Pages

Tuesday, October 25, 2011

အမည်းကို ဖြူစေသူ

တစ်ခါတုန်းက ယောနယ်စပ်သို့ မိတ်ဆွေတစ်ပါးနဲ့အတူ ရောက်ဖူးပါသည်၊ မန္တလေးမြို့မှ ပခုက္ကူသို့ ကား စီး ရသည်၊ ပခုက္ကူတွင် လာရောက်ကြိုဆိုမည့်သူကို စောင့်ရာ ရောက်မလာသောကြောင့် ညနေပိုင်းနောက် ဆုံး ကားဖြင့် ပခုက္ကူ အနောက်ဘက်ရှိကမ္မသို့ ခရီးဆက်ခဲ့သည်၊ ကမ္မမှတစ်ဆင့်ကားဆက်စီးကာ မန်ကျီးသုံးပင် ဂိတ်တွင် ဆင်း ကြသည်၊

ညနေခင်းနေရောင်သည် ကွယ်လေပြီ၊ အမှောင်ရိပ်တို့ သိပ်သိပ်သည်းသည်းဖြစ်နေပြီ၊ ခရီးကား မဆုံးသေးပါ၊ မန်ကျီးသုံးပင်ဂိတ်မှသည် ဆက်လက်ပြီး သံဘိုရွာကိုဖြတ်ပြီး ထူးကြီးဆိုသော ရွာကို ခရီးဆက်ရမည်၊ ကား ပေါ်မှဆင်းပြီး ရှေ့ဆက်ရမည့် ခရီးစုံစမ်းကြရသည်၊

မှောင်နေပြီဖြစ်လို့ခရီးမဆက်ရန်ဒကာများက ပြောကြသည်၊ တစ်ညအိပ်ရန် ကျောင်းလျှောက်ပေးပါမည်ဟု
ရှေ့ခရီးမဆက်ရန်တားကြသည်၊ ခရီးကြမ်းသည် ဟုလဲပြောကြသည်၊
ကြမ်းသည်ဆိုခြင်းမှာထူးသည်၊ ခရီးလမ်းကြမ်းခြင်းလား သို့မဟုတ် တောခြောက်တောင်ခြောက်ကို ဆိုလိုခြင်း လားမသိဖြစ်ရသည်၊ စိတ်ထဲတွင် စွဲနေသော အတွေးတစ်ခုရှိနေသည်၊

ယောနယ်၊ ဤနယ်တစ်ဝိုက်တွင် သူစိမ်းတစ်ရံများကို နှောက်ယှက်တတ်သောသူများရှိသည်ဟု ကြားရလေ့ ရှိသည်၊ နှောက်ယှက်သည်ဆိုခြင်းမှာ ပြုစားတတ်သူများကို ပြောကြခြင်းဖြစ်သည်၊ အရပ်ပြော ပြောရလျှင် စုန်း၊ ကဝေများကို ပြောလိုရင်းဖြစ်သည်၊

သူတို့ပြောသော ကြမ်းသည် ဆိုခြင်းမှာ လမ်းခရီးကို ဆိုလိုခြင်းဖြစ်ကြောင်း သိရ သည်၊
မြွေများပေါ ကြောင်း ပြောပြသည်၊ ပြီးတော့ခရီးလဲ အတော်လှမ်းနေသေးကြောင်းပြောကြသည်၊ သူတို့တားသည်ကို ဂရုမစိုက်ပဲ ခရီး ကြားချိန်ဘယ်လောက်ရှိမည်ကိုသာ ပြောပါဟုမေးရာ တစ်နာရီကျော်ကျော်လောက်ပါပဲဟုပြောကြသည်၊ 
ညကိုးနာရီ မထိုးခင် ရွာရောက်မည်ဆိုက ခရီးဆက်မည်ဟု ပြောပြရာ ရောက်ပါသည်ဟု သိရသဖြင့် မှောင်ရီရီတွင် ခရီး ဆက်ခဲ့ကြသည်၊ ခရီးစတော့ ညပိုင်း ခုနှစ်နာရီထိုးလေပြီ၊ 

လှည်းလမ်း အတိုင်းခရီးဆက်ခဲ့ကြရာ ထန်းတောစုစု၊ တောပုပု လေး များကို ဖြတ်ကြရသည်၊
ရေခန်းခြောက်နေသော ဆည်များကိုလဲ တွေ့ရသည်၊ ညမှောင်မှောင်တွင် အဝေး ဆီမှ မီးရောင် လဲ့လဲ့ များကို တွေ့ရသည်၊ မိတ်ဆွေဖြစ်သူက သင်္ဘောကျင်းဟုပြောသည်၊ မဖြစ်နိုင်ပါ၊
ရေနံတူးသူများ သာဖြစ်နိုင်သည်၊ မီးရောင်သည် တစ်ချက်တစ်ချက် ထိန်းလင်းနေသည်၊

နာရီဝက်ကျော်ကျော်ခရီးရောက်လျှင် ရွာတစ်ရွာကိုတွေ့ရသည်၊ ရွာလည်လမ်းမအတိုင်း ခရီးဆက်ကြရာ တစ်ချို့ဒကာများ အိမ်ထဲမှ ထွက်ပြီး ဘယ်ကြွမလဲမေးကြသည်၊ ထူးကြီးကို သွားမလို့ ပြောရာ မကြာခင် ရောက်တော့မှာပါ အနောက်တည့်တည်ကို သွားဖို့မှာကြသည်၊ လှည်းလမ်းကြောင်း အတိုင်းလိုက်လျှင်ထူးကြီးရွာကို ရောက်ကြောင်းပြောပြကြသည်၊ ရေဘုဉ်းပေးသွားကြပါဦးဆိုကြသည်၊ 

သံဘိုရွာအလွန်တွင်ထန်းတောတစ်တောကိုတွေ့ရသည်၊
ဘေးပတ်ပတ်လည်တွင် ကွင်ပြင်းကြီးသာရှိသည်၊ ထန်းတောမှ မီးရောင်လဲ့လဲ့ကို မြင်ရသည်၊ လမ်းလေးသည် ထန်းတောတဲလေးသို့ ဦးတည်သွားသည်၊ အနီး ရောက်လျှင် ထန်းတောတဲ ထဲမှလူ တစ်ယောက်ထွက်လာသည်၊ ဘယ်သွားကြမှာ တုန်းမေးသည်၊ ထူးကြီးရွာ ကိုခရီးဆက်မည့် ဘုန်းကြီးတို့မှန်း သိရသောခါ သူ့တဲလေးသို့ မရမက ပင့်တော့သည်၊

ပတ်ဝန်းကျင်သည် တိတ်ဆိတ်ငြိမ်သက်နေလေပြီ၊ တောခြောက်တာတော့ မဖြစ်တန်ကောင်းပါဘူး၊ သူ့တဲလေး ထဲတွင် မီးရောင်က ကြီးစိုးနေသည်၊ ထန်းရည်နံ့ရသည်၊ 

တဲအရှင်လင်မယားသည် နေရာထိုင်ခင်း သေသေ ချာချာခင်းပေးသည်၊ ထန်းလျှက်နှင့်ရေနွေးကြမ်းကပ်သည်၊ သူတို့ သားလေးဆုံးသွားသည်မှာ မကြာသေး ကြောင်းပြောပြသည်၊ ထန်းလျှက်လှူလိုက် ချင်သေးကြောင်းလဲပြောသည်၊ ဆက်ရမည့်ခရီးက မဆုံးသေး သောကြောင့် အပြန်ကြုံမှပဲ အလှူခံ မည်ဟုပြောခဲ့ရသည်၊ ထန်းတော်တဲတွင် ခဏနေပြီးနောက် ခရီးဆက် ခဲ့ကြပြန်သည်၊ 

