သည်။

မဇ္ဈိမလမ်းစဉ်တွင် လျှောက်လှမ်းနိုင်ကြပါစေ။ 


Wednesday, August 15, 2012

ကန်တော့ ဆွမ်း


အိန္ဒိယနိုင်ငံဆိုတာ ဗုဒ္ဓဘုရားရှင်ပွင့်ထွန်းတော်မူပြီး၊ သစ္စာတရားဟောကြာနေရာမြတ်ဖြစ်သလို၊ တပည့် သားသာဝကပေါင်းများစွာဖြင့် ဂင်္ဂါမြစ်ဝှမ်း တစ်ခွင် လှည့်လည်တော်မူရင်း ဆွမ်းခံပြီး အာဟာရ အတွက်မျှ တ တော်မူတယ်လို့ ပိဋကတ်စာပေတွေမှာ လေ့လာရတော့ ကြည်နူးရပါတယ်။

အိန္ဒိယနိုင်ငံကြီးရောက်တုန်း အခွင့်သာခိုက် မဇ္ဈိမသားတို့ဆီ ဆွမ်းခံကြွပြီး ဆွမ်းရှာမယ်ဆိုပြီး ရွာလေးတစ် ရွာရောက်တော့ သင်္ကန်း ပြင်ဆင်ဝတ်ရုံပြီး သပိတ်ပိုက်ကာ လမ်းဘေး အိမ်တစ်အိမ်ရှေ့နား ၀င်ရပ်လိုက်ပါ တယ်။ အိမ်ရှေ့နား ဆော့ကစားနေတဲ့ ကလေးတွေ ထွက်ပြေးပြီး အိမ်ထဲဝင်ပုန်းကုန်ကြပါတယ်။ ဘယ်လိုဖြစ် တာလဲပေါ့။

နောက်တော့ ဘာမှမပြောပဲ ဆက်ရပ်နေလိုက်ပါတယ်။ ခဏကြားတော့ ကလေးတစ်ယောက် ချပါတီသေး
သေး လေးတစ်ခု ယူပြီး သပိတ်ထဲ ပစ်ထဲ့ပြီး အိမ်ထဲပြန်ဝင်ပြေးသွားပါတယ်။ 


အထက်ပါ စကားလေးသည် ထေရ၀ါဒဗုဒ္ဓသာသနာတော်သို့ ၀င်ရောက် ရဟန်းပြုလာသော အမေရိက ရဟန်း တော်ကြီးတစ်ပါး၏ အိန္ဒိယဆွမ်းခံ ဇာတ်လမ်းဖြစ်သည်။

နိုင်ငံ၏ လူဦးရေ သုံးပုံပုံလျှင် နှစ်ပုံခန့်သည် ဗုဒ္ဓဘာသာဝင်များဖြစ်ခဲ့ကြ သည်ဆိုသော အိန္ဒိယနိုင်ငံကြီးသည် ယနေ့ကာလ တစ်ချို့နေရာများ၌ ပြည်တွင်းဖြစ်၊ ပြည့်ရင်နှစ် စစ်စစ်ဖြစ်သော ဗုဒ္ဓသားတော် ရဟန်းတော် တို့ကို တစိမ်းဆန်နေကြသည်။ ကန်တော့ဆွမ်းကို မပြောချင်ကြတော့။

ဗုဒ္ဓဘုရားရှင် ပွင့်ထွန်းတော်မူပြီးနောက်ပိုင်း အိန္ဒိယနိုင်ငံကြီးသည် နိုင်ငံအသီးသီးက လူမျိုး အသီးသီးတို့၏ ဘုရင်များ၏ အုပ်ချုပ်ခြင်းကို ခံခဲ့ရသည်။

တစ်ခါသော် အိန္ဒိယနိုင်ငံကြီးကို ဂရိမင်းတစ်ပါးအုပ်ချုပ်သည်။ ထိုမင်းသည် ဘာသာဝါဒစူးစမ်းလိုသော ဆန္ဒရှိ သည်။ မိမိတို့ တိုင်းပြည်ရှိ ဂရိနတ်ဘုရားများနှင့် အိန္ဒိယပြည်တွင်းဖြစ် ဗုဒ္ဓ၀ါဒကို နှိုင်းယှဉ်ပြီး စူးစမ်းလေ့လာ သည်။ ဗုဒ္ဓသာဝကများကို မေးမြန်းစစ်ဆေးသည်။

ထိုမင်းကြီး၏ မေးမြန်းချက်ကို သဘောကျလက်ခံအောင် ဖြေဆိုနိုင်သော ရဟန်းတော်မတွေ့ဖြစ်နေသည်။ မင်းကြီးသည်လည်း တွေ့သည့်နေရာက ရဟန်းတော်များကို မေးမြန်းသည်။ မင်းကြီး၏ မေးမြန်းချက်ကို မဖြေနိုင်သော်အခါ” ဇမ္ဗူဒိပ်ကျွန်းသည် အချည်းနှည်းပဲ။ ဇမ္ဗူဒိပ်ကျွန်းသည် အနှစ်ကင်းပြီ၊ သိလိုရာ ကို မေးမြန်း ရန်၊ ယုံမှားသံသကို ပယ်ဖျောက်ပေးနိုင်သော သမဏ၊ ဗြဟ္မဏ မရှိပြီ’ ဟု ငြီးတွားခဲ့ရသည်။ မင်းကြီး၏ ငြီးတွား သံကို ရဟန္တာအရှင်မြတ် အဿဂုတ္တ မထေရ်ကြီးကြားတော်မူသည်။

မင်းကြီး၏ မမေးကို သဘောကျ လက်ခံအောင် ရဟန်းတော်များက မဖြေဆိုင်နိုင်သော အခါ ဗုဒ္ဓသာသနာ တော် အတွက် အခက်အခဲကြုံရသည်။


ထိုအရေးကို သံဃာတော်များ စုဝေးတိုင်ပင်ကြသည်။ ထိုအရေးသည် သာသနာတော်တွင် သီတင်း သုံး နေထိုင်ကြသော ရဟန်းတော်တိုင်းနှင့် သက်ဆိုင်သည်။ သံဃာအလည်တွင် ဖြေရှင်းနိုင်မည့် ရဟန်းတော်ကို ရှာကြသည်။ ဖြေရှင်းနိုင်မည့် ရဟန်းတော်ကား မတွေ့ရပေ။

သို့သော် ပြဿနာ ဖြေရှင်းနိုင်မည့် သူကား နတ်ပြည်တွင်ရှိကြောင်းသိကြရသည်။ ဤသို့ဖြင့်ရဟန္တာ ရှင်မြတ် ကြီးများသည် နတ်သားကို သွားရောက်ပြီး သာသနာ့ ရန်စွယ်များ အကြောင်းကို ရှင်းပြကြသည်။ ဗုဒ္ဓသာသနာ တော်အတွက် လူ့ပြည့်တွင် ရောက်သန္ဓေယူရန် တိုက်တွန်းကြသည်။ နတ်သားသည် ၀မ်းပန်း တသာ လက် ခံသည်။

ဤသို့ ရဟန်းတော်များ သာသနာတော် အရေးဆွေးနွေး တိုင်ပင်ကြသည့် သံဃာ့ အစည်းအဝေး သို့ ရောဟဏ မထေရ်သည် အာရုံမပြုမိသောကြာင့် မတက်ရောက်မိသည်ကို ရဟန်းတော်များက ဒဏ်ထားကြသည်။ ငါ့ရှင် သင်သည် သံဃကိစ္စများကိုလစ်လျုရှုသည်။

ထို့ကြောင့်သင်သည် ဟိမန္တာတောင်ခြေရှိ၊ ဇင်္ဂလရွာတွင် သောနုတ္တရ အိမ်တွင် နာဂသေမည်သော လူငယ်တစ် ယောက် ဖွာမြင်လိမ့်မည်။ ထိူသူငယ်ကိုခုနှစ်နှင်နှင့် ဆယ်လတိုင်တိုင် ဆွမ်းခံကြွပြီး 