တဲအရှင်ထန်းသမားသည် သူ့ထန်းတဲလေး အလွန်ထိလိုက်ပို့သည်၊ တဲထဲကမီးရောင် မှိတ်တုတ်သည် အဝေးတွင် ပျပျသာမြင်ရတော့သည်၊ လှည်းလမ်း အတိုင်းသွားလျှင် ရွာရောက်မည် ဆို သော ကြောင့်လှည်းလမ်းကို ကြည့်ရသည်မှာ မှောင်ရီရီတွင်ေ၀၀ါးနေတော့သည်၊

လှည်းလမ်းသည် ရိုးတစ်ခုထဲဆင်းသွားသည်၊ ချောင်းစပ်တစ်ခုဖြစ်မည်ထင်သည်၊ တစ်ရွာ လုံးမီး ရောင်မမြင်ရတော့ပါ၊ ရှေ့တွင် မည်းမည်း အုံ့အုံ့အဆောက် အဦးတစ်ခုကိုာ တွေ့ရသည်၊ မီးရောင်လဲ့လဲ့မြင်မိ သလိုလိုရှိသည်၊ ဓာတ်မီးဖြင့်ဝေ့ ကြည့်ရာ ဘုန်းတော်ကြီးကျောင်းဖြစ်နေသည်၊ ဆရာတော်တစ်ပါး တံခါဖွင့် ပေးသည်၊

‘ဟာ ဦးဇင်းတို့ အကြိုလွှတ်လိုက်တဲ့ဦးဇင်းနဲ့မတွေ့ကြဘူးလား’
'တင်ပ၊ မတွေ့ပါဘုရား'
‘မှောင်ကမှောင်နဲ့ မနက်ခင်းမှ ခရီးဆက်ခဲ့လဲ ပြီးတာပဲ၊ ကဲ ကြွကြွ၊

ခရီးပန်းနေပြီးကို ရိပ်မိသောကြောင့်ထင်သည် ဆရာတော်သည် စကား အထွေ အထူးမပြောတော့ပါ၊ အိပ်ယာ အပြင်ခိုင်းသည်၊
မကြာမီပင် ရုပ်ပွားတော်ရှေ့ဆီက ဆီမီးရောင်လဲ ငြိမ်းလေပြီ၊ တစ်ကျောင်းလုံးမှောင် မည်းနေ တော့သည်၊

မနက်လင်းမှ သိရသည်မှာ လမ်းညွှန်က လှည်းလမ်း အတိုင်းလိုက်ဖို့မှာလိုက်သဖြင့် လှည်းလမ်း ချည်းသာကြည့် မိခဲ့သောကြောင့် ရွာထဲ မ၀င်မိပဲ ရွာပတ်နေသော ရိုးထဲရောက်သွားခြင်းဖြစ်သည်၊ ဆရာတော်သည် ကျောင်း ပတ်ဝန်းကျင်ကိုလိုက်ပြရင်း တစ်နေရာ အရောက် ကုန်းမြင့်မြင့်ပေါ်မှနေ
ပြီးအနောက် ဆီသို့ ညွှန်ပြကာ

‘ဦးဇင်းတို့ ဟောဟို တောင်တန်းတွေဆိုရင် အောက်ရပ်အောက် ရပ်ရွာတွေဆီမှာကြားရလေ့ရှိတဲ့ ယော နယ်ဆိုတာပေါ့၊ တစ်စိမ်းတစ်ရံကို ဖျာနဲ့ကပ်အောင်ပြုစားတတ်တယ် စသည်ကြားဖူးတဲ့နယ်ပေါ့၊ မဟုတ်ပါဘူး၊ ယောသားတွေဖြူစင်ကြပါတယ်၊ သဘောလဲ အင်မတန်ကောင်းကြပါတယ်၊ နောက်များကြုံရင် လိုက်ပို့ချင် သေးတယ်’

ကြားဖူးပါသည်၊ တိပိဋက ဆရာတော် (ယော) ၏ ယော အကြောင်း၊
ဆရာတော် တိပိဋကအောင်ခါစက ယောဆိုသည်မှာ အမည်ကောင်း အနေအားဖြင့် မတွင်ကြယ်သေးကြောင်း၊ ဆရာတော်ကိုယ်တိုင် ယော ဆရာတော်ဟု အမည်ခံယူခြင်းကို တစ်ချို့ ဒကာများကဆရာတော်ကလဲ ဒီယောဆို တဲ့နာမည်က မကောင်းပါဘူး၊ တစ်ခြား ဟာလေး လုပ်စမ်းပါဟု ပြောကြသည်တဲ့၊

ဤတွင်ဆရာတော်က’ ...
'ဒကာကြီးရဲ့၊ ယောနယ်မှာမွေးတဲ့ဘုန်းကြီးက ယောဆိုတဲ့နာမည်ကိုစွန့် လို့ ဘယ် ဖြစ် မလဲ၊ ဒီအမည်က အစကတော့ တိပိဋက ဆရာတော်ချင်း မှတ်သားလို့ လွယ်ကူအောင် သူများတွေ ကခေါ်ကြ တာပါ၊ အခုတော့ ဘုန်းကြီးကိုယ်တိုင်လဲ ဒီအမည်ကို သဘောကြပြီး သုံးပါတယ်၊ အောက်လမ်း အမည်နဲ့ အမည်းရောင်ဖြစ်နေတဲ့ အမည်ကို အခုဘုန်းကြီးက တရားဟောတဲ့နေရာမှာရော၊ တရားစားအုပ်တွေ၊ တိပ်ခွေ တွေမှာပါသုံးပါတယ်၊ 
ဒါဟာအောက်လမ်းနည်းနဲ့ထင်နေတဲ့ အမည်းရောင် အမည်ကြီးကို အထက်လမ်း နည်းနဲ့ အဖြူရောင်ဖြစ်အောင်ပြောင်းလဲနေတာပဲပေါ့ဗျ’

ယောဆရာတော်စကား နာကြားမိသောအခါ ဘုရားရှင်၏’
ကမ္မုနာ ၀သလော ဟောတိ၊ ကမ္မုနာ ဟောတိ ဗြဟ္မဏော’
မိမိတို့လုပ်ဆောင်ချက်ကြောင့်သာ ယုတ်ညံ့သူ၊ ဖြူစင်သူဖြစ်ရ၏'ကို ရွတ်ဆိုမိသည်၊

ထူးကြီးရွာတွင် လေးရက်ခန့်နေပြီးနောက် မန္တလေးသို့ပြန်ခဲ့သည်၊ အပြန်လမ်းတွင် ထန်းတော တဲအရှင်က နှုတ် ဆက်သည်၊ ခရီးဝေးသေးသဖြင့် ထန်းလျှက် မလှူမခံ ခဲ့ရပါ၊
နောက်ကြုံရင်ဖြင့် ယောနယ်သို့ အလည်သွား ပါဦး မည်၊

Friday, October 21, 2011

ခန်းဆောင်စ ပ၀ါပါး

ဂစ္ဆာမိ ကာသိနံပုရံ အာဟဥ္ဆံ အမတဒုန္ဒုဘိံ

'ဥပက ငါဘုရား ကာသိတိုင်းရဲ့မြို့တော် ဗာရာဏသီကိုသွားမလို့၊ 
မသေရာရှာဖွေနေတဲ့သူတွေကို တရားစည်တော်ကြီးကို တီးပြမလို့လေ'

ဘုရားရှင်သည် သဗ္ဗညုတဉာဏ်တော်ကို ဂယာသီသတောင်တန်းကြီး အနီးက ရှေးဟောင်းဆာဒူးတို့ တရားရှာဖွေရာ အနီး ဗောဓိပင်အောင်တွင် ရရှိတော်မူခဲ့သည်၊ 