ထိုသူငယ်သာသနာ ဘောင်ရောက်မှ သင်ဒဏ်ကလွတ်စေ။
ကောင်းပါပြီ၊ အရှင်မြတ်တို့ဘုရား၊ တပည့်တော်ဆောင်ရွက်ပါ့မယ်ဘုရား။


ဇင်္ဂလရွာရှိနာဂသေနရှိရာအိမ်သို့ ရောဟဏမထေရ်မြတ်နေ့တိုင်းဆွမ်းခံကြွသည်။ နေရာထိုင်ခင်ပေးခြင်း၊ ခရီးဦးကြိုဆိုခြင်း၊ လက်အုပ်ချီတို့ကို မပြုလုပ်၊ နောက်ဆုံး ကန်တော့ဆွမ်းပါဟူသော စကားကိုပင်မရခဲ့ဖူး၊
နှစ်ပေါင်း အတန်ကြာခဲ့ပါပြီ။

တစ်နေ့သော် ရောဟဏမထေရ်ကြီးဆွမ်းခံကြွရာထိုအိမ်မှ ကန်တော့ဆွမ်းဟူသော အသံကိုကြားလိုက်ရ သည်။ အပြန်လမ်းတွင် အိမ်ရှင် သောနုတ္တနှင့်တွေ့သည်။ ငါတို့အိမ်ကတစ်စုတစ်ခုရခဲ့ ပါ၏လောဟု ခပ်ထေ့ထေ့မေးသည်။

ရောဟဏမထေရ်က ရခဲ့ပါသည်ဟုဖြေလိုက်ရာသောနုတ္တရ စိတ်ဆိုးကာ ပြန်လာပြီး၊ အိမ်သားများကို စုံစမ်းသည်။ မည်သည့်အရာကိုမှ မလောင်းလှူလိုက်ကြောင်းပြောပြကြသည်။

နောက်နေ့တွင် ရဟန်းတော်အား မဟုတ်မှန် လိမ်ပြောသည်ဟူသော စွပ်စွဲချက်ဖြင့် ရန်တွေ့တော့ သည်။ ရောဟဏမထေရ်ကြီးမှ ငါသည်သင်တို့အိမ်ကို ဆွမ်းခံကြွလာခဲ့သည်မှာ ခုနှစ် နှစ်ဆယ်လ တိုင်တိုင်ရှိခဲ့ပြီ၊ ကန်တော့ဆွမ်းဟူသော စကားကိုပင်မရခဲ့ပါ။ မနေ့ကတော့ ကန်တော့ဆွမ်းဟူသော စကားကို ရခဲ့လို့။ ငါရပြီလို့ ပြောခြင်းဖြစ်ပါတယ်၊ သောနုတ္တ၊

ဗုဒ္ဓသာဝကတို့သည် ကန်တော့ဆွမ်းကိုပင်ရသည်ပြောလျှင်၊ တစ်နေ့တစ်ဇွန်းမျှပေးလှူလျှင် အဘယ်ဆို ဖွယ်ရှိ ပါလိမ့်မည်နည်းဟု တွေးတောကား နေ့စဉ်ဆွမ်းလောင်းတော့သည်။ တစ်ဇွန်းဆွမ်း အတွက် အနုမောဒနာပြုရင်း ဖြင့်ပင် နာဂသေနသတို့သားသည် ရှင်ဖြစ်လာခဲ့ရသည်။

ထို့နောက် ရဟန်းဘောင်တက်သည်။ ရိုးရာ အတတ် ပညာများ အပြင်၊ ဗေဒင်သုံးပုံတို့နှင့် တကွ ပိဋကတ်
တော်ကို အကုန်အစင် တတ်မြောက်တော်မူသည်။


ဂရိရှင်ဘုရင်ကြီး မိလိန္ဒသည် နာဂသေနမထေရနှင့်တွေ့ရသော အခါ မေးတိုင်း၊ မေးတိုင်းသော အမေး၏ အဖြေမှန်တို့ကိုရရှိပြီး သာသနာပြုရှင်ဘုရင်ကြီး အဖြစ်မှတ်တမ်းအတင်ခံရသည်။

သာသနာ့သမိုင်းဝင် စံတင် ထားရသော အဖြစ်အပျက်ကြီးသည် ကန်တော့ဆွမ်း က စခဲ့ရသည်။ 

Saturday, August 11, 2012

ဆောင်း၊ ဝေဒနာများနှင့် ဆောင်း


  
 မဇ္ဈိမဆောင်းပုံရိပ်
မိုးလေအေးအေးနှင့် တောင်ပြန်လေတွင် အအေးဓာတ်တို့ သိပ်သိပ်သည်းသည်း ခံစားမိသော အခါ သတိ တရရှိလှပါသည် ဆောင်း။

တောင်ပြန်လေလို့ မြန်မာ အတွေးဖြင့် ဆိုရပေမယ့် တမီးနာဒူးပြည်နယ်တွင် မိုးသက်လေသည် အရှေ့ ဘက်က လာပါသည်။ တိမ်လိပ်တို့သည် တစ်မိုးလုံးမည်းလို့၊ ညို့ညို့မှိုင်းမှုိုင်းဖြင့် ရှစ်တိုင်းဝိုင်းနေတော့ သည်။ အားငယ်တတ်ပါလျှင် ငိုချင်စရာပါ။

မြန်မာဆိုရိုးတစ်ခု ရှိပါသည်။ မိုးအေးလျှင် တစ်ရွာသို့ အရောင်းချခြင်းခံရသော နွားသည်ပင် ချည် တိုင်ဟောင်း ကို သတိရပါသည်တဲ့။

ဒီလိုဆိုလိုက်တော့ သတိရပြီ ဆောင်း။ မွေးရပ်မြေကဆောင်း၊ နှင်းမှုံဖွေးဖွေးတွင် ယိမ်းထိုးနေတတ်သော ၀ိုးဝါးပုံရိပ်တို့သည် စိတ်ကို ရိုက်ခတ်နေဆဲပါ။ အရှေ့ဘက်တောင်တွေဆီက ဆောင်း၊ မြေပြန်က အမော တကော ရောက်လာသူကို ရင်းရင်းနှီးနှီး ထွေးပွေ့လိုက်တဲ့ဆောင်း။

ကွင်းပြင်ကြီး တစ်ခုလုံး လူများ အပြည့်ရှိနသော်ငြား အားလုံးကို အေးချမ်းခြင်းများဖြင့် ထွေးထား တဲ့ တောင်ကြီး မြို့က ဆောင်း။

  ချင်းတွင်းမြစ်ကမ်းဘေးက ဆောင်းမနက်ခင်း၏ ကြည်နူးဖွယ်
မြေပြင်မှာ လှေစီးနေရသလိုရှိပြီး လမ်းအကွေ့ အ၀ိုက်များဖြင့် ရင်ခုန်လှိုက်မော စွာ တောင်တန်းနှင့် တော စခန်း တို့ကို ဦးဝှေ့၊ ခေါင်းတိုက် အသွယ်သွယ် ခရီးနှင်ပြီးမှ ရိုးသားစွာတွေ့လိုက်ရတဲ့ ရှမ်းပြည် မြောက် ပိုင်းက ဆောင်း။

အနောက်ဘက်တောင်တန်းတွေက ဆောင်းကိုတော့ သောင်ပြင်မှာလည်းတွေ့ဖူးသည်။ ချင်းတွင်းမြစ်ပြင် တွင် ဆော့မြူးနေတတ်ပြန်သည်။ ရင်ကို တိုးဝှေ့ပြီး နွမ်းလျအောင်လည်းပြုတတ်သည်။