အလောင်းတော်သည် ဟိမာလယတောင်အနီးရှိ ရှိ အေးချမ်းသော သက္ကတိုင်းတွင် မွေးဖွားခဲ့သည်၊
ကိုယ်ကိုယ်တိုင် တိုင်းပြည်ကို အိမ်ရှေ့စံဘ၀ဖြင့် အုပ်ချုပ်ခွင့်ရနေသလို မိမိကိုယ်တိုင်လဲ ထီးနန်စည်းစိမ်၏ အုပ်ချုပ်မှု၊ ရာထူးအာဏာဆွဲဆောင်မှု၊ ယသောဓရာမိဖုရား၏ ဆွဲတောင်မှုများဖြင့် အကျဉ်းကျနေခဲ့သည်၊ 

အကျဉ်းစံဘ၀မှ လွတ်မြောက်ရန်ကြိုးပမ်းခဲ့သည်၊ လွတ်မြောက်ရန်လမ်းရှာနေခဲ့သည်၊ 
မိုးများသည်းသည်း မည်းမည်း အုံ့ဆိုင်းနေသော မိုးလညတစ်ညတွင် လမင်းထိန်ထိန်သာနေသည်၊ 

မနက်ခင်းက မင်းချင်းယောင်္ကျာများလျှောက်ထားသွားကြသည်၊ ယသောဓရာကြင်ရာမှ သားတော်တစ်ပါး ဖွားမြင်ကြောင်း၊ လွတ်မြောက်ရန်လမ်းရှာနေသော မိမိအတွက် နှောင်တွယ်မှု နောက်တစ်မျိုးတိုးလာပြန်ပြီ၊ ဒီတစ်ခါမရုန်းလိုက်ရင်ဖြင့် တစ်သက်လုံး မြှုံးမိရချေတော့မည်၊ 

ယသောဓရာဆောင်ခန်းတွင် မီးရောင်လဲ့လဲ့မြင်ရသေးသည်၊ သားတော်လေးကို ချော့သိမ့်နေမည်
လားတွေးမိသည်၊ သန်းခေါင်ချဉ်းလုပြီ၊ ယသော့်ဆောင်ခန်းတွင် ဆီမီးအိမ်တို့ငြိမ်းလေပြီ၊ ညနက်ပုရစ်တို့ တဂျစ်ဂျစ်အော်မြည်နေကြသည်၊ 

မိမိအိပ်ယာဆောင်ခန်းတွင် ညဥ့်ယံစောစောက မမောမပန်းကကြိုးဆင်ခဲ့ကြသော လှယမင်းတို့ အပျက်ပျက် အယွင်းယွင်းဖြင့် ညအခင်းကို အကျည်းတန်စေလေပြီ၊

ယသော့်ဆောင်ခန်းသို့လှမ်းခဲ့ပြီ၊ သားတော်လေးကို ပွေ့ပိုက်လျှက် အိပ်စက်နေသော မယ်ယသော်၊ လူ့လောကကြီး၏ မာယာ လှည့်ကွက်များကို မြူဆံမျှမသိရသေးသော သားတော်လေးသည် ညဥ့်နက်နက်အောက်က အလင်းပျပျတွင် ထင်းထင်းကြီးလှနေသည်၊ သားတော်ကို ပွေ့ပိုက်လိုက်ချင်ပါဘိ၊

ရုန်းအားနှင့် ဆွဲအားလုံးလား ထွေးလားဖြစ်နေသည်၊ လက်ဖြင့် မတင်ထားသော ခန်းဆောင်စ ပ၀ါပါးလေးကို ပြန်ချလိုက်ပြီ၊ မယ်ယသော်နှင့် သားတော်လေး မျက်နှာတို့ကို ဖုံးကွယ်သွားလေပြီ၊ ခန်းဆောင်စ ပ၀ါပါးဖြင့် ဘ၀တွေခြားလိုက်ပြီ၊

Monday, October 3, 2011

ကျောင်း ကန်ဘုရား များစွာတို့ မြေ

ဗီဟာသည် ၀ိဟာရဟူသော ပုဒ်မှဆင်းသက်လာခြင်းဖြစ်သည်၊ ဗုဒ္ဓဘာသာကျောင်းများရှိသောနေရာ အရပ်ဟု ဆိုလိုခြင်းဖြစ်သည်၊ ပါဋလိပုတ်သည် ခရစ်တော် မပေါ်မီကပင် မြို့တော်ကြီးဖြစ်ခဲ့သည်၊ 

ပါဋလိပုတ်သည်၎င်း၏ ယဉ်ကျေးသိမ်မွေ့မှု၊ ကြွယ်ဝမှု၊ အနုပညာအားပေးမှုများဖြင့် အပြည်ပြည်ဆိုင်ရာ
လေ့လာသင်ယူရာ ဌာနကြီးဖြစ်ခဲ့သည်၊ ဗီဟာနယ်သည် မယုံကြည်နိုင်လောက်ပင် တွင်းထွက် ပစ္စည်းများ ထွက်ရှိပြီး အိန္ဒိယနိုင်ငံ တွင် မီးသွေးထုတ်လုပ်မှု အများဆုံးပြည်နယ်ကြီးဖြစ်သည်၊

ဗီဟာပြည်နယ်သည် တင့်တယ် ခန့်ငြားပြီး အသွေး အရောင်စုံသော ရှေးသမိုင်းကြောင်းရှိသည်၊ ဝေဒကျမ်း၊ ပူရာမ်ကျမ်းများတွင် ရှေးမြို့များနှင့် ဒဏ္ဍာရီဆန်သော နောက်ခံသမိုင်းကြောင်းများကို တွေ့နိုင်သည်၊ ဗီဟာနယ်သည် မြတ်ဗုဒ္ဓနှင့် အခြားသော ၂၄ဦးသော ဂျိန်းဂုရုတို့ ကျင်လည်ရာ ဒေသဖြစ်ပြန်သည်၊ ခရစ်မတိုင်မီဗီဟာနယ်ကို အုပ်ချုပ်သူမှာဗိမ္ဗိသာရဖြစ်သည်၊ 

သူသည်ပါဋလိပုတ်မြို့တော်ကိုတည်ထောင်သူလဲဖြစ်သည်၊ စန္ဒဂုတ်မောရိယနှင့်အသောကမင်းတို့လက်
ထက်တွင် မဂဓတိုင်းနှင့် မြို့တော် ပါဋလိပုတ်တို့သည် ကမ္ဘာတစ်ဝှန်းလုံးကျော်ကြားခဲ့သည်၊

အသောကမင်း နတ်ရွာစံသည်နှင့် ပါဋလိပုတ်သည်လည်း မှေးမှိန်သွားခဲ့ရသည်၊ သို့သော်လည်း ဂုတ္တမင်းများ လက်ထက်တွင် ပါဋလိပုတ်သည် ကျဆုံးခဲ့ရသော ခမ်းနား ထည်ဝါခြင်းတို့ကို ပြန်လည် ရရှိပြန်သည်၊ အေ ဒီ ၁၁၀၀ကျော်ခန့် အလယ်ခေတ်တွင် ကျူးကျော်တိုက်ခိုက်လာသော မူဆလင်များသည် လမ်းများ ဖောက်လုပ်ခဲ့သည်၊

ဗီဟာပြည်နယ်ကို ပထမဆုံး အောင်မြင်ခဲ့သူမှာ မိုဟာမက် ဘင် ဘက်ကတီယာ ခါလိဂျီ ဖြစ်သည်၊ ခါလိဂျီတို့လူစုသည် တုဂေါလုတို့နောက်လိုက်ပြီး နောက်ပိုင်းတွင် မတ်ဂေါဟု အမည်တပ်ခဲ့ကြသည်၊ မတ်ဂေါအင်ပါယာသည် တဖြည်းဖြည်း အင်အားဆုတ်ယုတ်ပျက်ပြားလာရာ ဗြိတိသျှတို့သည် ၁၇၅၇ ပလက်ဆေးစစ်ပွဲအပြီးတွင် ဗီဟာနယ်ကို ယင်းတို့ ခြေကုတ်ယူရာနေရာ ပြုလုပ်ခဲ့ကြသည်၊