ချင်းတွင်းမြစ်ကမ်းက ဆောင်းညများသည် ရင်ကိုပို၍ တိုးဝှေ့သည်။
နှင်းခမောက် ဆောင်းထားသော တောင်တန်းကြီးများသည် အပေါ်ဆီက ငုံ့ကြည့်နေသလိုရှိတတ် သည်။ ဆောင်းညတစ်ည ချင်းတွင်းမြစ် အတွင်း ဆီမီးမျှောကြတော့ ဆောင်းသည် မြစ်ပြင်တွင် ဆီမီးများနှင့် အတူ ကခုန်နေသယောင် ထင်မိသည်။ သတိနေပါသည်ဆောင်း။

ဒီဇင်ဘာဆောင်ညများတွင်ချင်းတွင်းမြစ်ကမ်းတောင်တန်းများဆီက ဆောင်းတို့နှင့်တွေ့ခဲ့ရသည်။
 ဆောင်းနှင်း တို့ ဝေလုလုတွင် ချင်းတွင်းဆောင်းနှင်းတို့ကို စွန့်ခွာခဲ့ရသည်။ သတိရနေဆဲပါ ဆောင်း။
အမိမြေက ဆောင်းသည် ဖော်ရွေသည်။ ကလူကျီစား ကင်းသည်။ ခင်မင်မပျက် အေးချမ်းသည်။

တဘက်သားကို ကလူကျီစားသန်သည့်ဆောင်းကာ တပြည်သူ ဆောင်းဖြစ်သည်။
တိတိကျကျပြောရလျှင် အိန္ဒိယဆောင်းဖြစ်သည်။ သိခဲ့ဖူးသော ဆောင်းနှင့် အရှေ့နှင့် အနောက်လား ထင်ရသည်။ ခြောက်သွေ့ပြီး ကြမ်းကြမ်း တမ်းတမ်းအေးသည်။ 

ဘယ်ညာ ဝေ့လိုက်တိုက် တတ်သော ဆောင်းလေတို့သည် အညှာအတာ ကင်းသည်။
ဝေဒနာတွေပေးသည်။ အအိပ်ပျက်ညများ ကိုဖန်တီးသည်။

တစ်ခုတော့ ကျေးဇူးတင်မိပါသည်ဆောင်း။
ဆောင်း နှိပ်စက်လို့ အအိပ်ပျက်ညများတွင် ကောင်းကင်ယံက ကြယ်စုံများကို ကြည့်ခွင့်ရသည်။ ဂယာတောင် တန်းကြီးကို နောက်ခံထားပြီး မိုးသို့ ထိုးတက်နေသော မဟာဗောဓိစေတီတော်မြတ်ကို ဖူးမြော်ခွင့်ရသည်။

  
ဆရာကြီးဦးဂိုအင်ဂါ၏ ဓမ္မဗောဓိရိပ်သာ
ညစဉ်ညတိုင်း သန်းခေါင်ယံကျော်ကျော်တွင် ဆောင်းအအေးဓာတ်ကြောင့်ရင်တို့ကျပ်လာသည်။ အသက် ရှုမ၀ ချင်တော့၊ ခေါင်းအုံးကို အသာထောင်ပြီး ထိုင်နေလိုက်လျှင် သက်သာသလိုရှိတတ်သည်။ သို့သော် မနေသာပါ။ ဤသို့ဖြင့် မြန်မာကျောင်းသားများ သီတင်းသုံးနေထိုင်သော မဂဓတက္ကသိုလ်ကြီး၏ အဆောင် ပြတင်းဝသို့ ထွက်လာရသည်။ ပြတင်းဝမှ ခေါင်းပြူထွက်ရုံသာ အပြင်သို့ ကြည့်ရဲသည်။

နှင်းတို့သည် မျက်နှာသို့ တိုးဝှေ့သည်။ ရင်ကို ခတ်သည်။ ဘယ် အငြှိုးဖြင့် ဒီလောက်အေးနေပါ လိမ့်ဆောင်း။ ဆောင်းအေးဒဏ်သည် တဟီးဟီးမြည်နေတတ် သည်။

နှင်းစက်ကျသံတို့သည် တတောက် တတောက်၊ တစ်ဖောက်ဖောက်ဖြင့် အတိုင် အဖောက်ညီနေ သည်။ ပြတင်းပေါက်ကို မျက်နှာ မူပြီး ကုလားထိုင်ချထိုင်ရသည်။

တစ်ဆောင်လုံး တိတ်ဆိတ်နေသဖြင့် အရသာ တစ်ခုတော့ရှိသည်။ နှင်းစက်ကျသံတိုးတိုးတို့သာ လွှမ်းမိုးနေ တတ်သည်ကို ခံစားရသည်။ ဒီလိုဆောင်းညတွေကို ဘုရားရှင် ကိုယ်တော်တိုင် လေးဆယ့်ငါးနှစ် တာကာလတွင် အကြိမ်ပေါင်းများစွာ ဖြတ်သန်းတော်မူခဲ့ပဲ သည်လို့တွေးမိတော့ ညဥ့်ယံတွင် ကောင်းကင် သို့ ထိုးထွက်နေသော မဟာဗောဓိ စေတီတော်မြတ်ကြီးဆီသို့ လက်အုပ်ချီမိသည်။

ကောင်းကင်ပြာပြာတွင် ကြယ်များ အရောင် တောက်နေ သည်ကို ကြည်နူးဖွယ်တွေ့ရသည်။
ဤသို့ထိုင်နေစဉ် မဂဓတက္ကသိုလ်ကြီး၏ ကျက်သရေဆောင်တစ်ခုလိုဖြစ်သော ဆရာကြီးဦးဂိုအင်ဂါ၏ ဓမ္မဗောဓိ ရိပ်သာမှ ယောဂီသူတော်စင်တို့အား တရားရှုမှတ်ရန် ခေါင်းလောင်းထိုးသော အခါ မနက်လေး နာရီ ရှိနေပြီ။

ဆရာကြီး၏ ရိပ်သာမှ မြန်မာဟန် တည်ထားသော စေတီတော်လေးတွင် မီးရောင်တို့တလက် လက် တောက် နေပြီ၊ ယောဂီ သူတော်စင်တို့ လှုပ်ရှားနေသည်ကို ၀ိုးတ၀ါးမြင်ရသည်။ ဆောင်း အအေး ဓာတ်တို့သာ မပြောင်း လဲပဲ အေးနေမြဲဖြစ်သည်။

  
ဂယာကျောင်းသား အမှတ်တရ သူငယ်ချင်းများနှင့်
အမေက ဆေးပြင်းလွန်းလို့ မသောက်ရန်မှာထားသော မြန်မာဆေးဖြစ်သည့် “ကျေးဇူးရှင်” မည်သော ရင်ကျပ်ပျောက်ဆေးကို ရေနွေးဖြင့် သောက်လိုက်သောအခါ နည်းနည်း သက်သာလာသည်။ အမေ့ကို သတိရသည်။ တောင်ကြီးမြို့ကဆောင်း၊ သီပေါဆောင်း၊ ကျောက်မဲဆောင်း၊ လာရှိုးမြို့က ဆောင်း။ ချင်းတွင်းမြစ်ကမ်းက ဆောင်း၊ အညာမြေက ဆောင်း၊ သူတို့အားလုံးခင်မင် မပျက် အေးကြသည်။

တဘက်လူကို ကလူ ကျီစားတတ်သည့် ဆောင်းကား ဂယာဆောင်းဖြစ်သည်။ သို့သော် အိန္ဒိယဆောင်း ကို ကျေးဇူးတင်မိပြန်သည်။ သန်ခေါင်းယံတွင် မဟာဗောဓိစေတီတော်မြတ်ကြီးကို ဖူးမြော်ခွင့်ရသည်။ ဆရာကြီး ဦးဂိုအင်ဂါ၏ ဓမ္မဗောဓိရိပ်သာမှ မြန်မာဟန်စေတီတော်မြတ်လေး၏ ဆည်လည်း သံချိုချိုကို ကြည်နူးစွာ နားဆင်ခွင့်ရသည်။

ကြယ်စုံတောက်သော ကောင်းကင်ပြင်တွင် ကြယ်ပေါင်း ကုဋေ ကုဋာသည် ပြန့်ကြဲပြီး တွဲရရွဲဖြင့် လှနေ တတ်သည်။

မြန်မာဆောင်းသည် အကြင်နာများနှင့် ခင်မင်ခြင်းများစွာနှင့် ဆောင်း၊ 
တပြည်သူ အိန္ဒိယ၊ ဂယာဆောင်းကို နာမည်ပေးလိုက်ချင်သည် ဝေဒနာများနှင့် ဆောင်း။ 
နှင်းတို့ ကျနေဆဲရှိသည်။ ဆောင်းလေတို့ တိုက်ခတ်နေသည်။ ပြတင်းတွင် နှင်းသီးတို့ ဝေနေပြီ။

Thursday, August 9, 2012

ငြိမ်းချမ်းစွာ အိပ်စက်ရသူ


ပြာသို တပို့တွဲ၊ စိုရွှဲငွေနှင်း၊ သုတ်လေညှင်းနှင့်၊ ယင်းနှစ်လကြား၊
တစ်ပါးထိုမြို့၊ တပို့ တပေါင်း၊ ရှေးနှောင်းအညီ၊ လေးရက်စီမှတ်၊
အတ္တရဋ္ဌ်ဟု၊ပညတ်နာမ၊ ကြားရှစ်ည၌၊ တောက်ပလင်းဟုန်၊
တက်အရုဏ်ဝယ်၊ ခိုက်တုန်လွန်ကဲ၊ အေးစမြဲတည်း။

ပိဋကတ်မှတ်တမ်းတင်ချက်အရ တပို့တွဲ လဆုတ် လေးရက်နှင့် တပေါင်း လဆန်း လေးရက်သည် တစ်နှစ် တာကာလ၏ အအေးဆုံး အန္တရဋ္ဌက ရာသီအဖြစ်ခေါ်ဆိုကြသည်။ 


အိန္ဒိယနိုင်ငံသည် အပူ အအေးလွန်ကဲသော နိုင်ငံဖြစ်သည်။ နိုင်ငံ၏ တစ်နေရာတွင် အပူလွန်ကဲနေသော် တစ်နေရာတွင် အပူလွန်နေတတ်သည်။ မြောက်ပိုင်းသည် ဟိမ၀န္တာနှင့်နီးသောကြောင့် အအေးပို သည်။ တောင်ပိုင်းဒေသသည် ပင်လယ်နှင့်နီးစပ်သောကြောင့် စွတ်စိုသည်ဆိုနိုင်သည်။

အလယ်ပိုင်းဒေသသည် အပူလွန်ကဲသည်။ ထိုအပူလွန်ကဲသော နေရာများသည်ပင် ဆောင်းရာသီများတွင် ခိုက်ခိုက်တုန်အောင်အေး နေတတ်ပြန်သည်။ မိုးနည်းရပ်ဝန်းဖြစ်သောကြောင့် ရာသီဥတုကို အပူအအေး မျှတစေနိုင်သော သစ်ပင်ပေါက် ရောက်မှုနည်းခြင်းသည် အဓိကဖြစ်သည်ဟု ဆိုနိုင်သည်။ အလယ်ပိုင်း ဂင်္ဂါမြစ် တစ်ဝှမ်းသည် နွေရာသီများတွင် အလျှံတစ်ရှိန်ရှိန်ဖြင့် အပူလွန်နေတတ်သည်။

ဘုရားရှင်သည် အိန္ဒိယနိုင်ငံကြီးရှိ  အာဠ၀ီပြည်တွင် တစ်ဆယ့်ခြောက်ဝါမြောက်ဝါဆိုဝါကပ်တော်မူသည်။ တစ်ခုသော ဆောင်းမနက်ခင်း တစ်ခုတွင် ဘုရားရှင်သည် အာဠ၀ီပြည်၏ အပြင်ဘက် ယင်းတိုက်တောနှင့် မြို့အကြားရှိ လှည်းလမ်း ကြောင်းတွင် တစ်ပါးတည်း သီတင်းသုံးစံနေတော်မူသည်။

အခါသမယသည် တစ်နှစ်တာ၏ အအေးဆုံး ကာလဖြစ်သည်။ တပို့တွဲလ၏ နောက်ဆုံးလေးရက်နှင့်၊ တပေါင်းလ၏ အစလေးရက်တာကာလ သည် ဗုဒ္ဓစာပေတွင် အန္တရဋ္ဌကရာသီ အဖြစ်မှတ်တမ်းတင်သည်။

ဆောင်းလေနှင့် နှင်းရိုက်ဒဏ်ကြောင့် ရွက်ခြောက်တို့ တဖြောဖြောရှိ သည်။ လေ၀ဲတိုက်ခတ် လိုက်သော ဆောင်းလေသည် လောကကြီးတစ်ခုလုံး သေးငယ်ကျုံ့ဝင်သွားသယောင်ထင်ရသည်။

ထိုစဉ်အာဠ၀ီပြည်က သူဌေးတစ်ယောက် ဆောင်းမနက်ခင်းတွင် လမ်းလျှောက်ထွက်လာသည်။ သူ့အမည် ဟတ္ထကသတို့သားဟု ခေါ်ကြသည်။ အအေးဒဏ် ကာကွယ်ရန် အနွေးထည်လုံလုံခြုံခြုံ၊ အအေးဒဏ်ကာ ကွယ် အခြားဆောင်စရာများ ပြည့်ပြည့်စုံစုံဖြင့် ထွက်လာခဲ့သည်။

မြို့အပြင်တစ်နေရာ အရောက်တွင် ဟတ္ထကသတို့အား အံ့သြမင်သက်ဖြစ်စေသည်။


အာဠ၀ီပြည်တွင် ဘုရားရှင်ရောက်နေကြောင်း ကြားသိရပြီးဖြစ်သည်။ ဘုရားရှင်သည် ကျောင်းတော်၌သာ ရှိနေမည် အထင်ရှိသည်။ ယခုလို သူသေကောင်တို့စွန့်ပစ်ရာ ယင်းတိုက်တောနှင့်၊ လှည်းကြောင်းတို့ အကြား မြေတွင် သီတင်းသုံးနေလိမ့်မည်ဟု မတွေးတောခဲ့ဖူးပါ။

ဘုရားရှင် အထံတော်နားသို့ အသာအယာ ချဉ်းကပ်သွားသည်။ အေးချမ်းတည်ငြိမ်နေသော ဘုရားရှင် အသွင် အပြင်သည် ဟတ္ထကသတို့အား အပူသက်သာစေသလိုရှိစေသည်။

ဘုန်းတော်ကြီးတော်မူသော ဘုရားရှင်၊ ချမ်းချမ်းသာသာ အိပ်စက်ရပါ၏လားဘုရား။ ဟတ္ထကသတို့ သား မေးလျှောက်သည်။

ငါဘုရား ချမ်းချမ်းသာသာအိပ်စက်ရ၏၊ ငါသည် ချမ်းသာစွာအိပ်စက်ကြသော သူတို့တွင် တစ်ယောက်အပါ အ၀င်ဖြစ်၏၊ ဟတ္ထက မင်းသား။

ဟတ္ထက သတို့သားသည် ဘုရားရှင်နှင့် အနီးပတ်ဝန်းကျင်ကို တစ်ချက်စောင်းငဲ့ကြည့်လိုက် သည်။
ဆောင်း လေသည် တရွှီးရွှီး တိုက်ခတ်နေသည်။ နှင်းမှုံတို့သည် အဆုပ်လိုက်အဆုပ်လိုက် ကျနေ သည်။ မြေပြင်တွင် နှင်းတို့ အရေပျော်ကာ ရေစီးနေသလိုရှိသည်။
မြို့အပြင် နွားများသွား လာဝင် ထွက်ဖြစ်သော ကြောင့် မြေပြင်သည် အနိမ့် အမြင့် ညီညာမှု မရှိပဲ ကြမ်းတမ်းနေသည်။
 ပြီးတော့ ဘုရားရှင်သည် မိမိကဲ့သို့ အနွေးထည်များ မပါရှိပဲ သုံးထည်သော သင်္ကန်းဖြင့် သီတင်းသုံးနေ သည်။ သင်္ကန်းသည် ပါးလွှားလှသည်။ ဆောင်းနှင်းတို့ဒဏ်ချက်ကြောင့် အဖွေးဖွေးသော နှင်းမှုံတို့ ကပ်ငြိနေသည်။ ဘုရာရှင်ကိုဖူးမြော်လိုက်ရုံဖြင့်ပင် ဟတ္ထက ရင်ထဲစိမ့်အေးသွားသည်။