ဗြိတိသျှတို့သည် စစ်ပွဲအောင်မြင်မှုများ သိမ်ပိုက်ကျူးကျော်မှုများဖြင့် သူတို့၏ အုပ်ချုပ်မှု စနစ်များကို ၁၉၁၁ အထိခိုင်ခိုင်မြဲမြဲ ရှိစေခဲ့သည်၊ ၁၉၁၁ ဒီဇင်ဘာလ၁၂ ရက်တွင် ဘင်္ဂေါနယ်၏ ဌာနကြီးအဖြစ်ဖွဲ့စည်းခဲ့သည်၊ ဗီဟာနယ် နှင့် သြရိဿနယ်ဟု ခွဲခြား အုပ်ချုပ်ခဲ့သည်၊ ၁၉၃၆ နှစ်တွင် ဗီဟာနယ်ကို သီးခြားပြည်နယ်တစ်ခု အဖြစ်ပြုလုပ်အုပ်ချုပ်ခဲ့သည်၊
ပတ္တနား
မဟာဆန်သောသမိုင်းဝင် ပတ္တနားမြို့သမိုင်းကြောင်းသည် လွန်ခဲ့သောနှစ်ပေါင်း နှစ်ထောင်ကျော်ကပင်စ တင်ခဲ့သည်၊ ပတ္တနားမြို့တော်သည် အဆက်ဆက် နန်းစံကြသော မင်းတို့၏ မဟာဆန်ပြီး တန်ခိုး အာဏာ ရရှိခဲ့သော နေရာဖြစ်သည်၊ 

ဆက်ခံကြသော မင်းအဆက်ဆက်တို့သည် မြို့တော်ကို ကုသုမ်ပူရ် (kusumpur) ပုရှပူ (pushapura) ပါဋလိပုတ္တ (pataliputra) အဇမ်မာဘက် (azeemabad) ဟူသော အမည်သစ်တို့ပေးခဲ့ကြသည်၊ 
ယနေ့တွင် ပတ္တနား ဟုသာခေါ်ကြသည်၊

သမိုင်းတွင် မှတ်တမ်းတင်ခြင်းခံရသော မြို့တို့မျာ အနည်းငယ်သာရှိ၏၊ ဘီစီ ခြောက်ရာစုမှ စတင်ကာ အေ ဒီ ခြောက်ရာစု တိုင်အောင် အဇာတသတ်မင်းမှသည် ဒုတိယမျိုးဆက်မင်းတို့သည် ဂင်္ဂါမြစ်နှင့် ဆိုနေးမြစ်တို့၏ လွှမ်းမိုးခြင်းကို ကာကွယ်ရန် ခံတပ်များကို ဆောက်လုပ်ခဲ့ကြသည်၊ 

ဤကဲ့သို့ ဆောက်လုပ်ခဲ့ခြင်းများကြောင့် နောက်တွင် စန္ဒဂုတ်မင်းနှင့် သူ၏ သားကြီးဖြစ်သော ဗုဒ္ဓဘာသာ ကိုပြန့်ပွားစေရာတွင် အကျော်ဒေးယျ အသောကမင်းတို့၏ မောရိယ အင်ပါယာ အတွက် သမိုင်းဝင်မြို့ကြီး များဖြစ်ခဲ့ကြသည်၊

ပါဋလိပုတ်ကို အုပ်ချုပ်ခဲ့သော အခြားဧကရာဇ်များမှာ ဂုတ္တမင်းဆက်နှင့် ပါလမင်းဆက်တို့ဖြစ်သည်၊
ရှီယာ ရှာဟ်သူရိ( sher shah suri၊ 16 A,D) အဇီမုရှန်( azimuh shan၊ 18 A,D) နှင့် မူဂါအင်ပါယာ၏ သားကြီးဖြစ်သော အော်ရာဇတ်( aurangzaz) သည် ပါဋလိပုတ်ကို အဇမ်မာဘက် ဟု အမည်ပြောင်း
ခဲ့သည်၊

ယနေ့တွင် ပါဋလိပုတ်သည် အရှေ့အလည်ပိုင်း အိန္ဒိယတွင် စီးပွားရေး အချက်အခြာကျသော နေရာဖြစ်ပြီး ဗုဒ္ဓဘာသာနှင့် ဂျိန်းဘာသာဝင်တို့ အထွတ် အမြတ်ထားရာဖြစ်သော ဝေသာလီ၊ ရာဇဂြိုဟ်၊ နာလန္ဒ၊ ဗုဒ္ဓဂါယာနှင့် ပ၀န်ပူရ်တို့သို့ ၀င်ရောက်ရာ အဓိကလမ်း ကြောင်းဖြစ်သည်၊

Saturday, October 1, 2011

ဆောင်း တစ်ည၀ယ်

ဆောင်း၊ ရင်းရင်းနှီးနှီးသိခဲ့ဖူးသည်၊ 
ဟိုအဝေးတောတန်းများဆီက ကသုတ်ကရက်ပြေးလာတတ်တဲ့ဆောင်း၊
တောင်ပြန်လေအပင့်တွင် သောင်ပြင်မှာ ကြွေလွင့်ပျက်ပျယ်သွားတတ်တဲ့ဆောင်း၊ 
ရုတ်တရက် ၀င်ရောက်ပွေ့ဖက်ပြီး တဖက်သားကို ရင်တုန်လှိုက်မောအောင်ပြုတတ်တဲ့ ဆောင်း၊   

ချင်းတွင်း သောင်ပြင်ပြန့်ပြန့်တွင် ကခုန်မြူးထူးနေတတ်တဲ့ ဆောင်း၊တောင်ပြန်လေလို ချင်းတွင်းမြစ်ပြင်ကို လှိုင်းကြမ်းကြီးများ မထစေပဲ ရှက်သွေးဖြန်းရုံ ဆော့မြူတဲ့ဆောင်း၊ 
အတွေးတွေထဲ ပုံရိပ်တွေ အထပ်ထပ်ပေးခဲ့တဲ့ ဆောင်း၊တွေးမိတိုင်း ရင်ခုန်ပါတယ်ဆောင်း။

'ဘုန်းကြီးအခုလို တအားအေးတဲ့ ဆောင်းညဆိုရင်ကုန်းထိပ်စေတီတော်ဆီက ခေါင်းလောင်းသံကြားရတတ်
တယ်၊ တစ်ချက်တည်းပဲ ထိုးပါတယ်၊ ည ဆယ့်နှစ်နာရီလောက်ဆိုရင် တပည့်တော်တို့အိမ်ကနေ အတိုင်းတိုင်း ကြားနေရပါတယ်၊ ဘုန်းဘုန်းညညကျရင် နားထောင်ကြည့်ပါ၊ 

သူ့မျက်နှာတွင် စိုးထိတ်ရိပ်တို့ အလိပ်လိပ်ဖြင့်ပြောနေသည်၊ ဆောင်းဆည်းဆာသည် တောင်စွယ်တွင် အရောင်စုံခြယ်လျှက် နှုတ်ဆက်နေသလိုလို..။

ထိုညတွင် ကျုပ်အိပ်မပျော်၊ခေါင်းလောင်း ထိုးသံကို နားစွင့်မိသည်၊ ဆောင်းညမို့ လေတိုးသံ တရှဲရှဲတို့အော်မြည်နေသည်၊ ခပ်လှမ်းလှမ်းတောတန်းထဲက နှင်းပေါက်တို့ တဖြောဖြောကျသံသည်ဖြိုးဖြိုး ဖျောက်ဖျောက် ညံနေတတ်သည်၊ တောကျောင်းလေး တံစက်မြိတ်က နှင်းပေါက်တို့ ကြွေကျသံသည် နံရံခေါက်လေသလား ထင်မိ
သည်၊ နားထဲဝဲလည်ခတ်နေသည်၊

လက်ဝဲသုန္ဒရ၏ ‘သံဝါဖြောက်ဖြောက်၊ ဆီးနှင်းပေါက်တို့၊ မိုးလောက်ပြင်းထန်၊ သွန်ချပြန်သော်’ ကို မရွတ်အားနိုင်၊ ရွာဦးကုန်းထိပ်စေတီတော်ဆီက ခေါင်းလောင်းထိုးသံနားစွင့်နေမိသည်၊ 
ထိုညက ခေါင်းလောင်းထိုးသံ မကြားရပါ၊ ရင်တွင် တဒုတ်ဒုတ်ခုန်နေသံကြောင့် မကြားရလေသလား မပြောတတ်ပါ၊

ချင်းတွင်းမြစ်ဘေး တောင်တန်းဆောင်းညများသည် အအေးပိုသည်၊ အတွေးပိုစေသည်၊ ကြယ်စုံတောက်သည်၊ ကောင်ကင်ပြာပြာသည် ကြယ်စင်များ တွဲရရွဲဖြင့် ပန်းဆိုင်းကြီးလိုလှနေတတ်သည်၊ ကြယ်ရောင်ပြပြဖြင့် မြက်ခင်းပြင်တွင် ဖောက်ယက်ထားသော လမ်းတို့သည် လရောင်အောက်တွင် အငြိမ်မနေပဲ ဟိုဒီတိမ်းပြီး ယိမ်းကနေသလိုထင်မိသည်၊

တောတန်းများနှင့်သစ်ပင်မြင့်မြင့်ကြီးတို့သည် လေနော့နော့တွင် သော့ကရော့ဖြင့် ဝေးလိုက်နီးလိုက်
ဖြစ်နေသည်၊ ခေါင်းလောင်းထိုးသံမကြားရပါ၊
ကြယ်ကြွေတာတော့မြင်လိုက်မိသည်၊ ရင်ထဲလှိုက်ကနဲ့….။
ဆောင်းည၏ နှင်းပေါက်တို့ တဖြောက်ဖြောက်နှင့်…။

‘ဘုန်းကြီး ဒီလိုအေးတဲ့ဆောင်းညတွေဆိုရင်ဆတ်မကြီး သားပေါက်လေး တစ်ကောင်နဲ့ ရောက်ရောက်လာ
တတ်တယ်၊
တော်တော်လှတဲ့ဆတ်မကြီး သားအမိပါဘုန်းဘုန်း၊ တပည့်တော်တို့လဲ အစတော့ဘယ်သိမလဲ သေနတ်
ထမ်းပြီးနောက်ယောင်ခံလိုက်တာပေါ့၊
လက်တစ်ကမ်းပဲ ပြစ်ရတော့မလို၊ပြစ်ရတော့မလိုနဲ့ပဲ နောက်ဆုံးတော့ ဘုရားကုန်းရောက်လာတော့တာ၊ လရောင်ဖွေးဖွေးအောက်တင်ပဲ ကြည့်နေရင်း ဆတ်မကြီး သား အမိပျောက်ပျောက်သွားတာ.........
ဘုန်းဘုန်းရေ၊ ဆောင်းညတွေဆို ခဏ ခဏကြုံရပါတယ်’ 

သူ့အသံတွေတုန်နေသည် ထင်မိသည်၊

ဆောင်းညသည် တိတ်ဆိတ်လို့၊ တစ်ရေးနိုးကျေးငှက်တို့ အတောင်ခတ်သံနှင့် ဆောင်းလေသဲ့သဲ့ သုတ်ဖြူးသံတို့ကို နားစွင့်မိသည်၊ သူတို့ သားအမိလာလေပြီလား တွေးမိသည်၊
ဆောင်းညသည် ယိမ်းကသည်၊ ဆောင်းည စိတ်တို့သည်လဲ ယိမ်းကနေသလိုပင် ထင်ရသည်၊

ဆောင်း၊ ရင်းရင်းနှီးနှီးသိခဲ့ဖူးသည်၊

‘ဒီဆောင်းနှင်းမြူရယ်..ကိုယ်ချင်းမစာတယ်....ချမ်းတယ်...ချမ်းတယ် မေးခိုက်ခိုက်တုန်အောင်..
.စောင်နဲ့ခြုံတောင်မလုံဘူး…အချစ်ရယ်……မင်းကိုယ်ငွေ့နဲ့..ထွေးပါမှ…နွေးမယ်ထင်တော့တယ်….
.နွေးစေမယ်…အချစ်ရယ်..အချစ်ရယ်……နွေးစေမယ်….’

ရင်ကို ထိခတ်ဖူးသော ကိုထီးဆိုင်ရဲ့ဆောင်း တေးသွားသည် နှင်းတွေပိုကျစေပြီး ညကို ပိုပြီးအေးစေသည်၊
နှင်းပေါက်နှင်းစက်တို့က သံစဉ်တီးခတ်သည်။


မှတ်ချက်။ ။ ပဒူးမုန်းနာဂရွာသားများပြောပြသော ဆောင်းပုံပြင်ကိုပြန်ရေးပြပါသည်။

Monday, September 26, 2011

ကမ်းခြေသူ

အိန္ဒိယနိုင်ငံတောင်ပိုင်း ချင်နိုင်းမြို့လေးသို့ရောက်ခဲ့သည်၊ 
နယ်ချဲ့ အင်္ဂလိပ်ပေးခဲ့သော နာမည်မှာ မဒရပ်ဖြစ်သည်၊ 
ပင်လယ်ကမ်းခြေက မြို့တစ်မြို့ဖြစ်သည်၊

သီရိလင်္ကာနိုင်ငံနှင့်နီးကပ်သော မြို့လေးဖြစ်သည်၊ မြို့လေး၏အထင်ကရဖြစ်သော မဒရပ်တက္ကသိုလ်ဝင်း အတွင်းမှကမ်းခြေဘက်သို့လှမ်းကြည့်လိုက်လျှင် ပင်လယ်ပြာပြာကြီးသည် ကျယ်ပြောလှသည်၊ ပြာလဲ့လဲ့ဖြင့် မျက်စိတစ်ဆုံး ရှုမျော်မဆုံးနိုင်တော့၊ မြို့နှင့် ပင်လယ်ပြင်ကို အနားသတ်ထားသောကမ်းခြေသည်ကမ္ဘာတွင် 
တတိယအကြီးဆုံးဖြစ်ပါသတဲ့၊

လှပါဘိသည်၊ 

ပင်လယ်ကူသင်္ဘောများ ကူလူးသွားလာနေကြသည်၊ ပင်လယ်ပြာပြာ ရေပြင်ခုံးမို့မို့တွင် လှေနာဝါ ကြီးငယ်သင်္ဘောများသည် လူးလွန့်လျှက် လှိုင်းကြက်ခွတ်များပေါ်တွင် လှချင်တိုင်း လှနေတော့သည်၊ ကြည့်နေရင်း ရင်တလျှပ်လျှပ်ဖြင့် အမည်ဖော်မပြတတ်သော ဝေဒနာများ ခံစားနေမိပြန်သည်၊