အရှင်ဘုရားဆောင်းရာသီဖြစ်ပါ၏၊ အလွန်းအေးသော ရှစ်ရက်တာကာလလည်းဖြစ်ပါ၏၊ မြေပြင်သည် ကြမ်းတမ်းပြီး၊ နွားခြေရာခွက်တို့ဖြင့်ပြည့်နေပါ၏၊ သစ်ရွက်တို့ပါးပြီး၊ အရှင်ဘုရားရဲ့ သင်္ကန်းသည် လည်းနှင်း များဖြင့် အေးစက်နေပါ၏၊ အရပ်လေးမျက်နှာ ဆောင်းလေတို့တိုက်ခတ်နေပါ၏၊

သို့ပါလျှက် ချမ်းချမ်းသာသာ အိပ်စက်ရ၏၊ ချမ်းသာစွာ အိပ်စက်ရသူတို့တွင် ငါလည်း တစ်ယောက်ဖြစ်၏ မိန့် တော်မူ၏၊

အဘယ်သို့ပါလဲဘုရား၊ ဟတ္ထက အံ့သြနေပုံရသည်။

မင်းသားကို ငါဘုရားမေးမယ်။ သင့်စိတ်ထဲထင်မိသလိုသာဖြေပါ၊

လေလုံ မိုးလုံ၊ အတွင်းအပြင် ဆေးခြယ်ထားသော တိုက်အိမ်ကြီးတွင် ကော်ဇော်များခင်ထား၏၊ ရာသီအလိုက် ပြုပြင်တတ်သော အခြေအနေရှိပါ၏။ ထိုအိမ်ကြီးတွင် သူဌေးစံနေသည်။ သူဌေး၏ မယားလေးယောက်တို့ လည်း သူဌေး အလိုကျ၊ လိုလေသေးမရှိ ခယလုပ်ကြွေးနေသည်ဆိုပါစို့ မင်းသား။
အဲဒီသူဌေးချမ်းချမ်းသာသာ အိပ်စက်နိုင်ပါမည်လား မင်းသား၊

အရှင်ဘုရားထိုသူဌေးသည် ချမ်းချမ်းသာသာ အိပ်စက်ရသူတို့တွင် တစ်ယောက် အပါအ၀င်ဖြစ်ပါသည် ဘုရား၊

ဟတ္ထကမင်းသား မဆိုင်းမတွလျှောက်ထားလိုက်သည်။

မင်းသား၊ အဲဒီသူဌေးမှာ လောဘကြောင့်ဖြစ်သော အပူ၊ ဒေါသကြောင့်ဖြစ်သော အပူ၊ မောဟကြောင့်
ဖြစ်သော အပူတို့ ရှိနေမည်ဖြစ်သည်။ ထိုအပူများဖြင့်နေသာ သူအား ချမ်းသာစွာအိပ်စက်နိုင်ပါမည်လား၊
မင်းသားခဏမျှစဉ်းစားသည်။

သူဌေးမှာ လောဘအပူ၊ ဒေါသ အပူ၊ မောဟအပူတို့ရှိနေမှာပါဘုရား။
မှန်ပါ၊ အရှင်ဘုရား၊ ထိုသူဌေးသည် လောဘ၊ ဒေါသ၊ မောဟများဖြင့် ဆင်းရဲစွာအိပ်စက်ရမှာပါဘုရား၊
ဟတ္ထကမင်းသား၊ ချင့်ချိန်ပြီးအဖြေပေးသည်။ စဉ်းစားနေဟန်လည်းရှိသည်။

မင်းသား၊ ငါဘုရားသည် ထိုပူလောင်စေတတ်တဲ့ လောဘ၊ ဒေါသ၊ မောဟ တရားတို့ကို အကြွင်းမဲ့ ပယ်သတ်ပြီးဖြစ်ကြောင့် ချမ်းချမ်းသာသာ အိပ်စက်ရသည်။ ချမ်းသာစွာအိပ်စက်ရသူတို့တွင် တစ်ယောက် အပါ အ၀င်ဖြစ်၏ ဆိုခြင်းဖြစ်သည်။

ဟတ္ထကမင်းသားသည် အပူကင်းစင်းလျက် ငြိမ်းအေးတော်မူသော ဘုရားရှင်မျက်နှာတော်ကို ဖူးမြော်လိုက် သည်။ ဆောင်း၏ လေအေးသည် ခဏမျှ ရပ်တံ့နေသလိုထင်ရသည်။ လောကကြီးတစ်ခုလုံးသည် အနွေး ဓာတ် ဆောင်ကျဉ်းလာသလိုလိုရှိသည်။

ဟတ္ထကမင်းသားရင်ထဲတွင် ဆောင်းလေအေးအေး နှင်းဖွေးဖွေးနှင့် ကြမ်းတမ်းနေသော ပတ်ဝန်းကျင်၏ ခက်ထန်မှုတို့ ခဏမျှငြိမ်သက်နေပြီး “ဘုရားရှင်သည်သာ ငြိမ်းချမ်းစွာ အိပ်စက်ရသူ တစ်ဦးဖြစ်ပါသည် ဘုရား” ဟု တိုးတိုးဖွဖွရွတ်ဆိုနေမိသည်။ 


Monday, August 6, 2012

သံဝေဇနိယ လေးဌာန


မြတ်ဗုဒ္ဓ၏ သံဝေဇနိယလေးဌာနသည် အိန္ဒိယနိုင်ငံကြီးတွင် ထင်ရှားသည်။ တစ်စုတစ်ဝေးတည်းတည်ရှိ မနေပဲ တစ်နေရာနှင့် တစ်နေရာ တိုင်းမတူ၊ ပြည်နယ်ခြားတည်ရှိနေခြင်းက ပိုမိုပြီးထင်ရှားနေသလိုရှိသည်။ ကမ္ဘာ အရပ်ရပ်မှ ဗုဒ္ဓဘာသာဝင် သူတော်စင်များအတွက်  ဓမ္မခရီး လှည့်လည်ဖူးမြော်ကြည်ညို စရာဖြစ်လာသည်။

ဟိမာလယတောင်တန်း အခြေတွင် တိုင်းပြည်တစ်ပြည်ရှိသည်။ သက္ကတိုင်းဟု ထင်ရှားသည်။ သကျလူ မျိုးနေ ထိုင်ကြသည်။ ဘုရင် သုဒ္ဓေါဓမင်း အုပ်ချုပ်သည်။ မာယာဒေ၀ီသည် မိဖုရားခေါင်ကြီးဖြစ်သည်။ ဟိမာလယ တောင်တန်းကြီးကို နောက်ကျောမှီထားသလိုရှိသော သကျလူမျိုးများ၏ သက္ကတိုင်းသည် အေး ချမ်းသည်။

သန့်စင်မြင့်မြတ်ဆုံးသောပန်းတို့သည် မြင့်မားအေးချမ်းသော နေရာများတွင် ပွင့်ပေါ်ဖူးပွင့်ကြသလို ထိုမြင့်မား သော ဟိမာလယတောင်တန်းကြီး၏ အခြေက သက္ကတိုင်းတွင် ဘုရင်သုဒ္ဓေါဓနမင်းကြီး၏ မိဖုရား ခေါင်ကြီးမှ သားတော်တစ်ပါးဖွားမြင်သည်။