တစ်ချိန်က ကမ်းခြေကိုတက်လာခဲ့သော နယ်ချဲ့တွေကိုလား၊ သို့တည်းမဟုတ် အသောကမင်းတရားကြီး ဓမ္မာဝုဓ- တရားလက်နှက်ဖြင့် အောင်နိုင်ခဲ့သော သီရိလင်္ကာနိုင်လေးကိုလား၊ 
ညီညွတ်မှု အင်အားဖြင့် တိုက်ထုတ်ခြင်းခံရလိုက်သော နယ်ချဲ့စစ်ဘီလူးတို့ ပင်လယ်ပြင် အတွင်း တပ်ဆုတ်သွားသော နေ၀င်ချိန်တွေကိုလား၊ 

မနေ့တစ်နေ့ အလား ထင်ရသော ပင်လယ်ပြင်၏ မာယာပြကွက် ဆူနာမီလှိုင်းလုံးတွေကိုလား၊
ပြောမပြတတ်တော့ဘူး၊ ဒါပေမယ့် ရင်တွင်းမှာတော့ လှိုင်းခတ်သံတွေရှိနေသည်၊ တကယ်ပါ၊

ပင်လယ်ပြင်လေညှင်းတို့က အတင်းဝင်တိုးသည်၊ 
ကမ်းခြေတွင် လမ်းသလားနေသော မဒရပ်လှပျိုဖြူတို့ကို ဆော့မြှူသည်၊ 
ကမ်းခြေတွင်ပင်လယ်ပြင်က ငွေဇင်ယော်တို့နှင့် အတူမဒရပ်သူတို့လဲအတောင်ခတ်ပျံတော့လေမလား
ထင်မိသည်၊ ပျံချင်လဲပျံပါလေ၊ 

ကိုယ်တိုင်လဲလှိုင်းလေနှင့် ငွေရောင်ကမ်းတွင်အတောင်တတ်ပြီးပျံချင်စိတ်များဖြစ်ပေါ်နေမိသည်၊
အတူယှဉ်တွဲ ပျံဝဲလိုက်ချင်ပါဘိ၊

ရင်တွင်းခံစားချက်ကို မြိုသိပ်တိတ်တိတ်လေးနေခဲ့ရသည်၊ ကမ်းခြေကိုကျောပေးပြီး၊  မဒရပ်တက္ကသိုလ်ဝင်း အတွင်းသို့ရောက်ခဲ့ပြီ၊ မူဆလင်လက်ရာများဟုဆိုနိုင်သော အဆောက်အဦးများကိုတွေ့ရသည်၊   

စိမ်းစိမ်းစိုစိုဖြင့်လှသည်၊ ကမ်းခြေတွင်ပေါက်ရောက်လေ့ရှိသော အပင်များကို တွေ့ရသည်၊ တက္ကသိုလ် ပရ၀ဏ် အတွင်းတွင်လဲမဒရပ်သူလှပျိုဖြူတို့ကို ‘ပြုံးတော့မလို့...လိုဖြင’့် အိနြေ္ဒကြီးလှသည်ကို
မြင်တွေ့ပြန်ရသည်၊

တက္ကသိုလ်ဝင်း အတွင်းကျူးကျော် ချဉ်းနင်းဝင်ရောက်လာသော ပင်လယ်လေအေးတို့ကလဲ အိနြေ္ဒရှင်လှပျိုဖြူကျောင်းသူ ချောချောတို့ကို မူအားရက်နိုင်လွန်းဟုဆိုကာ တိုးဝှေ့ဖက်ရမ်းသည်၊ 

သူလေတို့၏ ဆံစများ လေတွင်လွန့်လူးသည်၊ လေအဝှေ့ကြောင့် သူလေးတို့၏ ကိုယ်ရုံလွှာဆာရီသည် သခင့်အား စွန့်ခွာတော့မယောင်ထင်ရသည်၊

လေးသရမ်း၏ ဆော့ကစားခြင်းခံနေရသော သူလေးတို့၏ ရှက်သွေးဖြန်းသော မျက်ဝန်း၊ မျက်လုံး၊ ပါးပြင်၊ ဘေဘီဝဲယာကြည့်လိုက် ခြင်းတို့သည် မဒရပ်တက္ကသိုလ်ကြီး၏ အလှတစ်ပါးဖြစ်ပေလိမ့်မည်၊

Sunday, September 4, 2011

ကျောင်းလွှတ် ပူဇာ


တစ်ယောက်တစ်အား၊ ၀ိုင်းကာကူညီ၊
ထိုဤကိစ္စ၊ ပြီးစီးရသည်၊
မြင်သာထင်ရှား၊ ပမာထားမည်၊
ကြည့်ကြပါလော့၊ ပျားနှင့် ပျားရည်၊
နှုတ်သီးဖျားဖြင့်၊ အများစုတည်၊
ပျားအုံကြီး၊ ခန့်ထည်း အံ့ဖွယ်ချီ။

ချင်းတွင်းအထက်ဖျား မိုးရိပ်တိမ်တောင်တို့ တစ်အုပ် တစ်ဖွဲ့ဖြတ်သန်းသွားသည်များမြင်ရဖန်များလာပြီ၊ ဂျိုးဂျိုး ဂျိန်းဂျိန်းဖြင့်လဲ ပတ်ဝန်းကျင်ကို ခြိမ်းခြောက်တတ်သည်၊ စာကျက်ပြန် နွားမပျိုတို့ လန့်ခုန်သည်၊
နှင်းတို့ ကလဲ ကသုတ် ကယက်နှင့် ဆုတ်ထွက်ပြေးသယောင်ပြုနေသည်၊ တောင်လေတိုက်ခတ်လျှင် ဥသြသံသဲ့သဲ့ ပါလာတတ်သည်၊ မြောက်ပြန်လေလောင်လျှင်လဲ အသဲထဲ စိမ့်ကနဲ့နေတော့သည်၊

တပေါင်း၏ နေ၊ တပေါင်း၏ လေ၊ တပေါင်း၏ နှင်းကျန်၊ နွေတေးရှင် ငှက်ဥသြတို့သည် စိတ်ကို ကယောက် ကယက်ဖြင့် ချင်းတွင်းသောင်ပြင်က သဲမှုံလို လေတိုက်တိုင်း ယိမ်းထိုးလှုပ်ခါနိုင်စွမ်းတော့သည်၊

‘တပည့်တော်တို့ရွာက ချင်းတွင်းမြစ်ရိုးတစ်လျှောက် မြသိန်းတန်ဘုရားပွဲ ရေစက်ချရင် ချန်ထားတာ အမြဲခံရပါတယ်၊ တပည့်တော်တို့ရွာမှာလဲ ဗုဒ္ဓဘာသာဝင်တွေရှိပါတယ်၊ 
အဲလို စုပေါင်းပြုတဲ့ကုသိုလ်ပွဲမှာ ရေစက်ချခွင့်မရတာ ဗုဒ္ဓဘာသာတစ်ယောက်အနေနဲ့ ၀မ်းနည်းမိပါတယ်၊
ဒါကြောင့်တပည့်တော်က ဒီရွာကိုကြွရောက်ပြီးသာသနာပြုပေးနိုင်မယ်ဆိုင် 

တပည့်တော်တို့နေတဲ့ အိမ်ကို ကျောင်း အဖြစ်လှူမယ်လို့ ဆုံးဖြတ်ခဲ့ပါတယ်၊ နောက်တော့ ဆရာတော်တစ်ပါး ကြွလာပါတယ်၊ ဒါပေမယ့် တပည့်တော်တို့က ဘုန်းကြီးကို အပိုင်ရတာ မဟုတ်ပါဘူး၊ အငှားချပေးတာပါ၊ တာဝန်ကုန်တော့ ပြန်ကြွသွားတာပေါ့၊ 
တပည့်တော်တို့မှာသာ အမိမဲ့သား ရေနည်းငါးလို နေခဲ့ကြရတာပါဘုရား’