ထိုနေ့မြတ်သည် ကမ္ဘာအရပ်ရပ်ရှိ ဗုဒ္ဓဘာသာဝင်များ အထွတ် အမြတ်ထားမြတ်နိုးရာ မဟာသက္ကရာဇ် ၆၈ခု၊ ကဆုန်လပြည့်နေ့ဖြစ်သည်။

လုမ္ဗိနီဥယျာဉ်တော်တွင် အလောင်းတော်သိဒ္ဓတ္ထမင်းသားကို ဖွားမြင်သည်။ အလောင်တော်မြတ်ဖွားတော် မူရာ အင်ကြင်းရဂုံရောက်ပါလျှင် အလောင်းတော်မြတ်၏ ဖွားလျှင်ဖွားချင်း “ လောကတွင် ငါအမြတ်ဆုံး” စသည်ကြွေးကြော်သံတို့သည် ကြားယောင်မိသည်။ ယခုတိုင် အင်ကြင်းတောသည် စိမ်းစိုညက်နေသည်။

ဖွားတော်မူ အထိမ်း အမှတ်ဖြစ်စိုက်ထူထားသော အသောကမင်း ကျောက်တိုင်နှင့် ဖွားတော်မူ အဆောက်အဦး တို့ကိုမြင်ရသော အခါ ဒေ၀ါနံပိတိဿ အသောကမင်း၊ မြန်မာ ရဟန်းတော်ကြီး ဦးစဒြမုနိနှင့် မြန်မာနိုင်ငံသား ကုလသမဂ္ဂ အတွင်းရေးမှူးချုပ် ဦးသန့်တို့၏ ကျေးဇူးကို အမှတ် တရ အောက်မေ့ကြည်နူးမိသည်။

ဦးသန့်သည် လုမ္ဗိနီ အင်ကြာင်းတောကို ဗုဒ္ဓဘာသာဝင်များ သတ်သတ်မှတ်မှတ် ကြည်ညိုဖူးမြော်နိုင်ရန် အိန္ဒိယအစိုးရအား တင်ပြခဲ့သော သာသနာပြု မြန်မာ့ သူရဲကောင်းကြီးဖြစ်သည်။

နီပေါ အစိုးရသည် ဦးသန့်ကို ဂုဏ်ပြုကာ ဦးသန့်ခန်းမ အဖြစ်ဂုဏ်ပြုထားသည်ကိုတွေ့နိုင်သည်။ ဘုရားရှင် သည် ဖွားတော်မူရာအရပ်ကို သံဝေဇနိယတစ်ဌာန အဖြစ် ကိုယ်တော်တိုင်ဟောကြားခဲ့သည်။


မဟာသက္ကရာဇ်၊ ခြောက်ဆယ့်ရှစ်ကြုံ၊
လုမ္ဗိနီတော၊ သာမောရဂုံ၊
လောင်းတော်သိဒ္ဓတ်၊ ထွက်လတ်ကြာငုံ၊
ဖွားမြင်နေ့၊ လပြည့်နွေကဆုန်။

နိုင်ငံအသီးသီးမှ ဗုဒ္ဓဘာသာဝင် သူတော်စင်များသည် အပူရှိန် မပြင်းတော့သော ဆောင်းပေါက်ရာသီတွင် ဗီဟာပြည်နယ်၊ ဂယာမြို့လေးရှိ၊ ဂယာလေဆိပ်သို့ ဆင်းသက်ကြသည်။ ဂယာဒေသသည် မြတ်ဗုဒ္ဓ ၏ ခြောက်နှစ်တာ ကာလ ဒုက္ကရစရိယာ ကျင့်သုံးရာနှင့် သဗ္ဗညုတ ဉာဏ်တော်ရရှိတော်မူ ရာနေရာ ထူးဖြစ်သည်။

ထိုအရပ်မှစတင်ကာ ဘုရားရှင် လေးဆယ့်ငါးနှစ်တာ ဓမ္မခရီးရှည်ကြီးကို ကြွလှမ်းတော်မူသည်။ ယနေ့တွင် နိုင်ငံတကာမှ ဗုဒ္ဓဘာသာဝင်သူတော်စင်များဖြင့် စည်ကား ဝေဆာနေလေ့ရှိသည်။

မဟာသက္ကရာဇ် ၁၀၃ ခု၊ ကဆုန်လပြည့်နေ့တွင် အလောင်းတော်သည် ယခုလက်ရှိ ဗောဓိပင်မြတ်တည်ရှိ ရာ နေရာတွင် အတုမဲ့ သဗ္ဗညုတဉာဏ်တော်ရှင် ဘုရားဖြစ်တော်မူသည်။


ဤဗောဓိပင် ၀န်းကျင်တွင် (၇) ရက်၊ ( ၇) လီ စံတော်မူသည်။ ထိုစံတော်မူရာ အရပ်တို့ ကို နှောင်း လူကြည်ညို သူများက အထွတ်အမြတ်ထား မှတ်သား ပူဇော်ကြသည်။ အသောကမင်းကြီးသည် မဟာဗောဓိစေတီတော် မြတ်ကြီးကို မှတ်သားတည်ထား ပူဇော်ခဲ့သည်။

မြန်မာဘုရင် မင်းတုန်းမင်းကြီးက ရတနာပေါင်းမြောက် များစွာဖြင့် ပြုပြင်ပူဇော်ထားခဲ့သည်။ သီရိလင်္ကာနိုင်ငံ သားကြီး အနာဂါရိကဓမ္မပါလသည် မဟာဗောဓိစေတီ တော်မြတ်ကြီးကို ဗုဒ္ဓဘာသာဝင်များ သူတော်စင်များ စိတ်တိုင်းကျဖူးမြော်နိုင်ရေး တိုက်ပွဲဝင်ခဲ့သည်။ 

ယနေ့ဖူးတွေ့နေရသော မဟာဗောဓိစေတီတော်နှင့်၊ ဗောဓိပင်မြတ်တ်ို့သည် ဗုဒ္ဓဘာသာဝင်သူတော်စင် များ အတွက် သံဝေဇနိယတစ်ဌာနပင်ဖြစ်သည်။


တစ်ရာ့သုံးနှစ်၊ မဟာသက္ကရာဇ်၊ကြုံ
ဗောဓိပင်မင်း၊ မှီတင်းခိုလှုံ၊
မာန်စွယ်ငါးစင်း၊ အောင်ခြင်းဖုံဖုံ၊
ဗုဒ္ဓနေ့၊ လပြည့်နွေကဆုန်။


ဘုရားဖြစ်တော်မူပြီးနောက်လေးဆယ့်ကိုးရက်စံတော်မူပြီးနောက်တွင် ဘုရားရှင်သည် ဗာရာဏသီပြည်၊ မိဂဒါဝုန်တောသို့ကြွတော်မူသည်။ ထိုမိဂဒါဝုန်တောရှိ ဂယာဒေသတွင် ဒုက္ကရစရိယာ ကျင့်စဉ်က အလုပ် အကြွေး ပြုခဲ့ကြသော ကောဏ္ဍည၊ ၀ပ္ပ၊ ဘဒ္ဒိယ၊ မဟာနာမ်၊ အဿဇိဟူသော သူတော်စင်များရှိကြသည်။

အမှန်တရားသိရန် လမ်းစရှာတော်မူစဉ်က အပေါင်း အဖော်ဖြစ်ခဲ့ကြသော ထိုငါးဦးတို့အား မိမိရရှိ ထားသော တရားကို ဟောပြညွှန်ကြားလိုသောကြောင့် တရားဟောရန်ကြွလှမ်းတော်မူသည်။

မိဂဒါဝုန်တော်သို့ ရောက်သောအခါ ငါးဦးအစုဖြစ်သော ပဉ္စ၀ဂ္ဂီတို့အား” ဒွေ မေ ဘိက္ခဝေ အန္တာ ပဗ္ဗဖိတေန န သေ၀ိတဗ္ဗာ” အရှိသော ဓမ္မစကြပ၀တ္တနသုတ်တော်ကိုဟောတော်မူသည်။