ဒီကနေ့တော့ဘုန်းကြီး အပိုင်ရပြီဆိုပြီးဝမ်းသာမိပါတယ်၊ ကျောင်းဆောက်ဖြစ်အောင်လဲ တပည့်တော်များ တိုက်တိုက် တွန်းတွန်းဆောင်ရွက်သွားမှာပါဘုရား၊

လက်ပန်သာဆိုသော ရွာလေးချင်းတွင်းမြစ်ဘေးတွင် တည်ရှိသည်၊ 
အိမ်ထောင်စုပေါင်း ငါးဆယ်ကျော်ရှိသည်၊ ခရစ်ယာန်ဘာသာကို အများစုကိုးကွယ်ကြသည်၊ 
လီဆူးလူမျိုး အများစုနေထိုင်သည်၊ နာဂလူမျိုးများလဲရှိသည်၊ ကချင် အမျိုးသားလဲနေထိုင်ကြသည်၊ ချင်းလူမျိုးလဲ ရှိပြန်သည်၊ အောက်ရပ်အောက်ရွာက ၀မ်းရေးအတွက် ထွက်ခွာလာကြသော 
ဗမာများ၊ ရခိုင်များလဲရှိပြန်သည်၊

ချင်းတွင်း အတက်ပိုင်းတွင် ခန္တီးမြို့နှင့် အပြိုင် သက်တမ်းရှိသော ရှမ်းရွာကြီး မှန်ပင်
( ကိုင်းတော) နှင့် ဘေးချင်း ကပ်လျှက်ရှိသည်၊ ခြံစိုက်ခြင်းကို အဓိကထားလုပ်ကိုင်ကြသည်၊
တောင်ယာလဲစိုက်ကြသည်၊ မှန်ပင်ရှမ်းရွာကြီးမှ အပျိုချောနှင့် လက်ဖက်ခြောက် နာမည်ကြီးသလို၊ လက်ပန်သာရွာလေးကလဲ အချောအလှတွင် ရှမ်ပျိုဖြူများကို မမီသည့်တိုင် ဂရိတ်ဖရုသီး၊ မာလကာသီးနှင့် ၀ါရှင်တန်သီးများ ထွက်ရာတွင် ရှမ်းရွာကြီး မှန်ပင်ထက်သာသည်၊

ထိုရွာလေးတွင် ဗုဒ္ဓဘာသာကျောင်း ပီပီပြင်ပြင်မရှိသေးပါ၊ အိမ်ကို ကျောင်း အဖြစ်လှူထားသော ကြိုးတိုးကြဲတဲ ခပ်နွဲ့နွဲ့ နှစ်ခန်းအိမ်လေးသာရှိသည်၊ 
အခုတစ်ဆင့်တိုးပြီး ကျောင်းဆောက်ကြတော့မည်၊  ထို့အတွက် ဦးဆောင်ခိုင်းလေပြီ၊
ကျောင်းပြီးလျှင် ကျောင်းထိုင်ရန်ဘုန်းကြီးပါးပါ ပေးရဦးမည်၊ 
ထိုအခြေ အနေမျိုး အတွက် အသင့်လျှော်ဆုံးဟု ဆုံးဖြတ်ကာ တာဝန်ပေးလေပြီး၊

စာရေးသူနဲ့ အတူ ချမ်းသာကြီးမြောက်တိုက်မှ ညီငယ် တစ်ပါးကဲ့သို့ချစ်ခင်ရသော ဦးဇင်းတစ်ပါး တောင်တန်းသို့ လိုက်ခဲ့သည်၊ တာဝန်ဖြင့် ရောက်လာခဲ့သူ မဟုတ်သော်ငြား တာဝန်ကျေသည်၊ 
ပဒူးမုန်းရွာလေးက ဇိနမာန်အောင်ဇရပ် ဆောင်လုပ်ရာတွင် အဘက်ဘက်က အားကုန် သွန်မှောက် ကူညီခဲ့သည်၊ တစ်နှစ်နီးပါလက်တွဲလာခဲ့သော ဦးဇင်းကို လက်ပန်သာရွာလေး အတွက် ပေးရတော့မည်၊

‘ဦးဇင်းကလဲ အခုဒကာကြီးတို့ဆီကျောင်းထိုင်မယ့် ဦးဇင်းကို ဦးဇင်းဆီမှာလဲ အင်မတန်မှလိုအပ်ပါတယ်၊ သို့သော် ဒကာကြီးမျာက ဦးဇင်းတို့ လိုအပ်တာထပ် ပိုနေတော့ အခုလိုကျောင်းထိုင်ဖို့ ခွင့်ပြုရတာပါ၊ ပြောချင်တာကတော့ အစစ အရာအရာ စိတ်ချပါရစေ၊ ပြီးတော့ သူက တာဝန်နဲ့ကြွလာတဲ့ သာသနာပြု ရဟန်းတော်တစ်ပါး မဟုတ်ပါဘူး၊ ကိုယ်ကျိုးမဖက် သက်သက် သာသနာတော်ရေး အတွက်သက်သက် ရောက်လာတာပါ’

အဲဒီလိုနဲ့ လက်ပန်သာရွာလေးတွင် ဗုဒ္ဓဘာသာ ဘုန်းတော်ကြီးကျောင်း ဖြစ်ပေါ်ဖို့အရေး စတင်ကြိုးပမ်းကြတော့သည်၊

စာရေးသူသည်၊ လက်ပန်သာကျောင်းမပြီးခင် တာဝန်ပြီး၍ အောက်ရပ်အောက်ရွာပြန်ခဲ့သည်၊
ထို့နောက် သီရီလင်္ကာနိုင်ငံတွင် ဆက်လက် ပညာသင်ယူသည်၊

ထို့နောက် အိန္ဒိယနိုင်ငံသို့ ဆက်လက်ထွက်ခွာလာခဲ့သည်၊ တောင်တန်းဒေသနှင့် တစ်နှစ်ကြာကွဲကွာခဲ့သည်၊ အိန္ဒိယနိုင်ငံတွင် တစ်လတာ နေပြီးမြန်မာနိုင်ငံ ခဏပြန်ရောက်သည်၊

‘ဦးဇင်းစာ အပို့ခိုင်းလိုက်လို့ပါဘုရား၊ ဦးဉေယျဓမ္မလို့ပြောပါတယ်၊
ကိုရင်တစ်ပါးရောက်လာသည်၊ လက်ထဲတွင် စာအိပ်တစ်အိပ်ကိုင်ထားသည်၊
‘တင်ပ ပေးကိုရင် ဒီကို’

စာဖောက်လိုက်သောအခါ အံ့သြရသည်၊ လွန်ခဲ့သော နှစ်နှစ်နီးပါးက စတင်ဆောင်ရွက်ခဲ့သော လက်ပန်သာရွာက ဘုန်းတော်ကြီးကျောင်းရေစက်ချပွဲ အတွက် ခန္တီးမြို့၊ ဗဟိုကျောင်းမှ ပင့်ခြင်းဖြစ်သည်၊ ၀မ်းသာလိုက်သည့် ဖြစ်ခြင်း…………..