တရားတော်အဆုံးတွင် အသက် အကြီးဆုံး ကောဏ္ဍည တရားသိမြင်ပြီး သောတာပန်ဖြစ်တော်မူသည်။ ထိုနေရာမြတ်သည် ဘုရားရှင် လက်ထက်တော်က ကာသိတိုင်း၊ ဗာရာဏသီမြို့၊ မိဂဒါဝန( မိဂဒါဝုန်) အဖြစ်ထင်ရှားသည်။

ယနေ့ ထိုနေရာမြတ်တွင် ဓမ္မေခစေတီတော်မြတ်ကြီးဖြင့် အမှတ်အသားပြု ပူဇော်ထားရှိကြသည်။ ကြီးမားခန့် ထည်သော စေတီတော်မြတ်ကြီးသည် မြတ်ဗုဒ္ဓဘုရားရှင်၏ ဓမ္မစွမ်းအားကို ပုံဖော်ပေးထား သကဲ့ သို့ရှိသည်။

ကမ္ဘာအရပ်ရပ်မှ ဗုဒ္ဓဘာသာဝင်သူတော်စင်များ အတွက် ဖူးမြော်ထိုက်သော သံဝေဇနိယဌာနတစ်ခု အဖြစ် ဘုရားရှင်ကိုယ်တော်တိုင် ဟောမြွက်ထားသည်။


ဘုရားစင်စစ်၊ ဖြတ်လတ်ခါတုံ၊
ပြည်ဗာရာဏ၊ မိဂဒါဝုန်၊
ဓမ္မစက္က၊ ဖွင့်ပြဖုံဖုံ၊
ဝါဆိုပြေ့၊ ဟောခြွေ့ တရားဂုဏ်။

ဘုရားရှင်သည် ဂင်္ဂါမြစ်ဝှမ်းတွင် တရားဒေသနာဟောကြီးပြသတော်မူရင်းဖြင့် လှည့်လည်ကြွချီတော်မူ သည်။ တစ်နေရာမှတစ်နေရာသို့၊ တစ်မြို့မှ တစ်မြို့သို့၊ တစ်ပြည်မှ တစ်ပြည်သို့ လှည့်လည် သွား လာတော်မူသည်။ 

ဘုရားရှင်၏ တရားသိမြင်သူများတွင် ဘုရင်ပါသည်။ အိမ်ရှေ့စံလဲပါသည်။ သူဋ္ဌေးပါသည်။ သူဋ္ဌေးကတော် ပါသည်။ ဗြဟ္မဏ၊ ခတ္တိယ၊ ၀ဿ၊ သုဒ္ဓဟူသော အမျိုးလေးပါးအပြင် အမျိုးဇာတ်တွင်ထည့်သွင်း မခံရသော သူများလည်းပါသည်။ သူတောင်းစာလဲပါသည်။ သူကြွယ်လဲရှိသည်။ လယ်သမား၊ အလုပ်ရှင်၊ သခင်၊ ကျွန်၊ ပြည့်တန်ဆာမစသည် များပြည့်စုံ လူသားတစ်ရပ်လုံး ပါဝင်ကြသည်။


သူတို့သည် မြတ်ဗုဒ္ဓလမ်းညွှန်ချက်ကို နားလည်သဘောပေါက်ကြသည်။ မြင့်မြတ်သော အရိယာ အဖြစ်ဖြင့် နေထိုင်သွားကြသည်။ ထိုအချိန်က ကမ္ဘာတွင် မပေါ်ပေါက်ဖူးသေးသော ဘိက္ခု(ရဟန်း) အဖွဲ့အစည်း၊ ဘိက္ခုနီ( ရဟန်းမိန်းမ) အဖွဲ့အစည်း၊ ဥပါသကာ( လူယောင်္ကျား) အဖွဲ့အစည်း၊ ဥပါသိကာ( လူမိန်းမ)အဖွဲ့အစည်းတို့ကို ဒီမိုကရေစီနည်းကျဖွဲ့စည်းတော်မူခဲ့သည်။

နောက်ပေါက်အိန္ဒိယဘာသာ အယူတစ်ချို့သည် မြတ်ဗုဒ္ဓလမ်းစဉ်များကို အတုလိုက်ပြုမူကြရသည်။ ဤကဲ့သို့ လေးပါးသော အဖွဲ့အစည်းကြီးကို စနစ်တကျ ထူထောင်ပြီးနောက် သက်တော် ရှစ်ဆယ်အရွယ်တွင် မလ္လာမင်း တို့၏ ကုသိနာရုံတွင် ပရိနိဗ္ဗာန်ပြုတော်မူသည်။

ထိုနေ့သည် မဟာသက္ကရာဇ်၊ တစ်ရာလေးဆယ့်ရှစ်ခု၊ ကဆုန်လပြည့်နေ့ဖြစ်သည်။ ဘုရားရှင်သည် တပည့်သား သာဝကတို့ အတွက် သုတ္တံ၊ ၀ိနည်း၊ အဘိဓမ္မာဟူသော တရားတော်များကို ကိုယ်စား အဖြစ် ကိုးကွယ်ရန်ဟောကြားထားတော်မူခဲ့သည်။

မြတ်ဗုဒ္ဓတရားတော်များသည် နှစ်ပေါင်း နှစ်ထောင့်ခြောက်ရာကျော်တိုင်အောင် တောက်ပ သစ်လွင် မြူ အညစ် အကြေး မတင်ပဲ သန့်စင်နေဆဲဖြစ်သည်။

နောက်ဆုံး ပရိနိဗ္ဗာန်ပြုတော်မူရာဌာနသည် သံဝေဇနိယတစ်ဌာန အဖြစ်ဘုရားရှင် ကိုယ်တော် တိုင်းဟောကြား ထားခဲ့သည်။


ရာလေးဆယ့်ရှစ်၊ သက္ကရာဇ်ကြုံ၊
မလ္လာမင်းတို့၊ အင်ကြင်းရဂုံ၊
ဇာတ်တော်သိမ်းလို့၊ အေးငြိမ်းခိုလှုံ၊
နိဗ္ဗူနေ့၊ လပြည့်နွေ ကဆုန်။


Friday, August 3, 2012

အနတ္တနှင့် ကမ္မလမ်းစဉ်




အိန္ဒိယနိုင်ငံတွင် ပေါ်ထွန်းသော ဗုဒ္ဓဘာသာသည် အနိမ့်အမြင့်၊ အတက်အကျ စုံခဲ့သည်။ အဖိအနှိပ်ခံရ သည်၊ ပျောက်ကွယ်သည်တစ်ချို့ရှိသည်။ ရှိရင်းစွဲ အယူဝါဒ များနှင့် ရောနှောသွားကြသည်လည်းရှိသည်။ မည်သို့ဆိုစေ၊ ဗုဒ္ဓအယူဝါဒ၊ အကျင့်စရိုက်၊ ကျင့်သုံးမှုလမ်းစဉ် များသည် အိန္ဒိယနိုင်ငံ၏ ယဉ်ကျေးမှုစနစ် တွင် ကြီးမားစွားမြစ်တွယ်နေသည်။

ဗုဒ္ဓ၀ါနောက်မှပေါ်ထွန်းသော အိန္ဒိယ အယူဝါဒ၊ ဒဿနဟူသမျှသည် ဗုဒ္ဓ၀ါဒနှင့် အနည်းနှင့်အများ ဆက်စပ်သက် ဆိုင်နေသည်ချည်းဖြစ်သည်။ ဗုဒ္ဓ၀ါဒ၏ အရိပ်အငွေ့လွှမ်းမိုးမှု ခံရသည်ချည်းဖြစ်သည်။ အဆင့်ဆင့်တိုးတက် လာသော အိန္ဒိယနိုင်ငံ၏ ကြီးကျယ်သော အယူဝါဒများကို ခြောက်မျိုး ရှိကြောင်းပြ ဆိုကြသည်။