ထိုကျောင်းရေစက်ချတွင် တရားဟောရသည်၊ မိတ်ဆွေများနှင့်ပြန်လည် ဆုံတွေ့ရသည်၊
တပေါင်းမိုးရိပ်တို့ အလိပ်လိပ်ဖြင့် ကောင်းကင်ပြင်တွင် မင်းမူနေသည်၊

ရွာနီးချုပ်စပ်က လူမျိုးစုံလာကြသည်၊ 
မှန်ပင်ရွာက ရှမ်းပျိုဖြူများ၊ ငွေရောင်တ၀င်းဝင်းဖြင့် ကချင်တိုင်းရင်သူများ၊
ပျော်တစ်ပြုံးပြုံးဖြင့် လက်ဆွဲနှုတ်ဆက်ကြသော ချင်းတွင်း ရောက်ဗမာများသည် ကျောင်းရေစက်ချပွဲလေးကို အသရေတိုးလှပစေတော့သည်၊

လက်ပန်သာထွက် ဂရိတ်ဖရုသီးများ၊ မာလကာသီးများ၊ ၀ါရှင်တန်သီးများ၊ တောင်ယာဆန် မာမာဆတ်ဆတ်လေးများ၊ ရှမ်းရွာကြီး မှန်ပင်မှ လက်ဖက်ချိုမွှေးတို့သည် လာရောက်ကြသော ဧည့်သည်များ အတွက် မျက်နှာပန်း လှစေသလို၊ 
ဘုန်းတော်ကြီးဆွမ်းဝိုင်းတွင်လဲ ရနံ့ကြိုင်ကြိုင်ဖြင့် မွှေးလှိုင်နေတော့သည်၊

ကျောင်းရေစက်ချ အာင်ပွဲလေးလဲ လှလိုက်သည့် အဖြစ်…..။

Thursday, September 1, 2011

ဖာဟီယန်


အသောကမင်း ပြီးနောက် တရုတ်နိုင်ငံမှ ပထမဆုံးရောက်ရှိလာသော ဘုရားဖူးမှာ ဖာဟီယန်ဖြစ်သည်၊ ဖာဟီယန်သည် မြတ်ဗုဒ္ဓပိဋကတ်တော်များကို ရေးကူးရန်နှင့် ဗုဒ္ဓ၀င်ဆိုင်ရာနေရာမြတ်တို့ကို ဖူးမြော်ရန် သမိုင်းကြောင်းတစ်လျှောက် စစ်မှန်ကြီးကျယ်သော ခရီးကို ခရစ်နှစ် ၃၉၉ တွင် နောက်လိုက်အဖော် သုံးပါးနှင့်အတူ စတင်ထွက်ခွာခဲ့သည်၊ 

မိမိတို့တရုတ်ဘာသာမှခြား ဆက်သွယ်ပြောဆိုရန်ဘာသာစကား သူတို့တွင်မရှိ၊ အိန္ဒိယနိုင်ငံသည် အနောက်အရပ်တစ်နေရာတွင်ရှိသည်ဟူသော အထောက်အထား မဆိုစဖွယ်နှင့် အခြားသော လမ်းညွှန်များမပါပဲ မိမိတို့ သဒ္ဓါတရားကိုသာလျှင် အဖော်ပြုလျှက် ထွက်ခွာခဲ့ကြသည်၊ သူတို့သည် တက်လမကန်( taklamakan) လွင်ပြင်ကို ဖြတ်သန်းကြရသည်၊

ဤလွင်ပြင်၏ သတိထားဖွယ်ရာမှာ အင်မတန် ပူပြင်းခြောက်သွေ့ပြီး ခရီးသွားများ အတွက် ကံမကောင်းစေနိုင်ခြင်းပင်ဖြစ်သည်၊

ဘုရားဖူးများသည် လွင်ပြင်ဒေသကြီး၏ အေးချမ်းသော နေရာဟုဆိုနိုင်သော ခိုတန်ပြည် ( Khotan) ကို ဖြတ်ကျော်ပြီး ကုရှ်( Kush) အိန္ဒုတောင်တန်းများကို ဖြတ်သန်းပြီးနောက် ပက်ရှဝါ( Peshawar) တွင် ရှေးခေတ်အခါက အမြင့်ဆုံးဟု ယူဆရသော ကနိရှကမင်း (Kanishaka) တည်ထားသည့် စေတီတော်ကို တအံ့တသြတွေ့ခဲ့ကြသည်၊ 
ထိုအချိန်တွင် သူတို့ သည် မဇ္ဈိမဒေသသို့ ရောက်ခဲ့ကြပြီ၊ ထိုစဉ် သူတို့ အထဲမှ ဘုရားဖူး မိတ်ဆွေနှစ်ယောက် ကွယ်လွန်ခဲ့ပြီဖြစ်သည်၊

ကျန်ရစ်သော ဖာဟီယန်နှင့် သူ၏မိတ်ဆွေ တောက်ချင်( Tao Ching) တို့သာ ကျန်ရှိနေသေးသော ခရီးကို အတူဆက်ခဲ့ကြသည်၊ မဇ္ဈိမဒေသတစ်ခွင်ရှိ မြတ်ဗုဒ္ဓနှင့် သက်ဆိုင်သော ကျောင်၊ ကန်၊ ဘုရားများသို့ လှည့်လည် သွားခဲ့ကြသည်၊ သက္ကတဘာသာနှင့် သက္ကတစာအုပ်များကိုလေ့လာလျှက် ၀ိနယပိဋကတ်ကို ရေးကူရင်း ပတ္တနားတွင် သုံးနှစ်ကြာနေထိုင်ခဲ့ကြသည်၊

ခရီးဆက်ရန် အချိန်ကျသော အခါ မြတ်ဗုဒ္ဓတရားတော်များကို လွယ်ကူစွာ နားလည်နိုင်ပြီး ကောင်းစွာ ကျင့်နိုင်သော နေရာဖြစ်သည့် မဇ္ဈိမဒေသတွင် ဆက်လက်ပြီးနေခဲ့ခြင်းကြောင်း တောက်ချင်က ဖယဟီယန်ကို ပြောလေသည်၊ 
ဤသို့ဖြင့် ဖာဟီယန်သည် စိတ်မကောင်းခြင်းကြီးစွာဖြင့် ကျန်ရှိနေသေးသောခရီးကို တစ်ယောက်တည်း ဆက်လက်ထွက်ခွာခဲ့သည်၊

ဖာဟီယန်သည် တာမရလိပတိ (Tamralipati) နောက်ထပ် ပိဋကတ်တော်များ ရေးကူးရင်း နှစ် နှစ် နေထိုင်ခဲ့ပြီး ကုန်သည်များ၏ သင်္ဘောဖြင့် အရှေ့ဘက် ကမ်းရိုးတမ်းမှသည် သီရိလင်္ကာနိုင်ငံသို့ ခရီးဆက်ခဲ့သည်၊

အိန္ဒိယနိုင်ငံကဲ့သို့ပင် ဗုဒ္ဓဘာသာ ထွန်းကားနေသော ကျွန်းကို ဖာဟီယန်တွေ့ခဲ့ပြီး ထိုစဉ်က တရုတ်နိုင်ငံတွင် မကြားဖူးသေးသော ဒီဃနိကာယ်၊ သံယုတ္တနိကာယ်နှင့် အခြားသော ပိဋကတ်တော်များရေးကူရန် အခွင့်သာခဲ့ပြန်သည်၊

သီရိလင်္ကာနိုင်ငံတွင်ရှိနေစဉ် တစ်နေ့တွင် စေတီပုထိုးများ လှည့်လည် ဖူးမြော်ရင်း ဘုရားဝတ်ပြု ပူဇော်နေသူတစ်ယောက်သည် တရုတ်နိုင်ငံလုပ် ယပ်တောင်ကို စေတီတော်တစ်အား ပူဇော်နေသည်ကို တွေ့ရလေသည်၊

အမိမြေတရုတ်နိုင်ငံနှင့် ဝေးခဲ့သည်မှာလဲကြာခဲ့ပြီး ရုတ်တရက် အမိမြေကို အမှတ်ရခြင်းများ ဖြစ်ပေါ်လာပြီး ဖာဟီယန်မျက်ဝန်းတွင် မျက်ရည်တို့ ပြည့်လျှမ်း ဝေ့သီနေခဲ့သည်။