ထိုတွင် ရှန်ကရ ဒဿနသည် ဗုဒ္ဓ၀ါဒကို ပုံဖျက်ထား ခြင်းဖြစ်ကြောင်းဆိုကြသည်။ ရှန်ကရသည် ဗုဒ္ဓ၀ါဒလာ ဘိက္ခု အဖွဲ့အစည်းများကို ထူထောင်သည်။ ထိုစည်း စနစ်ရှိသော အဖွဲ့အစည်းများကို အိန္ဒိယ အယူဝါဒတွင် မပေါ်ပေါက်ဖူးကြောင်း သမိုင်းဆရာများက ဆိုကြသည်။

ရှန်ကရကို တစ်ချို့ပညာရှင်များက ရပ်ဖျက်ထားသော ဗုဒ္ဓဟုပင်ခေါ်ကြသည်။ ပုံဖျက်ရုံတင်မဟုတ်၊ ကြွင်းကျန် ရစ်သော ဗုဒ္ဓအမွေအနှစ်များကို ဖျက်သိမ်းသူ အဖြစ်ထင်ရှားသည်။ သို့သော် အေ ဒီ (၇) ရာမှပေါ်ထွန်း လာသော ရန်ကရသည် ဗုဒ္ဓ၀ါဒ၏ ကြီးမားသော လွှမ်းမိုးမှုကို အပြီးတိုင် မဖယ်ဖျောက်နိုင်ခဲ့ပါ။ ထိုအကြောင်းကို ၀န်ကြီးချုပ်နေရူး၏ The discovery of India အထင် အရှားတွေနိုင်သည်။


သုတေသီနှင့် သမိုင်းပညာရှင်တို့နှလုံးသားတွင် အရောင်တောက်နေသော ဗုဒ္ဓ၀ါဒသည် ကဏ္ဍအစုံဖြင့် လှသည်။ သမိုင်းရှုထောင့်မှလေ့လာကြသည်။ လူမှုရေး အမြင်ဖြင့်လေ့လာကြသည်။ စိတ်ပညာရှုထောင့်ဖြင့် ကြည်ရှုခြင်းခံရသည်။ ငြိမ်းချမ်းသော အတွေး အခေါ်တစ်ခု အဖြစ်လက်ခံထားကြသည်။ 

ကိုယ်ကျင့်သီလဖြင့် အခြေခံသော အယူဝါဒ အဖြစ်သိထားကြသည်။ အဟိံသဘောလဲပါဝင်ကြောင်း ဆိုပြန်သည်။ ဇာတ်စနစ်ကို တော်လှန်သော ကမ္ဘာ့ ပထမဆုံး ဘာသာတရားအဖြစ်မှတ်တမ်း ထိုးလိုကြ သည်။ အာဏာရှင် မထား အပြန် အလှန်ဆွေးနွေးတွေးခေါ်ထားခြင်းဖြင့် အသိဉာဏ် ပွင့်လင်းစေသော အယူဝါဒဆိုကြပြန်သည်။

ထိုအရာအားလုံး ဗုဒ္ဓ၀ါဒတွင်ရှိသည်။ ကြိုက်နှစ်ရာရှုထောင့်မှ ကိုယ်ပိုင် အမြင်ဖြင့် ဆင်ခြင်သုံးသပ်သော အခါ ဗုဒ္ဓကို သူတို့ တွေ့ရှိကြခြင်းဖြစ်သည်။ 

ယနေ့နာမည်ကြီး ခေတ်စားနေသော ဒီမိုကရေစီစနစ်သည် ဗုဒ္ဓ၀ါဒတွင် အထင် အရှားတွေ့နိုင်သည်။

ခေတ်ပညာရပ်တို့၏ အတွေးအခေါ်များဖြင့် ချိန်ထိုး စမ်းသပ်နိုင်သည်။ စမ်းသပ်ခဲ့ကြသည်။ စမ်းသပ် စိန်ခေါ် နေကြဆဲဖြစ်သည်။

သိပ္ပံခေတ်သို့ ရောက်လာသောအခါ ဗုဒ္ဓ၀ါဒသည် အကြီးအမားဆုံး ပွင့်လင်းလာခဲ့သည်။ အနောက် တိုင်း ခေတ်ပညာတတ်များသည် ဗုဒ္ဓကို မကိုးကွယ်စေကာမူ လေးစားကြသည်။ ကိုးကွယ်လာ သူများလည်း ထိထိရောက်လိုက်နာကျင့်သုံးကြသည်။ တဆင့်ပြော မဟုတ်သော တွေ့ရှိချက်များရရှိကြသည်။


သူတို့တွေ့ရှိချက်တွင် ငြိမ်းချမ်းခြင်းပါသည်။ မေတ္တာလမ်းစဉ်ပါသည်။ အကျိုးကြောင်းယုတ္တိရှိရှိတွေးခေါ် ဆင်ခြင်မှုပါသည်။ ဖန်ဆင်းရှင်မပါပဲ ဖြစ်တည်မှုလေ့လာခြင်းသည် အထင်အရှား ဆုံးဖြစ်သည်။ အိန္ဒိယ နိုင်ငံကြီးမှပေါ်ပေါက်သော ဘာသာများစွာတွင် ထာဝရဖန်ဆင်းမှုကို လက်မခံသော်လည်း အတ္တရှိကြောင်းလက် ခံကြပြန်သည်။

ဗုဒ္ဓ၀ါဒသည် ယုတ္တိရှိရှိဖြင့် အတ္တနှင့် ထာဝရဖန်ဆင်း မရှိခြင်းကို အကျိုး ကြောင်းပြ ရှင်းလင်းထားသည်။
အတ္တနှင့် ထာဝရဖန်ဆင်းချက် ရှိသည်ဟူသော ရှေးဟောင်း အိန္ဒိယ အယူအဆ အမှားကြီးကို မြတ်ဗုဒ္ဓ၏ ဓမ္မစက္က ပ၀တ္တနသုတ်တော်၊ အနတ္တလက္ခဏ သုတ်တော်များဖြင့် ဖွင့်လှစ်ရှင်းပြလိုက်ခြင်းသည် အိန္ဒိယနိုင်ငံ ကြီးရှိ ရှေးဟောင်း လမ်းစဉ်ကြီးကို အကြီး အမားဆုံး စိန်ခေါ်လိုက်ခြင်းဖြစ်သည်။

ထိုတွေ့ရှိချက်သည် အိန္ဒိယနိုင်ငံကြီးမှ တင်ပို့သမျှသော အရာတို့တွင် အကြီး အမားဆုံးဖြစ်လာ သည်။ ခေတ် စနစ်ပြောင်းချင် တိုင်း ပြောင်း လိုက်ပြင်စရာ မလိုသော အရာဖြစ်လာသည်။ အနောက်တိုင်း သိပ္ပံထွန်းကားလေလေ ထိုအရာနှစ်ပါးသည်  အရောင်တောက် လေလေဖြစ်လာသည်။


ထိုအရာနှစ်ခုသည်၊ ထာဝရဖန်ဆင်းမှုမရှိခြင်းနှင့်၊
အမြဲတည်ရှိသော အတ္တ မရှိမှုပင်ဖြစ်သည်။
မြတ်ဗုဒ္ဓ၏ ထိုတွေ့ရှိချက်သည် လူသား အားလုံးအတွက် စိန်ခေါ်မှုလည်းဖြစ်ပြန်သည်။
မြတ်ဗုဒ္ဓလမ်းစဉ်ကြီး၏ အလှဆုံး အရာနှစ်ခုဆိုလျှင်လည်းဖြစ်သည်။
မြတ်ဗုဒ္ဓသည် ထာဝရနှင့် အတ္တအစား ကမ္မနှင့် အနတ္တတို့ကို အစားထိုးပြသည်။